Fréttablaðið - 22.07.2006, Qupperneq 13

LAUGARDAGUR 22. júlí 2006 13
Eignarleigu- og fjármögnunar-
fyrirtækið Lýsing hf., dótturfé-
lag Exista hf., skilaði 455 millj-
óna króna hagnaði eftir skatta á
fyrri helmingi ársins. Útlán juk-
ust um 45,8 prósent og námu þau
tæpum 54 milljörðum króna í lok
tímabilsins.
Viðskiptamönnum Lýsingar, bæði
fyrirtækjum og einstaklingum,
fjölgaði verulega á tímabilinu.
Í tilkynningu til Kauphallar
Íslands um uppgjör fyrirtækis-
ins kemur fram að enn séu sókn-
arfæri til staðar.
Ekkert bendi til annars en að
það sem eftir lifi árs geti orðið
félaginu farsælt. - jab
Skilaði hagnaði:
Sóknarfæri
fyrir LýsinguVelta Juventus gæti lækkað
um tíu milljarða króna.
Sérfræðingar áætla að tekjur
ítalska stórliðsins Juventus, eða
„Gömlu konunnar“, hrynji um
helming við það að félagið falli
niður úr efstu deild í þá næstefstu
en forráðamenn Juve og nokkurra
annarra liða hafa verið fundnir
sekir um að hafa hagrætt úrslitum
leikja.
Juve velti tæpum 21 milljarði
króna á síðasta keppnistímabili en
búist er við að veltan fari niður í
rúma tíu milljarða á næstu leik-
tíð.
Mestu munar um snöggtum
minni tekjur af sjónvarpssamn-
ingum frá ítölsku deildinni og
meistaradeildinni en þær nema
helmingi af veltunni. Um fjórð-
ungur tekna kemur frá styrktar-
aðilanum Tamoil sem ber nafn sitt
á treyjum Juve. Forvígismenn
Tamoil telja forsendur samnings-
ins vera í uppnámi og hafa óskað
eftir endurskoðun hans.
Á móti er víst að óreglulegar
tekjur af leikmannasölu munu
stóraukast, enda brunaútsala í
gangi. Nú þegar hafa Fabio Canna-
varo, Emerson, Lilian Thuram og
Gianluca Zambrotta gengið til liðs
við Barcelona og Real Madrid.
Gengi Juventus, sem er skráð í
Kauphöllina í Mílanó, hefur fallið
um helming eftir að skandallinn
spurðist út. Hæst náði gengi bréfa
Juve 2,46 evrum á hlut hinn 9.
maí, degi áður en þau hrundu um
55 prósent á tveimur vikum.
Heldur hefur virði þeirra verið
að hækka að undanförnu og stend-
ur nú í 1,5 evrum á hlut sem er
svipað og það var um miðjan
mars. - eþa
Kjör „Gömlu konunnar“ versna
LEIKMENN JUVE FAGNA Tekjur Juventus munu dragast saman um helming eftir að félagið
var sent niður um deild. FRÉTTABLAÐIÐ/GETTY IMAGES
EMIRATES STADIUM Arsenal hefur fengið
tekjur af miðasölu þrettán ár fram í tímann.
Arsenal hefur fengið 35 milljarða
í aðra hönd eftir að félagið seldi
skuldabréf með veði í tekjum af
miðasölu næstu þrettán árin.
Félagið tekur í notkun á næstu
leiktíð nýjan leikvang, Emirates
Stadium, sem rúmar sextíu þús-
und áhorfendur.
Vaxtakjörin, sem Arsenal fékk,
þykja mjög góð eða 52 punkta álag
á vexti breskra ríkisskuldabréfa.
Er þetta til marks um að fjárfest-
ar líti á fótboltafélög sem alvöru
fyrirtæki.
Fjárhæðin er nýtt til endurfjár-
mögnunar á eldri lánum sem leiðir
til lækkunar á vaxtakostnaði
Arsenal. - eþa
Arsenal hleður
fallbyssuna
Hagvöxtur í Bretlandi mældist 2,6
prósent á öðrum ársfjórðungi en
var 1,8 prósent á sama tíma í fyrra,
samkvæmt útreikningum bresku
hagstofunnar sem birtir voru í
gær. Hagvöxturinn var meiri en
spáð hafði verið en hann má að
mestu leyti rekja til aukningar í
þjónustu á fjórðungnum.
Í Morgunkorni Greiningar-
deildar Glitnis banka segir að auk-
inn hagvöxtur í Bretlandi komi
sér ágætlega fyrir íslenska hag-
kerfið vegna mikilla viðskipta á
milli Bretlands og Íslands. Það
muni hins vegar ekki koma sér vel
fyrir íslenskan þjóðarbúskap ef
stýrivextir verði hækkaðir í Bret-
landi, vegna erlendra skulda
Íslands. Auknar líkur eru á því að
Breski seðlabankinn hækki stýri-
vexti nú vegna vaxtar þjóðarbús-
ins og aukinnar verðbólgu. - hhs
Hagvöxtur í
Bretlandi eykst
Aflaverðmæti íslenskra skipa í
apríl nam rúmlega sex milljörðum
króna. Það er 7,2 prósenta aukning
frá fyrra ári, þrátt fyrir að afli
hafi dregist saman. Aflaverðmæti
frá áramótum nemur rúmlega 25
milljörðum króna.
í Morgunkornum Glitnis segir
að hátt heimsmarkaðsverð auk
hagstæðs gengis krónu hafi aukið
aflaverðmæti. Því megi þess
vænta að hagur útgerðarfyrir-
tækja hafi vænkast á fyrsta árs-
fjórðungi. - jsk
Aukið aflaverð-
mæti
Á SJÓ Aflaverðmæti í apríl jókst um rúm sjö
prósent milli ára.