Fréttablaðið - 22.08.2006, Side 22

22. ágúst 2006 ÞRIÐJUDAGUR22
Kæri Jón.
Ég vil ekki bendla þig við Fram-
sóknarflokkinn, en þú talar í grein
þinni „Hvalveiðar ef skynsemin
ræður 18. ágúst“ svo keimlíkt eins
og óábyrgur Framsóknarmaður.
Sestu nú hér með á skólabekk
með lífverði landgrunnsins við
Ísland. Ísland má ekki hefja hval-
veiðar nema að undangengnu þessu
eftirfarandi:
Stöðvun á notkun fjörutrolls
(dragnótar). Dæmi. Af hverju er
sandsílisstofninn að þrotum kom-
inn?
Af hverju er sjófugl ýmist að
deyja út eða flúinn á land? Af hverju
er kríuvarp að hverfa?
Af hverju sagði Guðmundur heit-
inn Kjærnested þetta í grein sinni í
DV 2003. „Ég hefði hvorki stofnað
skipi mínu eða skipshöfn í hættu
hefði ég vitað það fyrirfram að ég
var að skapa íslenskum sjóræn-
ingjum svigrúm til þess að arðræna
fiskimiðin.“
Stöðva þarf notkun flottrolla á
uppsjávarfisk (síld, loðnu og kol-
munna). Stöðva þarf þungatrollveið-
ar. Stöðva þarf veiðar með þorsknet-
um með 8 tommu möskva. Setja þarf
í lög að þorskanet séu dregin á innan
við 12 tíma fresti.
Efla þarf veiðar með handfærum
og línu og gefa slíkar veiðar frjálsar
að mörkunum 10 tonn á stærðartonn
viðkomandi báts. Afleggja þarf með
lögum sölu og leigu aflaheimilda
(Þjóðareignarinnar).
Taka þarf á þessu séríslenska
lögbrotamáli og gera viðkomandi
ábyrga. Svo skulum við bíða Nonni
minn tíu ár í viðbót eftir því að líf-
ríkið hafi náð sér, eftir 20 ára græðg-
istímabil, tíu manna undir verndar-
væng foringjans sem kvaddi á
dögunum, fullsaddur af því að skara
eld að eigin köku með hjálp Xb -
liðsins.
Opið bréf til Jóns Gunnars-
sonar formanns Sjávarnytja
Reykjavíkurmaraþon Glitnis var
skemmtilegt og gekk mjög vel fyrir
sig. Fyrir okkur sem höfum fylgst
með þessu hlaupi lengi er athyglis-
vert að sjá þá breytingu sem át
hefur sér stað á umgjörð hlaupsins
sem felst fyrst og fremst í markaðs-
væðingu þess. Í stað þess að
aðstandendur hlaupsins hafi fengið
styrktaraðila til þess að leggja
framtakinu lið af nokkurri hógværð
er engu líkara en einn aðili þ.e.a.s.
Glitnir hafi beinlínis keypt hlaupið
og gert það alfarið að sínu og sinna
starfsmanna. Vissulega er það
jákvætt þegar fyrirtæki sýna
góðum hlutum áhuga en mér finnst
Glitnir ganga fulllangt í að láta
hlaupið ganga út á sjálfan sig í stað
þess að almenningur sem hleypur
og ég tala nú ekki um afreksfólk í
hlaupum fái athyglina. Þannig er
athyglisvert að sjá að bankastjórinn
sjálfur er sá íþróttamaður sem
hefur fengið hvað mesta umfjöllun í
kringum þetta hlaup þrátt fyrir
allan þann fjölda afreksfólks sem
tekur þátt. Og maður spyr sig hvers-
vegna falla aðrir t.d. afreksfólkið í
skugga bankastjórans? Sem dæmi
má taka að Fréttablaðið sá ástæðu
til að taka stutt viðtal við banka-
stjórann á bls. 4 daginn eftir hlaup-
ið en ekki þótti ástæða til að ræða
við einn af verðlaunahöfum hlaups-
ins. Maður spyr sig bara hvernig
væru íþróttafréttirnar ef forstjórar
landsins og bankastjórar tækju upp
á því að fara að keppa í hinum ýmsu
íþróttagreinum? Þá væri líklega
fjallað um afrek Björgólfsfeðga í
fótbolta, og kannski fyllti Jón
Ásgeir fréttatímana af eigin júdóaf-
rekum og Hannes væri á forsíðun-
um fyrir frækileg sundafrek og
svona mætti lengi áfram telja.
