Tíminn - 27.10.1982, Blaðsíða 13

MIÐVIKUDAGUR 27. OKTÓBER 1982
17
íþróttir
EINN Sfl ALSLAPPASTI
Fram vann ÍR með níu marka mun í afspyrnuslökum leik
■ Ekki var mikil ánægj a og skemmtun-
in sem þeir ca. 70 áhorfendur sem lögðu
leið sína í Laugardalshöllina í gærkvöldi
urðu aðnjótandi. t>á léku þar ÍR og
Fram og var það, fastur liður eins og
venjulega, leikur kattarins að músinni og
það voru ÍR-ingar sem tóku að sér
hlutverk músarinnar auðvitað.
Auðvitað af því að lið þeirra hefur
ekki sýnt neina þá burði í leikjunum í
1. deild sem vekur hjá mönnum minnstu
vonir um að þeir haldi sér í deildinni og
falli þeir, þá eru ekki mjög miklar líkur
á að þeir eigi afturkvæmt alveg á
næstunni. Sorgleg staðreynd, en stað-
reynd samt.
Framliðið byrjaði leikinn í gærkvöldi
af miklum krafti og eftir kortér var
staðan orðin 9-2 og allt stefndi í stórsigur
þeirra. Þá slökuðu þeir heldur á og
ÍR-ingar tóku aðeins við sér, en áður en
hálfleikurinn var liðinn höfðu þeir náð
átta marka forystu og í leikhléi var
staðan 14-6 Fram í vil.
í síðari hálfleiknum var heldur meira
jafnræði með liðunum og náðu Framar-
ar aðeins að auka muninn um eitt mark
og lokatölur urðu 25 mörk gegn 16. í
síðari hálfleik léku allir með hjá Fram
og það var greinilegt, að varamenn
þeirra voru mun sterkari en þeir sem alla
jafna standa í eldlínunni hjá ÍR.
Ekki er ástæða til að hrósa neinum
hjá ÍR fyrir góðan leik. Liðið virðist ekki
búa yfir áhuga né vilja til að bæta sig og
slíkt kann ekki góðri lukku að stýra.
Duglegastir við að skora voru Björn
Björnsson og Guðjón Marteinsson, en
það vekur sérstaka athygli að ekki skuli
vera neitt gert til að opna Birni leið
gegnum varnir andstæðinganna. Hann
■ Gunnlaugur Hjálmarsson þjálfar
ÍR. Hann á mikið verk fyrir höndum
eigi honum að takast að halda liðinu
í 1. deild.
verður að gera allt upp á eigin spýtur.
Hjá Fram voru Gunnar Gunnarsson,
Egill Jóhannesson og Erlendur Davíðs-
son bestir. Þá sýndi Björn Eiríksson góð
tilþrif þegar hann kom inná í síðari
hálfleik.
Mörkin: ÍR: Björn Björnsson og
Guðjón Marteinsson 5 hvor, Þórarinn
Tryfingsson 3, Einir Valdimarsson, Atli
Þorvaldsson og Tryggvi Gunnarsson eitt
hver.
Fram: Gunnar Gunnarsson 6, Egill
Jóhannesson og Erlendur Davíðsson 4
hvor, Hermann Björnsson, Björn
Eiríksson þrjú hvor og Jón Árni, Viðar,
Sigurður og Brynjar Stefánsson eitt
mark hver.
Valur-FH
f kvöld
■ FH-ingar leika gegn Valsmönn-
um í Laugardalshöll í 1. deildinni í
handknattleik í kvöld og hefst
lcikurinn klukkan 20.00. Þessi leikur
var fyrirhugaður síðastliðinn fimmtu-
dag, en honum var þá frcstað vegna
ferðar FH-inga til Sovétríkjanna,
sem varð lengri en áhorfðist.
Búast má við hörkuleik, þar sem
bxði liðin berjast með mikiUi
baráttu. FH-ingar berjast um að vera
í toppsæti, en hjá Valsmönnum snýst
það meira um að halda sér í hópi
þeirra fjögurra liða scm koma til með
að keppa um íslandsmeistaratitilinn
í vor.
Að þeim loknum verður hörku-
leikur í 1. deild kvenna. Þá leika
Fram og FH, en líklegt er að þau lið
komi til með að berjast harðri
baráttu um íslandsmeistaratitilinn í
kvennaflokki.
Lyftingamenn
úr KR byggja
■ Frábær frammistaða íslenskra lyft-
ingamanna hefur vakið mikla athygli á
undanförnum árum. En þessum ágæta
árangri hafa þeirnáð,enda þótt aðstaða
þeirra til æfinga sé mjög takmörkuð og
nú síðustu árin hafa þeir flestir æft í
„Jakabóli", sem er gamla þvottalauga-
húsið í Laugardal. „Jakaból" er nú að
hruni komið og þess vegna hefur KR
byrjað framkvæmdir við æfingahúsnæði
fyrir lyftingamenn á umráðasvæði félags-
ins við Frostaskjól.
Á félagssvæði KR eru nú mjög góðir
knattspyrnuvellir, með eim bestu í eigu
félags hér á landi og einnig eru ágætir
íþrottasalir til iðkunar innanhúss-
íþrótta. Þessi viðbót, þ.e. húsnæði
lyftingamanna getur einnig nýst öðrum
keppnismönnum féiagsins og þá er gert
ráð fyrir að þar verði aðstaða fyrir
þrekþjálfun íbúa Vesturbæjarins og
næstu nágranna.
