Fréttablaðið - 30.04.2008, Page 10

● fréttablaðið ● háskóli 30. APRÍL 2008 MIÐVIKUDAGUR2
Egill Þorsteinsson kennaranemi
útskrifast úr Kennaraháskóla Ís-
lands núna í vor. „Ég taldi þetta
vera góðan skóla og hafði nú
ákveðið að verða kennari eftir að
hafa prófað að kenna fyrir austan
á Seyðisfirði. Svo er maður í kenn-
arafjölskyldu. Pabbi er kennari og
skólastjóri og afi minn var einnig
skólastjóri. Því má segja að leiðin
hafi legið alla tíð í Kennaraháskól-
ann,“ segir Egill.
„Námið í Kennaraháskólanum
er mjög gott og hagnýtt þegar til
framtíðar er litið. Kennara námið
er góður grunnur ef lengra á að
ganga menntaveginn. Ég stefni á
að kenna strax í haust og hef ráðið
mig sem umsjónarkennari í Ísaks-
skóla en það er aldrei að vita nema
ég skelli mér í frekara nám eftir
nokkur ár,“ útskýrir hann.
Að sögn Egils eru nokkrir hlutir
sem hafa staðið hafa upp úr og
komið honum á óvart. „Ég er á
stærðfræði-kjörsviði og þar eru
margir skemmtilegir hlutir að
gerast. Það er til dæmis komin
skemmtileg nálgun í stærðfræð-
inni, sem mun bæta stærðfræði-
kennslu til muna.
Annað sem kom á óvart er
hversu mannlegt námið er. Náið
samband er á milli kennara og
nemenda en maður týnist ekkert í
fjöldanum. Mig hafði grunað að ég
yrði einhvers staðar einn úti í horni
að læra en svo hefur ekki verið og
það tel ég vera helsta kostinn við
Kennaraháskólann.“ - mmr
Persónulegur skóli
Andrúmsloftið í Kennaraháskóla Íslands er þægilegt og rólegt að sögn Egils.
FRÉTTABLAÐIÐ/GVA
Inga Vala Gísladóttir er að ljúka fyrsta ári í náttúru- og
umhverfisfræði við Landbúnaðarháskólann á Hvann-
eyri. Námið er þriggja ára BS-nám og býður upp á
tvenns konar námsleiðir.
„Námið skiptist í náttúrunýtingu og almenna nátt-
úrufræði. Náttúrunýtingin fjallar meðal annars um
nýtingu náttúrunnar, vernd og vitund, þjóðgarða og
kortlagningu,“ segir Inga Vala, sem valdi almenna
náttúrufræði í sínu námi.
„Þetta er þverfaglegt nám þar sem meðal annars er
farið í jarðfræði, líffræði, grasafræði og dýrafræði,“
segir Inga Vala, sem útskrifaðist af náttúrufræða-
braut frá Menntaskólanum á Akureyri áður en hún
hóf nám við Hvanneyri. Hún hefur alla tíð haft mik-
inn áhuga á fræðum náttúrunnar og segir valið hafa
staðið á milli líffræði við Háskóla Íslands og náttúru-
fræðinnar. „Umhverfið, náttúran, gróður og gróðurfar
hefur alltaf heillað mig. Náttúrufræðin er þverfaglegt
grunnnám þar sem sérstök áhersla er á íslenska nátt-
úru og gróðurfar og það réði úrslitum þegar ég valdi
Hvanneyri. Síðan finnst mér umhverfið og samfélagið
hér frábært, auk þess sem skólinn á ríka sögu.“
Um 25 til þrjátíu nemendur eru nú í BS-námi í nátt-
úrufræði að sögn Ingu Völu, sem segir það góðan
grunn fyrir frekara nám. „Náttúrufræðingar starfa
meðal annars við rannsóknir, kennslu eða á ýmsum
náttúrufræðistofnunum. Síðan fara margir í frekara
nám innan náttúru- eða umhverfisfræða,“ segir Inga
Vala, sem stefnir á frekara nám að BS-námi loknu. „Ég
hef mestan áhuga á plöntum og grösum, en það verður
bara að koma í ljós hvaða leið ég vel.“
Inga Vala telur umhverfisfræðin eiga brýnt er-
indi fyrr á skólaferlinum. „Ég myndi gjarnan vilja sjá
vistfræði og kennslu um náttúruvitund í framhalds-
skólum. Þetta skiptir okkur öll máli og sem betur fer
tel ég að áhuginn á þessu námi sé að aukast.“ Nánari
upplýsingar um Landbúnaðarháskólann á Hvanneyri
má finna á www.lbhi.is - rh
Íslensk náttúra í aðalhlutverki
Inga Vala Gísladóttir er hæstánægð með náttúrufræðina sem
er í boði við Landbúnaðarháskólann á Hvanneyri og hyggur á
frekara nám.
Árni Kristjánsson tilheyrir fyrsta
útskriftarhópnum úr Fræðum og
framkvæmdum sem útskrifast frá
Listaháskóla Íslands í næsta mán-
uði.
Árni hefur varið síðustu þremur
árum í að segja vinum og vanda-
mönnum um hvað námið snýst og
á hann því ekki í nokkrum vand-
ræðum með að útskýra það fyrir
blaðamanni.