Bankastjórahlaupið
UMRÆÐAN
REYKJAVÍKUR-
MARAÞONIÐ
JÓHANN BJÖRNSSON
KENNARI
UMRÆÐA
HVALVEIÐAR
GARÐAR H. BJÖRGVINSSON FRAM-
KVÆMDASTJÓRI FRAMTÍÐAR ÍSLANDS OG
VAKTMAÐUR LANDGRUNNSINS
Framsókn hafnaði kynslóðaskipt-
um við val á forustu á nýafstöðnu
flokksþingi. Hún kaus í staðinn
pólitíska framlengingu á fyrr-
verandi formanni eins og Þor-
steinn Pálsson orðar það í for-
ustugrein í Fréttablaðinu.
Flokksþingið kaus með 54%
atkvæða þann formamannskandi-
dat, sem fráfarandi formaður
hafði handvalið. Sif Friðleifsdótt-
ir fékk 44% atkvæða. Hún sýndi
mikið hugrekki með því að bjóða
sig fram til formennsku og hún
bauð þannig birginn foringjaræð-
inu í Framsókn. En hún var of
sein. Hún hikaði þar til vika var
eftir fram að flokksþingi. Að hika
er sama og að tapa, segir máltæk-
ið. Sennilega hefði hún sigrað, ef
hún hefði ákveðið sig fyrr, þ.e.
áður en Halldór Ásgrímsson var
búinn að binda rúman helming
þingfulltrúa á Jón Sigurðsson.
Þetta var síðasti greiðinn, sem
fráfarandi formaður bað flokks-
menn að gera sér, þ.e. að kjósa
gamlan vin hans sem formann.
Og það voru aðeins 44% sem stóð-
ust það að gera fráfarandi for-
manni þennan greiða.
Jón Sigurðsson er sjálfsagt
ágætis maður. En hann verður
fulltrúi þess Framsóknarflokks,
sem Halldór Ásgrímsson mótaði.
Það er flokkurinn, sem innsiglaði
langvarandi samstarf við Sjálf-
stæðisflokkinn og varpaði hug-
sjón samvinnu og jafnaðar fyrir
róða. Sif Friðleifsdóttir gaf til
kynna, að hún mundi innleiða
gömlu jafnaðargildin á ný, ef hún
yrði kosinn formaður. Ég hygg,
að hún hefði fært Framsóknar-
flokkinn aðeins til vinstri, ef hún
hefði komist til valda og var ekki
vanþörf á. Hún hefði tekið upp
róttækari stefnu en Halldór hafði
mótað enda þótt hún væri varkár
í tali fyrir flokksþingið og gætti
þess að styggja ekki Halldór eða
fylgismenn hans um of.
Eins og við var að búast hylltu
Framsóknarmenn sinn gamla
formann á flokksþinginu. Í
kveðjuræðu fráfarandi formanns
vöktu mesta athygli ummæli
hans um, að Bandaríkjunum væri
ekki lengur treystandi í varnar-
málunum. Bragð er að þá barnið
finnur. Um leið og Halldór hættir
virðist hann orðinn sammmála
Samfylkingunni um, að Ísland
eigi nú að halla sér að Evrópu í
varnarmálum. Bandaríkin hafi
brugðist. Hins vegar minntist
Halldór ekkert á Íraksstríðið í
kveðjuræðu sinni. Ákvörðun
hans og Davíðs Oddssonar um að
styðja innrásina í Írak er ljótasti
bletturinn á stjórnmálaferli
þeirra tvímenninganna. Powell,
fyrrverandi utanríkisráðherra
Bandaríkjanna, baðst afsökunar
á því að hafa lagt falsaðar upp-
lýsingar um hryðjuverkavopn í
Írak fyrir Öryggisráð Sþ. Powell
er maður að meiri eftir þá afsök-
unarbeiðni. Halldór hefur hins
vegar ekki beðið íslensku þjóðina
afsökunar á stuðningi við innrás-
ina í Írak. Hann segir aðeins, að
sennilega hefði ákvörðun hans
orðið önnur, ef réttar upplýsing-
ar um hryðjuverkavopn í Írak
hefðu legið fyrir. ( Viðtal í Mbl.)
Það er ekki nóg. Þessir menn
skulda íslensku þjóðinni afsökun-
arbeiðni.
Það voru miklar vonir bundn-
ar við Halldór Ásgrímsson sem
ungan stjórnmálamann áður en
hann gekk í björg hjá íhaldinu.
En íhaldsvistin breytti honum.
