Fréttablaðið - 17.10.2007, Blaðsíða 2
50%
afsláttur af þurrkublöðum
með afmæliskorti Olís
Þú færð afmæliskortið
á næstu Olís-stöð.
Magnús, varstu hljómplatað-
ur?
Vilhjálmur Þ. Vilhjálmsson,
oddviti Sjálfstæðisflokksins í borgarstjórn
Reykjavíkur, sagði í Kastljósþætti Ríkis-
sjónvarpsins á mánudag að honum hefði
verið ljóst að hlutur Orkuveitu Reykjavíkur
í Hitaveitu Suðurnesja (HS) ætti að renna
inn í Reykjavík Energy Invest (REI).
Það er í mótsögn við það sem haft var
eftir honum í Fréttablaðinu miðvikudaginn
10. október. „Það hefur staðið til að við
keyptum meira af Hafnarfirði og það
samkomulag stendur. Hafnfirðingarnir
hafa ekkert gefið uppi um hvað þeir ætla
sér en ef við keyptum þann hlut, þá færi
hann ekki í REI. Það er ekki inni í mynd-
inni, alls ekki,“ var haft eftir Vilhjálmi þá.
Í Kastljósþættinum, þar sem Vilhjálmur
og Bjarni Ármannsson, stjórnarformaður
REI, fóru yfir málið, sagðist Vilhjálmur
hafa vitað af samkomulagi um að eignar-
hlutur Orkuveitunnar rynni inn í REI. „Ég
vissi um það, og það var alveg ljóst í mínum
huga, að hlutur okkar [Orkuveitu Reykja-
víkur] í Hitaveitu Suðurnesja ætti að renna
inn í þennan pakka [Reykjavík Energy
Invest].“
Vilhjálmur hefur jafnframt neitað
staðhæfingum Hjörleifs Kvaran, forstjóra
OR, Hauks Leóssonar, fyrrverandi stjórnar-
formanns OR, og Bjarna Ármannssonar,
stjórnarformanns REI, um að hann hafi
verið upplýstur um atriði samnings sem fól
í sér sameiningu Geysis Green Energy og
REI.
Laun útvarpsstjóra
hafa næstum tvöfaldast frá því
Ríkisútvarpinu var breytt í opin-
bert hlutafélag 1. apríl síðastlið-
inn. Páll Magnússon útvarpsstjóri
er með 1,5 milljónir á mánuði en
fyrir breytinguna á Ríkisútvarp-
inu var útvarpsstjóri með um 800
þúsund krónur í mánaðarlaun.
Þetta staðfesti Ómar Benedikts-
son, stjórnarformaður RÚV ohf.
við Fréttablaðið í gær.
Ómar segir launakjör útvarps-
stjóra taka mið af breyttu starfs-
sviði frá því sem áður var. „Innan
þessarar tölu [1,5 milljónir] eru
heildarlaun fyrir öll störf. Þar með
talinn fréttalestur og ýmislegt
annað sem ekki var áður á starfs-
sviði útvarpsstjóra. Kostnaður við
yfirstjórnina hefur ekki aukist
þrátt fyrir þessa breytingu á laun-
um útvarpsstjóra. Það voru átta
yfirmenn áður, þar sem eru fimm
núna, og við þessa breytingu hefur
náðst góður árangur sem skilar
sér í betri afkomu. Yfirstjórnin er
skilvirkari en hún var.“
Undanfarna fimm mánuði hefur
RÚV ohf. verið rekið með hagnaði,
að sögn Ómars, en meðaltalstap
RÚV á ári síðustu fimm árin hefur
verið um 220 milljónir. Ómar segir
þetta sýna að breytingarnar séu
að skila árangri. „Það er mikil-
vægt að horfa yfir heildarmynd-
ina og skoða hvort árangur hafi
náðst. Reksturinn er í betra horfi
en hann var áður og svo hefur inn-
lend dagskrárgerð eflst til muna,
og hún á eftir að eflast enn frekar
í framtíðinni.“
Laun útvarpsstjóra næstum
tvöfaldast við breytinguna
Karl Hólm, íbúi á
Sauðárkróki, er ósáttur við
framkomu Símans. „Síminn hjá
mági mínum bilaði fyrir um viku.
Hann er einbúi, eldri maður og
hálfgerður sjúklingur og því
finnst mér ekki gott að viðgerðin
dragist svona,“ segir Karl en
mágur hans, Hreinn Guðjónsson,
er búsettur í nokkurri fjarlægð
frá annarri byggð í Skagafirði.
Karl segist óttast að lands-
byggðin sé látin sitja æ oftar á
hakanum í fjarskiptamálum.
Linda Björk Waage, upplýsinga-
fulltrúi Símans, segir það
vinnureglu að gera við bilanir
eins fljótt og auðið er. „Sumt er þó
þess eðlis að viðgerð getur dregist
ögn,“ segir Linda sem segist ekki
eiga vona á öðru en að búið verði
að gera við símann hjá gamla
manninum innan skamms.
Símasambands-
laus einbúi
96 prósent foreldra
barna sem tóku þátt í sumar-
starfi Íþrótta- og tómstundaráðs
Reykjavíkur voru ánægð með
starfsemi ráðsins. Þetta kemur
fram í viðhorfskönnun meðal
foreldra sem gerð var í sumar-
lok.
Jafnmargir voru ánægðir með
viðfangsefni sumarnámskeið-
anna.
94 prósent svarenda töldu að
barninu þeirra hefði þótt gaman
á námskeiðinu.
Viðhorfskönnunin var tölvu-
póstkönnun og var svarhlutfall
rúmlega 60 prósent að því er
kemur fram í tilkynningu.