Fyrsta skóflustungan var tekin s.l.
laugardag og var það heiðursforseti ÍSÍ
Gísli Halldórsson sem það gerði að
viðstöddum forvígismönnum félagsins.
Húsið sem verður 450 ferm. kemur til
með að bæta úr mjög brýnni þörf og um
leið skapar það íþróttamönnum í KR
enn betri aðstöðu til æfinga en fýrr.
Ekki hefur félagið yfir miklum
sjóðum að ráða til þessara framkvæmda,
en upp er lagt með bjartsýni í
farangrinum og hún mun nú eins og
alltaf þegar KR-ingar hafa lagt í
framkvæmdir af þessu tagi reynast þeim
■ Fyrrverandi og núverandi forystumenn KR voru meðal þeirra er viðstaddir voru
er fyrsta skóflustungan var tekin að lyftingahúsi KR. Timamynd: Ella
halddrjúg. Er þess vænst að mikil
sjálfboðavinna KR-inga muni nú eins og
alltaf áður tryggja að húsið rísi.
Að lokinni fyrstu skóflustungunni var
byrjað að grafa af fullum krafti grunn
hússins, en gestir fengu kaffiveitingar í
félagsheimili KR, þar sem teikningar að
húsinu lágu frammi til sýnis. sh
Gísli Halldórsson hefur átt mikinn þátt í uppbyggingu mannvirkja KR í Frostaskjóli. Hér hefur hann vinnuna við lyftingahúsið.
Tímamynd: Ella
Vídavangs-
hlaupin til
áramóta
4 Mörg víðavangshlaup eru fyrir-
huguð á næstu mánuðum og skal hér
getið þeirra sem áætluð eru fram að
næstu áramótum. Varmalandshlaup
UMSB fer fram 6. nóvember og
verður hlaupið við Varmaland. 20.
nóv. verður haldið Kópavogshlaup
Breiðabliks og 4. desember fer fram
Stjörnuhlaup FH. 18. desember
verður haldið Selfosshlaup og loks
verður hlaupið Gamlárshlaup ÍR á
gamlársdag 31. desember næstkom-
andi. Nánar verður grcint frá þessum
hlaupum er nær þeim dregur.
Stigakeppni fer fram í víðavangs-
hlaupunum og verða verðlaun afhent
í maímánuði næstkomandi. Gefln
verða 15 stig fyrir sigur í hlaupi og
síðan minnkar stigatalan um eitt við
hvert sæti og sá sem er í 15. sæti fær
því 1 stig.
★
Skólamótid
■ Þátttökutilkynningar vegna bik-
arkeppni KKÍ þurfa að hafa borist
skrifstofu sambandsins, eigi síðar en
5. nóvember næstkomandi.
í skólamóti KKÍ verður leikið í
karla- og kvennaflokkum. í grunn-
skólakeppninni er leikið í eftirfar-
andi flokkum: slulkna 12-13 ára,
drengja 14-15 ára og einnig i yngri
flokki drengja 12-13 ára.
Bikarkeppnin
Þátttökutilkynningar skulu h afa
borist KKÍ cigi síðar en 5. nóv.
næstkomandi.
Firmakeppni
Þátttökutilkynningar vegna firma-
keppni KKÍ þurfa að hafa borist
sambandinu fyrir 20. nóv. n.k.
Allar nánari upplýsingar veitir
skrifstofa KKÍ, sími 85949.
*
Bikarkeppni í
2. deild í sundi
■ Bikarkeppni í sundi II. deild
vcrður haldin í Sundhöll Hafnar-
fjarðar 12.-14. nóv. Keppt verður í
greinum skv. reglugerð sem sam-
þykkt var á sundþingi 1982.
Þátttökutilkynningar skulu berast
skrifstofu SSÍ fyrir 5. nóv. 1982 á
skráningarkortum ogskulu þátttöku-
gjöld fylgja skráningu, kr. 10.00 per
skráning.
Þeir þátttakendur, sem þess óska,
geta átt kost á gistingu í svefnpoka-
plássi í skólahúsi nálægt Sundhöll
Hafnarfjarðar.
Sundþjálfara-
námskeid
■ Sundsamband íslands mun efna
til þjálfaranámskeiðs í sundi dagana
13. og 14. nóvember n.k. Þjálfari
sænska unglingalandsliðsins Áke
Hanson mun leiðbeina á námskeið-
inu.
Ilann mun aðallega fjalla um
þrckjálfun. æfingaprógröm eftir
getu viðkomandi sundmanna, „topp-
un“ sundfólks og sálfræðilegan
undirbúning að góðum árangri í
sundi.
Ilörður Óskarsson mun vcrða
Hansson til aðstoðar og túlka fyrir
þá er þess óska. Þannig eiga
tungumálaörðugleikar ekki að koma
í veg fyrir þátttöku manna.
Þrír islcnskir sundmenn, Tryggvi
Helgason frá Selfossi, Guðrún Fema
Ágústsdóttir og EðvarðnEðvarðsson
hafa öll æft undir leiðsögn hans í
Svíjóð.
Ársþing FRÍ
■ Ársþing FRÍ verður haldið á
Hótcl Esju, dagana 4. og 5. des.
næstkomandi oghefst klukkan 13.00
báða dagana. Tilliögur og málefni
sem sambandsaðilar ætla að leggja
fyrir þingið þurfa að berast stjórn
FRÍ sem fyrst og í síðasta lagi
tveiinur vikum fyrir þing eða 20.
nóvember.