Fréttablaðið - 16.11.2008, Blaðsíða 4

4 16. nóvember 2008 SUNNUDAGUR
Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Lífið á
landnámsöld
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Basel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
10°
10°
5°
7°
10°
13°
14°
12°
8°
11°
18°
17°
10°
12°
23°
10°
18°
23°
Á MORGUN
5-10 m/s,
styttir upp síðdegis.
ÞRIÐJUDAGUR
3-8 m/s.
5
6
4
4
1
0
-1
2
0
7
-3
9
11
8
9
9
12
10
9
6
7
5
6
0 -1
0
5 6
8
5
4
1
DÁLÍTIL VÆTA
Í dag verður dálítil
væta V-til fram eftir
degi og einnig með
norðurströndinni
síðdegis. Á morg-
un snýst hann í
vestlæga átt og búast
má við smá snjó-
komu norðanlands
en annars verður
yfi rleitt úrkomulaust.
Á þriðjudag verður
víða væta, einkum
Vestanlands.
Elísabet
Margeirsdóttir
Veður-
fréttamaður
FERÐAMÁL Erlendir ferðamenn
sem flugu með Iceland Express
fyrstu tvær vikurnar í nóvember
voru fleiri en á sama tíma í fyrra.
Í tilkynningu frá flugfélaginu
segir að þetta eigi við um
Bretland jafnt sem aðra áfanga-
staði félagsins. Aukinn áhuga
útlendinga á ferðalögum til
Íslands þakka forsvarsmenn
félagsins markaðsstarfi erlendis
sem þeir segja ganga betur en
nokkru sinni fyrr. Þá hafi aukin
umfjöllun um Ísland, sem sé sem
betur fer ekki öll neikvæð, mikil
áhrif. Í umfjöllunum erlendra
blaða sé meðal annars fjallað um
þriggja daga verslunarferðir til
Reykjavíkur þar sem boðið er
upp á aðstoð íslenskra verslunar-
fararstjóra. Þá hafi vetrarferðir
til Íslands vakið athygli vegna
lágs verðs. - ovd
Fleiri erlendir ferðamenn:
Sýna Íslandi
aukinn áhuga
RÚSSLAND, AP Neðri deild rúss-
neska þingsins samþykkti í gær
tillögu Dimítrís Medvedev
forseta um að kjörtímabil forseta
verði lengt úr
fjórum árum í
sex. Jafnframt
var samþykkt
að kjörtímabil
þingsins yrði
lengt úr fjórum
árum í fimm.
Margir telja
að með þessari
breytingu sé
verið að gera Vladimír Pútín
forsætisráðherra kleift að sitja
lengur í embætti, kjósi hann að
bjóða sig fram til forseta á ný.
Nokkuð öruggt þykir að Pútín
myndi sigra í kosningum, og hann
gæti þá setið í tvö sex ára
kjörtímabil í staðinn fyrir tvö
fjögurra ára kjörtímabil. - gb
Rússneska þingið:
Lengir kjör-
tímabil forseta
VLADIMÍR PÚTÍN
KALIFORNÍA, AP Þúsundir manna
neyddust til að yfirgefa heimili
sín í Los Angeles í Kaliforníu í
gær vegna skógarelda.
Eldarnir komu upp á föstudag
og breiddust hratt út vegna
öflugra vinda á svæðinu. Vindarn-
ir gera slökkviliði einnig erfitt
fyrir þar sem það hefur mikið
þurft að reiða sig á flugvélar og
þyrlur við slökkvistarfið.
Vindarnir gera allt flug illmögu-
legt. Þá ógna eldarnir raforkuveri
og er hætta talin á að rafmagn
fari af á svæðinu. Tugir húsa hafa
þegar orðið eldinum að bráð og
þúsundir húsa eru talin í hættu.
Rannsókn á eldsupptökum
stendur yfir. - ovd
Þúsundir yfirgefa heimili sín:
Skógareldar
í Kaliforníu
ELDAR Flest hús í Oakridge urðu eldin-
um að bráð en Arnold Schwarzenegger,
ríkisstjóri Kaliforníu, lýsti í gær yfir neyðar-
ástandi í sýslunni. NORDICPHOTOS/GETTY
BANDARÍKIN, AP Bandaríkjaher
hefur síðan 2004 rúmlega tíu sinn-
um beitt leynilegri heimild til þess
að gera árásir á meinta liðsmenn
Al Kaída eða annarra uppreisnar-
eða hryðjuverkasamtaka í Pakist-
an, Sýrlandi og öðrum löndum.
