Fréttablaðið - 27.08.2006, Side 64
27. ágúst 2006 SUNNUDAGUR24
menning@frettabladid.is
!
LEIKHÚSTILBOÐ
Tvíréttaður matur, miði og frítt
í Göngin til baka í boði
Landnámsseturs
Frá kr. 4300 - 4800
MIDAPANTANIR Í SÍMA 437 1600
Sýnt í Landnámssetri
í Borgarnesi
Sunnudag 3. september kl. 15 Uppselt
Sunnudag 3. september kl. 20 Uppselt
Fimmtudag 7. september kl. 20 Laus sæti
Föstudag 8. september kl. 20 Laus sæti
Laugardag 9. september kl. 20 Laus sæti
Sunnudagur 10. september kl. 16 Laus sæti
Föstudagur 15. septemberkl. 20
Laugardagur 16. september kl. 20
Laugardagur 23. september kl. 20
Sunnudagur 24. september kl. 16
Aðsóknarmesta sýning
síðasta leikárs!
Drepfyndinn
gamanleikur í Reykjavík!
Miðasala er þegar hafin!
Miðasala í síma 551 4700 // opið 13:00-17:00 // www.midi.is //Austurbæjarbíó – Snorrabraut 37
Næstu sýningar:
Föstudaginn 18. ágúst kl. 20:00
Laugardaginn 26. ágúst kl. 19:00
Laugardaginn 26. ágúst kl. 22:00
Á ÞAKINU
Kl. 10
Síðustu opnunarhelgi sumarsins á
Árbæjarsafni lýkur í dag. Hinn árlegi
haustmarkaður hefst klukkan 11 þar
sem selt er grænmeti úr matjurtar-
görðum safnsins.
> Ekki missa af...
síðasta degi bæjarhátíðarinnar
Í túninu heima í Mosfellsbæ. Í
dag búa börn meðal annars til
krítarlistaverk við íþróttahúsið
Varmá og ungur tónlistarmaður
leikur eigin verk í Kjarna.
sýningu mæðgnanna Valgerðar
Briem og Valgerðar Bergs-
dóttur í Gerðarsafni en þar
gefst listamönnum samtímans
kostur á að fara í pílagrímsför
og sjá verk eins af áhrifamestu
myndlistarkennurum hérlendis á
síðustu öld.
Ljósmyndasýningu Þorgerðar
Gunnarsdóttur áhugaljósmynd-
ara í Félagsbæ í Borgarnesi.
Eins og venjan er alla sunnudaga býður Listasafn
Íslands upp á leiðsögn í dag klukkan 14. Verður
farið um sýninguna Landslagið og þjóðsagan í dag.
Á sýningunni er fjallað um íslenska landslagslist frá
upphafi síðustu aldar, eftir nokkra af okkar fremstu
listamönnum, og einnig eru á sýningunni verk sem
byggja á túlkun þjóðsagna.
Leiðsögnin í dag er farin í fylgd Einars Garibaldi
Eiríkssonar myndlistarmanns og prófessors við Lista-
háskóla Íslands. Leiðsögnina kallar Einar Garibaldi
Þjóðsagan og landslagið og fer hann um sýninguna
Landslagið og þjóðsagan. Þar hefur hann valið fjög-
ur verk sem hann styðst við og notar sem leiðarstef
í leiðsögninni. Hann fjallar um landslagsmynda-
hefðina og fjölbreytta framsetningu náttúrunnar í
íslenskri myndlist.
Enginn þarf að greiða aðgang að Listasafni
Íslands og er leiðsögnin einnig ókeypis. Allir eru
velkomnir og verður lagt af stað klukkan 14.
Fjölbreytt framsetning náttúru
LEIÐSÖGN Á LISTASAFNINU Einar Garibaldi Eiríksson er
leiðsögumaður í Listasafni Íslands í dag.
HVAÐ? HVENÆR? HVAR?
ÁGÚST
24 25 26 27 28 29 30
Sunnudagur
■ ■ TÓNLEIKAR
20.00 Í kvöld munu hljómsveit-
irnar The Dyers, Jack London,
Retro Stefson, Andrúm og Frú
Grímhildur spila í TÞM, Hólmaslóð
2 úti á Granda. 500 krónur inn, allir
velkomnir.
■ ■ SÝNINGAR
09.00 Sumarsýning Listvinafélags
Hallgrímskirkju á verkum Ásgerðar
Búadóttur. Sýningunni lýkur þriðju-
daginn 29. ágúst.
12.00 Sumarsýningu í anddyri
Norræna hússins lýkur í dag.
Ljósmyndir frá Austur-Grænlandi
eftir danska ljósmyndarann Ole G.
Jensen. Opið til klukkan 17.
12.00 Samsýning á verkum þeirra
listamanna sem tilnefndir hafa verið
til Íslensku sjónlistaverðlaunanna
var opnuð í gær í Listasafninu á
Akureyri. Opið alla daga nema
mánudaga 12-17.
