Fréttablaðið - 11.01.2009, Blaðsíða 34

18 11. janúar 2009 SUNNUDAGUR
sport@frettabladid.is
MasterCard
Mundu
ferðaávísunina!
Búdapest
New UNITED STATES Requirement for Visa Waiver Program Travelers
Get yourESTA today
Don’t Delay
Effective January 12, 2009, an ESTA
travel authorization will be compulsory for
all VWP travelers to board an air or sea
carrier to the United States.
ESTA, a new Internet system for advance
authorization to travel to the United States
under the Visa Waiver Program (VWP), is
available in multiple languages.
Apply online at
https://esta.cbp.dhs.gov
Go online at www.cbp.gov/esta to learn
more about the new travel requirement.
> Bikardagur í körfunni
Subway-bikarinn í körfubolta er á dagskrá í dag. Það
er sannkallaður stórleikur í Vesturbænum þar sem hið
ósigraða lið KR tekur á móti Íslandsmeisturum Keflavíkur
í Vesturbænum klukkan 19.15. Keflavík hefur þegar tapað
einu sinni í Vesturbænum í vetur og hyggur eflaust á
hefndir. Stjarnan tekur svo á móti Val á sama tíma. Það
er líka stórleikur í Subway-bikar kvenna er
Haukar taka á móti KR að Ásvöllum en sá
leikur hefst klukkan 17.00.
Ísland tapaði fyrir Dönum, 30-29, á fjögurra þjóða æfingamóti í
gær. Íslenska liðið fékk þrjú tækifæri til þess að jafna en klúðraði
þeim öllum og því sluppu Danir með skrekkinn gegn löskuðu
liði Íslands.
Íslenska liðið byrjaði leikinn betur en Danir komust
smám saman á bragðið og leiddu í hálfleik. Heimamenn
höfðu drjúga forystu um tíma í síðari hálfleik en íslenska
liðið neitaði að gefast upp eins og svo oft áður. Þeir
söxuðu á forskot Dananna, fengu tækifæri til að jafna en
það gekk ekki upp.
Logi Geirsson var markahæstur í íslenska liðinu
með níu mörk og þeir Rúnar Kárason og Þórir Ólafsson
skoruðu fimm. Björgvin Páll Gústavsson varði átta skot
og Magnús Gunnar Erlendsson tvö.
Magnús Gunnar, sem er markvörður Fram, var síðasti
leikmaðurinn til að koma í hópinn en hann mætti til Dan-
merkur á föstudag eftir að Hreiðar Guðmundsson hafði meiðst.
„Það var hringt í mig klukkan fimm á fimmtudag og ég flaug
út á föstudagsmorgun. Þetta kom allt mjög brátt og óvænt upp
en var afar ánægjulegt að fá kallið. Ég hef ekki enn tekið æfingu
einu sinni með liðinu. Ég spila bara,“ sagði Magnús sem hefur
spilað vel með toppliði Fram í N1-deildinni og fór mikinn í deild-
arbikarnum á milli jóla og nýárs.
„Mér gekk vel í deildarbikarnum og ætli það hafi ekki orðið
þess valdandi að ég fékk kallið. Þessi deildarbikar var greinilega
ekki óþarfur eftir allt saman,“ sagði Magnús léttur og hló við. Hann
fékk stutt tækifæri gegn Rúmeníu á föstudag en aðeins fleiri mín-
útur í gær.
„Danirnir voru að keyra aðeins yfir okkur í upphafi síðari hálfleiks
og Bjöggi fann sig ekki alveg. Ég kom því inn og varði tvö skot
en þetta var erfitt enda mörg hraðaupphlaup. Engu síður mjög
gaman og ágætt að hafa varið aðeins,“ sagði Magnús og bætti
við að það væri afar gaman að fá að upplifa stemninguna í
landsliðinu. Hann mun þó ekki sleppa við flenginguna sem
allir nýliðar fá í sturtu. „Hún kemur eftir síðasta leikinn. Ég
er ekkert búinn að gleyma henni. Það er ekki laust við að
það sé ákveðinn tregi í tilhlökkuninni,“ sagði
Magnús léttur.
