Fréttablaðið - 23.01.2009, Qupperneq 8

8 23. janúar 2009 FÖSTUDAGUR
– Lifið heil
Lægra
verð
í Lyfju
www.lyfja.is
20% verðlækkun
ORIGINAL ARCTIC ROOT
Gegn streitu og álagi, extra sterkt og fljótvirkandi.
2.450 kr. 1.960 kr. Gildir til 31.1. 2009
20% verðlækkun
UDO’S Omega fitusýrur eru
meðal vinsælustu bætiefnanna hjá íþróttafólki.
Hreysti úthald og vellíðan.
500 ml. 2.619 kr. 2.095 kr.
250 ml. 2.240 kr. 1.792 kr.
20% verðlækkun
ANGELICA veitir styrk og hugarró.
60 töflur 2.692 kr. 2.154 kr.
100 ml. 1.679 kr. 1.343 kr.
ÍS
L
E
N
S
K
A
/S
IA
.I
S
/L
Y
F
4
47
06
0
1/
09
Mótmælin halda áfram
Fámennur hópur ungra karla fer fram með
ofbeldi gegn lögreglu og skemmir fyrir frið-
sömum meirihluta mótmælenda. Þetta segja
sjónarvottar að aðdraganda þess að lögregla
beitti táragasi aðfaranótt fimmtudags. Geir Jón
Þórisson yfirlögregluþjónn tekur undir.
„Mjög ungt fólk, allt niður í börn, kemur hér
nestað til að kasta í lögreglumenn, en það er
líka eldra fólk innan um,“ segir hann.
Langstærsti hluti fólks vilji mótmæla í friði á
„eðlilegan og heilbrigðan hátt“, segir Geir Jón.
Margir mótmælenda hafi lýst yfir vanþóknun
sinni á ofbeldisfullri framkomu: „Og þeir hafa
tekið upp á því að ganga að þeim sem eru að
henda í lögregluna og biðja þá um að gera það
ekki, því það er ekki í þökk mótmælenda.“
Áður en lögreglan beitti táragasi á mótmæl-
endur hafði hópur ungra manna og drengja
kastað í hana, allt frá mótmælunum við Þjóð-
leikhúsið fyrr um kvöldið. Eitthvað hafði fjölg-
að í hópi grjótkastara eftir því sem á leið en
dropinn sem fyllti mælinn hjá lögreglu var
þegar kveikt var í aðaldyrum Alþingis og tveir
lögreglumenn lágu særðir, eftir því sem Stefán
Eiríksson lögreglustjóri hefur sagt. Hann hefur
einnig sagt að fremstir í flokki hinna árásar-
gjörnu hafi verið góðkunningjar lögreglu, sem
hafi gerst sekir um ofbeldisbrot áður.
Friðsamlegri mótmælendur urðu margir
reiðir eftir táragasið og gerðu aðsúg að lögreglu
við skálabyggingu Alþingis. Geir Jón neitar ekki
að fjölgað hafi í hópi árásargjarnra við þetta.
„En þetta er bara það eina sem við höfum til
þess að reyna að koma fólki frá okkur,“ segir
hann.
Geir Jón neitar því ekki beint, hvort lögregl-
an sé of fáliðuð: „Við reynum að vera eins marg-
ir og hægt er. Auðvitað getur stundum verið á
einhverju augnabliki að við séum færri en við
þyrftum að vera.“
Dæmi um fyrrgreindan velvilja mótmælenda
í garð lögreglumanna sást þessa nótt við Stjórn-
arráðið, eftir táragasárásina. Þá voru fimm lög-
regluþjónar sendir til varnar Stjórnarráðinu
þar sem voru nokkur hundruð mótmælenda.
Meðan grjóti rigndi yfir lögreglumennina tók
hópur mótmælenda sig til og gekk að þeim með
hendur á lofti. Þeir sneru sér síðan við og stóðu
þar sem varnarveggur. Grjótkastinu linnti við
þetta og bættust þá fleiri í hóp verjenda lög-
reglunnar.
Í gærdag sáust svo mótmælendur bera blóm
og kaffi í lögregluþjóna við Alþingishúsið.
klemens@frettabladid.is
Skjaldborg um lögregluna
Langstærstur hluti mótmælenda er friðsamur og margir byrjaðir að stöðva grjótkastið, segir yfirlögreglu-
þjónn. Mótmælendur gengu inn í grjótregnið og slógu skjaldborg um fáliðaða lögreglu við Stjórnarráðið.