„Þetta er nám fyrir fólk sem
vill rannsaka leiklist í víðu sam-
hengi, þróa hugmyndir sínar í
kringum leiklist og hrinda þeim
í framkvæmd,“ segir Árni og
heldur áfram: „Það má líkja þessu
við grunnnám í arkitektúr. Þar
lærir nemandinn mikið um hús en
ákveður síðan í framhaldsnáminu
hvort hann vilji verða innanhúss-
eða landslagsarkitekt. Í Fræð-
um og framkvæmdum lærum við
mikið um leiklist en getum síðan
sérhæft okkur með því að fara í
MA-nám í leikstjórn, leikritun eða
leiklistarfræði.“
Árni hefur tekið stefnuna á
leikstjórn og hyggur á nám er-
lendis. Hann ætlar þó fyrst um
sinn að verða sér úti um reynslu
hér heima.
Þann 10. til 18. maí verða loka-
verkefni nemenda sýnd og leik-
stýrir Árni sviðsetningu á Glæp
og refsingu eftir Dostojevskí.
Nemendur úr leiklistardeild skól-
ans leika og er tónlistin í höndum
nemanda úr tónsmíðadeild.
„Þetta samstarf á milli deilda
er að mínu mati styrkleiki skól-
ans,“ segir Árni, sem á von á því
að mikil nýsköpun muni eiga sér
stað nú þegar fyrstu árgangarnir
fara að útskrifast. „Markaðurinn
hér heima er ekki svo ýkja stór
en í náminu er okkur kennt að
finna leiðir til að koma hugmynd-
um í framkvæmd og skapa þannig
spennandi verkefni,“ segir Árni
og bendir áhugasömum á heima-
síðu listaháskólans www.lhi.is
til að nálgast upplýsingar um út-
skrifarverkefni nemenda. - ve
Nýsköpun í vændum
Árni Kristjánsson útskrifast úr Fræðum og framkvæmdum í maí og ætlar að taka
stefnuna á leikstjórn. FRÉTTABLAÐIÐ/STEFÁN
Mikil gróska er í Háskóla Ís-
lands en deildum hefur fjölgað
og möguleikar á námi eru
fjölbreyttir.
„Það er gríðarlega mikið að gerast
í Háskóla Íslands. Skólinn er að
sameinast Kennaraháskóla Íslands
og á sama tíma er verið að endur-
skoða skipulag skólans á þann hátt
að hann mun framvegis skiptast í
fimm öflug fræðasvið sem hvert
um sig skiptist í fjórar til sex
deildir. Kennaraháskólinn mynd-
ar stofninn á einu þessara fræða-
sviða, menntavísindasviði, en hin
fræðasviðin eru heilbrigðisvís-
indasvið, félagsvísindasvið, hug-
vísindasvið og verkfræði- og nátt-
úruvísindasvið. Deildirnar verða
tuttugu og sex að tölu,“ segir Jón
Örn Guðbjartsson, markaðs- og
samskiptastjóri Háskóla Íslands.
Breytingarnar taka allar gildi 1.
júlí næstkomandi og eru til þess
gerðar að efla háskólastarfið.
„Þetta er gert til að tryggja
styrka stjórnun og betri stoðþjón-
ustu við alla sem eru hér við nám
og störf, og þannig verður til mun
öflugri háskóli,“ útskýrir Jón Örn
bjartsýnn. Með sameiningu verður
til stærsta háskólasamfélag lands-
ins með um þrettán þúsund nem-
endur og afar fjölbreytta náms-
möguleika. Framhaldsnám verður
stóreflt og tækifæri til rannsókna
aukin.
Mikið verður lagt upp úr fjöl-
fræðilegu námi þar sem fólk
getur tvinnað saman mismunandi
fræðigreinar. „Mikið námsfram-
boð gerir Háskólanum kleift að
bjóða nemendum að ljúka námi
með því að viða að sér þekkingu
frá mörgum fræðigreinum sam-
tímis,“ segir Jón Örn, og nefn-
ir sem dæmi nýstárlegar náms-
leiðir eins og fötlunarfræði og lýð-
heilsuvísindi. Um þessar mundir
er unnið að undirbúningi jafnrétt-
isseturs og jafnréttisskóla að fyr-
irmynd Jarðhita- og sjávarútvegs-
skóla Sameinuðu þjóðanna, sem er
í raun afsprengi rannsókna á jafn-
rétti við Háskóla Íslands,“ segir
Jón Örn.
Enn ein nýjungin við Háskóla
Íslands er Háskólatorgið sem tekið
var í notkun ekki alls fyrir löngu.
Jón Örn segir það hafa hlotið fá-
dæma góðar viðtökur. „Háskóla-
torgið er í raun ekki breyting,
það er bylting. Það hefur breytt
háskólalóðinni í ekta „campus“.
Þarna er komin miðja sem stúd-
entar og starfsmenn leita í.“
Í byggingunni er vettvangur
fyrir kennslu, ráðstefnur og fundi
og einnig má þar finna veitinga-
sölu og Bóksölu stúdenta, sem allir
háskólar landsins nýta sér. „Þetta
er mikil þjónustuviðbót bæði gagn-
vart nemendum og starfsfólki.
Menningarlega og fræðilega hefur
Háskólatorg umbylt þeim anda
sem er á svæðinu. Fólk upplifir
hjartsláttinn á einum stað,“ segir
Jón Örn ánægður og bætir við:
„Það er mikill metnaður til stað-
ar en síðan bætist við samkeppni
frá öðrum háskólum sem er mjög
gagnleg. En við berum okkur ekki
bara saman við þá háskóla sem hér
eru heldur líka við bestu háskóla
heims, því við störfum í alþjóðlegu
samkeppnis umhverfi og stefn-
um að því að verða meðal hundrað
bestu háskóla í heimi.“ - hs
Fjölbreytnin í fyrirrúmi
Jón Örn segir Háskólatorg fela í sér gríðarlega þjónustuviðbót við nemendur og
starfsfólk Háskóla Íslands. FRÉTTABLAÐIÐ/GVA