13.00 Sumarsýning Handverks
og hönnunar lýkur í dag. Til sýnis
íslenskur listiðnaður og nútíma
hönnun eftir 37 aðila. Opið til klukk-
an 17 í Aðalstræti 12, önnur hæð.
■ ■ FÉLAGSLÍF
12.00 Berjatínsluferð SÁÁ í
Selvog. Lagt verður af stað frá Essó
Ártúnshöfða. Takið með ykkur nesti.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
550 5000
AUGLÝSINGASÍMI
Í dag er dyrum Reykholts-
kirkju hinnar eldri lokið
upp fyrir almenningi eftir
endurbætur sem staðið hafa
yfir á þessari fallegu kirkju
um fimm ára skeið.
„Við erum sérstaklega ánægð
með að fá kirkjuna í gagnið,“
segir Bergur Þorgeirsson, for-
stöðumaður Snorrastofu í Reyk-
holti. Mikil uppbygging hefur
verið í Reykholti þar sem unnið
er að svokölluðum minjagarði.
„Við viljum hafa til sýnis allt sem
tengist sögu staðarins, alveg fram
til nútímans. Þá er ég ekki bara að
tala um tíma Snorra Sturlusonar
heldur líka þá þróun sem
hefur átt sér stað, eins og
saga skólans og fleira,“
segir Bergur. Uppbygg-
ing á svæðinu í heild sinni
er því þýðingarmikil fyrir
þá starfsemi sem nú er í
Reykholti. „Við viljum að
fólk geti líka notið útivist-
ar hér, fornleifanna og
um leið gömlu kirkjunn-
ar. Þess vegna er þessi
opnun gríðarlega mikil-
vægt fyrir okkur.“
Endurbæturnar á
kirkjunni eru búnar að standa
yfir síðan árið 2001 og hafa verið
nokkuð viðamiklar. „Gamla kirkj-
an var í mjög slæmu ásigkomu-
lagi og hafði í rauninni ekki feng-
ið viðhald í fjölda ára. Hún var
því býsna illa farin bæði að innan
og utan áður en hún komst í vörslu
Þjóðminjasafnsins,“ útskýrir
Bergur.
Ekki er að sjá núna að kirkjan
hafi nokkurn tímann verið í nið-
urníðslu enda er hún sérstaklega
falleg að sjá. „Það sem gert var í
þessu verkefni var að gera kirkj-
una upp bæði að innan og utan og
færa kirkjuna til upprunalegs
horfs, eða með því útliti sem
menn telja að hafi verið á henni
þegar hún var byggð,“ segir Berg-
ur sem bætir við að það hafi þó
verið nokkrum vandkvæðum
bundið að finna upprunalegt útlit
kirkjunnar. „Kirkjunni var breytt
og settur á hana gotneskur stíll í
kringum 1950 og það var töluverð
vinna fólgin í því að vita hvernig
hún leit út í upphafi,“ bætir hann
við.
Bergur segist ekki vera sér-
fræðingurinn sem eigi að svara
fyrir það hver séu sérkenni gömlu
kirkjunnar í Reykholti.
„Eftir því sem mér skilst
er hún í stíl við Dómkirkj-
una í Reykjavík og ljóst
að menn voru að líkja
eftir henni. Kirkjan er
líka býsna stór fyrir þenn-
an tíma og því mikilvæg í
byggingarsögunni. Hún
er þó að öðru leyti með
nokkuð hefðbundnu
sniði.“
Í tilefni opnunarinnar
stendur Snorrastofa fyrir
sérstakri dagskrá í Reyk-
holti sem hefst klukkan 14 með
messu í nýju kirkjunni. Boðið er
til kaffisamsætis að messunni lok-
inni og klukkan 15.30 flytur Guð-
rún Sveinbjarnardóttir, stjórn-
andi fornleifarannsóknanna í
Reykholti, fyrirlestur. „Guðrún
heldur fyrirlestra um fornleifa-
uppgröftinn og þessir fyrirlestrar
hafa alltaf verið mjög fjölsóttir,“
segir Bergur en að því loknu, eða
klukkan 16.30, opnar Margrét
Hallgrímsdóttir þjóðminjavörður
formlega gömlu kirkjuna. „Allir
eru velkomnir og aðgangur ókeyp-
is að dagskránni. Dagskáin er auð-
vitað samhangandi en menn geta
komið á hvern lið fyrir sig,“ segir
Bergur Þorgeirsson, forstöðu-
maður Snorrastofu í Reykholti.
annat@frettabladid.is
Í Reykholti er meira en
bara Snorri Sturluson
GAMLA KIRKJAN SEM NÝ Í dag verður gamla kirkjan í Reykholti formlega opnuð og stendur Snorrastofa fyrir sérstakri dagskrá í Reykholti
af því tilefni. Dagskráin hefst með messu klukkan 14 og rekur svo hver dagskrárliðurinn annan fram að því að þjóðminjavörður opnar
kirkjuna klukkan 16.30. MYND/ÞJÓÐMINJASAFNIÐ
BERGUR ÞORGEIRS-
SON Forstöðumað-
ur Snorrastofu í
Reykholti.