Morgunblaðið segir að mesta
afrek hans hafi verið að halda
Framsókn svo lengi við völd sem
raun ber vitni. Það er enginn
vandi að halda flokki við völd í
samsteypustjórn, ef hann slakar
alltaf á stefnu sinni og samþykk-
ir stefnu samstarfsflokksins. Það
voru mikil mistök hjá Halldóri að
framlengja samstarf við íhaldið
eftir síðustu kosningar. Þar réði
ferð hégómi um að fá stól forsæt-
isráðherra um stutt skeið.
Halldórs verður lengst minnst
fyrir þátt hans í lögleiðingu kvóta-
kerfisins svo og fyrir að beita sér
fyrir Kárahnjúkavirkjun. Stein-
grímur Hermannsson skýrir frá
því í ævisögu sinni, að LÍU og
Fiskiþing hafi beitt sér fyrir ein-
hvers konar kvótakerfi og Hall-
dór, sem sjávarútvegsráðherra,
hafi lagt tillögur þar um fyrir
alþingi. Það má því segja, að Hall-
dór sé nokkurs konar faðir kvóta-
kerfisins. En sjálfur kveðst Stein-
grímur hafa verið á móti þessu
kerfi. Að sjálfsögðu hafa margir
stjórnmálamenn lagt blessun sína
yfir kvótakerfið en mesta ábyrgð
bera Framsókn og íhaldið í því
efni. Þetta kerfi er eitthvað það
ranglátasta, sem innleitt hefur
verið hér á landi. Tiltölulega fáum
útvöldum voru fengin yfirráð og
nýting fiskauðlindarinnar án end-
urgjalds, en lögum samkvæmt er
fiskurinn í sjónum sameign allar
þjóðarinnar. Þessir aðilar hafa
síðan stöðugt braskað með auð-
lindina. Nýting hennar hefur
gengið kaupum og sölum og þess-
ir aðilar hafa grætt stórfé á brask-
inu, sumir hafa hagnast um marga
milljarða. Gífurlegir fjármunir
hafa flust til í þjóðfélaginu við
þessi viðskipti og hinir fáu
útvöldu hafa hagnast gífurlega.
Þetta er mjög ranglátt kerfi, sem
verður að afnema eða leiðrétta.
Það er enginn heiður fyrir Hall-
dór að vera guðfaðir þessa kerf-
is.
Kárahnjúkavirkjun og álverk-
smiðjan á Reyðarfirði munu
verða lyftistöng fyrir atvinnulíf
Austurlands. Margir Austfirðing-
ar munu því þakklátir Halldóri
fyrir forgöngu hans í því máli. En
ágreiningur er mikill meðal þjóð-
arinnar um þessar framkvæmdir
allar. Margir telja, að spjöll á
náttúrunni séu of mikil og að
atvinnuuppbyggingin eystra sé
of dýru verði keypt. Athyglisvert
er, að þau mál sem helst halda
nafni Halldórs Ásgrímssonar á
lofti, kvótakerfið og Kárahnjúka-
virkjun (og Íraksstríðið) hafa
ekkert með samvinnustefnu eða
jöfnuð að gera enda hefur Fram-
sókn undir forustu Halldórs snúið
baki við stefnu samvinnu og jafn-
aðar. Þorvaldur Gylfason próf-
essor segir, að kvótakerfið eigi
stærsta þáttinn í aukinni mis-
skiptingu og auknum ójöfnuði
hjá þjóðinni. Í stjórnartíð Fram-
sóknar og Sjálfstæðisflokks síð-
ustu 11 árin hefur auðgildið verið
tekið fram yfir manngildið og
græðgisstefna hefur verið inn-
leidd í samfélagið. Því miður er
ekki að vænta neinnar stefnu-
breytingar hjá Framsókn með
nýjum formanni. Þetta er sami
grautur í sömu skál.
Framsókn: Sami grautur í sömu skál
UMRÆÐAN
FRAMSÓKNAR-
FLOKKURINN
BJÖRGVIN GUÐMUNDSSON
VIÐSKIPTAFRÆÐINGUR
SENDIÐ OKKUR LÍNU
Við hvetjum lesendur til að
senda okkur línu og leggja
orð í belg um málefni líðandi
stundar. Greinar og bréf skulu
vera stutt og gagnorð. Ein-
göngu er tekið á móti efni sem
sent er frá Skoðanasíðunni á
visir.is. Þar eru nánari leiðbein-
ingar. Ritstjórn ákveður hvort
efni birtist í Fréttablaðinu eða
Vísi eða í báðum miðlunum
að hluta eða í heild. Áskilinn
er réttur til leiðréttinga og til
að stytta efni.