Fréttablaðið - 27.05.2006, Blaðsíða 41

LAUGARDAGUR 27. maí 2006 3
Ég var að skoða bíl vinnufé-
laga míns fyrir nokkrum
dögum. Gamlan jálk sem hann
hafði keypt tjónaðan fyrir lítið
fé. Hreint ekki slæm kaup ef
maður sættir sig við að vera á
svolítið krambúleruðum bíl.
Eftir að hann hafði talið upp
hvað var að bílnum varð ég
þess óendanlega feginn að það
væri hann, en ekki ég, sem
kæmi til með að keyra, eiga og
gera við þennan annars ágæta
bíl.
Sem ég lét hugann reika
um þessa nýfundnu hamingju-
eyju mína varð mér litið á
hjólbarða bifreiðarinnar. Þeir
voru að minnsta kosti af
tveimur gerðum (sit á mér að
segja fimm) og mjög misslitn-
ir. Eigandinn bar fyrir sig að
vera nýbúinn að kaupa bílinn
og að þetta stæði allt til bóta.
Það er nefnilega þannig að
maður þarf ekki bara góð dekk
að vetri til. Veggrip er alltaf
grundvallaratriði í því hvern-
ig bíll lætur að stjórn – og
hvort hann lætur eitthvað
stjórnast yfir höfuð. Fyrir
utan að hemlunarvegalengd
eykst eftir því sem mynstrið
verður minna missa slitin
dekk líka hæfileika sinn til að
ræsa vatni í gegnum sig og
fljóta því ofan á veginum um
leið og byrjar að rigna. Og það
gerist víst einstaka sinnum á
Íslandi. Líka á sumrin.
Við þetta bætist að með
minnkuðu veggripi, sem fylg-
ir því að mynstrið minnkar,
verður stýrisviðbragð bílsins
minna og honum getur hætt til
að skrika til þegar reynt er að
sveigja framhjá óvæntum
hindrunum – svo eitthvað sé
nefnt. Loks skal svo hugað að
því að þegar dekkin eru af
misjafnri tegund, misslitin,
misstór eða jafnvel bara með
mismikið loft í sér, er búið að
rugla því jafnvægi sem þarf
að ríkja á milli veggrips-
punkta bílsins.
Ímyndaðu þér hest. Hann
er með eina venjulega hests-
löpp. Önnur er af sauðkind, og
töluvert styttri. Sú þriðja er
gamalt kústskaft og það fjórða
er önnur hestslöpp, en ójárn-
uð og snýr öfugt. Myndi þig
langa á bak?
Ekki blekkja þig með því að
halda að mikið slitin dekk séu
sumardekk. Slík dekk eru
hættuleg, koma niður á akst-
urseiginleikum bílsins og geta
svikið þig þegar verst stendur
á. Mikið slitin dekk eru ónýt
dekk.
Sumardekkin í lagi líka
Áfram veginn
Einar Elí Magnússon kemst leiðar sinnar
General Motors lætur ekki
deigan síga þrátt fyrir mikið
mótlæti.
Stærsta fyrirtæki heims,
General Motors, hefur gengið í
gegnum gríðarlega erfiðleika
undanfarin misseri. Sölutölur
hafa lækkað mikið og hefur
fyrirtækið neyðst til þess að
segja upp fjölmörgu starfsfólki,
aðallega í Bandaríkjunum.
Nú mun Evrópa einnig fá að
finna fyrir slæmu gengi GM því
forstjóri fyrirtækisins, Bob
Lutz, hefur tilkynnt að fjöl-
mörgum starfsmönnum verði
sagt upp, verksmiðjum lokað og
þær sameinaðar öðrum. Meðal
annars verður dregið úr umsvif-
um í Svíþjóð. Í Svíþjóð hafa 130
manns starfað við að framleiða
um 60 þúsund Saab-bílvélar á
ári. 40 af þeim hefur verið sagt
upp störfum. Vélaframleiðslan
fyrir Saab flyst nú til vélaverk-
smiðju Opel í Kaiserslautern í
Þýskalandi.
GM er hins vegar langt frá
því að leggja árar í bát. Fyrir-
tækið stefnir nú að umfangs-
mikilli gagnsókn og hyggst
meðal annars hefja framleiðslu
á þremur til fjórum nýjum gerð-
um af bílum á allra næstu árum.
Fyrstur á markað af þeim verð-
ur Opel Antara jepplingurinn.
- sha
GM endurskipuleggur
General Motors hefur verið í mikilli niður-
sveiflu að undanförnu.
Alþjóðlegt þolakstursmót á
torfæruvélhjólum fer fram á
Kirkjubæjarklaustri í dag.
Keppnin er orðin að árlegum við-
burði en þetta er í fimmta skipti
sem hún er haldin og er hún orðin
að einum stærsta íþróttaviðburði
landsins með hátt í 600 keppend-
um. Keppnin reynir svo sannar-
lega á þolið því hún fer þannig
fram að öllum keppendum er
startað á sama tíma. Þeir aka
síðan brautina í sex tíma sam-
fleytt en ökumenn í tvímennings-
keppni geta skipt akstrinum á
milli sín milli hringja. Sá sigrar
sem flesta hringi ekur á þessum
tíma. Keppendur í kvenna og
unglingaflokki aka þó einungis í
45 mínútur.
Brautin er heldur ekki auðfar-
in. Hún er í afar erfiðu landi og
er hún alls um sautján kílómetr-
ar. Þeir fljótustu eru um tuttugu
mínútur að keyra einn hring.
Þeir sem fara flesta hringina
hafa því lagt að baki um 300 kíló-
metra vegalengd.
Áhorfendur á síðasta ári voru
yfir tvö þúsund og allt gistirými
á Kirkjubæjarklaustri og í næsta
nágrenni er fullbókað. Það er því
óhætt að segja að keppnin er
mikil lyftistöng fyrir ferðaþjón-
ustuna á svæðinu.
- sha
Vélhjólin þanin
Vinsældir torfæruvélhjólaaksturs virðast
alltaf vera að aukast.