Fréttablaðið - 18.12.2008, Blaðsíða 62

38 18. desember 2008 FIMMTUDAGUR
tonlist@frettabladid.is
TÓNNINN GEFINN
Trausti Júlíusson
Kvikmynd Wim Wenders um kúbönsku öldungana í Buena Vista Social
Club er ein af þessum tónlistarsögum sem aldrei gleymast. Platan, sem
þessir næstum því gleymdu snillingar gerðu með Ry Cooder, er líka ein
af óvæntustu metsöluplötum sögunnar. Hún hefur þegar selst í yfir
fimm milljónum eintaka og selst enn jafnt og þétt. Hún er langmest
selda heimstónlistarplatan í sögunni og í kjölfar hennar jókst áhugi á
heimstónlist mikið og útgáfa að sama
skapi.
Eftir útkomu plötunnar hófst mikið
velmegunarskeið hjá mörgum þeirra
sem í sveitinni voru. Ibrahim Ferrer,
Ruben Gonzalez, Compay Segundo og
Omara Portuondo urðu stjörnur út um
allan heim og sendu frá sér sólóplötur.
Sveitin sjálf hélt líka tónleika um víða
veröld og spilaði meðal annars í
tvígang á Íslandi. Hljómsveitin er enn
að, en hún hefur aldrei gert aðra plötu.
Það telst því nokkrum tíðindum
sæta að nýlega kom út ný Buena Vista
Social Club plata. Hún hefur að geyma
tónleika sem voru hljóðritaðir í
Carnegie Hall í New York 1. júlí 1998.
Þetta var á þeim tíma þegar allar
stjörnurnar voru enn á lífi og Ry Cooder spilaði með. Þessir tónleikar
voru stór stund fyrir hljómsveitarmeðlimi. Þeir voru margir að koma í
fyrsta sinn til Bandaríkjanna og það til að spila í þessu fornfræga
tónleikahúsi sem þeir höfðu heyrt af í gegnum áratugina. Margir
hljómsveitarmeðlima lýsa tónleikunum sem einni stærstu stund lífs
síns. Og þeir verða aldrei endurteknir þar sem stærstu stjörnurnar eru
fallnar frá.
Útgáfan sem nú lítur dagsins ljós er tvöföld. Hún inniheldur 16 lög
og 32 síðna bók með myndum, ritgerð og upplýsingum og viðtölum við
meðlimi og skipuleggjendur.
Kúbumenn taka New York
LANGÞRÁÐ Tónleikar Buena Vista
Social Club í Carnegie Hall eru loks-
ins komnir út á plötu.
> Plata vikunnar
Ragnheiður Gröndal - Bella & her
Black Coffee
★★★
Ragnheiður stendur sig vel við að
syngja lög eftir aðra en mætti beita
sig meiri sjálfsgagnrýni í eigin lögum.
Bella er fín oní aðdáendur hennar, en
aðrir ættu að tékka á Emilíönu Torrini.
KÓÞ
> Í SPILARANUM
Reykjavík! - The Blood
Herbert Guðmundsson - Spegill sálarinnar
Sing Fang Bous - Clangour
Jara - Tónlistin úr leikritinu Dansaðu við mig
Ane Brun - Changin of the Seasons
REYKJAVÍK! ANE BRUN
Í fyrsta sinn sem ég sá og heyrði í
Steed Lord var á Iceland Airwaves
2006. Þá var sveitin nýstofnuð og
hljómaði ekkert sérstaklega fersk í
mínum eyrum þó að það væri ljóst
þá strax að henni fylgdi mikið
stuð.
Síðan þá hefur Steed Lord tekið
stórstígum framförum. Hljómur-
inn er flottari og sveitinni hefur
farið töluvert fram í lagasmíðum.
Margt á plötunni minnir á gamla
„reif“-tónlist, en þau Svala, Einar,
Eðvarð og Erling eru búin að upp-
færa hana til nýs tíma. Tónlistin
minnir svolítið á listamenn hjá
frönskum útgáfum eins og Ed
Banger og Institubes og eins og hjá
svo mörgum rafpoppsveitum í dag
eru áhrifin frá Daft Punk augljós.
Truth Serum er heilar 65 mínútur
að lengd. Það er fullt af flottum
lögum, t.d. New Crack City, Royal
Ruffian, Feel The Heat, Who U Wit,
Try Me, Dirty Mutha, og Take My
Hand, en platan heldur samt ekki
alveg fullri reisn allan tímann og
hefði kannski mátt vera eitthvað
styttri. Samt er einn af stóru kost-
unum við Truth Serum hvað hún er
hrá og spontant. Hún er ekki ofunn-
in. Það er ekkert verra heldur en að
dauðhreinsa svona tónlist.
