Fréttablaðið - 28.12.2008, Page 6

6 28. desember 2008 SUNNUDAGUR
VERSLUN Árleg flugeldasala björg-
unarsveitanna hefst í dag. Boðið
verður upp á skottertur með mynd-
um eftir Halldór Baldursson af
helstu persónum og leikendum í
bankahruninu − bankastjórum,
útrásarvíkingum, stjórnmálamönn-
um og jafnvel íslensku þjóðinni.
Flugeldamarkaðir björgunar-
sveitanna verða 112 þetta árið um
allt land. „Í því ástandi sem nú
ríkir er afar mikilvægt að styðja
vel við bakið á björgunarsveitum
enda hefur útköllum þeirra fjölgað
mikið undanfarin ár og eru nú um
1.500 á ári,“ segir í tilkynningu frá
Landsbjörgu. - sh
Flugeldasala björgunarsveitanna hefst á 112 stöðum um land allt í dag:
Hægt að sprengja bankastjóra
BANKA- OG VÍKINGATERTA Nú geta Íslendingar fengið útrás á gamlárskvöld með því
að sprengja þá í loft upp sem þeir telja landsins mestu syndaseli.
ALÞINGI Þinghald haustsins − líkt og
annað í þjóðlífinu − verður skráð í
sögubækur. Þingstörfin einkennd-
ust af ástandi efnahagsmála, hruni
bankanna og afleiðingum þess. Auk
þess sem fjárlög næsta árs og fjár-
aukalög þessa árs eru mörkuð
ástandinu var á annan tug sérstakra
laga settur vegna ástands mála.
Bera þar neyðarlögin svonefndu
hæst en að auki gripu stjórnvöld til
margvíslegra ráðstafana, stórra og
smárra, sem kröfðust sérstakrar
lagasetningar. Má þar nefna lög um
atvinnuleysistryggingar og
Ábyrgðarsjóð launa, stofnun sér-
staks embættis saksóknara, lög um
rannsóknarnefnd þingsins á falli
bankanna, takmörkun gjaldeyris-
viðskipta, lengri lánstíma vegna
greiðsluerfiðleika, lækkun dráttar-
vaxta og endurgreiðslu vegna
útflutnings ökutækja.
Á haustþinginu, sem stóð frá 1.
október til 22. desember lagði ríkis-
stjórnin fram 64 frumvörp. 43 voru
samþykkt, sex bíða fyrstu umræðu
og fimmtán eru í nefnd.
Sex þingmannafrumvörp voru
samþykkt, 37 bíða umræðu og nítj-
án eru í nefnd.
55 þingsályktunartillögur voru
lagðar fram á þinginu, 32 bíða og 22
eru í nefnd. Ein tillaga, um van-
traust á ríkisstjórnina, var tekin til
afgreiðslu en felld.
Af þeim 40 fyrirspurnum sem
þingmenn beindu til ráðherra og
óskuðu skriflegra svara við feng-
ust svör við 27 en þrettán bíða
svars. 26 fyrirspurnum var svarað
munnlega en níu bíða þess að verða
svarað.
Níu utandagskrárumræður fóru
fram á haustþinginu.
Níu varamenn tóku sæti á Alþingi
á haustþinginu.
Þinghaldi var frestað mánudag-
inn 22. desember og kemur saman
á ný þriðjudaginn 20. janúar.
bjorn@frettabladid.is
106 þingmál afgreidd
en 135 bíða vorþings
Um helmingur þeirra fjörutíu og þriggja stjórnarfrumvarpa sem samþykkt
voru á nýafstöðnu haustþingi laut að stöðu efnahagsmála. 56 þingmannafrum-
vörp og 54 þingsályktunartillögur bíða umræðu eða eru til meðferðar í nefnd.
ANNIR FYRIR HÁTÍÐAR Sjö frumvörp urðu að lögum síðasta starfsdag Alþingis fyrir jólaleyfi. FRÉTTABLAÐIÐ/GVA
Auglýsingasími
– Mest lesið
LÖGREGLUMÁL Staða mála í efna-
hagsbrotadeild Ríkislögreglu-
stjóra (RLS) er betri en hún hefur
nokkurn tímann verið. Alls bárust
117 kærur á árinu, og rannsókn
hófst á 99 kærum. Þetta kemur
fram í svari embættisins við fyrir-
spurn Fréttablaðsins.
Þar kemur einnig fram að átján
mál bíða rannsóknar hjá deildinni,
það elsta frá því í lok október.
Deildin gaf út ákærur í 42 af 45
málum á árinu, og hafa þær ekki
verið fleiri frá árinu 2004, þegar
þær voru 46 talsins.
Fréttablaðið óskaði á föstudag
eftir upplýsingum um rekstrar-
kostnað efnahagsbrotadeildar
annars vegar, og sérsveitar hins
vegar. Aðeins bárust svör varð-
andi efnahagsbrotadeildina, þrátt
fyrir ítrekaðar fyrirspurnir.
Eins og fram hefur komið í
Fréttablaðinu hefur starfsmönn-
um efnahagsbrotadeildar fækkað
nokkuð frá því sem mest var. Árið
2004 störfuðu átján við deildina,
sautján árin 2005 og 2006, sam-
kvæmt yfirliti RLS.
Starfsmönnum fækkaði í fimmt-
án árið 2007, og fjórtán í ár. Einn
lögfræðingur lætur af störfum nú
um áramótin, og verða starfsmenn
við það þrettán talsins.
Í tilkynningu RLS kemur fram
að tvö stöðugildi, og verkefni sem
þeim fylgdu, hafi verið færð til
greiningardeildar árið 2007. Þá
hafi tveir starfsmenn verið ráðnir
tímabundið á árabilinu 2004 til
2006. - bj
Alls voru 117 mál kærð til efnahagsbrotadeildar Ríkislögreglustjóra á árinu 2008:
Gáfu út 42 ákærur á árinu
SÉRSVEIT Engar upplýsingar fengust um
rekstrarkostnað sérsveitar Ríkislögreglu-
stjóra. FRÉTTABLAÐIÐ/VILHELM
KÍNA, AP Kínversk mjólkurfyrir-
tæki, sem seldu melamínmengaða
mjólk, eru reiðubúin að greiða
fjölskyldum um 300 þúsund
ungbarna, sem veiktust vegna
melamínmengunarinnar, bætur.
Um 22 fyrirtæki munu greiða
bætur en ekki hefur komið fram
hversu háar þær eru eða hvenær
þær verða greiddar út til
forráðamanna barnanna.
Greiðslur til ungu fórnar-
lambanna hafa verið mjög
viðkvæmt mál í Kína þar sem
kínverskir dómstólar hafa hingað
til ekki viljað taka við málshöfðun
frá fjölskyldum barnanna.
- ghs
Kínversku mjólkurfyrirtækin:
Fórnarlömbin
fá skaðabætur
Fórstu í messu á aðfangadag
eða jóladag?
Já 7,4%
Nei 92,6%
SPURNING DAGSINS Í DAG:
Eyðir þú minna í flugelda í ár
en í fyrra?
Segðu skoðun þína á Vísir.is
KJÖRKASSINN