Tíminn - 19.11.1982, Blaðsíða 20

Opið virka daga
9-19.
Laugardaga 10-16
HEDD“
Skemmuvegl 20 Kopavogi
Simar (91)7-75 51 & 7-80-J0
Varahlutir
Mikiö úrval
Sendum um land allt
Ábyrgð á öllu
Kaupum nýlega
bíla til niðurrifs
Gagnkvæmt
tryggingafé/ag
labnel
HÖGGDEYFAR
QJvarahlutir
Armiila 24
Sími 36510
„ISUENDINGAR HAFA SPJAR-
AÐ SIG VEL I ÁSTRALÍU”
FÖSTUDAGUR 19. NÓV, 1982
— Rætt vid íslenskan innflytjanda þar
■ Það er ekki oft sem fréttir berast
til Islands frá íslensku landnemunum í
Ástralíu, enda um langan veg að
spyrja tíðinda. Nýverið barst okkur á
Tímanum þó bréf frá íslendingafélag-
inu í New South Wales, en í því fylki
er borgin Sydney og þar er stærsti hluti
íslensku landnemanna búsettur. Þetta
félag er nú að verða ársgamalt, stofnað
29. nóvember 1981 og hafa nú yfir 50
manns gerst félagar.
Aðalhvatamaðurinn að stofnun fé-
lagsins, Guðrún A. Ævarr Jónsson,
hefur búið í Ástralíu s.l. 10 ár. Hún er
nú nýflutt heim aftur og við tókum
hana tali á dögunum og spurðum hana
nánar um hagi hinna íslensku andfætl-
inga okkar.
- Ég ætlaði upphaflega aðeins að
fara í heimsókn til Ástralíu, þar sem
faðir minn er búsettur en það fór samt
svo að ég ílentist í 10 ár. Ástralía er
dásamlegt land og auðugt og býður
upp á mikla möguleika og íslendingum
sem hafa flust þangað hefur vegnað
mjög vel. Fyrir 10 árum var landið
kannske svolítið á eftir, miðað við
Evrópu, en það hefur breyst mikið
þann tíma sem liðinn er síðan ég kom
þar fyrst. Það hafa orðið miklar
framfarir og Sydney,þar sem ég bjó,er
mjög skemmtileg borg og sambærileg
við aðrar heimsborgir sem íslendingar
þekkja. En gróskan hefur reyndar
verið mest í New South Wales; það
eru 7 fylki alls í landinu og það hefur
kannske ekki orðið jafn ör framþróun
alls staðar.
Eru ekki efnahagsörðugleikar ríkja-
andi í Ástralíu núna hliðstætt við það
sem er í Evrópu?
- Jú^það er ákveðin efnahagskreppa
þar núna, Ástralíumenn eru mjög
háðir útflutningi og hann hefur dregist
mikið saman upp á síðkastið, og það
segir til sín. Til dæmis er talsvert
atvinnuleysi á námusvæðunum á vest-
urlandinu.
Kemur það ekki hart niður á
innflytjendunum eins og við þekkjum
dæmi um frá Evrópu?
- Nei, það hefur ekki gert það.
Evrópubúar eru mjög vel liðnir og
eftirsóttir til vinnu alls staðar í
landinu. Þeir þykja yfirleitt mjöggóðir
starfskraftar. Það á við íslendinga ekki
síður en aðra, þeir hafa alls staðar orð
á sér fyrir að vera afar duglegir og
traustir verkamenn. Þeirra hugsunar-
háttur er líka þannig að ef þeir fá ekki
■ Guðrún A. Ævarr Jónsson
vinnu í sinni grein, þá fá þeir sér vinnu
annars staðar og spjara sig alls staðar
vel. Ástralíubúar eru líka sérstaklega
elskulegt fólk og hefur tekið innflytj-
endum tveim höndum. Þeir eru gest-
risnir og opnir gagnvart útlendingum og
forvitnir um þeirra hagi og þjóðanna í
heimalöndum þeirra. Mér finnst Ástr-
alíubúum svipa dálítið til Ameríkana,
nema hvað mín reynsla er sú að þeir
séu tryggari vinum sínum og samferða-
mönnum.
Hvað hafa íslendingar aðallega tek-
ið sér fyrir hendur í Astralíu?
- Allt mögulegt, ég held að það sé
engin ein starfsgrein fremur en önnur,
flestir vinna í iðnaði af einu tagi eða
öðru. Ég þekki ekki til neinna íslend-
inga sem hafa farið í landbúnaðinn eða
námugröftinn sem ég vék að áðan.
- Hafðir þú heimþrá þegar þú bjóst
ytra?
Já, annað slagið og ég held að svo
sé með flesta. Fólk reynir að fylgjast
með því sem er að gerast á íslandi,
kaupir blöð og skrifast á við kunningja.
En ég á ekki von á því að margir flytji
til baka aftur. Það er í mikið ráðist

Timamynd EUa
fyrir fjölskyldufólk að taka sig upp frá
Ástralíu til íslands. Fólk sem hefur
farið í heimsóknir heim hefur yfirleitt
gefið slíkar hugmyndir upp á bátinn,
þegar það hefur kynnst ástandinu hér.
