Fréttablaðið - 09.04.2008, Blaðsíða 4
MARKAÐURINN 9. APRÍL 2008 MIÐVIKUDAGUR4
F R É T T I R
Myndir af feðgunum Jóni
Ólafssyni, stjórnarformanni
vatnsútflutningsfyrirtækis-
ins Icelandic Water Hold-
ings, og Kristjáni Jónssyni
prýða nú velflesta staði sem
selja vatnsflöskur úr Ölfu-
sinu undir merkjum Iceland-
ic Glacial um gervallt Kali-
forníuríki í Bandaríkjunum.
Feðgamyndin er af forsíðu
bandaríska tímaritsins Be-
verage World, eins stærsta
tímarits í heimi um drykkjarvöru-
geirann, og kom út um páskana.
Icelandic Water Holdings,
sem selur nú vatnið víða um
heim, hefur fengið heilmikla
athygli vestanhafs upp á síð-
kastið.
Vatnið stendur nú gest-
um í skemmtigarðinum Sea-
World í Bandaríkjunum til
boða auk þess sem Jón mun
verða einn af aðalræðu-
mönnunum á ráðstefnu á
vegum bandaríska netmið-
ilsins BevNet, biblíu drykkj-
arvörugeirans, í Bandaríkjunum í
sumar. - jab
FEÐGAR Á
FORSÍÐUNNI
Forsíðumynd af
feðgunum Jóni
Ólafssyni og
Kristjáni.
Feðgum flaggað um
gervalla Kaliforníu
Bandaríski fjármálaspekúlantinn
Jim Cramer hafði oftar rétt fyrir
sér en rangt um gengisþróun á
bandarískum hlutabréfamarkaði í
febrúar. Cramer er einn af kunn-
ustu álitsgjöfum vestan hafs um
fjármálamarkaðinn og einn líf-
legasti stjórnandinn í sjónvarps-
þættinum Mad Money á sjón-
varpsfréttastöðinni CNBC.
Cramer, sem birtir spá á gengi
ýmissa skráðra félaga, spáði því
að gengi hlutabréfa myndi hækka
hjá 185 fyrirtækjum í febrúar. Á
sama tíma sá hann lækkun í spil-
unum hjá 86 fyrirtækjum.
Í samantekt bandaríska vef-
ritsins Seeking Alpha um skarps-
kyggni Cramers kemur í ljós að
spá hans um hækkun gekk eftir
í 102 skipti en í 50 skipti þegar
hann spáði fyrir um lækkun. Sé
þetta sett hlutfallslega upp var
fjármálasérfræðingurinn sann-
spár um hækkun í 55 prósentum
tilvika en sá lækkun fyrir í 56
prósentum tilvika. - jab
JIM CRAMER Bandaríski álitsgjafinn Jim
Cramer hafði rétt fyrir sér um hækkun á
bandarískum hlutabréfamarkaði í rúmum
fimmtíu prósentum tilvika í febrúar, sam-
kvæmt nýrri samantekt. MARKAÐURINN/GETTY IMAGES
Sannspár fjármálaspekúlant
Sameining þýskra banka er álit-
legur kostur sem getur gefist
vel. Þetta segir Klaus-Peter Müll-
er, framkvæmdastjóri samtaka
banka og fjármálafyrirtækja í
Þýskalandi.
Orðrómur hefur verið á kreiki
upp á síðkastið að sameiningar
fjármálafyrirtækja megi vænta
þar í landi og annars staðar.
Slíkt geti verið hagkvæmt
í þeirri hríð sem verið hafi
á fjármálamörkuðum frá
því í fyrrasumar.
Bankarnir sem um
ræðir eru Commerz-
bank, sem FL Group
átti stóran hlut í í fyrra, Postbank
og Allianz Dresdner Bank.
Müller, sem jafnframt er for-
stjóri Commerzbank, sagði í
samtali við fréttastofu Reuters í
byrjun vikunnar að þýsku bank-
arnir væru of litlir nú og hag
þeirra væri betur borgið ynnu
þeir saman undir einum hatti.
Saman yrðu þeir þó ekki nema
miðlungsbanki við hlið evrópskra
risabanka. „Þýskir bankar eru
allt of litlir,“ sagði hann. - jab
FORSTJÓRI COMMERZ BANK
Hag þýskra banka er betur komið
sameinist þeir undir einn hatt,
að sögn framkvæmdastjóra þýska
banka og fjármálafyrirtækja.
Þýskir bankar of litlir
ÍS
L
E
N
S
K
A
S
IA
.I
S
I
C
E
4
13
41
0
4/
08
HLUNNINDI SEM FYRIRTÆKJASAMNINGUR VEITIR:
• Sérstakur ferðaráðgjafi hefur umsjón með hverju fyrirtæki
• Neyðarnúmer sem er opið allan sólarhringinn - alla daga ársins
• Afsláttur sem býðst á fargjöldum til áfangastaða Icelandair
• Nákvæmt viðskiptayfirlit á vefnum
+ Skráðu fyrirtækið þitt núna á www.icelandair.is
ÞJÓNUSTA SEM
SPARAR FYRIRTÆKJUM
TÍMA OG PENINGA
ER ÞITT FYRIRTÆKI MEÐ SAMNING?
