Fréttablaðið - 30.04.2008, Page 12

● fréttablaðið ● háskóli 30. APRÍL 2008 MIÐVIKUDAGUR4
Júlíus Arnarson útskriftarnemi við Háskólann á Bifröst á svölum íbúðar sinnar í róm-
antísku og heillandi háskólaþorpi Bifrastar. MYND/SARA MAGNÚSDÓTTIR
„Það eru engar ýkjur þegar ég segi
að hér sé algjört ævintýri að vera,“
segir Júlíus Arnarson, sem eyða
mun sumri í borgfirskri náttúru
við skrif BA-ritgerðar í hagfræði,
heimspeki og stjórnmálafræði við
Háskólann á Bifröst.
„Þeir sem hér stunda nám eru
sammála um að námstíminn við
þennan frábæra skóla sé skemmti-
legasti tími ævinnar. Háskólinn á
Bifröst er sá eini sem býður upp á
háskólaþorp og hér eru nemendur
eins og ein stór fjölskylda þar sem
allir standa saman,“ segir Júlíus,
sem lengi hafði leitað að heillandi
námi. „Ég ákvað að slá til þegar ég
sá auglýsingu um HHS-nám á Bif-
röst og sé ekki eftir því. Á náms-
tímanum hef ég fundið að hag-
fræði höfðar mest til mín, en þó
hefði ég ekki viljað missa af hinum
greinunum því þær hafa gert mig
víðsýnni,“ segir Júlíus og játar að
námið sé strembið.
„Maður fer ekki í háskóla og
býst við að hafa ekkert fyrir því,
en hluti ánægjunnar er hversu erf-
itt námið er því það er gaman að
hafa fyrir hlutunum og uppskera
eftir því,“ segir Júlíus, sem hlakk-
ar til síðasta sumarsins vestra, en
tregar þá tilhugsun að yfirgefa há-
skólasamfélagið á Bifröst.
„Hér hefur maður eignast sína
bestu vini á fullorðinsárum. Maður
heilsar hverjum einasta manni
og það finnst mér kostur. Á Bif-
röst getur enginn orðið útundan
því allir eru að fást við það sama
og gera allt saman, hvort sem það
er námið, hópvinna, tómstund-
ir eða frítími. Maður hefur séð
marga óframfærna einstaklinga
koma hingað í byrjun sem komn-
ir eru í hringiðuna áður en af þeim
er litið,“ segir Júlíus, sem stefnir
á meistaranám í haust. „Hér kemst
maður líka að því hvað öll þessi
„nauðsynlega“ afþreying í borg-
inni er óþörf. Hér kveikir varla
nokkur maður á sjónvarpi, held-
ur eldar fólk saman og spilar, fer
saman á golfvöllinn eða fótbolta-
völlinn, og margir eru með hjól eða
ganga á fjöll til að njóta náttúrunn-
ar allt um kring. Allt þetta; veruna
hér og fólkið sem hefur verið mér
samferða í námi, mun ég taka með
út í lífið sem dýrmætt veganesti
kærkominnar reynslu og minn-
inga.“ - þlg
Heilsar hverjum manni
Heimskautaréttur og fjarnám í iðjuþjálfun eru þær nýjungar sem verða í boði að sögn Jónu
Jónsdóttur, forstöðumanns markaðs- og kynningarsviðs. FRÉTTABLAÐIÐ/HNEFILL
Háskólinn á Akureyri er nú að ljúka sínu
tuttugasta og fyrsta starfsári og býður upp
á fjölmargar leiðir, bæði í fjar- og staðar-
námi, sem ekki eru kenndar annars staðar
hérlendis. Í haust bætast síðan við fjarnám
í iðjuþjálfun og meistaranám í heimskauta-
rétti.
„Frá og með haustinu bjóðum við nám við
þrjár deildir, sem eru viðskipta- og raunvís-
indadeild, heilbrigðisdeild og hug- og félags-
vísindadeild. Við erum að vinna að sameiningu
deilda um þessar mundir en markmiðið er að
gera þær stærri og faglega öflugri,“ segir Jóna
Jónsdóttir, forstöðumaður markaðs- og kynn-
ingarsviðs Háskólans á Akureyri.