Textar og hugmyndaheimur
Steed Lord eru svo í stíl við tónlist-
ina sjálfa. Peningar, dóp, glamúr og
stuð. Á heildina litið er Sannleiks-
lyfið hörkuskemmtileg plata. Ég
veit ekki hvort hún á eftir að lifa
lengi, en í dag svínvirkar hún!
Trausti Júlíusson
Peningar, dóp, glamúr og stuð
TÓNLIST
Truth Serum
Steed Lord
★★★★
Skemmtilega hrá og spontant raf-
poppplata með textum um peninga,
dóp, glamúr og stuð.
Keith Richards, gítarleikari Rolling Stones,
heldur upp á 65 ára afmæli sitt í dag og er
því kominn á eftirlaunaaldur í heimalandi
sínu Bretlandi.
„Hann vill halda upp á afmælið fjarri
sviðsljósi fjölmiðlanna,“ sagði talsmaður
Richards. Gítarleikarinn sjúskaði er þar
með kominn í eftirlaunahóp með félaga
sínum Mick Jagger sem varð 65 ára í júlí
síðastliðnum.
Miðað við vímuefnanotkun hans um árin
kemur aldur Richards mörgum á óvart. „Ég
hefði oft getað gefið upp öndina en mér
fannst það of ódýr leið til að kveðja,“ sagði
hann í viðtali við tímaritið GQ fyrr á árinu.
Richards á eftirlaun
KEITH RICHARDS Gítarleikari Rolling Stones heldur
upp á 65 ára afmælið sitt í dag.
Skagasveitin Weapons
hefur gefið út sína fyrstu
plötu sem nefnist A Ditch in
Time, þar sem fyrrverandi
upptökustjóri The Strokes
kemur við sögu.
Strákarnir tóku plötuna upp sjálf-
ir á síðasta ári en um hljóðblönd-
un sá Gordon Raphael, sem tók
upp fyrstu tvær plötur The Strok-
es og fyrstu plötu Reginu Spekt-
or.
„Hann fann okkur á netinu og
sendi okkur skilaboð um að honum
líkaði við þetta,“ segir bassaleik-
arinn Óli Dóri um samstarfið við
Raphael. „Eftir það spurðum við
hvort hann vildi ekki vinna með
okkur. Hann var til í það og kom
til Íslands og mixaði plötuna. Við
vorum í viku í Stúdíó Sýrlandi og
hann hafði rosagaman af því að
vera þarna,“ segir Óli og bætir við
að báðir aðilar hafi áhuga á frek-
ara samstarfi. „Ég veit ekki hvort
við tökum næstu plötu upp sjálfir
eða förum til hans, alla vega er
sameiginlegur áhugi á að vinna
eitthvað saman.“
Weapons svipar einmitt nokkuð
til The Strokes á upphafsárum
þeirra þar sem ungæðislegur
krafturinn og spilagleðin var alls-
ráðandi. Gæti sveitin því gert
margt vitlausara en að starfa á
nýjan leik með Raphael.
Weapons var stofnuð fyrir fjór-
um árum og hefur á þeim tíma
þrívegis spilað á Airwaves-hátíð-
inni við góðar undirtektir. Stefnan
hefur verið sett á spilamennsku
erlendis og vonast þeir félagar til
að komast í bandaríska háskólaút-
varpið og í framhaldinu fara í tón-
leikaferð um austurströnd Banda-
ríkjanna næsta vor. Einnig ætla
strákarnir að gefa út þrjú endur-
hljóðblönduð lög á næsta ári sem
þeir unnu í samstarfi við Remix
Artist Collective, RAC, sem er
þekkt teymi sem hefur endurunn-
ið lög fyrir Radiohead, Bloc Party,
Justice og Kaiser Chiefs.
Næstu tónleikar Weapons verða
á kreppukvöldi á Bar 11 í kvöld
þar sem önnur Skagasveit, Pet
Semetery, treður einnig upp. Á
föstudagskvöld spila báðar sveit-
irnar síðan í Þorpinu í heimabæ
sínum, Akranesi. freyr@frettabladid.is
Með upptökustjóra Strokes
WEAPONS Rokkararnir í Weapons hafa gefið út sína fyrstu plötu sem nefnist A Ditch
in Time.
Keramik eldavél EC65121AX
Ryðfrí hönnun. Nýtanlegt rými í ofni: 60 l.
Mál (HxBxD): 90x60x60 cm.
Orkunotkun: 0,79 kWt (blæstri),
0,87 kWt (undir- og yfirhita).
Gorenje eldavél
Reykjavík . Borgartún 24 . Sími 562 4011
Akureyri . Draupnisgata 2 . Sími 460 0800
Reyðarfjörður . Nesbraut 9 . Sími 470 2020
Reykjanesbær . Hafnargata 52 . Sími 420 7200
P
IP
A
R
•
S
ÍA
•
8
23
41