Þá á ég við þessa óskaplegu dýrtíð og
húsnæðisvandræðin sem hér ríkja. En
þó að fólk ætli sér ekki að flytja heim
þá vill það vera í tengslum við landið
og halda tryggð við sitt þjóðerni.
Margir foreldrar leggja t.d. mikla
áherslu á það að börn þeirra tali
íslensku heima hjá sér, þótt þau verði
að sjálfsögðu að tala ensku í skólanum.
-JGK
fréttir
Sovéskir sjómenn
stálu leikföngum
■ Fjórir skipverjar af so-
véska skipinu Potsion, sem
liggur við Ægisgarð í
Reykjavíkurhöfn, voru
handteknir fyrir búðar-
hnupl í leikfangaversluninni
Leikhúsið við Laugaveg 1
síðdegis í gær.
Voru þeir staðnir að
verki þegar þeir stungu
inná sig einhverju af leik-
föngum. Kallað var í lög-
regluna í Reykjavík og
flutti hún sjómennina til
yfirheyrslu hjá rannsókn-
arlögreglu ríkisins í Kópa-
vogi.
- Sjó
Fiskverð hækkar
um 7.72%
■ Almennt fiskverð
hækkar 1. desember n.k.
um 7,72% samkvæmt
ákvörðun verðlagsráðs
sjávarútvegsins í fyrradag.
Þessi hækkun er í samræmi
við almennar vísitölu-
hækkanir um næstu mán-
aðamót, og er ákveðin
með tilvísun í 1. grein
bráðabirgðalaga ríkis-
stjórnarinnar frá í ágúst.
Nýja verðið gildir til 31.
desember 1982
Blaðburðarbörn
óskast.
Tímann
vantar
fólk til
blaðburðar
í eftirtalin
hverfi:
Laugarásvegur |
efri
Hjallavegur
Grímstaðarholt
Kaplaskjólsvegur
86300
dropar
„Svona, ekkert
að hlaupa í burtu,
Albert!“
■ Það vakti óskipta athygli
þeirra fjölmörgu sem heim-
sóttu Fjölbrautarskólann í
Breiðholti sl. laugardag, á
kynningardegi skólans, þegar
þeir Albert Guðmundsson og
Guðmundur Jaki komu saman
til þess að kynna sér upp á
hvað skólinn hafði að bjóða.
Skoðuðu þeir kumpánar skól-
ann hátt og lágt og létu vel að
þeirri fjölbreyttu starfsemi sem
þar á sér stað. Segir ekki nánar
af fcrðum þeirra, fyrr en þeir
hittu Þórdísi nokkra jarðfræð-
ing að máli, í kennslustofunni
þar sem jarð- og landafræði er
kennd. Vildi Albert fá að sýna
félaga sínum Guðmundi, kort
af sprungusvæðinu við Rauða-
vatn, hvað hann fékk. Vildi
Guðmundur Jaki þá fá að sýna
Albert sprungusvæði á Grafar-
vogssvæðinu (byggingarsvæði
sjálfstæðismanna) En þá bar
svo við, þegar kortið með
sprungunum var útflatt og
tilbúið til skoðunar, þá gekk
Albert á braut, en Guðmundur
Jaki hrópaði: „Svona, ekkert
að hlaupa í burtu, Albcrt!“
Nýja Vilmundarlínan
■ Stjórnmálaskörungurinn
Vilmundur Gylfason lætur
ekki að sér hæða. Hann sagði
sig úr þingflokki Alþýðu-
flokksins í fyrradag, og fylgdi
síðan úrsögn sinni eftir í gær
með annarri úrsögn, og þá úr
Alþýðuflokknum. Þetta gerði
hann á Alþingi og var úrsagn-
arræða hans bæði stutt og
hávaðalítil.
Að vonum voru fréttamenn
ákafir að ná sambandi við
stjórnmálaskörunginn óflokks-
bundna, sem að visu hafði lýst
því yfir að í bígerð væri stofnun
Bandalag jafnaðarmanna.
Blaðamaður Tímans, AB, var
ein þeirra sem reyndi að fá
Vilmund til þess að gefa út litla
yfirlýsingu að ræðunni lokinni,
og því fékk hún einn þingvörð-
inn til liðs við sig, og bað hann
að spyrja Vilmund hvort hann
væri fáanlegur til þess að koma
og ræða örlítið við blaðamann
Tímans, AB. Kom þingvörður-
inn að vörmu spori til baka,
heldur sleginn á svip og sagði
að Vilmundur neitaði að tala
við umræddan blaðamann.
Bætti þingvörðurinn síðan við:
„Hann sagði bara: Segðu henni
að fara í rassgat.“ Geta má sér
þess nú til að þessi skörulegi
framsetningarmáti Vilmundar,
sé nýja línan sem hann hyggist
beita, sem formaður nýja
bandalagsins.
Krummi ...
...telur flest benda til þess að
Bandalag jafnaðarmanna verði
enn minna en Alþýðuflokkur-
inn, og er þar þó ekki mikið til
að státa sig af.