Ánægðir með
tómstundastarf
Ekki er hægt að
koma í veg fyrir að eigendur ein-
býlishúsa í Fossvogi loki göngu-
stígum um lóðir sínar að sögn
skipulagsyfirvalda í Reykjavík.
Þessi afstaða kemur fram í
umsögn skipulagsfulltrúa sem á
árunum 2004 og 2005 heimilaði eig-
endum einbýlishúsa í tveimur fjög-
urra húsa klösum í nágrenni Foss-
vogsskóla að loka gönguleiðum um
lóðirnar. Í báðum tilfellum var
óskað eftir lokun vegna ónæðis af
návíginu við skólann. Í Kvistalandi
9-15 var sögð vera mikil umferð
bíla inn í botnlangann þegar for-
eldrar óku börnum í skólann. Í
Haðalandi 18-24, sem er lengra frá
skólabyggingunni, sögðu húseig-
endurnir hins vegar að kennarar
og starfsmenn Fossvogsskóla leit-
uðu inn á lóð þeirra til að standa
þar undir húsvegg og reykja. Því
fylgdi sóðaskapur.
Báðar þessar umsóknir voru
samþykktar og svo mun verða um
allar aðrar slíkar umsóknir ef allir
fjórir húseigendurnir á viðkomandi
lóð eru sammála um að loka stígn-
um hjá sér. Skipulagsfulltrúi segir
að stígarnir séu á deiliskipulagi og
að lóðarhafarnir eigi að borga fyrir
þá en hins vegar séu hvorki kvaðir
um stígana í lóðaleigusamningum
né á mæliblöðum.
„Augljóslega má telja að niður-
staða þessi sé fordæmisgefandi
fyrir sambærilegar lóðir neðst í
Fossvogsdal. Þrátt fyrir að öllum
sambærilegum stígum yrði lokað
þá yrði enn fyrir hendi fullnægj-
andi stígakerfi um hverfið að Foss-
vogsdal,“ segir í umsögn Margrét-
ar Leifsdóttur, arkitekts hjá
skipulagsfulltrúa.
Kristín Helgadóttir leikfimi-
kennari, sem er einn frumbyggj-
anna í Fossvogi og lýst hefur and-
stöðu við lokanir þessara stíga,
furðar sig á niðurstöðu skipulags-
fulltrúa. Hún hafi frá upphafi litið
þannig á kvöð væri á lóðunum um
stígana.
„Hvers vegna var hver einasti
botnlangi skikkaður til að gera
göngustíg ef þeir voru óþarfir?“ Og
hvernig er hægt að breyta skipu-
laginu án þess að hafa grenndar-
kynningu?“ spyr Kristín, sem
kveðst hafa vissan skilning á því að
aðstæður í einstaka tilfelli geti
verið þannig að loka þurfi leiðum.
Það sé á hinn bóginn afar slæmt ef
allir loki hjá sér.
„Það verður að vera flæði þannig
að börn geti hlaupið um hverfið án
þess að fara um stofnbrautir. Þau
eiga að geta hlaupið um og farið á
ská og þvers og kruss um hverfið.
Það er alveg út í hött að þau megi
ekki ganga framhjá þessum
húsum.“
Allir mega loka á
stígana í Fossvogi
Reykjavíkurborg segir að ekki sé kvöð um göngustíga á einbýlishúsalóðum í
Fossvogi og því verði leyft að loka stígunum. Stígakerfið í hverfinu sé fullnægj-
andi þótt öllum slíkum leiðum yrði lokað. Út í hött, segir frumbyggi í hverfinu.
Maðurinn sem lést í vélhjólaslysi
í fyrradag hét Magnús Jónsson.
Hann var á leið í beygju inn á
Bláfjallaveg en ók út af og
hafnaði í hrauni. Magnús var 32
ára gamall, búsettur í Jöklaseli í
Reykjavík. Hann var barnlaus en
lætur eftir sig sambýliskonu.
Lést í vélhjóla-
slysi í Krýsuvík
Vilhjálmur Þ. Vil-
hjálmsson, oddviti Sjálfstæðis-
manna í borgarstjórn, lagði til á
borgarstjórnarfundi í gær að tekið
yrði undir bókun Svandísar
Svavarsdóttur, oddvita Vinstri
grænna, á eigendafundi Orkuveitu
Reykjavíkur 3. október þess efnis
að óljóst væri hvort fundurinn
væri lögmætur þar sem ekki var
boðað til hans með nægilegum
fyrirvara.
Lagði Vilhjálmur til að borgar-
stjórn myndi styðja málsókn
Svandísar en Ragnar H. Hall
hæstaréttarlögmaður fer með
málið fyrir hönd Svandísar. Málið
var þingfest í Héraðsdómi
Reykjavíkur á mánudag.
Styður málsókn
Árni Finnsson,
formaður Náttúruverndarsam-
taka Íslands,
hlaut verðlaun
fyrir starf sitt í
þágu dýralífs og
náttúruverndar í
Lundúnum í gær.
Verðlaunin veitti
alþjóðlegur
sjóður fyrir
dýravernd.
Í tilkynningu
frá sjóðnum segir
að Árni hafi starfað í yfir tvo
áratugi að umhverfis- og dýra-
verndunarmálum, sér í lagi gegn
hvalveiðum. Hann hafi einnig
gegnt lykilhlutverki í baráttunni
gegn náttúruspjöllum Alcoa á
Austurlandi vegna álvers.
Íslendingar beri virðingu fyrir
Árna og hlustað sé á rödd hans í
umdeildum málum.
Árni Finnsson
verðlaunaður