Fréttablaðið - 14.08.2006, Qupperneq 10

10 14. ágúst 2006 MÁNUDAGUR
KJARASAMNINGAR Elín skrifaði
grein þess efnis sem birtist í Tíma-
riti lögfræðinga í júlí. Mannrétt-
indadómstóll Evrópu tók fyrir mál
Dana í janúar 2006 og komst að
þeirri niðurstöðu að ákvæði í
kjarasamningum, sem skylda
starfsmenn til að vera í tilteknum
stéttarfélögum, sem Elín kallar
aðildarskylduákvæði, brytu gegn
rétti starfsmanna til félagafrelsis.
Elín telur að dómurinn hafi áhrif á
forgangsréttarákvæði sem algeng
eru í íslenskum kjarasamningum
en þau kveða á um að félagsmenn
viðkomandi stéttarfélags hafi for-
gang til vinnu á félagssvæði þess.
„Ég er hreint ekki sammála
henni og tel að þetta sé fyrst og
fremst hugar-
leikfimi og
vangaveltur
hennar. Kjarn-
inn í málinu er
sá að hvorugur
þessara dóma
fjallar um for-
gangsákvæði,
heldur
útilokunar-
ákvæði, og það er ekki hægt að
horfa framhjá þeirri staðreynd,“
segir Magnús Norðdahl. „Í útilok-
unarákvæðum, sem Elín kallar
aðildarskylduákvæði ranglega,
lofar atvinnurekandi að ráða
engan í vinnu nema að hann sé í
viðkomandi stéttarfélagi. Dómur-
inn gekk svona
langt vegna
þess að menn-
irnir sem kærðu
misstu starfið
vegna ákvæðis-
ins. Ákvæði um
forgangsréttar-
ákvæðið eru allt
annars eðlis. Á
Íslandi mæla
þau fyrir um að félagsmenn í við-
komandi stéttarfélagi skulu hafa
forgang um starf ef að þeir eru
jafnhæfir og aðrir. Auk þess geta
fleiri en eitt og fleiri en tvö stéttar-
félög verið með forgangsrétt í
samningum, svo því er í raun
sjaldan beitt,“ segir Magnús.
Magnús segir einnig að dómur-
inn hafi ekkert að segja um inn-
heimtu stéttarfélagsgjalda af
launum starfsmanna, sem ekki
eru meðlimir í stéttarfélögum.
„Verkalýðsfélögum er falið mjög
mikilvægt hlutverk fyrir alla,
hvort sem þeir eru í félaginu eða
ekki. Þeir sem borga hluta laun-
anna í stéttarfélag njóta sömu
verndar sem kjaratryggingar
fjalla um. Þú ræður því hvort að
þú ert félagsmaður en þú ræður
því ekki hvort þú borgar þessi
gjöld, frekar en að þú getur
ákveðið að borga ekki skatt til
almannatrygginga af því að þú ert
aldrei veikur,“ segir Magnús.
rosag@frettabladid.is
Segir ákvæði í kjara-
samningum vera lögmæt
Magnús Norðdahl, lögfræðingur hjá ASÍ, tekur ekki undir álit Elínar Blöndal lögfræðings um að forgangs-
réttarákvæði í kjarasamningum á Íslandi kunni að brjóta í bága við Mannréttindasáttmála Evrópu.
MAGNÚS NORÐDAHL
BANDARÍKIN, AP Reuters-fréttastof-
an hefur slitið öll tengsl við ljós-
myndarann Adnan Hajj í Beirút,
sem varð uppvís að því að breyta
tveimur ljósmyndum frá átökun-
um í Líbanon. Reuters hefur eytt
öllum 920 myndum ljósmyndar-
ans úr gagnagrunni sínum.
Ljósmyndin sem kom upp um
Hajj var af afleiðingum loftárásar
Ísraelshers á úthverfi í Beirút.
Hajj hafði notað myndvinnslufor-
rit til að láta líta út fyrir að meiri
og dekkri reykur stigi upp frá
byggingunum. Hajj hefur einnig
unnið fyrir AP-fréttastofuna, þar
sem nú eru skoðaðar allar myndir
hans og leitað að fölsunum. - sgj
Adnan Hajj falsaði ljósmynd af loftárásum Ísraela á Beirút:
Ljósmyndari rekinn frá Reuters
MIKILL MUNUR Á MYNDUNUM Til vinstri má sjá fölsuðu myndina, en til hægri má sjá myndina áður en átt var við hana. FRÉTTABLAÐIÐ/AP
ELÍN BLÖNDAL
VERKAMENN AÐ STÖRFUM Magnús Norðdahl, lögfræðingur hjá Alþýðusambandi Íslands, segir að í dómi Mannréttindadómstóls Evrópu sé ekkert sagt um innheimtu stéttarfélagsgjalda af
launum starfsmanna sem ekki séu meðlimir í stéttarfélögum. FRÉTTABLAÐIÐ/VILHELM
FJÁRMÁL Framteljendur og fyrir-
tæki landsins fengu hærri tekjur
og högnuðust meira á fyrri árs-
helmingi 2006 en á sama tímabili í
fyrra. Skatttekjur ríkissjóðs af
tekjum og hagnaði þeirra voru þar
af leiðandi þriðjungi hærri. Þetta
gerist þrátt fyrir að tekjuskatt-
sprósenta á einstaklinga hafi
lækkað um seinustu áramót.
