Fréttablaðið - 25.01.2007, Page 2

Ylfa, er skítalykt af þessu máli?
Opið: Alla virka daga kl. 9:00-18:00 og laugardaga kl. 12:00-16:00. Sími: 525 8020.
NOTAÐIR BÍLAR
BÍLL DAGSINS
NISSAN X-TRAIL SPORT
Nýskr. 10.03 - Sjálfskiptur - Ekinn 72 þús. km. - Allt að 100% lán.
Verð á
ður: 1.
920.0
00-
Tilboð
:
1.590.
000.-
Ný leiguþyrla
Landhelgisgæslu Íslands kom til
landsins í gær. Hún hefur fengið
einkennisstafina TF-EIR og er
fjórða þyrlan í flota Gæslunnar.
Nýja þyrlan er leigð frá Noregi og
er frönsk, af gerðinni Dauphin AS
365N2, eða sömu tegundar og TF-
SIF, minni þyrla Gæslunnar. Nýja
þyrlan er þó bæði betur búin og
kraftmeiri.
Benóný Ásgrímsson, yfirflug-
stjóri Landhelgisgæslunnar, flaug
þyrlunni til landsins og gekk ferðin
vel að hans sögn. Millilent var á
Höfn í Hornafirði þar sem forstjóri
Landhelgisgæslunnar, Georg
Lárusson, beið hennar en önnur
leiguþyrla Gæslunnar, sem hefur
fengið viðurnefnið Steinríkur, fór
til Hornafjarðar til móts við nýju
þyrluna. Björn Bjarnason dóms-
málaráðherra tók síðan á móti TF-
EIR er hún kom til Reykjavíkur
klukkan fjögur síðdegis í gær.
Georg Lárusson segir að með
komu þyrlunnar aukist öryggi til
lands og sjávar og von sé á fimmtu
vélinni í maí. „TF-Líf er ein besta
björgunarþyrla sem er til í heimin-
um og þá fáum við aðra, sömu teg-
undar, jafngóða eða betri.“ Inntur
eftir því hvort eitthvað hafi skýrst
varðandi kaup á nýjum þyrlum
fyrir Gæsluna segir Georg að það
eigi eftir að skýrast.
Ný þyrla eykur öryggi á landi og sjó
Samkomulag hefur tekist
um tillögu að deiliskipulagi vegna
stækkunar álvers Alcan í Straums-
vík og hefst kynning fljótlega.
Atkvæði verða greidd um deili-
skipulagið 31. mars og verður
niðurstaðan bindandi. Ef deili-
skipulagið hlýtur samþykki bæjar-
búa fer það áfram í auglýsingu og
álverið verður stækkað. Ef það
verður fellt er málinu lokið.
Í tillögunni hafa þjónustubygg-
ingar við austurenda verið færðar
á milli kerskála, spennustöð færð
og raflínur grafnar í jörð. Gert er
ráð fyrir aðgengi að kapellu heil-
agrar Barböru sem verður inni á
milli kerskála.
Gert er ráð fyrir að mengun
frá álverinu verði áþekk og nú og
að hún verði mæld á fjórum stöð-
um í Hafnarfirði, í stað eins nú.
Nýtt þynningarsvæði, en það er
svæði umhverfis álver þar sem
þynning mengunar á sér stað,
verður aðeins þriðjungur af
núgildandi þynningarsvæði. Gert
er ráð fyrir að lög um svæði tak-
markaðrar ábyrgðar verði felld
úr gildi.
Færslan á Reykjanesbrautinni
og tvöföldun hennar er talin kosta
um 1,5 milljarða króna. Lúðvík
Geirsson, bæjarstjóri í Hafnar-
firði, segir að svör þurfi að fást
frá samgönguráðherra út af
kostnaðinum sem og Landsneti
vegna kostnaðar við raflínur fyrir
íbúakosningarnar.
Lúðvík segir aðspurður að full
ástæða sé til að hafa áhyggjur af
því að Alcan fari frá Hafnarfirði
og fleiri hundruð störf hverfi úr
bænum verði tillagan ekki sam-
þykkt. Hann kveðst ánægður með
deiliskipulagstillöguna sem ligg-
ur fyrir og bendir á að full sam-
staða sé um hana, en setur fyrir-
vara um svör frá ríkinu um
kostnaðarskiptingu vegna færslu
Reykjanesbrautar. Sturla
Böðvarsson samgönguráðherra
hyggst ekki svara neinu fyrr en
niðurstaða atkvæðagreiðslunnar
liggi fyrir. Hafnarfjarðarbær
mun ráða utanaðkomandi aðila til
að sjá um „hlutlausa og upplýsta
kynningu“ á deiliskipulaginu og
verður hún viðameiri en venju-
lega þegar deiliskipulag er kynnt.
Gert er ráð fyrir að kostnaður
nemi um tíu milljónum króna.
Deiliskipulagstillagan verður
rædd í bæjarráði í dag. Stefnt er
að því að afgreiða málið úr bæjar-
stjórn á þriðjudag. Tillagan þarf
ekki að fara í umhverfismat.
Atkvæði greidd um
álverið í lok mars
Hafnfirðingar greiða atkvæði 31. mars um deiliskipulag vegna stækkunar ál-
versins. Bæjaryfirvöld standa fyrir kynningu fyrir tíu milljónir. Mengun svipuð
en þynningarsvæði minnkar. Samgönguráðherra svarar engu um kostnað.
