Fréttablaðið - 20.04.2007, Page 75

Við erum að hlaða batteríin!
Kæri viðskiptavinur!
Föstudaginn og laugardaginn 20. til 21. apríl verður fámennt en
góðmennt í flestum deildum B&L vegna árshátíðarferðar starfsfólks.
Af þeim sökum getur afgreiðsla og önnur þjónusta við viðskiptavini
tekið ívið lengri tíma en metnaður okkar stendur til.
Við ætlum okkur hins vegar að koma aftur til vinnu fullhlaðin af orku,
sem mun skila sér í enn betri þjónustu við þig.
Með fyrirfram þökk,
starfsfólk B&L
Snurða hefur hlaup-
ið á þráðinn hjá Skagamönnum
með varnarmanninn sterka John
McGreal hjá Burnley.
Skagamenn voru að vonast til
þess að ganga frá samningi við
hann í gær en af því varð ekki.
„Það er hik á honum og ekki
nema svona 30 prósent líkur á
að hann komi. Við erum að skoða
þrjá til fjóra aðra kosti og hann
þarf því að ákveða sig fljót-
lega hvort hann vilji koma því að
öðrum kosti leitum við annað,“
sagði Gísli Gíslason, formaður
rekstrarfélags meistaraflokks ÍA,
en hann gæti sent Guðjón Þórð-
arson í leiðangur til Englands á
næstu dögum.
„Við erum að skoða að senda
Guðjón út til þess að ræða við
menn og það yrði þá strax eftir
helgi,“ sagði Gísli.
Óvissa með
McGreal
Janica Kostelic frá Króa-
tíu hefur tilkynnt að hún neyð-
ist til að ljúka ferli sínum vegna
meiðsla þótt hún sé ekki nema 25
ára gömul. Kostelic hefur lengi
átt í meiðslum á hné og gengið
undir tíu aðgerðir vegna þeirra.
„Ég vil ekki hætta að keppa á
skíðum en neyðist til þess vegna
meiðsla. Ég hef orðið fyrir svo
mörgum meiðslum og upplif-
að svo mikinn sársauka að ég vil
ekki ganga í gegnum annað eins
aftur,“ sagði Kostelic.
Hún keppti ekkert í vetur og
æfði óreglulega. Hún hefur á ferli
sínum unnið til níu gullverðlauna
á heimsmeistaramótum og Ól-
ympíuleikum. Hún hefur þrívegis
unnið heimsbikarinn í alpagrein-
um og samtals níu heimsbikara í
öllum fimm sérgreinunum.
Kostelic er án efa ein besta
skíðakona sem uppi hefur verið.
Kostelic hættir
vegna meiðsla
Logi Gunnarsson
mun næsta mánuðinn leika með
spænska liðinu Gijon í spænsku
B-deildinni í körfubolta. Hann
hefur í vetur leikið með ToPo
Helsinki en liðið er nú fallið úr
leik í úrslitakeppninni finnsku og
hann því laus allra mála.
Fer til Spánar
Handknattleiksdeild
Hauka er skuldlaus eftir að aðal-
stjórn félagsins yfirtók 55 millj-
óna króna skuld deildarinnar.
Þetta segir Þorgeir Haraldsson,
formaður handknattsleiksdeildar
Hauka.
„Félagið endurfjármagn-
aði sig og gerði allar deildir fé-
lagsins skuldlausar í kjölfarið,“
sagði Þorgeir. „Félagið á eign-
ir langt umfram skuldir eins og
má sjá í opinberum gögnum eins
og eignaskiptasamningi um Ás-
velli.“
Unnið hefur verið í fjármálum
Hauka í allan vetur en um tíma í
vetur blés ekki byrlega fyrir deild-
inni er hún var stórskuldug og lið
Hauka á leið í 1. deildina. Nú horfir
til betri vegar, liðið bjargaði sér frá
falli og deildin fær að hefja rekst-
ur sinn á núlli á nýjan leik.
Þorgeir segir að Hafnarfjarð-
arbær hafi að engu leyti komið að
endurfjármögnuninni.
„Það er ekki búið að selja nein-
ar eignir félagsins en það mál er
í vinnslu. Íþróttabandalag Hafn-
arfjarðar hefur mótað þá stefnu
að íþróttafélög bæjarins eigi
ekki að standa í svo miklum eign-
arekstri. Samtals eiga Haukar
eignir upp á 450 milljónir og
því yfirtók aðalstjórn félagsins
skuldir deildanna á meðan þetta
ferli er í gangi.“
Sumar bygginganna á Ásvöllum,
eins og íþróttahúsið, er að 80 pró-
senta hluta í eigu Hafnarfjarðar-
bæjar og 20 prósenta hluta í eigu
félagsins. Haukar reka svo húsið
samkvæmt rekstrarsamningi sem
tíðkast víða.
„Það er svo stefna bæjarins að
eignast íþróttamannvirki bæjar-
ins. Eignarhaldinu verði breytt úr
80/20 í 90/10 eða jafnvel að bær-
inn eignist viðkomandi eignir að
fullu.“
Þorgeir segir að þetta þýði
nýtt líf fyrir handknattleiksdeild
Hauka. „Eðlilega. Deildin hefur
safnað skuldahala sem hefur
stækkað nú í áratug. Það er sama
ástand í handknattleiksdeild FH
nema að þar er aðalstjórnin ekki
búin að taka þessa sömu afstöðu
gagnvart deildinni.“
Hann segir að unnið hafi verið
í fjármálum deildarinnar í allan
vetur og liggi mikil vinna að baki.
„Þetta hefur vissulega verið mjög
erfitt og hafa allir í félaginu, jafnvel
leikmenn, orðið fyrir áhrifum vegna
fjárhagsástandsins. Við sluppum
naumlega við fall en nú horfir til
betri vegar.“
Handknattleiksdeild Hauka hefur komist í fréttirnar í vetur vegna mikilla skulda sinna. Nú horfir til betri
vegar þar sem aðalstjórn félagsins hefur yfirtekið allar skuldir hjá öllum deildum félagsins og greitt þær upp.