Fréttablaðið - 03.06.2007, Qupperneq 74

Upp úr 1988 hóf ég að
þróa með mér ofnæmi
fyrir öllu sem viðkemur
hinni svonefndu nýöld.
Ég veit eiginlega ekki
hvernig ég á að byrja að
lýsa hversu mikla óbeit
ég hafði á öllu þessu, en
ég get fullyrt að hún náði suðu-
punkti á tónleikum í Kaupmanna-
höfn kringum 1995. Þar hreinlega
misstum við okkur, ég og vinkona
mín, og hófum að hrópa ókvæðisorð
að síðhærðum satínmussugaurum
uppi á sviði sem létu hárið lafa og
hnén dúa á meðan þeir önduðu eitt-
hvað um energí, kosmos og krist-
alla út um votar varirnar.
Svett, einhyrninga -og höfrunga-
blæti, kristallar, miðlar, skyggni-
lýsingar og árur... allt þetta gerði
mig níhílískari með hverjum deg-
inum.
Verstar hafa mér þó alltaf þótt
áruteikningar sem gerðar eru með
þurrpastel á svartan pappír. Já, þetta
er vissulega mjög spesifískt, en áru-
teikningar eru einfaldlega á topp tíu
listanum yfir það sem ég þoli ekki á
jörðinni og þannig er það.
Ég held að Andskotinn eigi lít-
inn illa innrættan frænda sem situr
fölur í horni með nýaldarfjarstýr-
inguna og fjarstýrir fólki sem telur
sig hafa svo magnaða sjón að það
sjái framtíð, nútíð og fortíð í ein-
hverju þurrpastel litablörri kring-
um aðra. Svei! Já, svei segi ég!
Svo urðu þáttaskil í lífi mínu sem
leiddu til þess að ég hætti að vera
níhílisti og fór að trúa því að lífið
hefði stórkostlegan æðri tilgang.
Í kjölfarið byrjaði ég að rækta
með mér umburðarlyndi gagnvart
meðbræðrum mínum og systrum
og í dag er svo komið að eina fólkið
sem ég tel óæðra sjálfri mér eru; ný-
aldarsinnar, fólk með krikaloðsþrá-
hyggju, fólk sem spesar á sig með
ósamstæðu fatavali (og samlitast
þannig þjáningarsystkinum sínum
í spesinu), fótboltabullur og stelp-
ur sem þykjast vera skófíklar af því
Carrie í SATC átti að vera það.
Já, í ein tíu ár hefur þroskaleiðin
bara verið upp á við. Ég er byrjuð
að glansa og líkjast Daníel og Rut
en... aldrei mun ég umbera þurr-
pastel teikningar af árum.
Aldrei.
„ÞAÐ ELSKA ALLAR KONUR HEIMSFRÆGA MENN“
GRETTIR

Miðasala 568 8000
www.borgarleikhús.is
grettir.blog. is
FYRSTUR
MEÐ
FRÉTTIRNAR
www.visir.is