Fréttablaðið - 23.01.2009, Page 6

6 23. janúar 2009 FÖSTUDAGUR
Mótmælin halda áfram
Xerodent 28,6 mg/0,25 mg munnsogstöflur.
Notkunarsvið og skömmtun: Hver tafla inniheldur eplasýru 28,6 mg og natríumflúoríð samsvarandi 0,25
mg af flúor. Xerodent er lyf til varnar tannskemmdum notað við meðhöndlun einkenna vegna munnþurrks
og fyrirbyggjandi við tannskemmdum hjá sjúklingum með munnþurrk.
Skammtastærðir fyrir fullorðna: 1 tafla eftir þörfum, venjulega 6 sinnum á dag. Við mikinn munnþurrk má
auka skammtinn í 12 töflur á dag í takmarkaðan tíma. Töfluna á að láta bráðna hægt í munni. Dreifa skal
skammtinum jafnt yfir daginn.
Varúðarreglur: Þeir sem hafa ofnæmi fyrir virku efnunum eða einhverju hjálparefnanna ættu ekki að nota
Xerodent. Við meðhöndlun með Xerodent skal forðast að nota önnur lyf sem innihalda flúor. Xerodent má
ekki nota á landsvæðum þar sem flúorinnihald drykkjarvatns er hátt. Vegna þess að Xerodent inniheldur
xylitól getur það haft hægðalosandi verkun.
Meðganga/brjóstagjöf: Engin þekkt áhætta við notkun á meðgöngu. Natríumflúoríð skilst ekki út í
brjóstamjólk. Lesið vandlega leiðbeiningar sem fylgja lyfinu. Geymið þar sem börn hvorki ná til né sjá.
Markaðsleyfishafi: Actavis Group hf. 29. nóvember 2007.
Þreföld virkni Xerodents
Eplasýra – örvar munnvatnsframleiðslu
Flúor – ver tennurnar gegn skemmdum
Xylitol – hemur bakteríuvöxt í munni
Xerodent
Við munnþurrki
„Sú efnahagsáætlun sem við erum
að vinna eftir og ég rakti ítarlega
í minni upphafsræðu miðar að því
að endurreisa efnahagslífið og það
mun takast. Ég er ekki í nokkrum
einasta vafa um það,“ sagði Geir H.
Haarde forsætisráðherra í lokaræðu
sinni í umræðum um efnahags- og
atvinnumál á Alþingi í gær.
Í upphafsræðunni sagði hann
það mikil öfugmæli sem haldið
hefði verið fram að ríkisstjórnin
hefði ekkert aðhafst til að bregðast
við erfiðleikum í efnahagslífinu.
Rakti hann í framhaldinu aðgerðir
í 27 liðum til að koma til móts við
heimilin og fyrirtækin. Voru þær
kynntar í byrjun desember.
Geir fjallaði líka um efnahags-
áætlunina sem ríkisstjórnin mark-
aði í samstarfi við Alþjóðagjaldeyr-
issjóðinn. Snýr hún að gengis- og
peningamálastefnu, ríkisfjármál-
um og enduruppbyggingu banka-
kerfisins og miði að því að end-
urvekja traust og trúverðugleika
hagkerfisins og búa í haginn fyrir
bætta fjárhagsstöðu íslenskra
heimila og fyrirtækja.
Steingrímur J. Sigfússon, for-
maður VG, sagðist ekki vilja segja
að ríkisstjórnin hefði ekki gert neitt
en hún hefði misst tökin á ástand-
inu. Þjóðin væri ósátt við stjórnina
og treysti henni ekki. Eftir að hafa
lýst þungum áhyggjum af risavöxn-
um skuldum þjóðarbúsins og bágum
atvinnuhorfum sagðist Steingrímur
gefa lítið fyrir þá skoðun forsætis-
ráðherra að verk stjórnvalda í átt
að endurreisn gengju vel; enginn,
nema kannski örfáir þingmenn,
hefðu það á tilfinningunni.
Össur Skarphéðinsson iðnaðar-
ráðherra sagði Íslendinga geta
unnið sig út úr ástandinu en til þess
þyrfti bjartsýni og von. Útflutn-
ingsatvinnuvegirnir væru sterkir,
sóknarfæri í ferðaþjónustu mörg,
sprotafyrirtæki væru að bæta við
sig störfum og möguleiki væri á
olíu- og gasvinnslu.
Birkir J. Jónsson, varaformaður
Framsóknarflokksins, sagði ríkis-
stjórnina ekki eiga sér viðreisnar
von. Það sæju allir nema kannski
ráðherrar hennar. Ræða forsætis-
ráðherra hefði verið máttlítil og án
sannfæringar. Bjartsýni og kraft-
ur hefðu þó verið í ræðu iðnaðar-
ráðherra. Lauk hann máli sínu á að
segja „Ekki meir Geir.“
Guðjón A. Kristjánsson, formað-
ur Frjálslynda flokksins, sagði að
þó kjósa þyrfti fyrr en síðar væri
vandinn til staðar og frá honum
mætti ekki hlaupa. Takast þyrfti á
við hann og það væri forsætisráð-
herra að meta hvort hann vildi sam-
starf við stjórnarandstöðuna. En til
þess að af því gæti orðið þyrfti að
liggja fyrir samkomulag um hve-
nær kosið yrði. bjorn@frettabladid.is
Geir sannfærður um
að endurreisn takist
Ríkisstjórnin hefur unnið hörðum höndum að lausn efnahagsvandans, að sögn
forsætisráðherra. Formaður VG segir aðeins örfáa hafa trú á að störf stjórnar-
innar gangi vel. „Ekki meir Geir,“ sagði varaformaður Framsóknarflokksins.