SKJALDBORG UM LÖGREGLUNA Nokkrir mótmælendur mynduðu vegg fyrir framan lögreglumennina sem vörðu stjórnarráðið til að varna því að kastað yrði að þeim meira grjóti.
HALDIÐ UM VITIN Táragasi hefur ekki verið beitt hér á
landi síðan árið 1959 þegar síldarball fór út um þúfur.
GRJÓTKAST Þessir köstuðu grjóti að lögreglumönnum
en aðrir mótmælendur létu það ekki lengi viðgangast.
TÁRAGAS Menn voru misvel búnir til að bregðast við
táragasinu sem lögregla varð að grípa til.
„Engin mótmæli föstudagskvöld
eða laugardagskvöld. Látum ekki
djammmenninguna blandast mót-
mælunum og byltinguna blandast
fylliríi,“ segir á síðu Andspyrnu.
org, sem er heimasíða helguð
anarkisma.
Ritstjóri síðunnar, Sigurður
Harðarson, betur þekktur sem
Siggi pönk, telur að ópólitískt fólk
eigi ekkert erindi á mótmælin.
„Það er akkúrat engin pólitík í
fylliríi og þar af leiðandi verður
að aðgreina þetta tvennt,“ segir
hann. Þetta fari ekki saman við
markmið mótmælanna – að beita
ríkisvaldið þrýstingi. - kóþ
Áskorun andspyrnu.org:
Engin mótmæli
djammkvöldin
Appelsínugulur heitir nýstofnað-
ur hópur mótmælenda sem vill
aðgreina sig frá ofbeldisfullum
mótmælendum. Hópurinn hyggst
því klæðast appelsínu gulum fatn-
aði við mótmæli.
„Hópurinn hefur engin önnur
markmið en að reyna að sort-
era frá þá sem eru tilbúnir að
kvitta upp á það að við séum frið-
söm en viljum breytingar, takk,“
segir Þórarinn Á. Stefánsson,
sem skráður er fyrir heimasíðu
hópsins, en Appelsínugulur á sér
hvorki tals- né formann.
„Punkturinn er að þegar þús-
und manns koma saman og tut-
tugu kasta eggjum, sé ekki hægt
að benda á alla og segja „skríll“,“
segir Þórarinn. - kóþ
Appelsínugulur.is:
Aðgreina sig frá
ofbeldissinnum
Lögreglan er ekki óvinur okkar
og landsmenn verða að standa
saman allir sem einn á þessum
erfiðu tímum, segir í tilkynningu
frá Röddum fólksins, hreyfing-
unni sem staðið hefur fyrir reglu-
legum mótmælum á laugardögum
í vetur.
„Raddir fólksins biðja mót-
mælendur að gæta stillingar og
hófsemi og halda í þá sjálfsvirð-
ingu sem var svo snertandi í gær
[miðvikudag] þegar mótmælend-
ur fluttu sig til vegna jarðarfar-
ar og þögðu uns athöfninni lauk,“
segir meðal annars í tilkynning-
unni, sem ber yfirskriftina Sigur
lýðræðis er í augsýn. - kóþ
Raddir fólksins harma átökin:
Lögreglan er
ekki óvinurinn
VIÐ ÞINGHÚSIÐ Mótmælendur börðu
hvað eina sem finna mátti í eldhúsinu.
Lögreglumaður rotaðist og fékk heilahristing
eftir að þungum steini var kastað í höfuð hans
aðfaranótt fimmtudags.
Jónas Sen, sérfræðingur á slysadeild segir að
hjálmur hafi sennilega bjargað lífi mannsins.
Alls hafi fjórir lögreglumenn komið á slysa-
deild, eftir að þeir urðu fyrir grjótkasti en með
minni háttar meiðsli. Tveir lítt særðir mótmæl-
endur hafi einnig notið aðhlynningar.
Slökkviliðið sendi þrjá sjúkrabíla að Lækjar-
götu og skolaði piparúða úr augum og hlynnti
að lemstruðum.
Einn drengur var fluttur á barnadeild Land-
spítalans.
HJÁLMUR BJARGAÐI LÍFI
FR
ÉTTA
B
LA
Ð
IÐ
/VILH
ELM