Heimildina undirritaði Donald
Rumsfeld, þáverandi varnarmála-
ráðherra Bandaríkjanna, vorið
2004, með samþykki George W.
Bush forseta. Frá þessu skýrði
bandaríska dagblaðið New York
Times, og vitnar í háttsetta menn í
bandaríska stjórnkerfinu, sem
vilja þó ekki láta nafns síns getið.
Í blaðinu er fullyrt að sérsveitir
Bandaríkjahers sjái um fram-
kvæmd þessara árása. Enn þurfi
samþykki varnarmálaráðherra,
sem er Robert Gates, fyrir hverri
árás, og stundum þurfi samþykki
forsetans.
Ein þessara árása var gerð á
Sýrland 26. október síðastliðinn.
Bandaríkjastjórn hefur ekki form-
lega viðurkennt þá árás, en banda-
rískir embættismenn segja að
henni hafi verið beint gegn Al
Kaída. Sýrlensk stjórnvöld gagn-
rýndu árásina harðlega og segja
hana hafa kostað átta saklausa
borgara lífið.
Pakistönsk stjórnvöld hafa einn-
ig harðlega gagnrýnt árásir
Bandaríkjahers á skotmörk innan
landamæra Pakistans, og segja
þær efla stuðning landsmanna við
uppreisnarhópa. - gb
Leynileg heimild frá Donald Rumsfeld til árása á meinta hryðjuverkamenn:
Á annan tug árása gerðar
SÝRLENDINGAR MÓTMÆLA Sýrlending-
ar brugðust illa við árás sem gerð var
nýverið á lítið þorp rétt við landamæri
Íraks. NORDICPHOTOS/AFP
STJÓRNMÁL „Ég get fullyrt að til-
laga um að hefja aðildarviðræður
við Evrópusambandið hefði verið
samþykktar hér á fundinum ef
það hefði samrýmst lögum flokks-
ins,“ segir Valgerður Sverris-
dóttir, varaformaður Framsóknar-
flokksins. Samþykkt var á
miðstjórnarfundi í gær að tillaga
um aðildarviðræður við ESB yrði
lögð fram á næsta flokksþingi sem
hefur verið flýtt. Formannsslagur
er fram undan, samkvæmt heim-
ildum Fréttablaðsins.
Grundvallarbreyting varð á
stefnu Framsóknarflokksins í Evr-
ópumálum á miðstjórnarfundi í
gær. Miðstjórnin samþykkti álykt-
un þess efnis að tillaga um að
hefja aðildarviðræður við Evrópu-
sambandið yrði lögð fram á flokks-
þingi í janúar. Þetta er þvert á
yfirlýsta skoðun Guðna Ágústs-
sonar, formanns flokksins, sem
boðaði þó í ræðu sinni á fundinum
að vegna breyttra aðstæðna í sam-
félaginu væri eðlilegt að stíga
þetta skref.
Miðstjórn sendi frá sér afdráttar-
lausa ályktun í gærkvöldi. Til við-
bótar við Evrópumál kemur fram
skýlaus vilji um að bankastjórn
Seðlabanka Íslands og yfirstjórn
Fjármálaeftirlits verði vikið frá
störfum og endurskoða þurfi
stjórnkerfi þessara stofnana og
peningamálastefnuna.
Mikill hiti var í fundarmönnum
og sótt að forystumönnum. Fjöl-
margir ræðumenn fóru fram á að
forysta flokksins viki. „Við vorum
gagnrýnd. Flokkurinn hefur fallið
niður og lent í erfiðum málum.