Nemendur eru um 1.400 talsins og þar af eru
um 700 í venjulegu staðbundnu grunnnámi, 400
til 450 í fjárnámi og 250 í framhaldsnámi, sam-
kvæmt grófum útreikningi að sögn Jónu.
„Skólinn óx mest á árunum 2001 til 2005 og
þá sérstaklega þegar við vorum að auka náms-
framboðið. Upp á síðkastið hefur mesta aukn-
ingin verið meðal fjar- og framhaldsnema,“
útskýrir Jóna sem segir viðskiptafræðina
alltaf vera vinsælasta auk greina á borð við
hjúkrunar-, kennara- og sálfræði.
Hún segir helming nemenda vera frá Akureyri
og nærsveitum, um þrjátíu prósent frá höfuð-
borgarsvæðinu og restina annars staðar að af
landsbyggðinni. „Sumir sækja hingað í nám sem
ekki er í boði annars staðar hérlendis, til dæmis
iðjuþjálfun, nútímafræði, grunnnám í fjölmiðla-
fræði, sjávarútvegsfræði og líftækni auk um-
hverfis- og orkufræði og samfélags- og hagþró-
unarfræði. Síðan nefna nemendur líka litla náms-
hópa og persónuleg samskipti sem helstu kosti
skólans,“ útskýrir Jóna og heldur áfram: „Á Ak-
ureyri eru líka vel mannaðir leik- og grunnskól-
ar auk lægra leiguverðs en á höfuðborgarsvæð-
inu, sem laðar eflaust að. Síðan skapast ákveð-
in stemning í litlum bæ fyrir háskólanema sem
mörgum finnst skemmtileg.“
Frá og með haustinu verður enn bætt við
námsframboð en þá verður í fyrsta sinn boðið
upp á fjarnám í iðjuþjálfun og meistaranám í
heimskautarétti.
„Iðjuþjálfunin verður óháð staðsetningu
og ekki gerð krafa um hópa. Þannig geta allir
sem uppfylla grunnskilyrði komist að,“ segir
Jóna og skýrir betur hvað heimskautarétturinn
snýst um: „Í kjölfar hlýnunar jarðar hafa fund-
ist ákveðnar auðlindir og opnast skipaleiðir á
heimskautasvæðinu. Þetta er meðal annars við
Kanada, Alaska, Ísland, norðurhluta Skandin-
avíu og Rússland. Það eru því margir sem telja
sig eiga tilkall til þessara auðlinda og til að gera
langa sögu stutta fjallar heimskautarétturinn
um þessi mál.“
Seinni umsóknarfrestur við Háskólann á
Akureyri rennur út hinn 5. júní næstkomandi.
Allar nánari upplýsingar er að finna á www.
unak.is - rh
Stærri og öflugri deildir
SJÁVARÚTVEGSFRÆÐI
V I Ð S K I P T A - O G R A U N V Í S I N D A D E I L D
Kynntu þér nám í sjávarútvegsfræði við
Háskólann á Akureyri á www.haskolanam.is
Þá er sjávarútvegsfræði eitthvað fyrir þig. Í náminu er
fjallað um allt ferlið frá vöktun á umhverfi auðlindar-
innar, þ.e. hafinu þar til að afurðin er komin á disk
neytenda á innlendum eða alþjóðlegum mörkuðum.
Sjávarútvegur er því mjög fjölbreyttur og alþjóðlegur.
Nám í sjávarútvegsfræðum við Háskólann á Akureyri er
þverfaglegt og sérstakt í íslenskri námsflóru. Þess er
krafist að nemendur kunni skil á grunnhugtökum á sviði
raunvísinda og viðskipta sem og þáttum sem snerta
sjávarútveginn beint.
VILT ÞÚ LÆRA UM
MIKILVÆGUSTU AUÐLIND ÍSLENDINGA?