M
AD
R
ID
BARCELO
NA
PARÍS
LONDON
MANCHESTER
GLASGOW
MÍLANÓ
AMSTERDAM
MÜNCHEN
FRANKFURT
BERLÍN
KAUPMANNAHÖFN
BERGEN
GAUTABORG
OSLÓ
STOKKHÓLMUR
HELSINKI
HA
LIF
AX
BO
ST
ONORL
AND
O
MINNE
APOLIS –
ST. PAUL
TORO
NTO
NE
W Y
OR
K
REYKJAVÍK
AKUREYRI
Jón Aðalsteinn Bergsveinsson
skrifar
Hugsanlegt tap fyrirtækja víða um heim vegna
lausafjárþurrðarinnar og undirmálslánakreppunn-
ar síðustu mánuði nemur 945 milljörðum Banda-
ríkjadala. Þetta jafngildir 68 þúsund milljörðum ís-
lenskra króna. Tapið einskorðast ekki við banka og
fjármálafyrirtæki heldur hafa áhrifin smitað út frá
sér til annarra geira, svo sem til fasteignageirans
og rekstrarfélaga. Þetta segir í nýrri skýrslu Al-
þjóðagjaldeyrissjóðsins um stöðuna í kjölfar undir-
málslánakreppunnar, sem á rót að rekja til áhættu-
samra fasteignalána í Bandaríkjunum.
Í skýrslunni segir að efnahagslífið sé brothætt
þrátt fyrir að ríkisstjórnir og seðlabankar margra
landa hafi tekið höndum saman til að berjast gegn
áhrifum lausafjárþurrðarinnar sem hafi gert fjöl-
mörgum fyrirtæjum erfiðara fyrir að fjármagna
sig. Lánsfjárkreppan er dýpri og alvarlegri en
kreppur fyrri ára, að því er segir í skýrslunni. Þar
er enn fremur farið hörðum orðum um ríkisstjórn-
ir þeirra landa sem hvað harðast hafi orðið úti í dýf-
unni og lögð áhersla á að lélegt regluverk og slæ-
leg umsjón með lánaumsýslu banka og fjármála-
fyrirtækja eigi hlut að máli. Nauðsynlegt sé að efla
eftirlitið.
Þetta er í samræmi við ummæli sem Dominique
Strauss-Kahn, framkvæmdastjóri Alþjóðagjaldeyris-
sjóðsins, hefur látið hafa eftir sér, sem og aðrir
ráðamenn beggja vegna Atlantsála síðustu vikur, að
sögn breska ríkisútvarpsins.
Um síðustu helgi sögðu bresku dagblöðin Sund-
ay Times og Telegraph frá því að gengju hrakspár
eftir gæti svo farið að Alþjóðagjaldeyrissjóðurinn
gæti hlaupið undir bagga með nokkrum löndum
sem hefðu horft upp á mikla veikingu gjaldmiðla
sinna. Bankinn hefur þegar lagt grunninn að slík-
um aðgerðum, svo sem með tilkynningu um að hann
ætli að selja úr gullforða sínum fyrir sex milljarða
Bandaríkjadala. Gangi það eftir fær sjóðurinn jafn-
virði 400 milljarða íslenskra króna inn á reikning-
inn. Þetta er hins vegar einungis lítið brot af gull-
forða sjóðsins en verðmæti hans nam 95,2 milljörð-
um dala í enda febrúar.
Enginn er saklaus
Alþjóðagjaldeyrissjóðurinn segir nauðsynlegt að herða
reglur til að koma í veg fyrir lausafjárþurrð.
DOMINIQUE STRASS-KAHN Alþjóðagjaldeyrissjóðurinn segir
að lélegt regluverk stjórnvalda víða um heim og slælegt eftirlit
með útlánastefnu banka og fjármálafyrirtækja eigi hlut að lánsfjár-
þurrðinni sem riðið hefur húsum frá því í fyrra. MARKAÐURINN/AFP Hagnaður bandaríska álrisans
Alcoa, þriðja stærsta álframleið-
anda í heimi sem meðal annars
rekur álverið í Reyðarfirði, nam
303 milljónum Bandaríkjadala á
fyrstu þremur mánuðum ársins.
Þetta jafngildir 21,8 milljörðum
íslenskra króna, sem er rétt rúm-
lega helmingi verri afkoma en á
sama tíma í fyrra.
Tekjurnar á tímabilinu námu
7,4 milljörðum dala, sem er hálf-
um milljarði minna en fyrir ári.
Hagnaður á hlut nam 37 sentum
samanborið við 75 sent í fyrra.
Nokkur vonbrigði voru með af-
komuna enda niðurstaðan sextán
prósentum undir spám.
Verri afkoma nú en í fyrra
skýrist að mestu af tekjuskerð-
ingu félagsins vegna hás raf-
orku- og hrávöruverðs sam-
hliða veikingu Bandaríkjadals.
Bloomberg-fréttaveitan hefur
eftir greinendum að líklega verði
seinni hluti ársins betri í bókum
Alcoa. Álverð sé hátt auk þess
sem framleiðsla í álverum fyrir-
tækisins í Ástralíu og Reyðarfirði
verði komin á fullt skrið. - jab
Álrisinn undir spám