Almennt verðlag hækkaði um 5,7
prósent frá því í fyrra.
Tekjuskattur á fyrirtæki og
aðra lögaðila tæplega tvöfaldaðist
miðað við fyrri árshelming 2005
og voru tekjur ríkissjóðs vegna
tekjuskatts á fyrirtæki því rúm-
lega níu og hálfur milljarður.
Vegna sölu Landssímans á sama
tímabili í fyrra drógust aðrar
rekstrartekjur ríkisins saman um
41 prósent frá ári til árs.
Athygli vekur að eignarskattur
var um fimm og hálfur milljarður
á fyrri hluta ársins. Að sögn fjár-
málaráðuneytisins er það vegna
þess að stimpilgjöld flokkast undir
þennan flokk og auk þeirra voru
einn og hálfur milljarður eignar-
skatta fyrri ára innheimtir á þessu
ári. - sgj
Vefrit fjármálaráðuneytisins sýnir hækkun skatttekna ríkisins á tekjur og hagnað:
Skatttekjur ríkisins þriðjungi hærri
EINKAVÆÐINGANEFND KYNNIR SÖLU
Vegna sölu Landssímans drógust rekstrar-
tekjur ríkisins saman.
VENESÚELA, AP Hugo Chavez, for-
seti Venesúela, hótar að slíta
stjórnmálasambandi Venesúela
við Ísraelsríki vegna innrásarinn-
ar í Líbanon.
Chavez kallaði einnig heim
stjórnarerindreka sinn í Ísrael og
fordæmdi hernað Ísraela í Líba-
non sem „þjóðarmorð“ og líkti við
helför gyðinga.
„Ég hef engan áhuga á að við-
halda hvorki stjórnmálasambandi
né viðskiptum eða nokkru öðru við
ríki eins og Ísrael,“ sagði forset-
inn og tók fram að hann hefði hing-
að til verið vinveittur Ísrael á
alþjóðavettvangi. - kóþ
Forseti Venesúela um Ísrael:
Vill slíta stjórn-
málasambandi
GRÆNLAND Ísinn á Grænlandi
bráðnar enn hraðar en áður hafði
verið talið. Þetta kemur fram í
niðurstöðum rannsókna sem
bandarískir vísindamenn hafa
gert á grundvelli gerfihnattaljós-
mynda frá bandarísku geimferða-
stofnuninni, NASA, og birtar eru í
nýjasta heftir vísindatímaritsins
Science.
Í rannsókninni eru breytingar á
ísnum frá mánuði til mánaðar
greindar á grundvelli gerfihnatta-
mynda frá tímabilinu apríl 2002 til
nóvember 2005. Niðurstöðurnar
benda til að um 239 rúmkílómetr-
ar íss bráðni að jafnaði á ári hverju
af Grænlandsjökli. Bráðnunin er
mest á austurströndinni. - aa
Bráðnun Grænlandsjökuls:
Bráðnar hrað-
ar en talið var
GRÆNLANDSÍS Bráðnunin er sögð mest á
austurströndinni.
NOREGUR Norðmenn hafa týnt 95
þúsund vegabréfum síðan Noreg-
ur hóf þátttöku í Schengen-sam-
starfinu, kom fram á fréttasíðu
norska blaðsins Aftenposten á
fimmtudag.
Veldur þetta yfirvöldum
áhyggjum, því norsk vegabréf eru
afar vinsæl meðal undirheima-
fólks þar sem auðvelt er fyrir
Norðmenn að útvega sér áritanir
til hinna ýmsu landa, að sögn
Tormod Ødegård hjá norsku lög-
reglunni.
Einkum eru Norðmenn sem
leigja vegabréf sín út til fólks-
smyglara til vandræða, því gómi
yfirvöld fólk með slík vegabréf,
þá segjast réttir eigendur þeirra
einfaldlega hafa tapað skilríkjun-
um. - smk
95 þúsund passar týndir:
Norsk vegabréf
á vergangi
OKTÓBERHÁTÍÐ UNDIRBÚIN Þó enn sé
hásumar í Þýskalandi er farið að undirbúa
Októberhátíð á bjórkrám þar í landi. Þessir
verkamenn voru að störfum í München fyrr
í vikunni, en bjórhátíðin fræga hefst þar í
borg laugardaginn 16. september.
FRÉTTABLAÐIÐ/AP