Fréttablaðið - 30.04.2008, Síða 19
MARKAÐURINN 11MIÐVIKUDAGUR 30. APRÍL 2008
S K O Ð U N
Þór Sigfússon var kjörinn for-
maður Samtaka atvinnulífsins á
dögunum. Þá tók hann einnig við
stjórnarformennsku í Árvakri,
útgáfufélagi Morgunblaðsins og
fleiri fjölmiðla. Þrátt fyrir ungan
aldur hefur Þór komið víða við og
þeir sem til þekkja lýsa honum
sem drífandi og hugmyndarík-
um manni.
Þór fæddist 2. nóvember 1964
í Vestmannaeyjum. Foreldrar
hans eru Kristín Sigríður Þor-
steinsdóttir og Sigfús Jörund-
ur Árnason Johnsen, sem lést í
hitteð fyrra.
Þór lauk stúdentsprófi árið
1985. Þá hélt hann til Banda-
ríkjanna og nam hagfræði við
Háskóla Norður-Karólínu. Þaðan
lauk hann BA-prófi árið 1990 og
meistaraprófi í sömu grein ári
síðar. Síðar hefur hann stundað
doktorsnám við Háskóla Íslands.
Hann hóf snemma að stýra og
varð formaður Heimdallar og
framkvæmdastjóri Sambands
ungra sjálfstæðismanna árin
1986-88.
Fljótlega eftir að hann lauk
náminu í Bandaríkjunum kom
hann aftur heim og hóf aftur
afskipti af stjórnmálum. Hann
var ráðgjafi fjármálaráðherra
árin 1993-98, en þá sat Friðrik
Sophusson á ráðherrastóli.
Þór varð svo aðstoðarfram-
kvæmdastjóri Norræna fjárfest-
ingarbankans, og síðan fram-
kvæmdastjóri Verzlunarráðs,
sem nú heitir Viðskiptaráð, til
ársins 2005.
Þá tók hann við forstjórastarfi
hjá Sjóvá, sem hann sinnir enn.
Þór hefur ekki týnt sér ein-
göngu í stjórnunarstörfum,
heldur hefur hann líka gefið út
og skrifað bækur og greinar,
helst um hagfræðileg efni og
stjórnmál. Þar á meðal eru bæk-
urnar Örríki á umbrotatímum og
Útrás íslenskra fyrirtækja. En
bækur hans hafa líka fjallað um
önnur efni. Til dæmis gaf hann
út ljósprentaða gerð Sögu Vest-
mannaeyja eftir Sigfús M. John-
sen, ásamt viðaukum, árið 1989.
Margir úr fjölskyldu Þórs eru,
eins og hann sjálfur, þjóðþekkt
fólk. Nefna má Árna Johnsen, al-
þingismann, föðurbróður Þórs,
einnig systkini hans þau Árna,
bæjarstjóra í Reykjanesbæ, Sif,
verkefnisstjóra hjá Háskóla Ís-
lands og varaborgarfulltrúa
Sjálfstæðisflokksins og Þorstein,
forstjóra Nýskðpunarmiðstöðvar.
- ikh
Reyndur stjórnandi
S A G A N Á B A K V I Ð . . . Þ Ó R S I G F Ú S S O N , F O R M A N N S A M T A K A A T V I N N U L Í F S I N S O G S T J Ó R N A R Á R V A K U R S
Loksins, loksins, eftir mikla og
margra ára baráttu og barning
við lánastofnanir, innheimtu-
menn og lögfræðinga er hann
loksins frjáls. Spákaupmaður-
inn er nefnilega nýlega orð-
inn skuldlaus og vill syngjandi
kátur byrja að spara.
En samt barmar hann sér.
Hann á svo bágt. Hvað veldur?
O, jújú. Hann er frjáls af
fúlum skuldum og vill núna
leggja til hliðar fyrir mögru
árin ... eða mögru mánuð-
ina vonandi ... sem eru fram
undan.
En hvað er þá til ráða? Það má
leggja peningana inn á banka-
bók. Þá má fá vexti. Græða
svolítið á þeim sem hafa grætt
á spákaupmanninum öll þessi
ár.
Spákaupmaðurinn skaut-
ar yfir heimasíður bankanna.
„Þetta er barasta voða fínt allt
saman,“ hugsar hann, það má
fá yfir ellefu prósenta vexti á
sparnaðinn. Spákaupmaðurinn
kýlir á‘ða.
Vekjaraklukkan hringir. Spá-
kaupmaðurinn sprettur á fætur
og kíkir í heimabankann.
„&%$# ógn og skelfing,“
grenjar spákaupmaður. „Það
er minna á reikningnum en í
gær!“
Það er víst komin verðbólga,
verðbólga eins og sú sem skatt-
mann forseti og fleiri losuðu
okkur við áður en DOJBHHÁ-
fóru á flot til Viðeyjar og
víðar.
Nú borgar sig ekki að spara.
Núna segja menn að besta fjár-
festingin sé að greiða niður
skuldir. En hvað gerir þá skuld-
lausi spákaupmaðurinn??
Er ekki einu sinni með gott
gengislán á bílnum, sem hann
gæti fjárfest í með því að
greiða niður. Ekki einu sinni
raðgreiðslur!
Ekki þýðir heldur að kaupa
gjaldeyri eða gull fyrir pening-
inn, heldur ekki grjón. Þetta er
allt í toppi.
Spákaupmaður gnístir tönn-
um yfir þegar greiddum skuld-
um og finnur síminnkandi krón-
ur seytla niður milli fingra og
gufa út í loftið.
Honum verður hugsað til
ljóma bernskunnar þar sem
ekki bara bankainnistæð-
an heldur líka skuldirnar
lutu í gras í verðbólgu. Löng-
um stundum var setið við Ís-
lenska efnahagsspilið og helg-
ið ... og grátið. „Greidd skuld
er glatað fé,“ hnussar í spá-
kaupmanni, sem fer aftur upp
í rúm og dregur sængina upp
fyrir haus.
Spákaupmaðurinn á horninu
S P Á K A U P M A Ð U R I N N
Greidd skuld
er glatað fé