Fréttablaðið - 04.03.2007, Síða 2

Bókhald II
Stutt og hagnýtt framhaldsnámskeið í bókhaldi. Hentar þeim
þeim sem hafa bókhaldsreynslu eða hafa lokið Tölvu-, skrifstofu-
og bókhaldsnámi og vilja ná frekari skilningi og færni í bókhaldi.
Helstu kennslugreinar:
Upprifjun á fjárhagsbókhaldi, VSK
uppgjör og leiðréttingarskýrslur.
Launabókhald, launamiðar,
launaframtöl og skil til skatts.
Afstemmingar og skil á bókhaldi til
endurskoðenda. Lestur ársreikninga.
Kennsla hefst 8. mars og lýkur 27. mars.
Morgunnámskeið:
Mánudaga og fimmtudaga kl. 8.30-12.
Kvöldnámskeið:
Þriðjudaga og fimmtudaga kl. 18-21.30.
Lengd: 32 std. Verð kr. 36.000,-
FAXAFEN 10
108 REYKJAVÍK
GLERÁRGATA 36
600 AKUREYRI
WWW .TSK . IS
SKOLI@TSK . IS
SÍMI : 544 2210
„Framsókn reisir þetta
mál núna bersýnilega vegna þess
að flokkurinn telur þörf á að skapa
ágreining við Sjálfstæðisflokkinn
í ríkisstjórninni sökum fylgis-
fátæktar,“ segir Össur Skarphéð-
insson, formaður þingflokks Sam-
fylkingarinnar.
Össur, sem er einn þriggja
alþingismanna sem sitja í undir-
hópi stjórnarskrárnefndar, segir
að í apríl í fyrra hafi verið gengið
frá tillögu í undirhópnum um auð-
lindaákvæði í stjórnarskrá um að
auðlindir og landsréttindi sem
ekki séu háð einkaeignarrétti
skyldu vera þjóðareign sem ekki
mætti láta varanlega af hendi við
einstaklinga eða fyrirtæki. Hins
vegar mætti ríkið veita tíma-
bundna heimild til að nota þessar
auðlindir og réttindi gegn gjaldi.
Á slíka afnotaheimild yrði litið
sem óbein eignarréttindi þess sem
heimildina fengi.
Össur segir að þessi tillaga
starfshópsins hafi verið rædd í
stjórnarskrárnefndinni sjálfri við
litlar undirtektir stjórnarliða. „Nú
virðist sem Framsóknarflokkur-
inn sé kappsfullur í að ná málinu
fram. En þetta er hreinn yfir-
drepsskapur af hálfu Framsóknar-
flokksins sem er að reyna að
hreinsa af sér slyðruorðið um að
hann liggi eins og tuska fyrir Sjálf-
stæðisflokknum í öllum málum.
Hvað sem því líður þá fagna ég
þessum sinnaskiptum og við
munum sjá til þess á Alþingi að
þeir verði látnir standa við þessi
stóru orð.“
Bjarni Benediktsson alþingis-
maður, sem situr í áðurnefndum
vinnuhópi ásamt Össuri og Guð-
jóni A. Kristinssyni, formanni
Frjálslynda flokksins, segir
afgreiðslu vinnuhópsins aðeins
hafa verið umræðugrundvöll
fyrir frekari skoðun í stjórnar-
skrárnefndinni sjálfri.
Að sögn Bjarna er vandséð að
unnt verði að afgreiða breytingu á
auðlindaákvæði stjórnarskrárinn-
ar fyrir þinglok. Mjög flókin lög-
fræðileg og hagfræðileg álitaefni
bíði enn úrlausnar. Stjórnarskrár-
nefndin sé einfaldlega í miðjum
klíðum.
Að sögn Bjarna sýnir virk þátt-
taka sjálfstæðismanna í stjórnar-
skrárnefndinni að þeir vinni að
framgangi stjórnarsáttmálans.
