Fréttablaðið - 27.05.2006, Blaðsíða 4

4 27. maí 2006 LAUGARDAGUR
SAMNINGUR Steinunn Valdís Ósk-
arsdóttir borgarstjóri og Guð-
mundur Hallvarðsson, formaður
Sjómannadagsráðs, undirrituðu
á fimmtudag samning um 223
milljón króna kostnaðarhlutdeild
Reykjavíkurborgar í nýrri 60
rýma hjúkrunarálmu á lóð Hrafn-
istu í Reykjavík. Með samningn-
um fær borgin rétt til að ákvarða
hverjir nýta 18 af hjúkrunarrým-
unum. Ríkisvaldið hefur áður
samið við Hrafnistu um sömu
kostnaðarþátttöku.
Álman er tæpir 4.000 fermetr-
ar á tveimur hæðum og starfs-
menn hennar eru rúmlega 60.
- sh
Reykjavíkurborg:
Veitir Hrafnistu
223 milljónir
ÍRAK, AP Nouri al-Maliki, hinn nýi
forsætisráðherra Íraks, fullyrti á
miðvikudag að íraskar öryggis-
sveitir yrðu færar um að tryggja
öryggi í landinu innan hálfs ann-
ars árs. Hann tók þó fram að enn
sem komið væri skorti þessar
sveitir meiri mannafla, þjálfun og
tækjabúnað.
Þetta sagði al-Maliki í yfirlýs-
ingu sem hann sendi frá sér eftir
að hafa rætt við Anders Fogh
Rasmussen, forsætisráðherra
Danmerkur. Á mánudag sagði al-
Maliki að öryggissveitir Íraks
myndu taka að sér öryggismál í
nokkrum héröðum landsins strax í
næsta mánuði. - gb
Forsætisráðherra Íraks:
Öryggi tryggt
á næsta ári
FOGH RASMUSSEN OG AL-MALIKI Ráðherr-
arnir hittust í Bagdad á miðvikudag.
FRÉTTABLAÐIÐ/AP
SKOÐANAKÖNNUN Samkvæmt nýrri
skoðanakönnun Fréttablaðsins segj-
ast 78,5 prósent Reykvíkinga hafa
fengið nægar upplýsingar um
stefnumál þeirra stjórnmálaflokka
sem eru í framboði í Reykjavík til
að gera upp hug sinn fyrir borgar-
stjórnarkosningarnar sem fram
fara í dag. 17,5 prósent segjast ekki
hafa nægar upplýsingar, 3,4 prósent
eru óviss hvort þau hafi nægar upp-
lýsingar og 0,6 prósent neituðu að
svara spurningunni.
Ef einungis er tekið tillit til
þeirra 96 prósenta sem tóku afstöðu
til spurningarinnar segjast 81,8 pró-
sent hafa nægar upplýsingar, en
18,2 prósent telja sig ekki vita nóg
um stefnumál flokkanna til að gera
upp hug sinn í dag. Ekki var spurt
hvaðan svarendur hefðu fengið
upplýsingar sínar, eða hvort þeir
hefðu leitað sérstaklega eftir þeim.
Kosningastjórar framboðanna
eru sammála um að þeir hafi notað
þær leiðir sem mögulegar eru til að
koma sínum stefnumálum á fram-
færi til kjósenda. Einungis Frjáls-
lyndi flokkurinn sagðist ekki hafa
notað sjónvarpsauglýsingar, utan
skjáauglýsinga, og bar við fjár-
skorti.
Jón Kr. Snæhólm, aðstoðarmaður
Vilhjálms Þ. Vilhjálmssonar, segir
aðaláherslur Sjálfstæðisflokksins
hafa verið að frambjóðendur hitti
fólk og komi skilaboðum þannig
áleiðis, með vinnustaðafundum og
með því að vera á fjölförnum stöð-
um. Stefnumálin hafi svo verið
ítrekuð með auglýsingum.
