Fréttablaðið - 12.08.2007, Blaðsíða 2

Þegar starfsemi HB
Granda flytur upp á Akranes losna
afar verðmætar lóðir við
Reykjavíkurhöfn. Óvíst er hvað
verður um þær, en ákvörðun um
hvers konar starfsemi verður á
svæðinu er í höndum stjórnar
Faxaflóahafna.
Jón Grétar Jónsson,
framkvæmdastjóri
fasteignasölunnar Húsakaup, segir
að ef ákveðið verði að fiskvinnslu
og útgerð verði hætt á þessum stað
verði lóðirnar með bestu
íbúðalóðum við sjóinn á landinu.
„Þetta fer allt eftir því hvað
menn vilja gera,“ segir hann. „Ef
starfsemin verður þarna áfram
vill enginn byggja íbúðarhúsnæði í
næsta nágrenni, en ef hún fer
verða þessar lóðir gríðarlega
vinsælar fyrir íbúðarhús við
sjóinn. Eins og er virðist ekki
endilega vera vilji fyrir því að
fiskframleiðslan fari af svæðinu.“
HB Grandi á fiskiðjuver og
fiskimjölsverksmiðju á lóðum við
Reykjavíkurhöfn. Lóð fyrir-
tækisins við Norðurgarð er um
8.500 fermetrar samkvæmt
upplýsingum frá Fasteignamati
ríkisins, en flatarmál lóðarinnar
þar sem fiskimjölsverksmiðjan
stendur lá ekki fyrir í gær.
Í ársreikningi HB Granda árið
2006 segir að fasteignamat
fiskiðjuversins sé rúmar sjö
hundruð milljónir, og
fiskimjölsverksmiðjan var metin á
tæplega hálfan milljarð. Bókfært
virði þeirra var þó töluvert lægra,
samtals um hálfur milljarður
króna.
Eggert B. Guðmundsson,
forstjóri HB Granda, segir ekkert
hafa verið ákveðið með afdrif
lóðanna eftir að fyrirtækið flytur
sig um set. Aðspurður hvers vegna
bókfært virði bygginga og lóða HB
Granda við Reykjavíkurhöfn sé
mun lægra en fasteignamat segir
Eggert að slíkt sé ekki óalgengt í
ársreikningum, bókfært virði sé
upprunalegt virði að frádregnum
afskriftum.
Um 120 manns starfa hjá HB
Granda í Reykjavík. Fram hefur
komið að ekki muni koma til
fjöldauppsagna á næstu tveimur
árum, en ekki sé víst að jafn mörg
störf verði í boði þegar fiskvinnslan
tekur til starfa á Akranesi.
Lífið á
landnámsöld
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Sex af bandarísku
demókrötunum átta, sem keppa
um að verða forsetaefni Demó-
krataflokksins í kosningunum á
næsta ári, sátu á fimmtudags-
kvöldið fyrir svörum í sjónvarpi
um afstöðu sína til samkynhneigð-
ar. Öll sögðust þau vera eindregnir
stuðningsmenn réttinda samkyn-
hneigðra, en ekkert þeirra fór þó
svo langt að segjast styðja það að
samkynhneigðir geti gengið í
hjónaband með sama hætti og
annað fólk. Þau sögðust telja að
borgaralega staðfest samvist ætti að nægja.
„Ef borgaraleg samvist væri fullgild og nyti almennrar
viðurkenningar,“ sagði Barack Obama, „þá tel ég að við
hefðum náð gríðarlegum framförum.“ Obama er þó ekki
kominn jafn langt og kirkjudeildin sem hann tilheyrir,
því hún viðurkennir hjónabönd
samkynhneigðra.
Frambjóðendurnir sátu fyrir
svörum einn í einu, og
spurningarnar sem fram komu
voru af mörgu tagi. Til dæmis
þurfti John Edwards að útskýra
hvernig sér liði í návist
samkynhneigðra, og sagði sér bara
líða vel. Bill Richardson átti í
nokkrum vandræðum með að
svara því hvers vegna fólk yrði
samkynhneigt. Og Hillary Clinton
þurfti að verja eiginmann sinn,
Bill Clinton, fyrrverandi forseta, og frammistöðu hans í
málefnum samkynhneigðra.
„Við náðum vissulega ekki að gera jafn mikið og ég
hefði viljað,“ sagði hún. „En við reyndum mikið og af
fullri einlægni.“
„Stórskipahöfn í
Þorlákshöfn gæti þjónað öllu
Suðurlandi, og jafnvel stærra
svæði,“ segir Ólafur Áki Ragnars-
son, bæjarstjóri Ölfuss. Bæjaryf-
irvöld hafa sent Geir H. Haarde
forsætisráðherra bréf þar sem
skorað er á ríkisstjórnina að láta
gera stórskipahöfn í Þorlákshöfn
og hætta við framkvæmd Bakka-
fjöruhafnar. Hönnun hafnarinnar
á Bakka er þegar hafin og gert er
ráð fyrir því að hún verði tilbúin
til notkunar seint á árinu 2010.
