Fréttablaðið - 22.07.2006, Side 62

22. júlí 2006 LAUGARDAGUR42
V
in
n
in
g
ar
v
er
ð
a
af
h
en
d
ir
h
já
B
T
Sm
ár
al
in
d.
K
ó
p
av
o
g
i.
M
eð
þ
ví
a
ð
t
ak
a
þ
át
t
er
tu
k
o
m
in
n
í
SM
S
kl
ú
b
b.
9
9
kr
/s
ke
yt
ið
.
Sendu SMS skeytið JA VOF
á númerið 1900 og þú gætir
unnið miða fyrir tvo.
Aðavinningur er:
PlayStation 2 tölva, tveir bíómiðar og
Over the Hedge leikurinn!
Aukavinningar eru: Bíómiðar fyrir tvo
Over the Hedge tölvuleikur
DVD myndir · Tölvuleikir · Varningur tengdur
myndinni og margt fleira!
Benicassim er án efa sú hátíð sem ég
var hvað spenntastur fyrir þegar ég lagði
í þetta ferðalag. Þarna spila stórar sveitir
sem ég er reyndar nú þegar búinn að
sjá og því er ég lang spenntastur fyrir
minni spámönnunum, enda eru þeir
oftast það sem stendur upp úr. Walk-
men, Mojave 3, The Organ, Lou Barlow,
12twelve, Howie Gelb, Art Brut, Yann
Tiersen og fleiri eru eitthvað til þess að
hlakka til. Verst samt að þessi hátíð skuli
vera sú seinasta í röðinni þar sem ég er
orðinn pínu þreyttur á því að þeytast
um Evrópu þvera og endilanga. Að sofa
í tjaldi allar helgar, burðast með tuttugu
kíló á bakinu á sér dag hvern og hanga
í lestum meirihluta vikunnar er ekkert
sem maður hefur beint hrikalega gaman
af viku eftir viku.
Ég er þó langt frá því búinn að leggja
árar í bát, nei nei nei. Ég á örugglega
eftir að skemmta mér vel á ströndinni
í Benicassim. Líkaminn er að mörgu
leyti búinn að laga sig að þessum erfiðu
lífsskilyrðum. Ég gæti til dæmis léttilega
gengið yfir miðhálendið berfættur. Hef
verið í sama skóparinu alla ferðina,
sem ég keypti í Gyllta kettinum vikuna
áður en ég fór út. Núna mega þeir hins
vegar muna sinn fífil fegurri. Núna eru
samtals fimm vegleg göt á skónum, þar
á meðal er botninn byrjaður að rifna af
þeim vinstri en sigginu undir iljunum
er skítsama um það. Einn Kani sem ég
kynntist hérna úti sagði að skórnir litu
út fyrir að hafa gengið í gegnum stríð.
Kannski ekki fjarri lagi þar sem tónleika-
hátíðir líta oft út fyrir að vera hálfgerður
vígvöllur. Ég ætla samt að halda út og
ég veit að skórnir gera það líka, þrjóskan
er einfaldlega of mikil. Mörg önnur
skópör hefðu fyrir löngu verið búin að
pakka saman og farin heim. Enn er þó
ein hátíð eftir.
STEINÞÓR HELGI ARNSTEINSSON BLOGGAR FRÁ ROKKFERÐALAGI SÍNU UM EVRÓPU
Þrjóskan heldur lífinu í skónum mínum
GÖTÓTTIR SKÓR Líta út fyrir að hafa verið í
stríði, eftir ferðalag um allar helstu tónlistar-
hátíðir í Evrópu í sumar.
FRÉTTABLAÐIÐ/STEINÞÓR
Leikarinn og partídrengurinn
Colin Farrell lenti í leiðinlegu
atviki í spjallþætti Jay Leno á dög-
unum. Farrell var að koma í þátt-
inn til að kynna nýjustu mynd sína
Miami Vice og á meðan hann
spjallaði við Jay Leno ruddist kona
upp á svið og byrjaði að blóta
honum í sand og ösku.
Áhorfendur héldu fyrst að um
grín væri að ræða enda einkenn-
ast þættirnir af alls kyns uppá-
komum. Öryggisverðir náðu að
koma konunni út og það síðasta
sem hún öskraði var „sjáumst í
réttarsalnum“ við Farrell og hann
svaraði bara „þú ert galin“.
Konan hefur kært Farrell áður
fyrir áreiti en ekki hafa komið
nein sönnunargögn í ljós sem geta
sýnt fram á það. Eftir þáttinn fór
Farrell á frumsýningu myndar
sinnar umkringdur öryggisvörð-
um.