Sæunn Stefánsdóttir, sem situr í
kosningastjórn Framsóknarflokks,
segir flokkinn hafa háð nútímalega
kosningabaráttu, þar sem allir
miðlar hafi verið notaðir og að ekki
sé hægt að segja að einhver ein
aðferð sé betri en önnur til að koma
stefnumálunum áleiðis. „Okkur
hefur tekist að vera sýnileg í
umræðunni og leitt hana að ein-
hverju leyti,“ segir Sæunn.
Margrét Sverrisdóttir, fram-
kvæmdastjóri Frjálslynda flokks-
ins, segir að auk hefðbundinna leiða
séu viðtöl við frambjóðendur í fjöl-
miðlum mjög dýrmæt leið til að
koma stefnu flokkanna á framfæri.
Það sem virki best sé að vera trú-
verðugur og raunsær í málflutn-
ingi.
Elías Jón Guðjónsson, kosninga-
stjóri Vinstri grænna, er ekki sam-
mála Margréti og segir flokkinn
ekki hafa verið nógu ánægðan með
umræðuþætti, þar sem fjölmiðla-
fólkið stjórni umræðunni og gefi
því frambjóðendum ekki næg tæki-
færi til að tjá sig um þau málefni
sem þeir vilja leggja áherslu á.
Hann segir að best virki að vera á
fjölförnum stöðum og ræða við fólk.
Hann viðurkennir að það sé sein-
virkasta aðferðin, en segir hana
áhrifaríkasta.
Magnús Orri Schram, kosninga-
stjóri Samfylkingarinnar, segir að
ein nýbreytni hafi virkað mjög vel
fyrir flokkinn. „Við leigðum tvo
strætisvagna og í stað þess að bjóða
upp á kaffi á kosningamiðstöðinni,
höfum við farið með kaffi út til
fólksins. Þá er auðveldara fyrir fólk
að koma til okkar og spjalla, því það
er ákveðin yfirlýsing að labba inn á
kosningamiðstöð.“
Hringt var í 800 Reykvíkinga,
jafnmarga karla og konur, 25. maí.
Spurt var; Telur þú þig hafa fengið
nægar eða ónógar upplýsingar um
stefnumál þeirra stjórnmálaflokka
sem eru í framboði í Reykjavík til að
gera upp hug þinn fyrir sveitar-
stjórnarkosningarnar á laugardag?
96 prósent svarenda tóku afstöðu til
spurningarinnar. svanborg@frettabladid.is
Kjósendur telja sig
nægilega upplýsta
Mikill meirihluti Reykvíkinga telur sig vita nægjanlega mikið um stefnumál
stjórnmálaflokkanna í Reykjavík til að velja á milli þeirra fyrir kjördag í dag.
Reykjavík 2006
SVEITARSTJÓRNARKOSNINGAR
Skoðanakönnun Fréttablaðsins 25. maí 2006
Telur þú þig hafa fengið nægar eða
ónógar upplýsingar um stefnumál
þeirra stjórnmálaflokka sem eru í
framboði í Reykjavík til að gera upp
hug þinn fyrir sveitarstjórnarkosnin-
garnar á laugardag?
Óákveðin(n)
3,4%
Svara ekki
3,4%
Nægar
78,5%
Ónógar
17,5%
LÍKAMSÁRÁS Alvarleg líkamsárás
var framin um hádegi á fimmtudag
á Akureyri þar sem klippt var
framan af fingri manns með garð-
klippum. Árásarmennirnir voru
þrír menn á þrítugsaldri sem eru
þekktir úr fíkniefnaheiminum og
fyrir ofbeldi.
Alls urðu þrír fyrir árásum af
hálfu mannanna, einn missti
framan af fingri eins og áður sagði,
annar er talinn hafa nefbrotnað en
ekki er vitað um þann þriðja. Sá
sem missti framan af fingri var á
fimmtugsaldri en hinir tveir á svip-
uðum aldri og árásarmennirnir. Að
sögn Björn Jósefs Arnviðarsonar,
sýslumanns á Akureyri, voru árás-
irnar gerðar í heimahúsi á Akur-
eyri og vitni voru að atburðunum.
