Fréttablaðið - 29.05.2006, Blaðsíða 52

29. maí 2006 MÁNUDAGUR32
Fæstir gera sér grein fyrir
sögunni sem falin er í bygging-
unum við Hlemm. Gamlar
bifreiðasmiðjur og gasstöðvar
eru meðal þess sem leynist á
svæðinu.
Í augum flestra er Hlemmur skipti-
stöð fyrir strætó og staðurinn þar
sem lögreglustöðin er. Þangað eiga
menn sjaldnast ánægjuleg erindi og
hvort sem því er um að kenna eða
öðru, þá hefur lagst á Hlemm illt
orð. Við Hlemm standa þó nokkrar
sögufrægar byggingar sem hýsa
skemmtilega starfsemi.
Hlemmur 5 er falleg bygging
sem upphaflega var ætlað að vera
bifreiðasmiðja fyrir Svein Egilsson.
Byggingin var byggð í áföngum en
sá fyrsti var teiknaður af Einari
Erlendssyni. Guðmundur H. Þor-
láksson húsameistari á hins vegar
heiðurinn af núverandi mynd þess.
Byggingin hýsir í dag meðal annars
Náttúrugripasafn Íslands og Mögu-
leikhúsið.
Við Hlemm stendur einnig gömul
gasstöð sem byggð var við dögun
20. aldar en nær ógjörningur er að
átta sig á hvar hún stendur ef sögu-
bókin er ekki við hendi. Byggingin
hýsir nú kaffistofur vagnstjóra
Strætó.
Þegar Baltasar Kormákur leitaði
að stað í Reykjavík sem hann gæti
með litlum tilfærslum breytt í
amerískan smábæ varð Hlemmur
fyrir valinu. Skiptistöð Strætó var
breytt í erlendan matvörumarkað,
bókabúðir breyttust í bari og smá-
vöruverslanir breyttust í fatabúðir.
Amerískum bílum var raðað upp
meðfram götunni og á einum degi
gjörbreyttist ásýnd Hlemms. Ung-
menni röðuðu sér í kringum upp-
settan slysavettvang á meðan
erlendar stórstjörnur sötruðu
koníak inni í bíl og lofuðu hver
annarri að næsta mynd yrði tekin
upp í Flórída.
- tg
HLEMMUR
Skiptistöðin við Hlemm er fræg að endemum.
Styttan Vatnsberinn eftir Ásmund Sveinsson var flutt á Hlemm ekki alls fyrir löngu.
Margs konar atvinnustarfsemi þrífst við
Hlemm.
Til vinstri, aftan við skiptistöðina, má sjá Hlemm 5.
Þar sem gamla gasstöðin stóð.
Lögreglustöðin í Reykjavík.
Litrík hús við Laugaveg ofan við Hlemm.
Við Þverholt er vinalegt.