Samkvæmt heimildum
Fréttablaðsins er 51 prósent Hafn-
firðinga mótfallið stækkun álvers-
ins í Straums-
vík. Þetta kemur
fram í könnun
sem Capacent-
Gallup vann
fyrir Alcan, sem
rekur álverið í
Straumsvík, á
viðhorfi átta
hundruð Hafn-
firðinga til
fyrirhugaðrar
stækkunar
álversins. Alcan kynnti niðurstöð-
urnar fyrir starfsmönnum álvers-
ins í gær.
Samkvæmt könnuninni eru 39
prósent þeirra Hafnfirðinga sem
tóku þátt í könnuninni hlynnt
stækkuninni og tíu prósent þeirra
eru óákveðin.
Lúðvík Geirsson, bæjarstjóri í
Hafnarfirði, segir að niðurstaðan
staðfesti grun hans um að viðhorf
Hafnfirðinga til fyrirhugaðrar
stækkunar séu skipt. „Þess vegna
er mikilvægt að íbúar bæjarins fái
að ganga til lýðræðislegra kosn-
inga um stækkunina.“
Guðrún Ágústa Guðmundsdótt-
ir, fulltrúi Vinstri grænna í bæjar-
stjórn Hafnarfjarðar, fagnar
niðurstöðum könnunarinnar. Hún
telur að niðurstöðurnar gefi fyrir-
heit um niðurstöðuna í íbúakosn-
ingunum meðal Hafnfirðinga sem
haldnar verða hinn 31. mars.
Hrannar Pétursson, upplýs-
ingafulltrúi Alcan, vildi ekki gefa
upp niðurstöðurnar í könnuninni
þegar Fréttablaðið hafði samband
við hann í gær. Hann sagði að
Alcan ætlaði að senda fjölmiðlum
niðurstöður könnunarinnar í dag.
Meirihlutinn á móti
Hugi Halldórsson, oft
nefndur Ofur-Hugi, lenti í
kröppum dansi í Westfalenhalle í
gær undir lok leiks Íslands og
Túnis.
Þegar ljóst var að Ísland
myndi vinna leikinn hljóp Hugi
með íslenska fánann eftir allri
endalínunni. Það fór eitthvað í
taugarnar á Túnismönnum og
einn þeirra gerði sér lítið fyrir og
hljóp á eftir Huga og sparkaði í
bakið á honum. Hugi hafði ekki
hugmynd um að Túnisbúinn væri
á eftir sér. Þetta spark minnti um
margt á þekkt spark knatt-
spyrnugoðsins Eric Cantona.
Slagsmálahundurinn var
umsvifalaust fjarlægður af
öryggisvörðum en Hugi fékk sér
sæti og lét lítið fyrir sér fara.
Ráðist á Ofur-
Huga á HM
Ef Hafnfirðingar hafna
fyrirhugaðri stækkun álversins í
Straumsvík í íbúakosningunum
sem fyrirhugaðar eru 31. mars
mun það flýta fyrir byggingu
álvers Century í Helguvík. Þetta
er mat greiningardeildar
Kaupþings, sem sagði frá þessu í
hálffimm fréttum sínum í gær.
Ástæðan er sú að þá muni
orkan sem hefði átt að nota í
nýjum hluta álversins í Straums-
vík verða notuð í álverinu í
Helguvík.
Greiningardeildin telur hins
vegar að ef Hafnfirðingar
samþykki stækkunina muni verða
beðið með byggingu álversins í
Helguvík þar til orkuöflun hafi
farið fram fyrir stækkun álversins
í Straumsvík.
Álverið í Helgu-
vík fær orkuna
Þrír menn komu sér
út úr brennandi íbúð í tveggja
hæða húsi í Lækjarvaði í Norð-
lingaholti um klukkan hálf ellefu í
gærmorgun.
Einn mannanna, sem var
sofandi þegar eldurinn kom upp,
brenndist lítillega í andliti.
Mennirnir voru fluttir til aðhlynn-
ingar á slysadeild og hlutu þeir
allir minniháttar reykeitrun.
Eldurinn kviknaði í svefnher-
bergi íbúðarinnar. Enginn var í
íbúðinni á neðri hæð hússins.
Slökkviliðinu gekk vel að
slökkva eldinn en íbúðin er
nokkuð skemmd vegna reyks.
Eldsupptök eru ókunn en
lögreglan á höfuðborgarsvæðinu
vinnur að rannsókn málsins.
Komu sér út úr
brennandi íbúð
Miðar á fimmtán gesta-
sýningar Leikfélags Akureyrar í
Borgarleikhúsinu um þá bræður
Karíus og Baktus seldust upp á
fáeinum klukkustundum í gær.
Var búið að selja á fjórða þúsund
miða í gærkvöldi og stefndi þá í
að aðsóknarmet Leikfélags
Akureyrar á gestasýninguna
Fullkomið brúðkaup í Borgarleik-
húsinu síðan í fyrra yrði slegið.
„Það er greinilegt að þeir
bræður eiga vinsældum að fagna
um allt land því sýningunni hefur
verið afar vel tekið nyrðra,“ segir
Magnús Geir Þórðarson, leikhús-
stjóri LA.
Karíus og Bakt-
us sívinsælir