Tíminn - 22.09.1982, Blaðsíða 11

MIÐVIKUDAGUR 22. SEPTEMBER 1982
11
íþróttir
Umsjón: Sigurður Helgason
MacWiikins
langt frá sínu
besta
■ í gærkvöldi var haldið kastmót á
Laugardalsvelli. Meðal keppenda
var MacWilkins frá Bandaríkjunum
og sigraði hann og kastaði lengst
63,98 m. Hann átti ógilt kast sem
mældist 65 og hálfur metri. Þetta er
langt frá besta árangrí MacWilkins
og hann virtist vera nokkuð óöruggur
í keppninni að sögn Guðmundar
Þórarinssonar þjálfara ÍR-inga í
frjálsum.
Það var keppt í fleirí greinum í gær
og þar setti Pétur Guðmundsson
HSK persónulegt met í kúluvarpi, er
hann kastaði 16,20 metra.
Þá má nefna að keppt var í 300
metra hlaupi og þar sigraði Egill
Eiðsson UÍA á 35,1 sek. í öðru og
þriðja sæti voru þeir jafnir Hjörtur
Gíslason KR og Jóhann Jóhannsson
ÍR og hlupu þeir á 36,2 sek.
Góður árangur
kraftlyftinga-
manna
■ Islendingar voru meðal kepp-
enda á Norðurlandamóti í kraftlyft-
ingum, sem fram fór í Espos í
Finnlandi um helgina.
Islensku keppendunum gekk
prýðilega í keppninni og þeir komust
allir á verðlaunapall. Þrír keppendur
voru með frá íslandi. Kári Elísson
keppti í 67.5 kg. flokki og varð hann
í öðru sæti. Hann lyfti samanlagt 615
kílóum. Sverrír Hjaltason keppti í 90
kg. flokki. Hann náði þríðja sæti
þrátt fyrír meiðsli og lyfti samanlagt
735 kQóum. Halldór Eyþórsson lyfti
samnlagt 572.5 kg. í 75 kg. flokki og
hlaut bronsverðlaun.
sh
Nú leika þeir
gegn írunum
■ Það er í dag klukkan 17.30 sem
leikur Fram og Shamrock Rovers
hefst á Laugardalsvellinum. Þetta er
fyrri leikur liðanna í Evrópukeppni
bikarhafa og það er annað árið í röð
sem Fram leikur í þessari keppni
gegn írsku liði. í fyrra stóð lið Fram
sig með mestu prýði gegn Dundalk
og vann þá hér á Laugardalsvelli.
Það verður spennandi að sjá hvemig
liðinu vegnar í kvöld og vonandi
gengur þeim vel.
Stjarnan — FH
í kvöld á
Selfossi
■ Leikur Stjörnunnar og FH í 1.
deildarkeppninni í handknattleik er
fyrsti 1. deildarleikur sem fram fer á
Selfossi. Eins og fram hefur komið í
fréttum fékk Stjarnan ekki leyfi til
að leika sína heimaleiki í Ásgarði,
íþróttahúsinu í Garðabæ og hugðist
fá að leika í Hafnarfirði. Það fékkst
ekki í gegn og því leika þeir sinn
fyrsta heimaleik í 1. deild á Selfossi.
Leikurinn í kvöld hefst klukkan
19.30.
Úrslit í hand-
bolta og körfu-
bolta í gær
■ Tveir leikir fóru fram í úrslita-
kcppni Reykjavíkurmótsins í hand-
knattleik í gærkvöldi. Úrslit leikj-
anna urðu sem hér segir:
KR-Fram 27:14
Valur-Víkingur 17:20
Síðustu leikirnir í úrslitakeppninni
fara fram annað kvöld og heljast
klukkan 20.00. Þá leika Fram og
Víkingur og Valur og KR. Leikið er
í Laugardalshöll.
Tveir leikir voru háðir í Reykja-
víkurmótinu í körfuknattleik í
íþróttahúsi Hagaskóla í gærkvöldi.
Fyrst léku ÍR og Fram og sigmðu
Framarar með 68 stigum gegn 60.
Seinni leikurínn var milli Vals og KR
og sigmðu Valsmenn með 98 stigum
gegn 94.