„Ég skil ekki brigsl um það að
við séum eitthvað að draga lapp-
irnar í þessum efnum þegar við
höfum verið með mjög virka þátt-
töku í þessu starfi,“ segir Bjarni.
„Það er mikil synd þegar menn
eru búnir að hrinda af stað starfi
eins og því sem fer fram í stjórn-
arskrárnefnd að menn skuli ekki
hafa þolinmæði til að leyfa því
starfi að hafa sinn gang. Menn
eiga ekki að gera breytingar á
stjórnarskránni á einhverjum
stuttum spretti.“
Framsókn sjálf sögð
svæfa auðlindamál
Össur Skarphéðinsson segir fulltrúa Framsóknarflokks í stjórnarskrárnefnd
hafa verið áhugalausa um tillögu um auðlindaákvæði. Bjarni Benediktsson seg-
ir auðlindamálið flókið og að stjórnarskrárnefndin sé enn í miðjum klíðum.
Stefán Eiríksson,
lögreglustjóri höfuðborgarsvæð-
isins, og Jón H.B. Snorrason
aðstoðarlögreglustjóri hlupu á
föstudaginn í veg fyrir bíl vegna
gruns um ölvunarakstur og stöðv-
uðu ökumanninn.
Lögreglustjórarnir voru í
reglulegri eftirlitsgöngu um götur
Reykjavíkur. Þeir voru staddir í
Skuggasundi þegar þeim barst til-
kynning í gegnum samskiptakerfi
lögreglunnar um mann nálægt
Björnsbakaríi við Skúlagötu sem
gerði sig líklegan til að setjast
undir stýri án þess að vera í
ástandi til að keyra.
Stefán segir þá Jón hafa rokið
af stað og ætlað að aðstoða við að
stöðva manninn. Þeir hafi fengið
upplýsingar um staðsetningu bíls-
ins í gegnum samskiptamiðstöð
lögreglunnar, sem var í beinu
sambandi við árvökulan vegfar-
anda.
„Við sjáum hvar ökumaðurinn
keyrir af stað og tökum á rás. Jón
stekkur til og stöðvar manninn.
Við ræðum við hann og innan við
mínútu síðar koma fleiri lögreglu-
menn á staðinn og taka við mál-
inu. Það mun síðan fara sína hefð-
bundnu leið,“ segir Stefán.
Aðspurður hvort ekki sé
óvenjulegt að æðstu menn lög-
reglunnar hlaupi uppi ölvaða öku-
menn segir Stefán þetta hluta af
lögreglustarfinu. Tilviljun ein
hafi ráðið því að þeir voru fyrstir
á vettvang.
Sex manns létust í gærmorgun í
Atlanta þegar rúta með körfuboltalið háskólanema
frá Ohio í Bandaríkjunum innanborðs fór í gegn-
um vegrið á afrein, steyptist fram af og lenti á
fjölfarinni hraðbraut fyrir neðan.
Fjórir nemendur voru meðal hinna látnu ásamt
bílstjóra rútunnar og eiginkonu hans. Alls hlutu 29
farþegar meiðsli í slysinu, þar af eru þrír lífshættu-
lega slasaðir.
Slökkviliðsmenn þurftu að draga farþegana út
um glugga á þaki rútunnar, sem lá á hliðinni á veg-
inum. Þegar rútan fór fram af lenti hún framan á
pallbíl á hraðbrautinni og sagðist bílstjóri pallbíls-
ins hafa haldið að steypuplata væri að falla ofan á
sig. „Ég sá ekki að þetta var rúta. Ég held að þegar
ég sá þetta koma hafi ég lokað augunum og stigið á
bensíngjöfina.“ Framhluti pallbílsins laskaðist en
bílstjórinn slapp án meiðsla.
Að sögn talsmanns lögreglunnar er talið líklegt
að orsök slyssins hafi verið sú að ökumaður rútunn-
ar hafi ruglast og haldið að afreinin væri akrein.
Ekki hafði enn birt af degi þegar slysið varð.
