Fréttablaðið - 22.08.2006, Page 10

10 22. ágúst 2006 ÞRIÐJUDAGUR
Blue Lagoon orkute
Einstakt jurtate sem veitir aukna orku,
jafnvægi og vellíðan. Inniheldur hvönn,
vallhumal og mjaðurt úr hreinni íslenskri
náttúru. Koffeinlaust.
Fáanlegt í Blue Lagoon verslunum í Bláa
lóninu, að Laugavegi 15, í Flugstöð Leifs
Eiríkssonar og í netverslun á
www.bluelagoon.is
www.bluelagoon.is
ÍSRAEL, AP Ítalska ríkisstjórnin er
reiðubúin til að fara fyrir alþjóða-
friðargæsluliðinu, UNIFIL, í Líb-
anon í gær, að því tilskyldu að
þjóðir eins og Frakkar, Þjóðverjar
og Tyrkir taki þátt í starfinu. Þetta
tilboð kemur í kjölfar beiðni Ehuds
Olmerts til Romano Prodi, forseta
Ítalíu, eftir að Frakkar, sem höfðu
áður boðist til að bera ábyrgð á
friðargæslunni, ákváðu að senda
ekki nema tvö hundruð manna lið
til Suður-Líbanons.
George W. Bush hvatti ríki
heimsins til að koma sér saman
um framkvæmd alþjóðarfriðar-
gæslunnar og hét því að greiða um
16 milljarða króna til neyðarað-
stoðar í Líbanon. Bandaríkjamenn
vinna nú að nýrri ályktun Örygg-
isráðs Sameinuðu þjóðanna sem á
að stuðla að afvopnun Hizbollah-
hreyfingarinnar. John Bolton,
sendiherra Bandaríkjanna hjá SÞ,
sagði að væntanleg ályktun ætti
ekki að tefja fyrir því að friðar-
gæsluliðar færu til Líbanons sam-
kvæmt núverandi samkomulagi
um vopnalé.
Ehud Olmert, forsætisráðherra
Ísraels, reyndi að svara gagnrýn-
isröddum heima fyrir í gær vegna
herferðarinnar í Líbanon og gaf í
skyn að um uppsafnaðan vanda
ísraelskra stjórnvalda væri að
ræða. Með því að ráðast inn í Líb-
anon hefði Olmert einungis verið
að taka á vandamáli sem fyrri
stjórnvöld hefðu ekki horfst í augu
við. „Við vissum svo árum skipti
að hættan [af uppbyggingu Hiz-
bollah] væri til staðar en létum
sem við vissum ekki neitt.“ Olmert
kenndi þannig fyrirrennurum
sínum um, en minntist þó ekki á
læriföður sinn, Ariel Sharon, sem
var hæstráðandi í landinu nær
sleitulaust frá því að ísraelski her-
inn var dreginn til baka frá Líban-
on árið 2002.
Nokkur hundruð varaliðs-
manna hersins mótmæltu í gær
lélegri skipulagningu hernaðarins
í Líbanon og kröfðust opinberrar
rannsóknar; sumir kröfðust einnig
afsagnar Olmerts.
Stríðsreksturinn naut víðtæks
stuðnings ísraelskra borgara, en
stríðslokin ekki. Olmert hefur
verið brigslað um óákveðni og
ómarkvissa stefnumörkun í stríð-
inu, en hefur ekki síst legið undir
ámæli fyrir að hafa samið af sér í
viðræðum um vopnahlé, og að
frekari átök séu þess vegna óhjá-
kvæmileg. Einnig hefur þórðar-
gleði ýmissa arabaríkja komið illa
við Ísraelsmenn, en ráðamenn
þeirra hafa keppst um að senda
þeim háðsglósur, vegna „ósigurs-
ins“. Forsætisráðherra Írans sagði
til að mynda í gær að brotthvarf
Ísraelshers frá Líbanon væri
fyrsta „niðurlæging“ Ísraelsríkis
frá stofnun þess. klemens@frettabladid.
Ítalir vilja leiða
friðargæslu
Unnið er að nýrri ályktun SÞ. Ehud Olmert sætir
harðri gagnrýni heima fyrir og kennir forverum
sínum í starfi um að hafa sofið á verðinum.
EHUD OLMERT Forsætisráðherrann fór í
þyrluflug í gær og heimsótti þau ísraelsku
bæjarfélög við landamæri Líbanons sem
verst komu út úr átökunum. FRÉTTABLAÐIÐ/AP
HEILÖG MARÍA Súkkulaðiverksmiðjustarfs-
menn í Kaliforníu ráku upp stór augu þegar
þeir fundu þessa súkkulaðibráð undir einu
súkkulaðikeraldinu, því þeim finnst hún
vera eftirmynd líkneskis af heilagri Maríu
guðsmóður. FRÉTTABLAÐIÐ/AP
LÖGREGLA Bíll valt í nágrenni Þing-
eyrar aðfaranótt sunnudags.
