Fréttablaðið - 27.11.2007, Side 42

34 27. nóvember 2007 ÞRIÐJUDAGUR
KÖRFUBOLTI Kvennalið Keflavíkur
hefur verið mikið í sviðsljósinu
það sem af er vetri. Ekki bara
fyrir það að hafa unnið tvo fyrstu
titla vetrarins sem og fyrstu átta
leiki sína í Iceland Express-deild-
inni heldur einnig fyrir að hafa
misst tvo sína bestu leikmenn í
meiðsli.
Í stað þess að gefa eftir við að
missa landsliðskonuna Bryndísi
Guðmundsdóttur eða bandaríska
bakvörðinn Keshu Watson þá hafa
aðrir leikmenn í liðinu tekið við
keflinu. Þær Bryndís og Watson
voru saman með 50,2 stig, 12,7
fráköst og 10,6 stoðsendingar að
meðaltali í leik þannig að hér er
enginn smá missir á ferðinni.
Sá leikmaður sem hefur farið
fyrir Keflavíkurliðinu í þessum
áföllum er Ingibjörg Elva Vil-
bergsdóttir sem hefur hækkað sig
í nánast öllum tölfræðiþáttum og
er sem dæmi að skora 9,9 stigum
meira að meðaltali í leikjunum án
þeirra Bryndísar og Keshu heldur
en hún gerði þegar þær voru báðar
heilar.
Ingibjörg er auk þess að taka 4,1
fleiri frákast og gefa 0,6 fleiri
stoðsendingar. Þetta sést líka vel á
framlaginu hennar sem hefur
hækkað um 5,3 stig síðan Kefla-
víkurliðið missti þær Bryndísi og
Keshu. Í síðasta leik á móti Val var
Ingibjörg Elva með 16 stig, 10
fráköst, 6 stoðsendingar og 4
stolna bolta og hjálpaði þar sínu
liði að vinna upp 13 stiga forskot
Valskvenna frá því í upphafi
leiks.
Ingibjörg Elva sem er aðeins 19
ára gömul tók við fyrirliðaband-
inu í haust eftir að ljóst var að fyr-
irliðinn Birna Valgarðsdóttir og
varafyrirliðinn Svava Ósk Stef-
ánsdóttir yrðu báðar í barneignar-
leyfi.
Síðan Ingibjörg Elva varð fyrir-
liði liðsins hafa Keflavíkurstúlkur
unnið alla tólf leiki sína í deild,
bikar og Meistarakeppni. Í síðustu
tveimur leikjum hefur hún ekki
aðeins skorað 13,5 stig að meðal-
tali heldur einnig gefið 6 stoðsend-
ingar í báðum leikjum.
Þrír aðrir leikmenn Keflavíkur-
liðsins hafa einnig hækkað sig
mikið í framlagi síðan Bryndís og
Kesha meiddust. Hrönn Þorgríms-
dóttir hefur hækkað sig mest við
þessar breytingar á Keflavíkurlið-
inu en hún hefur skilað 6,3 fleiri
framlagsstigum í leik og hefur
nýtt það vel að fá mun meiri spila-
tíma í forföllum Bryndísar og
Keshu. Þær Rannveig Randvers-
dóttir (+4,5) og Halldóra Andrés-
dóttir (+3,0) koma síðan næstar á
eftir Ingibjörgu og Hrönn. - óój
Keflavíkurkonur hafa unnið alla leiki sína á tímabilinu í kvennakörfunni síðan þær fengu nýjan fyrirliða:
Ingibjörg fer fyrir meiðslahrjáðu liði
FLOTTUR FYRIRLIÐI Ingibjörg
Elva Vilbergsdóttir hefur leitt sitt
lið til sigurs í öllum 12 leikjum
tímabilsins.
FRÉTTABLAÐIÐ/VALLI
FÓTBOLTI Marco van Basten, lands-
liðsþjálfari Hollendinga, sagðist
eiga sérstakar minningar um leik
gegn Íslandi eftir að þjóðirnar
höfðu dregist saman í undan-
keppni HM 2010.
Van Basten lék einmitt sinn
fyrsta landsleik 18 ára og 311 daga
gamall þegar þjóðirnar mættust
síðast í A-landsleik í Groningen 7.
september 1983. Van Basten lék
alls 58 landsleiki frá 1983 til 1992
þegar hann varð að leggja skóna á
hilluna aðeins tæplega 28 ára gam-
all. Marco van Basten skoraði 24
mörk í þessum leikjum en hann
náði ekki að skora í þessum leik
þökk sé frábærri markvörslu Þor-
steins Bjarnasonar í íslenska
markinu. Hann vakti engu að síður
mikla athygli fyrir frammistöðu
sína.