Áreittur í Jay Leno
COLIN FARRELL Kona ruddist upp á svið í spjallþætti Jay Lenos þar sem hann var gestur.
FRÉTTABLAÐIÐ/GETTYIMAGES
Dansástríðan hverfur aldrei
hjá sönnum dansfíklum
og nokkrir háskólanemar
brugðu á það ráð að stofna
dansflokk fyrir nemendur
Háskóla Íslands og Háskóla
Reykjavíkur. Nú er Stúd-
entadansflokkurinn skip-
aður ellefu dönsurum úr
skólunum, níu stelpum og
tveimur strákum, en þetta
er tímafrekt áhugamál því
æft er þrisvar í viku í fjóra
tíma í senn yfir sumartím-
ann.
Margrét Anna Einarsdóttir er
stofnandi og formaður dansflokks-
ins en hún er á þriðja ári í lögfræði
í HR. „Ég hef verið í dansi frá því
að ég var tíu ára, en þegar ég var
komin í háskólann sá ég að það var
ekkert fyrir mig í dansinum. Þá
kviknaði áhuginn á því að stofna
þennan dansflokk,“ segir Margrét
Anna. Hún segir að dansararnir í
flokknum komi víðsvegar að, flest-
ir hafa verið í Listdansskóla
Íslands en einnig eru í hópnum
fólk úr öðrum ballettskólum og
með bakgrunn í fimleikum og
samkvæmisdönsum. „Annars er
þetta allt mjög duglegt fólk. Þau
koma meðal annars úr læknis-
fræði, lögfræði, hagfræði, verk-
fræði og viðskiptafræði. Aginn í
dansinum, meðal annars í List-
dansskólanum, hefur nýst manni í
Háskólanum við að skipuleggja
námið. Dansnámið hefur mótað
mann og kennt manni mikið,“
segir Margrét.
„Það getur verið svolítið erfitt
að æfa svona mikið með vinnu, við
æfum yfirleitt frá sex til níu eða
tíu á kvöldin. En þetta er rosalega
gaman,“ segir Hrefna Ingadóttir,
meðlimur Stúdentadansflokksins.
Hún kláraði BS í iðnaðarverk-
fræði í HÍ í vor og hún vinnur nú á
eignastýringasviði Landsbankans,
en með fullu starfi og dansinum
ætlar hún að fara í verðbréfamiðl-
un í HR í haust. „Þetta datt svolítið
niður í kringum prófin en í sumar
tökum við þetta með hörkunni.
Þetta er allt mjög metnaðargjarnt
fólk,“ segir Hrefna. Hrefna var í
Listdansskólanum til sextán ára
aldurs og fór þá að kenna í skólan-
um og hefur gert það undanfarin
ár.
Stúdentadansflokkurinn byrj-
aði sem samstarfsverkefni skól-
anna tveggja en þeir gefa dans-
hópnum smá styrk fyrir
grunnkostnaði. Helena Jónsdóttir,
dansari og danshöfundur, er list-
dansstjóri dansflokksins. Inn-
gönguskilyrðið er að fólk sé í
háskólunum en fjögurra tíma inn-
tökuprufur voru haldnar í janúar
og mun færri komust inn í flokk-
inn en vildu. „Þegar við héldum
prufurnar funndum við að áhug-
inn fyrir dansi var talsvert meiri
en við höfðum gert okkur vonir
um. Til þess að mæta því ætlum
við að hafa opna danstíma í vetur
fyrir þá sem hafa áhuga,“ segir
formaður Stúdentadansflokksins,
en næstu inntökuprufur verða í
janúar. rosag@frettabladid.is
Dansandi háskólanemar
SÝNING Í NÓVEMBER Stúdentaflokkurinn vinnur nú að verki sem sýnt verður í nóvember.
Á ÆFINGU Upphitunin er ýmist æfingar í djassdansi eða klassískum ballett, en einnig
vinnur hópurinn mikið með spuna.
MARGRÉT ANNA EINARSDÓTTIR Margrét er
lögfræðinemi í HR og stofnandi flokksins.
VERKFRÆÐINGUR OG DANSARI „Þetta er
frábært tækifæri, það er svo lítið að gerast
fyrir svona „útrunna“ dansara, fólk sem
hefur hætt í dansnáminu og er í öðru
háskólanámi,“ segir Hrefna Ingadóttir, sem
kláraði BS í verkfræði í vor.