Lögreglan hefur farið fram á
gæsluvarðhald yfir mönnunum til
6. júní en dómari hefur tekið sér
frest þangað til í dag til þess að
taka ákvörðun um það.
Mennirnir voru í mjög annar-
legu ástandi þegar þeir voru hand-
teknir svo ekki var unnt að hefja
yfirheyrslur fyrr en í gærdag. Ekki
fengust upplýsingar um líðan
mannsins sem missti fingurinn.
- gþg
Þrír menn eru í haldi lögreglu eftir alvarlega líkamsárás á Akureyri á fimmtudag:
Klipptu framan af fingri
LÖGREGLUSTÖÐIN Á AKUREYRI Árásar-
mennirnir eru nú í haldi lögreglu en dómur
um gæsluvarðhald verður kveðinn upp á
laugardag. FRÉTTABLAÐIÐ/KRISTJÁN
KOSNINGAR Margir kjörkassarnir
sem notast er við í Reykjavík
geyma langa sögu. Við suma þeirra
hefur verið notast í allt að sextíu
ár og þá jafnt í borgarstjórnar-,
alþingis- og forsetakosningum.
Skipt er um kassa þegar þurfa
þykir en oft líða nokkur ár á milli
kosninga og þeir því lítið notaðir.
79 kjördeildir eru í Reykjavík
og verður skipt um kassa í öllum í
dag, utan Kjalarness
þar sem ekki
þykir
ástæða til
þess.
Verða því
notaðir 157
kjörkassar
við kosning-
arnar í borg-
inni. - bþs
Kjörkassarnir í Reykjavík:
Sumir allt að
sextíu ára
GENGIÐ
GENGI GJALDMIÐLA 26.05 2006
Gengisvísitala krónunnar
Bandaríkjadalur 72,41 72,75
Sterlingspund 135,47 136,13
Evra 92,71 93,23
Dönsk króna 12,429 12,501
Norsk króna 11,855 11,925
Sænsk króna 9,952 10,01
Japanskt jen 0,6463 0,6501
SDR 107.86 108,5
HEIMILD: Seðlabanki Íslands
KAUP SALA
128,2582
Margrét Sverris-
dóttir
Elías Jón Guð-
jónsson
Magnús Orri
Schram
Jón Kristinn
Snæhólm
Sæunn Stefáns-
dóttir
SNJÓFLÓÐ Lítið snjóflóð féll á Siglu-
firði í gærdag og stöðvaðist á
nýjum varnargarði ofan við bæinn.
Ekki urðu nein slys á fólki og sam-
kvæmt upplýsingum frá sýslu-
manni og formanni bæjarráðs var
aldrei nokkur hætta á ferðum.
Hlýtt hefur verið í bænum og
sólskin og líklegt er að sólbráð
hafi valdið flóðinu.
„Þetta var bara svona það sem
við köllum spýju,“ sagði Ólafur
Kárason, formaður bæjarráðs.
„Það eru svona spýjur hérna úti
um allan fjörð.“ - sh
Lítið snjóflóð féll á Siglufirði:
Sólbráð setti
snjóflóð af stað
Nýr flugrekstrarstjóri Geirþrúður
Alfreðsdóttir hefur verið ráðin flug-
rekstrarstjóri Landhelgisgæslunnar.
Geirþrúður hefur starfað sem flugstjóri
hjá Icelandair, deildarstjóri flugöryggis-
deildar Flugmálastjórnar og formaður
rannsóknarnefndar flugslysa.
LANDHELGISGÆSLAN
SAMGÖNGUR Hálendisvegir á land-
inu eru allir lokaðir vegfarendum
enn sem komið er. Samkvæmt
upplýsingum frá Vegagerðinni er
ekki gert ráð fyrir að þeir verði
opnaðir fyrr en um miðjan júní-
mánuð.
Ástand hálendisveganna er
nokkuð svipað því sem verið hefur
undanfarin ár á þessum árstíma
en nýafstaðið kuldakast mun að
líkindum seinka opnun þeirra í
einhvern tíma. - aöe
Afleiðingar kuldakastsins:
Hálendisvegir
enn lokaðir