„Ísland náði ekki góðum árangri
í undankeppninni en þeir náðu 1-1
jafntefli við Spánverja á heima-
velli sem sýnir að Ísland er erfið-
ur andstæðingur. Þegar Holland
spilaði síðast við Ísland þá lék ég
minn fyrsta landsleik og Ísland er
því sérstakur andstæðingur fyrir
mig,“ sagði Van Basten eftir að
ljóst var að þjóðirnar yrðu saman
í riðli í undankeppni fyrir HM í
Suður-Afríku sem hefst næsta
haust.
Van Basten skoraði í næstu
tveimur landsleikjum sínum á
eftir, mark Hollendinga í 1-1 jafn-
tefli í vináttuleik við Belga tveim-
ur vikum síðar og síðan eitt marka
liðsins í 3-2 sigri á Írum í Dublin
en það var Ruud Gullit sem skor-
aði hin tvö. Hollendingar unnu
leikinn við Íslendinga fyrir rúmum
24 árum 3-0 og öll mörkin komu á
fimm mínútna kafla um miðjan
fyrri hálfleik. Ruud Gullit og Ron-
ald Koeman voru báðir meðal
markaskorara hollenska liðsins í
leiknum en Frank Rijkaard sem
lék fyrri leikinn á Laugardalsvell-
inum var ekki með að þessu sinni.
Ísland náði 1-1 jafntefli í fyrri
leiknum sem fram fór 1. septemb-
er 1982. - óój
Hollenski landsliðsþjálfarinn Marco van Basten á sérstakar minningar frá leik gegn íslenska landsliðinu:
Lék sinn fyrsta landsleik gegn Íslandi
FRÁBÆR LEIKMAÐUR Marco
Van Basten hóf landsliðs-
ferilinn gegn Íslandi.
NORDICPHOTOS/GETTY
LEIKIR KVÖLDSINS
Stuttgart-Rangers (E-riðill) 19.45
Lyon-Barcelona (E) Sýn 19.45
Dynamo Kyiv-Roma (F) 19.45
Man. Utd-Sporting (F) Sýn Extra2
CSKA Moskva-PSV (G) Sýn 17.30
Internazionale-Fenerbahçe (G) 19.45
Sevilla-Arsenal (H) Sýn Extra 19.45
Steaua-Slavia (H) 19.45
FÓTBOLTI Línurnar eru farnar að
skýrast í Meistaradeildinni í fót-
bolta en næstsíðasta umferðin
hefst í kvöld með leikjum í E til H-
riðli. Ensku liðin Manchester Unit-
ed og Arsenal hafa þegar tryggt
sér sæti í sextán liða úrslitum og
það má búast við því að fleiri lið
tryggi sér sæti eftir leiki þessarar
viku. Þau sex sæti sem eru enn
laus í þessum fjórum riðlum geta
verið frátekin eftir leiki kvölds-
ins.
Manchester United er eina liðið
sem hefur unnið alla fjóra leiki
sína en liðið fær portúgalska liðið
Sporting Lissabon í heimsókn á
Old Trafford í kvöld. Gengi United
á heimavelli hefur verið frábært
en liðið hefur unnið þar átta heima-
leiki í röð og hefur ekki tapað í
Leikhúsi draumanna í síðustu 11
Evrópuleikjum sínum. Leikurinn
er í F-riðli og þar geta Rómverjar
tryggt sér seinna sætið í boði með
því að vinna Dynamo Kyiv í Úkra-
ínu. Roma gæti einnig komist
áfram burt séð frá úrslitunum í
Kænugarði tapi Sporting í
Manchester.
Cristiano Ronaldo og Nemanja
Vidic koma væntanlega aftur inn í
United-liðið en þeir voru fjarri
góðu gamni í tapinu á móti Bolton
um helgina. Ronaldo mun þarna
mæta sínu gamla félagi en hann
skoraði einmitt sigurmarkið í
fyrri leik liðanna í Lissabon. Alex
Ferguson gaf það út í gær að bæði
Ronaldo og Nani myndu byrja
leikinn gegn sínu gamla félagi.
„Ef við vinnum þennan leik þá
vinnum við riðilinn og við ætlum
að gera allt til þess að það gangi
eftir,“ sagði Sir Alex fyrir leikinn.
Eiður Smári Guðjohnsen er í
leikmannahópi Barcelona sem
verður án Thierry Henry gegn
Lyon í kvöld. Brasilíumaðurinn
Ronaldinho kemur einnig aftur inn
í hópinn en hann var ekki með í 3-0
sigri á Recreativo um helgina þar
sem Eiður Smári var í byrjunarlið-
inu. Bracelona er í góðum málum
ósigrað á toppi riðilsins en frönsku
meistararnir verða að vinna ætli
þeir að halda voninni um sæti í 16
liða úrslitunum á lífi. Lyon er stigi
á eftir Rangers sem gæti tryggt
sér sætið með því að vinna Stutt-
gart á útivelli á sama tíma og Bar-
celona vinnur í Frakklandi.
