Fréttablaðið - 25.01.2007, Page 40

Arnar Jónsson leikari á nokkra
uppáhaldshluti á sínu heimili.
Meðal þeirra er forláta skápur
sem keyptur var á fornsölu.
Arnar segir að skápurinn sé eitt af
alfyrstu húsgögnunum sem hann og
Þórhildur Þorleifsdóttir eiginkona
hans keyptu sér. „Einhvern tímann
vorum við alveg óskaplega blönk,
eins og gjarnan á árum áður, og þá
stóð valið um það að kaupa sér bíl-
druslu eða þennan skáp á fornsölu.
Við létum bílinn flakka og löbbuð-
um bara það sem við þurftum en
keyptum skápinn og ég held að við
höfum aldrei séð eftir því,“ segir
hann.
Skápurinn er handsmíðaður og
telur Arnar að hann hafi verið smíð-
aður af dönskum klerki átján hundr-
uð og eitthvað. „Þetta er mjög fal-
legur skápur sem er notaður undir
betra stellið og allt það auk þess
sem hann er mikil stofuprýði.“
Arnar segir að það séu ein þrjá-
tíu ár síðan þau hjónin keyptu skáp-
inn. „Að minnsta kosti það. Skápur-
inn hefur fylgt okkur síðan en við
höfum reyndar ekki flutt nema einu
sinn. Við fórum þá af Óðinsgötunni
hingað á Skólavörðustíginn sem er
reyndar ekki mjög langt, sennilega
ekki nema hundrað metrar, en ég
gat ekki komið lífsförunautnum
lengra en þetta og nú er ég hér og
skápurinn líka.“
Arnar er alls ekkert ósáttur við
að hafa þurft að sleppa því að kaupa
bíl á sínum tíma til þess að geta
eignast skápinn. „Ég held að það
gefi honum bara gildi og geri hann
verðmætari fyrir vikið.“
Keypti skáp í stað bíls