■ Sigurður Haraldsson er nú að nýju kominn í íslenska landsliðið í badminton, en hann hefur snúið bak i við knattspymunni,
a.m.k. að sinni.
Landskeppni
í badminton
Þrjár þjóðir mætast í Reykjavík
, ■ Næstu nágrannar okkar íslendinga á
Iandakortinu eru væntalegir til keppni í
badminton hér á landi. Hér er átt við
Grænlendinga og Færeyinga, en þriggja
landa keppni þessara þjóða verður
haldin í TBR-húsinu annað kvöld og
hefst keppnin klukkan 18.00.
Undirbúningur að þessari keppni
hefur staðið í rúmt ár og er stefnt að því
að hún verði haldin annað hvert ár í
# framtíðinni.
Landsliðshópur íslands hefur verið
valinn og skipa hann eftirtaldir keppend-
ur:
Broddi Kristjánsson,
Haraldur Kornelíusson,
Sigfús Ægir Árnason,
Sigurður Haraldsson,
Víðir Bragason,
Þorsteinn Páll Hængsson,
Elísabet Þórðardóttir,
Inga Kjartansdóttir,
Kristín Berglind Kristjánsdóttir,
Kristín Magnúsdóttir,
Ragnheiður Jónasdóttir,
Þórdís Eðvald.
Það er Hrólfur Jónsson landsliðsþj álf-
ari sem mun skipa þessum hóp niður á
einstaka leiki í keppninni.
fslendingar hafa einu sinni áður leikið
gegn Grænlendingum og sigrað naum-
lega. Hins vegar eiga Grænlendingar á
að skipa góðu badmintonfólki og því er
ástæðulaust að reikna með sigri án
fyrirhafnar. Færeyingar hafa staðið
okkur íslendingum heldur að baki í
þessari íþróttagrein, en þeir sækja á þar
eins og í öðrum greinum.

■ Hér tollera leikmenn ÍBÍ Magnús Jónatansson eftir að honum hafði tekist að stýra þeim rétta leið upp í 1. deild.
Nú vilja ísflrðingar endurráða Magnús.
„ALLT ER OPIД
Segir Magnús Jónatansson þjálfari ÍBÍ
■ „Það er allt opið!“ sagði Magnús
Jónatansson þjálfari ÍBÍ er hann var
spurður hvort hann myndi ekki þjálfa lið
ísfirðinga á næst-keppnistímabili. „Það
er ekkert á hreinu í þessu sambandi, en
það er vilji hjá ísfirðingum fyrir að ég
verði þar áfram. Ég veit ekki ennþá hvað
éggeri.en ÍBí erennþáinni ímyndinni."
Og af því að verið var að bendla mig
við Breiðablik, þá vil ég taka það fram
að Breiðabliksmenn hafa ekkert haft
samband við mig í því máli. Ég hef hins
vegar staðið í umræðum við eitt
Reykjavíkurfélag, en sem stendur er allt
opið og engin ákvörðun fyrir hendi. En
það er hins vegar áberandi hvað félögin
fara fyrr af stað í sambandi við ráðningu
þjálfara nú en áður. En ég mun ákveða
mig eftir mánaðamótin. Þangað til eru
margir inni í myndinni.
Sem sagt, Magnús gæti hugsanlega
þjálfað ísfirðinga áfram og hann gæti
alveg eins verið með eitthvað annað lið.
Allt er óákveðið í því sambandi.
Tveir danskir þjálfa
í 1. deild
Fjórir erlendir þjálfarar þjálfa í l.deildinni í
handknattleik í vetur. Það er Bodan, sem þjálfað
hefur Víkingsliðið með mjög góðum árangri sem mun
stýra þeim eitt árið enn. Boris Akbashev og Stefán
Gunnarsson munu stýra Valsliðinu og Valsmenn hafa
ekki vilyrði fyrir því að Boris fái dvalarleyfi hér á Iandi
lengur en fram að áramótum og verði hann að hverfa
af landi brott mun Stefán stjórna liðinu einn.