Arsenal er komið áfram í næstu
umferð en toppsætið í H-riðlinum
er undir þegar liðið heimsækir
Sevilla í kvöld. Heimamenn geta
tryggt sér sæti í næstu umferð
með sigri en þangað komast þeir
einnig ef Slavia Prag nær ekki að
vinna Steaua í hinum leik riðils-
ins.
„Við ætlum ekki að hugsa um
það sem er liðið, hvorki tapið í
London né tapið gegn Mallorca um
helgina. Við ætlum okkur að sýna
rétta andlit Sevilla og að við getum
spilað flottan fótbolta. Það er
góður andi í liðinu og við höfum
margoft spilað best gegn stóru lið-
unum,“ sagði Frederic Kanoute,
sóknarmaður Sevilla, á blaða-
mannafundi fyrir leikinn.
Lið Arsenal og Barcelona hafa
enn ekki fengið á sig mark í Meist-
aradeildinni í ár, markatala Bör-
sunga er 7-0 í leikjunum fjórum
en markatala Arsenal-liðsins er
16-0 í sex leikjum.
Internazionale fær Fenerbahçe
í heimsókn og það er ekki bara
sigur og þrjú stig í boði því sigur-
liðið tryggir sér farseðilinn í 16
liða úrslitin. Hollenska liðið PSV
heimsækir CSKA Moskvu og á enn
möguleika með sigri en jafntefli
og tap hjá Hollendingunum þýðir
að stig tryggir bæði Inter og Fen-
erbahçe sæti í 16 liða úrslitunum.
ooj@frettabladid.is
Sex lið geta komist áfram í kvöld
Fimmta umferð riðlakeppni Meistaradeildar Evrópu hefst í kvöld með átta leikjum. AS Roma, Sevilla,
Barcelona, Rangers, Internazionale og Fenerbahçe geta öll tryggt sér sæti í 16 liða úrslitunum þangað sem
ensku liðin Manchester United og Arsenal eru þegar komin.
SAMAN Í KVÖLD Portúgalarnir Cristiano Ronaldo og Nani mæta sínu gamla liði á Old Trafford í kvöld. NORDICPHOTOS/GETTY
KÖRFUBOLTI LeBron James náði
þrefaldri tvennu annan leikinn í
röð þegar Cleveland vann 111-106
sigur á Indiana.
James sem var með 30 stig, 11
fráköst og 10 stoðsendingar var
með 37 stig, 12 fráköst og 12
stoðsendingar í 111-108 sigri á
Toronto kvöldið áður. Danny
Granger hjá Indiana gætti James
næstum allan leikinn og komst
vel að orði í leikslok.
„Hann er eini leikmaðurinn
sem ég hef séð sem er eins og
hann hafi verið sérstaklega
hannaður til þess að spila
körfubolta,“ sagði Granger.
James hefur verið ótrúlegur í
síðustu sex leikjum þar sem hann
hefur skorað 37,5 stig, tekið 10,2
fráköst og gefið 9,5 stoðsendingar
að meðaltali í leik. James er sem
stendur stigahæsti leikmaður
NBA-deildarinnar (31,3 í leik) en
hann er einnig í 6. sæti í stoðsend-
ingum (8,1), í 9. sæti í stolnum
boltum (2,07), 20. sæti í vörðum
skotum (1,57) og í 26. sæti í
fráköstum (8,3).
Það þarf því ekki að koma
mörgum á óvart að þessi 23 ára
leikmaður sem er á sínu fimmta
ári í NBA-deildinni er efstur í
framlagi í erfiðustu körfubolta-
deild í heimi. - óój
LeBron James hjá Cleveland:
Þreföld tvenna
leik eftir leik
BROSMILDUR LeBron James leikur vel
þessa dagana. NORDICPHOTOS/GETTY
FÓTBOLTI Billy Davies er hættur
þjálfun Derby í ensku úrvalsdeild-
inni en nýliðarnir eru neðstir með
aðeins einn sigur í fyrstu 14
leikjunum.
Davies var búinn að vera í
starfinu í 18 mánuði en lið Derby
hefur átt í miklum erfiðleikum í
upphafi tímabilsins og hefur
meðal annars fengið á sig 33 mörk.
Davies er sjötti stjórinn í ensku
deildinni sem hættir eða missir
starfið sitt í vetur en hinir voru
Steve Bruce (Birmingham City),
Chris Hutchings (Wigan Athletic)
Sammy Lee (Bolton Wanderers),
Martin Jol (Tottenham Hotspur)
og José Mourinho (Chelsea). - óój
Enska úrvalsdeildin í fótbolta:
Sex lið hafa nú
skipt um stjóra
EKKERT GEKK Derby vann aðeins einn
leik undir stjórn Billy Davies í vetur.
NORDICPHOTOS/GETTY