Einnig er ráðgert að taka í notkun
nýjan Herjólf. Ólafur segir
gáfulegra að kaupa hraðskreiðari
ferju sem færi á milli Þorláks-
hafnar og Vestmannaeyja.
Biðja Geir um
stórskipahöfn
George W. Bush
Bandaríkjaforseti og Nicolas
Sarkozy, forseti Frakklands, áttu
óformlegan fund á heimili Bush-
fjölskyldunnar í Maine.
Sarkozy hefur gefið út að hann
leggi mikið upp úr góðum
samskiptum við Bandaríkjamenn,
og ákvað því að gera hlé á
sumarfríi sínu í Bandaríkjunum
og heilsa upp á starfsbróður sinn.
Nokkur kuldi hefur ríkt í
samskiptum ríkjanna tveggja
eftir að Frakkar neituðu að styðja
innrásina í Írak.
Talsmenn Bandaríkjaforseta
hafa lagt mikla áherslu á að um
óformlegan fund sé að ræða, og
hafa gefið upp að á matseðlinum
verði hamborgarar og pylsur á
ameríska vísu.
Fá hamborgara
og pylsur
Talið er að rúmlega 35.000
manns hafi lagt leið sína á
Fiskidaginn mikla á Dalvík í gær.
Dagurinn var haldinn hátíðlegur í
sjöunda sinn og hafa aldrei fleiri
tekið þátt í honum. „Þetta hefur
verið ótrúlegt síðustu tvo daga,“
segir Júlíus Júlíusson, fram-
kvæmdastjóri Fiskidagsins mikla.
„Það stendur upp úr að vita það
að svona margir geti verið í sátt
og samlyndi, hér er fólk alls
staðar. Það hafa allir gengið vel
um og skemmt sér saman.“ Júlíus
segir að ræst hafi úr veðrinu þrátt
fyrir slæmar spár. „Það var þvílík
blíða á meðan á dagskránni stóð,
svo rigndi aðeins seinni partinn.
Skipulögð dagskrá var frá
klukkan ellefu til klukkan fimm í
gærdag. Deginum lauk svo með
bryggjusöng og flugeldasýningu
rétt fyrir miðnætti.
Að sögn lögreglu gekk hátíðin
að mestu leyti vel fyrir sig. Einn
maður gisti fangageymslur vegna
líkamsárásar sem átti sér stað
aðfaranótt föstudags.
Aldrei fleiri á
Fiskideginum
Milljarðalóðir losna
þegar HB Grandi fer
Lóðir HB Granda í Reykjavík verða með bestu íbúðalóðum við sjávarsíðuna
á landinu, ákveði stjórn Faxaflóahafna að útgerð hverfi af svæðinu. Forstjóri
Granda segir ekkert ákveðið með afdrif lóðanna. Bæjarstjóri Akraness fagnar.
Stuttmyndin Bræðrabylta eftir
Grím Hákonarson hlaut verðlaun
fyrir bestu leiknu stuttmyndina á
Kvikmyndahátíðinni í Melbourne
sem lauk nú um helgina. Verðlaunin
veita myndinni þátttökurétt í for-
vali til Óskarsverðlauna.
Í stuttmyndinni leika Halldór
Gylfason og Björn Ingi Hilmarsson
bændur í afskekktri sveit. Þeir eiga
í leynilegu ástarsambandi og sinna
því í gegnum íslensku glímuna.
„Þetta er auðvitað mjög skemmti-
legt. Melbourne IFF er stærsta
hátíðin á þessu svæði veit ég, og
verðlaunin eru mjög góð,“ sagði
Grímur þegar Fréttablaðið náði tali
af honum í gær. Hann er staddur í
Sarajevó þessa dagana, en myndin
verður sýnd á kvikmyndahátíð þar
á næstunni.
Hátíðin í Melbourne var sú fyrsta
sem myndin er sýnd á en hún var
einnig sýnd á kvikmyndahátíðinni í
Locarno í síðustu viku. „Þetta var
fyrsta hátíðin af nokkrum og þetta
er mjög góð byrjun, að myndin sé
strax komin í forvalið fyrir Óskars-
verðlaunin.“
Komin í forval fyrir Óskarinn
Sextán ára gömul
stúlka slasaðist lítillega í umferð-
arslysi í gærkvöld. Stúlkan var
farþegi á bifhjóli sem fólksbíll ók
aftan á. Bifhjólið var kyrrstætt á
mótum Miklubrautar og Háa-
leitisbrautar þegar óhappið varð.
Stúlkan kastaðist af hjólinu á
framrúðu bílsins. Hún var flutt á
slysadeild en meiðsli hennar eru
ekki talin alvarleg. Ökumaður
bílsins var einn á ferð en hvorki
hann né ökumann bifhjólsins
sakaði. Bæði farartækin voru þó
óökuhæf eftir slysið.
Kastaðist af
bifhjóli á
framrúðu bíls
Grímur, ætlið þið að leggjast í
bólvíking í Ástarvikunni?