Tveir danskir þjálfarar eru hér á landi með lið í
l.deildinni. Það er Anders Dahl Nielsen, sem þjálfar
og leikur með KR og Bent Nygárd, sem er þjálfari liðs
Fram. __
Stjarnan er undir stjórn þeirra Gunnars Einarssonar
og Björgvins Björgvinssonar. Þróttarar hafa endurráðið
Ólaf H Jónsson og lið ÍR verður undir stjórn Gunnlaugs
Hjálmarssonar. Þá mun Geir Hallsteinsson verða áfram
tneð FH.
Allir eru þessir þjálfarar reyndir, a.m.k. þeir íslensku
og það verður óneitanlega spennandi að fylgjast með
gengi liða dönsku þjálfaranna tveggja, en ýmislegt
bendir til að bæði Fram og KR mæti sterkari til leiks
en í fyrravetur.
Stjarnan með marga
nýja leikmenn
Margir leikmenn í l.deildinni í handbolta leika með
nýjum félögum í upphafi þessa keppnistímabils. ÍR
hefur misst marga leikmenn, Sigurð Svavarsson í Fram,
Jens G. Einarsson í KR, og Guðmund Þórðarson í
Stjörnuna svo eitthvað sé nefnt.
KR-ingar hafa fengið auk Jens, Aners Dahl Nielsen,
sem er danskur landsliðsmaður og mjög sterkur
leikmaður. Einnig hefur Stefán Halldórsson gengið í
KR, en hann lék síðast með Tý Vestmannaeyjum.
Stjarnan hefur fengið Brynjar Kvaran aftur heim, en
hann lék með Stjörnunni í upphafi keppnisferils síns,
Guðmund Þórðarson, Heimi Karlsson úr Víkingi og full
ástæða er fyrir 1 .deildarliðin að vara sig á Stjörnumönn-
um. Þá hefur Ólafur Lárusson gengið í Stjörnuna.
Víkingar hafa endurheimt Magnús Guðmundsson,
sem lék á Dalvík, en Magnús lék með landsliðinu fyrir
nokkrum árum og var mjög sterkur varnarmaður.
Einar Þorvarðarson markvörður landsliðsins gekk til
liðs við Val og full ástæða er til að reikna með
Valsmönnum sterkum í vetur. Þar eru yngri leikmenn
að koma inn í myndina í ríkari mæli en áður.
Fram hefur endurheimt Erlend Davíðsson úr KR og
Sigurður Svavarsson hefur einnig gengið til liðs við þá.
sh
Daniel Passarella
slæmur í skapinu
eftir tapleiki
Það er ekki alltaf tekið út með sældinni að vera
blaðamaður. Það fékk hann Alberto Polverosi hjá
Corieri dello Sport að finna fyrir skömmu. Hann fór til
fundar við Daniel Passarella daginn eftir að lið hans
Fiorentia hafði tapað fyrir Craiova frá Rúmeníu í
UEFA keppninni og Passarella hafði verið gagnrýndur
töluvert fyrir að vera ekki nógu virkur í leiknum.
Þegar leikmenn komu heim, þá voru þar mættir
vonsviknir stuðningsmenn liðsins og gerðu hróp að
leikmönnum liðsins. Þá stökk fyrirliði argentíska
landsliðsins inní bílinn sinn og ók af stað, en lenti t'
umferðaróhappi.
Daginn eftir hitti hann svo fyrrnefndan blaðamann í
félagsheimili Fiorentia og er hann fór að spyrja hvernig
á þessu öllu stæði, gerði Passarella sér lítið fyrir, og
réðst á hann og reif í hárið á honum og því linnti ekki
fyrr en nærstaddir komu mannvesalingnum til hjálpar.
■ Á þessari mynd er Passarella sæll og glaður eftir
sigurinn í HM 1978. Hann var ekki jafn kátur og glaður
eftir tapleikinn gegn Craiova frá Rúmeníu í UEFA
keppninni í síðustu viku.
Námskeið hjá KKÍ
■ A-stigs þjálfaranámskeið verður haldið á vegum
KKÍ í Hvassaleitisskóla í Reykjavík dagana 8.-10.
október næstkomandi.
Á sama stað verður haldið námskeið í minnibolta 10.
október. Allar nánari upplýsingar eru veittar hjá
Körfuknattleikssambandinu alla virka daga eftir hádegi.
sh