Fréttablaðið - 10.01.2009, Side 57

LAUGARDAGUR 10. janúar 2009 41
Hjaltalín, Dísa, Kira Kira, Sam
Amidon og Rökkurró eru hluti af
tónleikaröðinni 101 Reykjavík
sem verður haldin í menningar-
setri Belgíu í bænum Maldegem
17. janúar til 29. mars.
Auk þess sem íslenskir
flytjendur troða þarna upp
verður íslensk tónlist spiluð jafnt
og þétt á kaffihúsi setursins.
Einnig verða listaverk héðan til
sýnis í setrinu ásamt kvikmynd-
um frá Íslandi. Hjaltalín ríður á
vaðið í tónleikaröðinni 17. janúar
ásamt Dísu en síðustu tónleikarn-
ir verða í höndum hljómsveitar-
innar Rökkurró.
Íslendingar
spila í Belgíu
HERBERT MEÐ BLEIKAN ÍS Fær ferskan
vinkil í Party Zone.
RIFF Hrönn Marínósdóttir og Ásgeir H.
Ingólfsson sem störfuðu við Riff í haust.
FRÉTTABLAÐIÐ/ANTON
Party Zone, dansþáttur þjóðarinn-
ar á Rás 2, byrjar í kvöld að spila
fyrstu remixin sem komu í hús
eftir að blásið var til heljarinnar
Herberts Guðmundssonar
endurhljóðblöndunarveislu í
desember. Tilkippilegir tónlistar-
menn fengu hrátt innvolsið af
sígilda eitís-slagaranum „Can‘t
walk away“ og hafa hnoðað lagið
upp á nýtt yfir jól og áramót. Í
þættinum í kvöld verða að
minnsta kosti þrjú glæný mix
leikin, eftir þá Tonik (Anton
Kaldal), Sean Danke (Grétar I.
Gunnarsson) og Synthetik
(Steinar Mar). Fleiri mix eru í
pípunum og fá að hljóma í Party
Zone á komandi vikum. Þar á
meðal eru mix eftir Árna
Plúseinn og Housebuilders, sem
er band bræðranna Mána og
Nökkva Svavarssona.
Hebbi
endurgerður
Tímaritið Sight on Sounds fjallar
um kvikmyndahátíðina RIFF, sem
var haldin í Reykjavík í haust, og
ástandið í efnahagsmálunum í
nýlegri grein.
Fjallað er sérstaklega um þöglu
myndina Saga Borgarættarinnar
og spilamennsku Hjaltalín á sýn-
ingunni. „Fallegar melódíur og
söngur hinnar tíu manna hljóm-
sveitar Hjaltalín passaði fullkom-
lega við villta náttúruna sem teng-
ist þjóðarsálinni svo djúpum
böndum,“ sagði í umsögninni.
„Atriði í myndinni þar sem bænda-
fjölskyldan stóð á bjargbrún
minnti reyndar óþægilega á aðra
atburði. Þegar þetta er skrifað
bíður Ísland eftir tveggja millj-
arða dollara björgunarpakka frá
Alþjóðagjaldeyrissjóðnum og
útlitið er svart fyrir hinn almenna
Íslending í landi sem reiðir sig á
erlendar innflutningsvörur.“
Greinarhöfundur undraðist
jafnframt það að heil sjö prósent
þjóðarinnar hefðu sótt Riff-hátíð-
ina, eða tuttugu þúsund manns.
Bændur á bjargbrún
Íþróttaálfurinn Magnús Scheving
fór á kostum í morgunþætti breska
ríkissjónvarpsins, BBC Breakfast, á
miðvikudag. Magnús er staddur í
Bretlandi til að kynna nýja leiksýn-
ingu byggða á Latabæjar-fyrirbær-
inu en hátt í hálf milljón áhorfenda á
Bretlandseyjum hafa séð fyrri sýn-
inguna, Roboticus. Þeirri nýju hefur
verið gefið nafnið The Pirate
Adventure og verður frumsýnd í
Northampton hinn 29. janúar. Jafn-
framt hefur Latibær náð samkomu-
lagi við fyrirtækið Fitkids sem
rekur íþróttaskóla um gjörvallt
Bretland en það mun bjóða upp á
sérstök Latabæjarnámskeið í fram-
tíðinni.
Magnús ræddi við þáttastjórn-
endur um ástæður þess að hann fór
út í þessa baráttu fyrir bættri líðan
barna. „Ég áttaði mig á því að það
var ekki til nein heilbrigð fyrirmynd
fyrir börn. Jú, það var Stjáni blái en
hann étur bara spínat, reykir pípu
og lemur fólk. Það vantaði eitthvað
annað,“ sagði Magnús í samtali við
BBC en hann mun fara í yfir fimmt-
án viðtöl á næstu tveimur dögum.
Magnús upplýsir í viðtalinu að
hann reyni að hitta yfir fimmtán
þúsund börn í hverjum mánuði. Og
lauk heimsókn sinni með því að sýna
og sanna að hann væri í raun og
veru íþróttaálfurinn þrátt fyrir að
vera klæddur í skyrtu og bindi með
því að taka nokkur hopp og arm-
beygjur. - fgg
Hittir 15 þúsund börn í mánuði
VINSÆLL Magnús Scheving er nú í mikilli
fjölmiðlaherferð á Bretlandi til að kynna
nýja leiksýningu.
HJALTALÍN Hljómsveitin Hjaltalín spilar í
menningarsetri Belgíu 17. janúar næst-
komandi. MYND/LEÓ STEFÁNSSON