Þegar lögreglan á Ísafirði kom á
vettvang var bíllinn gjörónýtur en
engan ökumann að sjá.
Björgunarsveitin á Þingeyri
var þess vegna kölluð til aðstoðar
og fannst ökumaðurinn síðar um
nóttina. Hann var lítið slasaður en
áberandi ölvaður. Maðurinn var
fluttur á sjúkrahúsið á Ísafirði en
var útskrifaður þaðan stuttu
síðar.
Þá varð slys í Mjóafirði á laug-
ardag þegar tvær bifreiðar skullu
saman. Engan sakaði í óhappinu
en báðir bílarnir voru óökufærir á
eftir. - sh
Maður sem velti bíl sínum:
Ráfaði ölvaður
af slysstað
MYRKVUN Slökkt verður á öllum
götuljósum í Reykjavík milli
klukkan tíu og hálf ellefu hinn 28.
september og borgarbúum þannig
gert kleift að njóta stjörnudýrðar
himinhvolfsins. Myrkvunin verð-
ur sú fyrsta í heiminum sinnar
tegundar, en ekki er vitað til þess
að heil borg hafi verið myrkvuð
áður af ásetningi.
Alþjóðleg kvikmyndahátíð í
Reykjavík stendur fyrir viðburð-
inum í samstarfi við Reykjavík-
urborg. „Himinninn er stærsta
sýningartjald í heimi,“ segir Atli
Bollason, verkefnastjóri hjá
hátíðinni. „Okkur fannst mjög
snjallt að opna hátíðina með þess-
um hætti og sýna fólki að maður
þarf ekki að leita langt til að sjá
fallegar myndir. Ljósmengun í
borginni er gríðarleg og það er
örsjaldan sem sést til stjarna,
miðað við það sem maður þekkir
utan af landi.“ Atli hvetur fólk til
að slökkva ljós á heimilum sínum
og vinnustöðum þennan hálftíma
til að sýningin heppnist sem best.
Ef ekki viðrar vel hefur hátíð-
in leyfi til að fresta viðburðinum
til 1. október. „Ef það viðrar ekki
heldur þá, þá er myrkrið sjálft í
raun svolítið eftirsóknarvert í
svona mikið lýstri borg,“ segir
Atli.
Stjörnufræðingur mun lýsa
því sem fyrir augu ber í beinni
útsendingu á Rás 2. Lögregla mun
hafa sérstakan viðbúnað til að
fyrirbyggja vandræði vegna
myrkursins. - sh
Alþjóðleg kvikmyndahátíð í Reykjavík hefst á hálftíma myrkvun höfuðborgarinnar:
Himinninn stærsta tjaldið
STJÖRNUBJART Slökkt verður á öllum
götuljósum í borginni til að fólk geti notið
stjörnudýrðarinnar.
TAÍLAND Dani nokkur hefur verið
dæmdur í tíu ára fangelsi í Taí-
landi fyrir að hafa kveikt í hænsna-
búi nágranna síns. Þetta kemur
fram á fréttavef danska blaðsins
Politiken.
Stríðið á milli James Christi-
ansen og nágranna hans hófst eftir
að nágranninn fann dauða kjúkl-
inga og kenndi nokkrum fyrrum
húsbóndalausum hundum um, sem
Christiansen hafði tekið að sér.
Christiansen var gert að greiða
bætur, en mótmælti upphæðinni.
Síðar fannst einn hundurinn
dauður eftir að hafa étið rottueit-
ur, og er Christiansen sagður hafa
borið eld að hænsnabúinu í kjölfar
þess. - smk
Dani í nágrannaerjum í Taílandi:
Fangelsaður fyrir að
kveikja í hænsnabúi
HÆNSNABÚ Danskur maður hlaut tíu ára
fangelsisdóm fyrir að bera eld að hænsna-
búi nágranna síns í Taílandi. FRÉTTABLAÐIÐ/HARI
UNGVERJALAND, AP Þrír menn fór-
ust í miklu óveðri sem gekk yfir
Búdapest í Ungverjalandi á sunnu-
dag. Tveggja er enn saknað, en
nær 300 særðust í veðrinu, þar af
40 lífshættulega.
Fólkið var að horfa á flugelda-
sýningu við Dóná til minningar um
fyrsta konung landsins, þegar
veðrið versnaði til muna. Tveir
mannanna létust þegar tré féll á þá
en óljóst er hvernig sá þriðji týndi
lífi, að sögn lögregluyfirvalda.
Fólkið sem saknað er var á báti á
Dóná þegar honum hvolfdi í veðr-
inu.
Forsætisráðherra landsins fund-
aði með yfirvöldum í gær til að
kynna sér hvort fresta hefði átt
hátíðarhöldunum vegna veðurs. - smk
Óveður í Ungverjalandi:
Þrír látnir og
tveggja saknað
RÚSTIR BEIRÚTS Höfuðborg Líbanons lítur illa út eftir árásir Ísraela.