Fréttablaðið - 27.11.2007, Page 23

ÞRIÐJUDAGUR 27. nóvember 2007 3
Champix er nýtt lyf sem nýtist
fólki sem vill hætta að reykja.
„Við sjáum greinilega að þetta
hjálpar fólki til að hætta að reykja,
en þetta er þó ekkert töfralyf,“
segir Bolli Þórsson, læknir hjá
Hjartavernd, um lyfið Champix
sem er nýlega komið á markað.
„Champix dregur úr fráhvarfs-
einkennum og minnkar löngun
fólks í sígarettur,“ útskýrir Bolli en
leggur áherslu á að lyfið sem er lyf-
seðilsskylt eigi ekki að nota nema
fólk sé staðráðið í að hætta að
reykja. „Ég tel að það sé mikilvægt
að menn noti lyfið með stuðningi.
Þeim gengur best að hætta að
reykja sem standa ekki einir í því,“
segir Bolli en stuðning má fá víða,
til dæmis hjá heimilislækni eða hjá
sérfræðingum í Hjartavernd.
Virkni lyfsins er eftirfarandi: Í
heilanum er nikótínmóttaki sem
nikótínið festist við og verður til
þess að fólk fær vellíðunartilfinn-
ingu við að reykja. Lyfið keppist
við nikótínið og festist einnig við
móttakana þannig að nikótínið
kemst ekki að. Við það dregur úr
nautninni við að reykja. Hins vegar
heldur lyfið uppi miðlungsmagni af
dópamíni og heldur þannig aftur af
fráhvarfseinkennum um leið og
það dregur úr reykinganautn.
Bolli segir ýmsar rannsóknir
sýna fram á að Champix auki líkur
á að fólk hætti að reykja og sé
eitthvað betra en önnur lyf. „Það
má segja að þetta sé pilla númer
tvö á markaðnum, og virknin af
þessu lyfi er heldur betri en því
fyrra sem heitir Zyban, en það er
þó ekki alger grundvallarmunur á
þeim,“ segir Bolli. Rannsóknir
hafa sýnt fram á að Champix
eykur líkur á langtímaárangri
þrefalt miðað við lyfleysu og fleiri
þátttakendum heppnaðist að
hætta með því að nota það en
Zyban auk þess sem minni áhætta
var á alvarlegum aukaverkunum.
Champix er þó ekki gallalaust.
Helsta aukaverkunin er ógleði.
„Þess vegna byrja menn með hálft
milligramm til að venjast því og
stækka skammtinn í eitt milli-
gramm,“ segir Bolli sem er
hlynntur því að fólk noti lyfið sem
hjálpartæki við að hætta að reykja
enda veitist það mörgum mjög
erfitt að losna undan nikótínfíkn-
inni. solveig@frettabladid.is
Lyf í reykingabaráttunni
Bolli Þórsson læknir á Hjartavernd segir nýja lyfið geta hjálpað fólki við að hætta að
reykja. Hins vegar hjálpi það aðeins þeim sem eru staðráðnir í að hætta.
Champix er nýtt lyf á
markaðnum sem hjálpar
fólki að hætta að reykja.
Fylltar með baunum og grænmeti í tómatsósu
kryddaðri með austurlenskum ævintýrablæ.
Heillandi máltíð með lítilli fyrirhöfn.
Indverskar
pönnukökur
G
O
T
T
F
O
L
K