Bæði var hann tapari kosninganna
og spillingarumræða hefur haldið
áfram út af erfiðum málum,“ segir
Guðni. „En ég ætla ekkert að meta
mína stöðu núna. Ég er formaður
flokksins og hef enga ákvörðun
tekið aðra en ég verði í framboði á
flokksþinginu eins og staðan er.“
Valgerður Sverrisdóttir varafor-
maður vill ekki tjá sig um hvort
hún hyggst sækjast eftir formann-
sembættinu í janúar. Samkvæmt
heimildum Fréttablaðsins hyggj-
ast Siv Friðleifsdóttir alþingis-
maður og Páll Magnússon, fyrr-
verandi varaþingmaður, bjóða sig
fram í formannsembættið. Þau
vildu hins vegar ekki staðfesta
það í gærkvöldi.
Valgerður segir fundinn hafa
verið líflegan. „Fyrsta mál á dag-
skrá var að á næsta flokksþingi
verði tekin afstaða til aðildarvið-
ræðna við ESB. Ég get fullyrt að
tillaga um að hefja aðildarviðræð-
ur við Evrópusambandið hefði
verið samþykkt hér á fundinum ef
það hefði samrýmst lögum flokks-
ins. Það er orðin grundvallarbreyt-
ing á afstöðu framsóknarmanna í
þessu stóra máli.“ svavar@frettabladid.is
Framsókn kúvendir
í Evrópumálum
Miðstjórn Framsóknarflokksins samþykkti í gær að leggja fram tillögu um
aðildarviðræður við Evrópusambandið á flokksþingi í janúar. Forysta flokksins
lá undir harðri gagnrýni á fundinum. Formannsslagur er fram undan.
FRÁ MIÐSTJÓRNARFUNDI Mesti hitafundur sem miðstjórnarfulltrúar Framsóknar-
flokksins muna eftir var haldinn í gær. Tímamótafundur, segir formaður flokksins.
FRÉTTABLAÐIÐ/ARNÞÓR
Miðstjórnarfundur Framsóknar-
flokksins, haldinn 15. nóvember
2008, samþykkir að flokksþingi
Framsóknarflokksins verði flýtt
og það haldið í janúar 2009. Fyrir
þingið verði lögð tillaga þess efnis
að gengið verði til aðildarviðræðna
við Evrópusambandið.
Afdráttarlaus afstaða stjórnmála-
flokks til jafn mikilvægs álitaefnis
verður að byggja á sem breiðustum
grunni og það fæst einungis með
umfjöllun, afgreiðslu og atkvæða-
greiðslu í æðstu stofnun flokksins.
EVRÓPUÁLYKTUN MIÐSTJÓRNAR
Þrjú á NATO-fundi
Þingmennirnir Ragnheiður E.
Árnadóttir, Ásta R. Jóhannesdóttir
og Magnús Stefánsson sitja ársfund
NATO-þingsins sem nú stendur í Val-
encia á Spáni. Helstu mál fundarins
eru framtíðarstefna NATO, aðgerðir
þess í Afganistan, samskiptin við
Rússland og átökin í Georgíu, eld-
flaugavarnir, orkuöryggi og leiðir til að
hefta útbreiðslu kjarnorkuvopna.
ALÞINGI
BANDARÍKIN, AP Leiðtogar nítján
ríkja, forvígismenn Evrópusam-
bandsins og fulltrúar alþjóðasam-
taka hittust á fundi í Washington-
borg í gær til að ræða þá
alþjóðlegu efnahagskreppu sem
gengur yfir.
Litlar fréttir fara af sáttum á
fundinum enda eru áherslur
ólíkar. Á meðan leiðtogar Evrópu-
ríkjanna vilja styrkja efnahag
landa, fá nýtt regluverk fyrir
fjármálakerfið og gera endurbæt-
ur á stofnunum í alþjóðakerfinu
varar George W. Bush, fráfarandi
forseti Bandaríkjanna, við of
miklum afskiptum af hinum
frjálsa markaði. - ovd
Alþjóðleg efnahagskreppa:
Ólíkar áherslur
þjóðarleiðtoga
GENGIÐ 14.11.2008
GJALDMIÐLAR KAUP SALA
HEIMILD: Seðlabanki Íslands
228,7913
GENGISVÍSITALA KRÓNUNNAR
134,32 134,96
199,12 200,08
170,52 171,48
22,894 23,028
19,317 19,431
17,007 17,107
1,3822 1,3902
198,14 199,32
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR