Tíminn - 17.09.1982, Qupperneq 8

FÖ8WÖAGUH 17. »En«MBEll »82
■ Tyrkneskir innflytjendur fylkja liði á götu í Vestur-Berlín. Á borðanum stendur: Stoltur er sá sem kallar sig Tyrkja.
Þjóðverjar vilja losna
við innflytjendurna
— en hverjir eiga þá að vinna skítverkin?
■ Skoðanakannanir í Vestur-Þýska -
landi sýna að það er enginn þáttur í
þjóðlífinu sem Þjóðverjar eru eins
sammála um og sá, að það séu of margir
útlendingar í landinu. 82 af hundraði
þeirra sem spurðir voru nýlega um þetta
atriði töldu að útlendingarnir séu of
margir. Skoðun þessi er almenn meðal
ungra og gamalla. Engin stétt eða
landshluti sker sig úr, og pólitískar
skoðanir manna breyta engu um
afstöðuna til útlendinganna.
Málefni innflytjendanna hafa verið
feimnismál stjórnmálamanna sem eru
hræddir við að vera borið á brýn
kynþáttahatur og þjóðernisrembingur ef
þeir taka afstöðu. Helmut Schmidt
kanslari hefur samt viðurkennt opinber-
Iega að það hafi verið mistök að flytja
allt þetta fólk til landsins.
Sífelit ber meira og meira á andúð
Þjóðverja á útlendingunum. Samtök eru
stofnuð sem hafa það að markmiði að
reka þá úr landi. Slagorð sem vitna um
kynþátta- og útlendingaandúð eru
máluð á veggi og í öllum borgum
landsins hefur komið til átaka milli
innfæddra og aðfluttra. Erlendir
verkamenn og fjölskyldur þeirra verða
fyrir aðkasti á almannafæri og verða að
þola andúð og hryssingslegt viðmót
heimamanna.
í Vestur-Þýskalandi eru nú um tvær
milljónir atvinnulausra Sumir vilja
kenna aðkomufólkinu um, en meðal
innfluttra er atvinnuleysið mun meira en
Þjóðverja, sem ganga fyrir störfum.
Þar að auki eru erfiðustu og
sóðalegustu störfin í landinu unnin af
innflytjendum. Það er talið vafamál
hvort hægt verður að fá Þjóðverja til að
vinna þau störf. Yngra fólkið hefur ekki
vanist þeim og þykir sjálfsagt að
einhverjir aðrir vinni skítverkin.
Á sjöunda áratugnum hvöttu stjórn-
völd í Þýskalandi útlendinga til að koma
til landsins og starfa. Þá vantaði
vinnuafl. Erlendir verkamenn komu í
holskeflum inn í landið, fyrst frá löndum
Efnahagsbandalagsins, síðan frá Grik-
klandi, Spáni, Portúgal, síðar frá
Júgóslavíu og að lokum frá Tyrklandi.
Vestur-Þjóðverjar vinna minna en
þegnar nokkurs annars iðnríkis. Þeir
hafa styttri vinnutíma, lengri sumarfrí
og fleiri sjúkradaga og eru háðari
crlendu vinnuafli en nokkur önnur þjóð.
í mörgum starfsgreinum eru meira en 50
af hundraði vinnuaflsins útlendingar. Ef
þeir færu allir í einu yrði fjöldi fyrirtækja
að hætta starfsemi og loka.
Árið.1973 sáu menn hvert stefndi og
þá átti að heita að lokað væri fyrir
innflytjendastrauminn. En það var
hægara sagt en gert. í dag eru 4.7
milljónir útlendinga í Þýskalandi, eða
um 7.5% af íbúum landsins.
Heimamönnum þykir mjög að sér
þrengt og það veldur andúðinni. í
Vestur-Þýskalandi eru það aðallega
Tyrkir sem eru þaulsætnir. 1.6 milljón
Tyrkja er nú búsett þar, þar af um hálf
milljón undir 16 ára aldri. Þegar þýska
efnahagsundrið og hinn öri hagvöxtur
fór að dala um miðjan áttunda áratuginn
fóru erlendu verkamennirnir að tfnast
heim með Mercedesbíla sína, mörkin
sem þeir höfðu sparað saman og
myndavélarnar. Á árunum 1974-77
hvarf um hálf milljón útlendinga frá
Vestur-Þýskalandi. Á þessum tíma
fækkaði fólki af öllum þjóðernum, sem
unnið hafði í landinu nema Tyrkjum.
Þeim fjölgaði.
Og Tyrkjunum heldur áfram að fjölga
í Vestur-Þýskalandi og yfirvöld kunna
engin ráð til að stemma stigu við
innflytjendunum. Fullhlaðnar leiguflug-
vélar fljúga frá Tyrklandi til Austur-
Berlínar og Tyrkirnir ganga óhindrað
gegnum hlið Berlínarmúrsins inn í
Vestur-Berlín. Þar hverfa þeir inn í
íbúðarhverfi landa sinna. Þaðan komast
þeir auðveldlega til Vestur-Þýskalands
og reyna að fá sér atvinnu. ( Þýskalandi
er rekin umfangsmikil ólögleg atvinnu-
starfsemi. Þeir atvinnurekendur sem
notfæra sér ástandið greiða farandverka-
mönnunum, en svo eru ólöglegir
innflytjendur kallaðir, ekki eftir
umsömdum kauptöxtum verkalýðsfélag-
anna og losna einnig við að greiða
launatengd gjöld. Hér er oftast um
íhlaupavinnu að ræða og erfitt er að
uppræta þennan ósið. Tyrkirnir á
vinnumarkaði eru svo margir að illt er
að koma við opinberu eftirliti með
hverjum og einum. Aðrir verkamenn
sem vita ofurvel hvernig í pottinn er búið
segja ekki til félaga sinna, því þá verða
þeir reknir úr landi og eiga ekki að öðru
að hverfa en algjöru atvinnuleysi í
Tyrklandi. Atvinnurekendur sjá sér hag
í að greiða lægri laun svo að erfitt er um
vik að koma í veg fyrir þetta siðleysi.
Á síðasta ári fjölgaði Tyrkjum í
Vestur-Þýskalandi um 6 af hundraði. Þá
komu 84 þúsund þeirra til landsins. f ár
er álitið að innflytjendurnir verði álíka
margir.
Það er erfitt að koma reglu á þetta
ástand. Heilar stórfjölskyldur Tyrkja
sem búa í Þýskalandi eru ólæsar, jafnt
á þýsku sem tyrknesku. Þeim gengur illa
að samlagast Þjóðverjum. Og börnin
sem alast upp í þessu umhverfi
samlagast nánast engu í umhverfinu,
hvorki foreldrum sínum né því framandi
þjóðfélagi sem þau búa í. Á heimilum
þeirra er töluð tyrkneska. Þau eru send
í þýska skóla á morgnana og síðdegis
sækja þau islamska skóla. Mikið af þeirri
kennslu sem þar fer fram er ekki til þess
fallið að börnin geti samlagast kristnu
þjóðfélagi.
Úr öllu þessu verður ekki annað en
þvæla. Blessuð börnin tala tyrknesku
heima hjá sér. í þýsku skólunum fer
kennslan fram á þýsku og í múhameðsku
skólunum er töluð arabíska og Kóraninn
verða þau að læra á frummálinu, sem
eðlilega er skráður með arabisku letri.
Daglega verða árekstrar milli ólíkra
skoðana og menninga í lífi barnanna.
Það þarf engan að undra þótt
tyrknesku unglingarnir dragist aftur úr
þýskum jafnöldrum sínum í námi. Ef
kennarar í þýsku skólunum einbeita sér
að því að troða lærdómi í tyrknesku
nemendurna kemur það niður á hinum
þýsku. Ef tyrknesku unglingunum er
sinnt eins og þarf sitja þeir eftir.
Árangurinn er sá að það verður æ
tíðara að þýskir foreldrar taka börn sín
úr skólum, þar sem margir útlendir
nemendur eru einnig, og setja þá í skóla
þar sem þýskir nemendur eru í miklum
meirihluta, eða jafnvel einráðir.
Mörg veitingahús í Vestur-Þýskalandi
eru lokuð útlendingum. Eigendur þeirra
afsaka þetta með því að þeir verði að
velja á milli viðskiptavina eða loka ella.
Þeir segja að yfirtaka veitingahúsanna
gangi rólega fyrirsig. Fyrst komi nokkrir
Tyrkir og fái sér kaffi, síðan fleiri og
fleiri. Þýsku viðskiptavinirnir kæra sig
ekki um þennan félagsskap og hætta að
sækja þau veitingahús sem útlendingar
venja komur sínar á.
Haft er eftir Þjóðverja sem er sama
sinnis og 82% landsmanna hans, að í
margar aldir hafi verið reynt að verja
Evrópu fyrir Tyrkjum.
„Forfeður okkar létu lífið í orustunni
við Liegnitz á 13. öld til að forðast
yfirgang Tyrkja, í Ungverjalandi á 16.
öld og við Vfnarborg á 17. öld. Nú hafa
Tyrkirnir náð takmarki sínu án þess að
beita vopnavaldi."
Tyrkirnir í Þýskalandi eru engu
ánægðari með sambúðina við innfædda
en Þjóðverjar eru með þá. Vandræðin
eru að þeir geta ekki snúið til
heimalands síns. Það eru 48 milijónir
Tyrkja fyrir, 65% þeirra eru ólæsir.
Starfsreynsla þeirra sem unnið hafa
erlendis, kemur að litlu gagni í
frumstæðu bændaþjóðfélagi. Þeir hafa
að litlu að hverfa. Tyrknesk stjórnvöld
kæra sig ekkert um að fá fleiri á
atvinnuleysisskrá hjá sér og taka með
þökkum við þeim 5 milljörðum dollara
í gjaldeyri, sem verkamenn erlendis
senda heim. Þetta eru helstu gjaldeyris-
tekjur Tyrklands.
Tyrkirnir í Þýskalandi vorkenna
Þjóðverjum ekki. Þeir urðu sér sjálfir
úti um vandamálið. Þeir hvöttu
útlendingana til að koma. Síðar hvöttu
þeir þá til að sækja fjölskyldur sínar með
því að greiða ekki fjölskyldubætur nema
með börnum sem dvöldu í Þýskalandi.
Þjóðverjarnir yfirgáfu fjölda starfsgreina
og létu útlendinga taka að sér erfiðustu
störfin. Ungir Þjóðverjar kæra sig ekki
um þessi störf. Ástandinu verður ekki
breytt. Landnám útlendinga í Vestur-
Þýskalandi er staðreynd.
Oddur Ólafsson
skrifar
erlendar fréttir
ísraelsmenn héldu áfram
Isókn sinni inn í Vestur Beirút
Hafa all-
[an borg-
arhlutann
á valdi
sínu í dag
— Bandaríkjamenn
krefjast tafarlausrar
brottfarar ísraels-
manna frá Beirút
■ Israelsmcnn sóttu áfram inn í
vesturhluta Beirutborgar og sögðu í
gær að þeir hefðu allan borgarhlut-
ann á valdi sínu. Áframhaldandi
sókn ísraelsmanna hófst skömmu
eftir dögun og beittu þeir skriðdrek-
um og stórskotaliði gegn léttvopnuð-
um vinstrisinnuðum skæruliðum sem
veittu (sraelsher mótspyrnu.
Bardagar stóðu yfir í marga tíma
en undir kvöldið var orðið tiltölulega
rólegt þótt enn mætti heyra þar
skothríð við og við, á einangruðum
stöðum en nú hafa ísraelsmenn nær
alla borgina á sínu valdi. Margar
byggingar sködduðust mjög mikið í
sókn fsraelsmanna.
Talsmaður ísraelska hersins í
Jerúsalem hvatti í gærdag alla
skæruliða í borginni til að leggja
niður vopn sín en hann sagði einnig
að talsverður hluti PLO manna hefði
verið áfram í Beirut eftir brottflutn-
ingana og væri það brot á samkomu-
lagi því sem gert var á sínum tíma
um brottför þeirra frá borginni.
ísraelsmenn segja að þeir hafi sótt
inn í vesturhlutann til að halda uppi
lögum og reglum og til að koma í veg
fyrir hugsanlega hættulega þróun
mála þar eftir heppnað morðtilræði
við forseta landsins, Gemayel á
þriðjudag.
Stjórn Líbanon hefur hafnað
þessum skýringum og beðið um
skyndifund í Öryggisráði Sameinuðu
þjóðanna.
Bandaríska utanríkisráðuneytið
sagði að sókn (sraelsmanna inn í
vesturhlutann væri hreint brot á
samkomulagi því sem náðist fyrir um
mánuði síðan í Beirut milli deilu-
aðila og í mjög harðorðri yfirlýsingu
kröfðust Bandaríkjamenn þess að
ísraelsher drægi sig til baka úr
borginni.
„Ekkert réttlætir veru ísraelshers
í vesturhluta Beirutborgar“ sagði
talsmaður bandaríska utanríkisráðu-
neytisins.
Franski utanríkisráðherrann kom
í stutta heimsókn til Beirut og hitti
að máli Sharkis forseta. Ráðherrann
lýsti yfir samstöðu Frakka með
Líbanonbúum.
í Jerúsalem var boðað til skyndi-
fundar í ríkisstjórninni síðdegis í gær
að kröfu nokkurra ráðherra sem
voru reiðir yfir því að ekkert samráð
var haft við þá um sókn Israelshers.
■ ■
Ofgafullir mú-
hamedsmenn
í Egyptalandi:
Ætiuóu
að
steypa
Mubarak
af stóli
■ Stjórnvöld Egypta-
lands hafa handtekið
nokkra öfgafulla mú-
hameðstrúarmenn og á-
sakað þá um að hafa gert
samsæri um að steypa
Mubarak forseta lands-
ins af stóli.
Hin opinbera fréttastofa Egypta-
lands segir að samsærið hafi verið
gert í samráði við hreyfinguna
„Heilög barátta" sem er útlæg úr
Egyptalandi og ónefnda útlendinga.
I yfirlýsingu ríkissaksóknara
Egyptalands segir að meðal þess sem
öfgamennirnir ætluðu sér var að
ráðast inn í fangelsi það sem geymir
félaga þeirra sem þar sitja eftir
morðtilræðið við Sadat forseta.
í yfirlýsingunni var ekki getið um
hve margir hefðu verið handteknir
vegna þessa máls.
Japan
í fjár-
kröggum
■ Forsætisráðherra Japans, Suzuki
hefur sagt að land sitt sé nú í miklum
efnahagskröggum vegna áhrifa hins
erfiða efnahagsástands í heiminum á
japanskan útflutningsiðnað.
Hann sagði að skatttekjur hefðu
hraðminnkað og skorti nú um 20
milljarða dollara til að endar næðu
saman á fjárlögum stjórnarinnar.
Japanska stjórnin mun grípa til
aðgerða til að örva efnahagslífið,
fórnir þyrfti að færa og í því
sambandi væri rætt um þak á
launahækkanir opinberra starfs-