Körfuboltaliðið, sem kom frá Bluffton-háskóla í
Ohio, var á leið til Flórída þar sem það átti að keppa
um helgina.
Rúta steyptist fram af afrein
Útflutningur á
dönskum vörum til múslimalanda
dróst það mikið saman á síðasta
ári að heildarútflutningur Dana
minnkaði um 11 prósent. Danska
hagstofan skýrði frá þessu í gær.
Mest munaði þar um mjólkur-
vörur, en útflutningur á þeim til
múslimalanda minnkaði um 39
prósent. Ástæðuna má rekja til
teiknimyndanna af Múhameð
spámanni, sem birtust í Jótlands-
póstinum haustið 2005. Múslimar
um heim allan reiddust myndbirt-
ingunum í byrjun árs 2006 og víða
voru danskar vörur fyrir vikið
fjarlægðar úr verslunum.
Útflutningur
Dana minnkaði
Peningaseðlar límdir á
striga, verk norska listamannsins
Jan Christensen, vakti ekki bara
athygli listunnenda á landsvísu
heldur einnig þjófa sem brutust
inn í sýningarsalinn og höfðu
verkið með sér á brott seinnipart
sunnudags.
Christensen sagðist hafa verið
hræddur um að þetta kæmi fyrir
en peningaseðlarnir sem hann
notaði í verkið komu úr hans eigin
vasa og voru samtals rúm milljón
króna. Verkið, sem var tryggt,
hafði verið selt norskum listunn-
anda. Christiansen hafði ekki
ákveðið hvort hann myndi gera
annað verk sömu gerðar.
Þjófarnir stálu
milljón á striga
Sinfóníuhljómsveit
Íslands var á fimmtudag dæmd
til að greiða fyrrum starfsmanni
sínum 1,3 milljónir króna vegna
ólögmætrar uppsagnar hans.
Maðurinn hafði krafist þess að fá
6,6 milljónir vegna starfslokanna
og Héraðsdómur Reykjavíkur
hafði dæmt Sinfóníuhljómsveit-
ina til að greiða honum tæplega
helming þeirrar upphæðar.
Hæstiréttur vísaði til þess að
maðurinn hefði ekki fengið að tala
máli sínu áður en ákvörðun um
uppsögn var tekin eins og
stjórnsýslulög kveða á um. Því
hafi uppsögnin verið ólögmæt.
Dæmd til að
greiða bætur
Auðkýfingurinn
Mohammed al Fayed, eigandi
Harrods-verslananna í Bretlandi,
vann í gær sigur þegar dómstóll
úrskurðaði að kviðdómur yrði
kallaður saman fyrir réttarrann-
sókn á dauða Dodi Fayed, sonar
hans og Díönu prinsessu.
„Þetta eru ekki leiðarlokin, en
þetta er mikilvægt skref. Nú þarf
að leyfa kviðdómnum að heyra
allan málflutninginn, en ég óttast
að reynt verði að halda honum frá
þeim. Ef svo verður, þá þarf ég að
heyja eina baráttuna enn,“ sagði
al Fayed við fréttamenn fyrir
utan dómshúsið í gær.
Kviðdómur
settur í málið
Lögreglan á Selfossi
fann um tuttugu grömm af
amfetamíni við húsleit í íbúðar-
húsi í Hveragerði á föstudag.
Tveir menn sem voru í húsinu
voru handteknir í kjölfarið. Þeir
voru báðir látnir lausir að loknum
yfirheyrslum. Síðar um kvöldið
fór lögregla inn í fjölbýlishús í
sama bæjarfélagi og fann þar
kannabisefni. Við nánari athugun
fundust síðan kannabisplöntur í
ræktun í geymslu sem tilheyrði
íbúðinni. Lagt var hald á plönt-
urnar auk búnaðar sem notaður
var. Málin eru í rannsókn.
Tuttugu grömm
af amfetamíni
Jón, ertu meira fyrir ódýrt
spaug?