Fréttablaðið - 14.08.2006, Síða 73

MÁNUDAGUR 14. ágúst 2006 33
FÓTBOLTI Allt útlit er fyrir að Her-
mann Hreiðarsson verði um kyrrt
í herbúðum enska úrvalsdeildar-
liðsins Charlton en fyrr í mánuðin-
um bárust þær fregnir að fimm
önnur félög í ensku úrvalsdeild-
inni höfðu sýnt honum áhuga.
Þetta voru Newcastle, Manchester
City, Fulham, Middlesbrough og
Wigan.
Ólafur Garðarsson, umboðs-
maður Hermanns, sagði í samtali
við Fréttablaðið í gær að málið
væri einfalt - öllum tilboðum sem
bærust Charlton í Hermann væri
umsvifalaust hafnað. „Við fáum
ekki að vita nema hálfa söguna en
teljum okkur hafa nokkuð áreið-
anlegar heimildir fyrir því að
minnst fimm félög hafi gert félag-
inu tilboð í Hermann eða sent því
fyrirspurn.“
Forráðamenn Charlton telja
því að Hermann nýtist þeim betur
í vetur en sú upphæð sem þeir
gætu fengið fyrir hann en samn-
ingur Hermanns við félagið renn-
ur út í lok tímabilsins og þá verður
honum frjálst að semja við hvaða
lið sem er. „Þetta er mjög gott
fyrir Hermann, honum er sýnt
mikið traust.“
Hermann er nú að hefja sitt
fjórða tímabil hjá Charlton. - esá
HERMANN HREIÐARSSON Verður líklega áfram hjá Charlton. Er hér í æfingaleik með liðinu
gegn Millwall fyrr í sumar. NORDIC PHOTOS/GETTY
Hermann Hreiðarsson er í miklum metum hjá forráðamönnum Charlton:
Charlton hafnar öllum tilboð-
um sem berast í Hermann
FÓTBOLTI Óvíst er hvort sóknar-
maðurinn Wayne Rooney verði
með Manchester United þegar
liðið tekur á móti Fulham í fyrstu
umferð ensku úrvalsdeildarinnar
um næstu helgi. Rooney á við
meiðsli í nára að stríða og sagði
Sir Alex Ferguson, knattspyrnu-
stjóri Manchester United, að ekki
væri víst hvort Rooney yrði búinn
að ná sér fyrir næstu helgi en
United á leik gegn Fulham.
Rooney lék ekki með United á
laugardag þegar liðið lagði
spænska liðið Sevilla að velli 3-0 í
æfingaleik. „Þessi meiðsli sem
hann er að glíma við eru alls ekk-
ert alvarleg en óvíst er hvort hann
geti verið með næsta sunnudag,“
sagði Ferguson. - egm
Manchester United:
Rooney tæpur
fyrir fyrsta leik
ROONEY Fagnar hér marki sem hann skor-
aði gegn Liverpool. NORDICPHOTOS/GETTY
FÓTBOLTI Steve McClaren, þjálfari
enska landsliðsins, sagðist í viðtali
við breska ríkisútvarpið í gær
ekki útiloka það að kalla David
Beckham aftur í liðið í framtíð-
inni. „Það er ekki í verkahring
þjálfarans að binda enda á lands-
liðsferil leikmanna. David segist
enn hafa löngun til að spila fyrir
England og ég virði það. Aldrei að
segja aldrei,“ sagði McClaren.
Beckham lét fyrirliðabandið af
hendi eftir heimsmeistaramótið í
sumar en stefndi á að halda áfram
að spila fyrir landsliðið. Öllum að
óvörum valdi McClaren ekki
Beckham í fyrsta landsliðshóp
sinn fyrir vináttulandsleik gegn
Grikklandi á miðvikudag.
- egm
Beckham og landsliðið:
Ekki öll nótt
úti enn
BECKHAM Mun hann leika aftur fyrir hönd
Englands? NORDICPHOTOS/GETTY
RALL Heimsmeistarinn Sebastien
Loeb frá Frakklandi sigraði um
helgina í Þýskalandsrallinu
fimmta árið í röð. Loeb ekur á
Citroën en hann tók forystu strax
á fyrstu sérleiðinni og hélt henni
allt til loka. Spánverjinn Daniel
Sordo varð annar en hann ekur
einnig á Citroën og þriðji var hinn
finnski Marcus Grönholm á Ford.
Þetta var 26. sigur Loebs í HM-
ralli og jafnaði hann þar með met
Spánverjans Carlos Sainz. Loeb
hefur örugga forystu þegar níu
mótum af sextán í heimsmeistara-
keppninni er lokið en hann er með
84 stig meðan Grönholm er í öðru
sæti með 51 stig.
- egm
Þýskalandsrallið um helgina:
Loeb áfram
á sigurbraut
SEBASTIEN LOEB Er að verja heimsmeistara-
titil sinn. NORDICPHOTOS/GETTY
FÓTBOLTI Þriðju umferð ensku 1.
deildarinnar lauk í gær með leik
Crystal Palace og Leeds. Aðeins
eitt mark var skorað í leiknum og
það gerði Clinton Morrison í við-
bótartíma. Leeds lék manni færri
frá 15. mínútu en þá fékk Geoff
Horsfield að líta rauða spjaldið.
Það var því ansi svekkjandi fyrir
leikmenn liðsins að fá þetta mark
á sig þegar komið var fram yfir
venjulegan leiktíma.
Eftir þrjár umferðir er Crystal
Palace eina liðið sem hefur unnið
alla sína leiki og er því á toppi
deildarinnar. Burnley, Plymouth,
Cardiff og Birmingham koma þar
á eftir en öll þau lið hafa hlotið sjö
stig.
- egm
Enska 1. deildin:
Crystal Palace
á toppinn
MARK Clinton Morrison skorar eina mark
leiksins. NORDICPHOTOS/GETTY