ÞUNGT YFIR ÞINGHEIMI Alþingismenn
sátu brúnaþungir undir umræðum um
ástand efnahags- og atvinnumála í gær.
Árni Páll Árnason, þingmaður
Samfylkingarinnar, sagði aðkall-
andi að sækja um aðild að Evrópu-
sambandinu.
Það væri
grundvöllur
endurreisn-
ar íslensks
atvinnulífs.
Hann sagði
ríkisstjórnina
ekki hafa talað
nógu skýrt við
þjóðina sem
upplifði sig
afskipta.
Þá sagði hann mikilvægt að
skera stjórnkerfi landsins upp
enda hefði stjórnkerfi embættis-
mannaklíka og skjallbandalaga
engu skilað nema óhæfu kerfi
sem reyndist ekki fært um að
vara við. - bþs
Árni Páll Árnason:
ESB grundvöll-
ur endurreisnar
ÁRNI PÁLL
ÁRNASON
Þorgerður K. Gunnarsdóttir
menntamálaráðherra telur að
ekki verði hjá því komist að kjósa
í ár. Finna þurfi
rétta tímann en
það megi ekki
verða til þess
að beðið verði
með nauðsyn-
legar aðgerð-
ir til að sporna
við atvinnuleys-
inu.
Þorgerður
benti á að í
kosningabaráttu hugsuðu stjórn-
málamenn um eigin hag og
flokka sinna og þjóðfélagið hefði
ekki efni á því næstu daga og
vikur að bíða með að taka stórar
ákvarðanir sem snúa að banka-
kerfinu.
- bþs
Þorgerður K. Gunnarsdóttir:
Kosningar í ár
óhjákvæmilegar
ÞORGERÐUR K.
GUNNARSDÓTTIR
„Landssamband lögreglumanna
fordæmir framgöngu tiltekinna
einstaklinga að beita lögreglu-
menn alvarlegu ofbeldi. Stór
hópur lögreglumanna er slasaður
eftir atburði undanfarinna daga
og einkum eftir nóttina.“
Svo segir í yfirlýsingu frá LL,
sem barst Fréttablaðinu í gær.
Segir enn fremur að lögreglu-
menn séu einfaldlega að sinna
sínum skyldustörfum við þær
erfiðu aðstæður sem uppi eru í
þjóðfélaginu. Þeir séu fagmenn
sem vinni störf sín af alúð og
vandvirkni í hvívetna og muni
að sjálfsögðu gera svo áfram. Það
ástand, sem uppi sé í þjóðfélag-
inu, bitni ekkert síður á lögreglu-
mönnum og fjölskyldum þeirra
en öðrum þegnum þessa lands.
„Landssambandið höfðar til
skynsemi almennings og skiln-
ings á þessari staðreynd. Það
hvetur alla til að gæta hófs við
beitingu hins lýðræðislega réttar
síns að láta skoðanir sínar í ljós
og haldi sig innan marka laganna.
Rétt er að leggja á það áherslu að
virði menn lögregluna að vettugi
blasir ekkert annað við en algert
upplausnarástand í þjóðfélaginu
engum til heilla.“
Loks færir LL því fólki þakkir
sem brást við aðstæðum í fyrri-
nótt með því að slá skjaldborg um
lögreglumennina og veita þeim
vernd gegn grjótkasti.
- jss
Landssamband lögreglumanna þakkar verndina:
Fordæmir tiltekinn
hóp ofbeldissinna
AÐ LOKNU NÆTURVERKI Eftir að hafa staðið í ströngu gátu þessir lögreglumenn slakað á um klukkan þrjú í fyrrinótt.
Rétt er að leggja á það
áherslu að virði menn
lögregluna að vettugi blasir ekk-
ert annað við en algert upplausn-
arástand í þjóðfélaginu engum til
heilla.
ÚR YFIRLÝSINGU FRÁ LANDSAMBANDI
LÖGREGLUMANNA
„Margir voru hneykslaðir á
því að vera settir á lista með
al Kaída. En ríkisstjórnin sjálf
skipar sér
á bekk með
spilltum og
vanþróuðum
þjóðum sem
ættu að standa
íslensku þjóð-
inni langt að
baki,“ sagði
Helga Sigrún
Harðardóttir
Framsóknar-
flokki.
Hún hvatti ráðherra til
afsagna en varði megintíma
ræðu sinnar í að lýsa áhyggjum
af atvinnuleysinu og alvarlegum
fylgifiskum þess; vanlíðan, sjúk-
dómum og hugsanlega örorku.
- bþs
Helga Sigrún Harðardóttir:
Ríkisstjórn á
bekk spilltra
HELGA SIGRÚN
HARÐARDÓTTIR
Fjórar hreyfingar hvetja mótmæl-
endur að láta af aðgerðum sínum
í kvöld og annað kvöld og vera þá
ekki í miðbæ Reykjavíkur. „Veru-
leg hætta er á að til skrílsláta
komi er góðglaðir næturgestir
öldurhúsa telja sjálfum sér trú
um að þeir hafi göfug markmið
í huga með skemmdarverkum,“
segir í tilkynningu frá þeim. Þær
hvetja hins vegar til áframhald-
andi mótmæla og segja þær hafa
borið árangur hingað til. Hreyf-
ingarnar sem skrifaðar eru fyrir
tilkynningunni eru Borgarahreyf-
ing um þjóðfund 1. des., Lands-
menn gegn ríkisstjórninni, Ice-
land-Calling og Nýir tímar. - jse
Fjórar hreyfingar hvetja til mótmælahvíldar:
Vilja ró um helgarnætur
FR
ÉT
TA
B
LA
Ð
IÐ
/V
IL
H
EL
M