MAGNÚS GUNNAR ERLENDSSON: VAR KALLAÐUR ÓVÆNT INN Í ÍSLENSKA HANDBOLTALANDSLIÐIÐ
Deildarbikarinn var greinilega ekki óþarfur
FÓTBOLTI Fyrsti leikur AC
Milan í ítölsku deildinni síðan
David Beckham gekk í raðir
félagsins fer fram í kvöld.
Þá spilar Milan á útivelli
gegn Roma. Carlo Ance-
lotti, þjálfari Milan, hefur
staðfest að Beckham byrji
á bekknum.
„David er tilbúinn þó svo
hann hafi ekkert spilað í tvo
mánuði. Það er engu síður
erfitt að réttlæta að setja
hann í byrjunarliðið,“
sagði Ancelotti en Beck-
ham spilaði 45 mínútur
með Milan.
- hbg
Fyrsti leikur Beckhams á Ítalíu fer fram í kvöld:
Becks byrjar á bekknum
MYND/123.IS/
FRAMMYNDIR
FÓTBOLTI Stuðningsmenn Liverpool
grétu enn og aftur tvö töpuð stig í
gær er liðinu mistókst að skora
gegn Stoke City á Britannia. Enn
eitt jafnteflið gegn „minni liðun-
um“ staðreynd en Liverpool er
þrátt fyrir það á toppnum.
Blaðamenn spurðu Rafa Benit-
ez, stjóra Liverpool, að því hvort
árás hans á Sir Alex Ferguson í
vikunni hefði verið truflun fyrir
hans menn.
„Ég hef ekki trú á því. Þegar lið
eru á toppnum þá vilja þau vinna,
sama hvaða leik þau spila. Við
þurfum, og vildum, sigur í dag
burtséð frá þessum blaðamanna-
fundi,“ sagði Benitez og bætti við.
„Ferguson er búinn að stýra
United í 22 ár og þetta mál hefði
getað komið upp hvenær sem er.
Af hverju ekki um daginn? Mér
fannst það vera rétti tímapunktur-
inn. Ég var að hugsa um að verja
mitt lið. Mér fannst nóg vera
komið og því steig ég þetta
skref.“
Arsenal var lengi vel í vandræð-
um með Bolton í gær en danski
varamaðurinn Nicklas Bendtner
kom Arsenal til bjargar með því
að skora eina mark leiksins sex
mínútum fyrir leikslok. Arsene
Wenger, stjóri Arsenal, játaði að
það væri mikill léttir að hafa inn-
byrt öll stigin.
„Við erum að synda gegn
straumnum og það hefði verið
vont að tapa stigum gegn Bolton.
Við vorum mjög sterkir í vörninni
og nú höfum við unnið þrjá 1-0
leiki sem er sterkt. Við verðum að
halda áfram að einbeita okkur að
einum leik í einu því hver leikur
er afar erfiður,“ sagði stjórinn
franski.
„Það stefni vissulega lengi vel í
0-0 enda vorum við ekki nógu
beittir fyrir framan markið. Við
lönduðum þessu síðan með því að
breyta í gamla góða 4-2-4 kerfið,“
sagði Wenger kátur.
Grétar Rafn Steinsson var í leik-
banni og lék því ekki með Bolton.
Það eru mikil vandræði á Bolton
og stjórinn, Gary Megson, gat
aðeins verið með þrjá útileikmenn
á bekknum. henry@frettabladid.is
Brotlending á Britannia
Liverpool missti enn og aftur af mikilvægum stigum er liðið gerði markalaust
jafntefli gegn Stoke á Britannia-vellinum. Liðið er þrátt fyrir áfallið á toppi
deildarinnar. Arsenal vann seiglusigur á Bolton sem lék án Grétars Rafns.
SVEKKELSI Steven Gerrard trúði vart því sem var að gerast á Britannia í gær. Hann
skaut í stöng undir lok leiksins. NORDIC PHOTOS/GETTY IMAGES