Fréttablaðið - 27.05.2006, Blaðsíða 43

LAUGARDAGUR 27. maí 2006 5
Þegar ítalski verkfræðingurinn
Corredino D‘Ascanio sýndi frum-
gerð vespunnar í Piaggo-verk-
smiðjunni á Ítalíu 1946 grunaði
áreiðanlega engan að vespan
myndi enn lifa góðu lífi, lítið
breytt, sextíu árum síðar.
„Þetta er eins og vespa,“ var það
fyrsta sem Enrico Piaggio, eig-
andi Piaggio-verksmiðjunnar,
sagði þegar hann barði gripinn
augum. Ávöl form, breiður aftur-
hluti, þar sem vélin er staðsett, og
viðamikil vindhlífin að framan
gerðu að verkum að Vespan líktist
engu öðru tveggja hjóla farar-
tæki.
Ítalskur efnahagur var í rúst
eftir stríðið og ástand vega afleitt.
Piaggio-menn töldu að í uppbygg-
ingunni reyndist einmitt þörf á
litlu handhægu ökutæki en líklega
var vespan í upphafi heldur of dýr
til að slá strax í gegn. Raunar gekk
salan svo treglega að á tímabili lá
við að framleiðslu yrði hætt.
Skyndilega tók þó salan við sér.
Það var árið 1948 og gerðist ekki í
kjölfar markaðsátaks af nokkru
tagi heldur fremur vegna þess að
Ítalir tóku ástfóstri við gripinn og
hann varð smám saman hluti af
þjóðarsál þeirra og ímynd.
Norski vísindamaðurinn Thom-
as Brandt ver í næsta mánuði
doktorsritgerð um vespuna við
Tækniháskólann í Þrándheimi.
Hann telur meðal annars að það að
Ítalir áttu þess kost að eignast ves-
puna með afborgunarkjörum hafi
gert að verkum að hún varð sú
almannaeign sem raun bar vitni.
Ekki spillti heldur fyrir vinsæld-
unum að Audrey Hepburn og
Gregory Peck þeystu um á vespu í
myndinni Roman Holiday frá 1953.
Kannski hafði það þau óbeinu
áhrif að einnig konur féllu fyrir
vespunni þó að þær væru alls ekki
í upphaflega markhópnum.
Vespan hefur fyrst og fremst
náð vinsældum í Evrópu og Asíu
þar sem þröngar götur eru algeng-
ar og fjarlægðir yfirleitt ekki
miklar. Hins vegar hafa Banda-
ríkjamenn aldrei fallið sérstak-
lega fyrir farartækinu. Þeir eru
meira fyrir stærri tæki enda fjar-
lægðir þar iðulega meiri.
Enn í dag er vespan vinsæl þó
að útlit hennar hafi lítið breyst
þessi sextíu ár sem hún hefur
verið til. Hún þykir nú vera tákn
borgarmenningar samtímans.
Spurning er svo hvort vespan
muni lifa af önnur sextíu ár. - stst
Vespan - sextug og alltaf fersk
Vespa í reykvísku borgarlandslagi sextíu árum síðar.
Nú er hægt að fá Ford Escape-
sýningarbíla á hagstæðu verði
hjá Brimborg til loka maí.
Brimborg býður sértilboð á
nokkrum Ford Escape-sýningar-
bílum en tilboðin gilda meðan
birgðir endast og ekki lengur en
til 31. maí.
Á tilboði eru Ford Escape XLT
sportjeppi á 3.240.000 krónur en
hefðbundið verð er 3.390.000 krón-
ur. Einnig er Ford Escape Limited
á sérlega hagstæðu verði á
3.490.000 krónur en sá bíll kostar
að annars 3.670.000 krónur.
Báðir þessir jeppar hafa notið
mikilla vinsælda enda eru þeir í
hávegum hafðir meðal eigenda
þeirra. Á tilboðinu eru aðeins
nokkrir bílar og því er magnið tak-
markað. Gildir því lögmálið um að
sá fær sem fyrstur nær og því er
betra að bruna strax af stað sé
áhugi fyrir hendi.
Sýningarbílar til sölu
Ford Escape-sýningarbílar eru til sölu hjá Brimborg.
Í Noregi hefur verið rannsakað
hvaða bílar endast lengst og er
niðurstaðan sú að Mercedes-
Benz verði allra bíla elstir.
Rúmlega 100 þúsund bílar enduðu
á norskum ruslahaugum í fyrra.
Við nánari skoðun kom í ljós að
elstu bílar á þeim haug voru af
gerðinni Mercedes-Benz, meðal-
aldur þeirra á brotajárnshaugum
er tæp 22 ár. Fast á hæla þeirra
fylgja Volvo og Saab sem einnig
endast lengur en tuttugu ár.
Bílarnir sem endast styst eru
Seat og Skoda sem endast að með-
altali í rúmlega ellefu og tæplega
þrettán ár. Að því er fram kemur
í frétt norska blaðsins Aftenpost-
en endast bílar betur í dag en
fyrir tuttugu árum þegar fyrst
var farið að rannsaka málið. Flest-
ir bílarnar sem enduðu á haugun-
um í Noregi í fyrra voru af teg-
undinni Ford.
Benz verða elstir bíla