Fréttablaðið - 23.01.2009, Qupperneq 26

6 föstudagur 23. janúar
tíðin
✽ meira í dag en í gær
M enn virðast alltaf hafa nóg af erindum til að sinna þegar
þeir eru í bænum. Við ákváðum því
að fara út á land og fá þannig frið
frá þeim sem eiga heimtingu á að
trufla okkur,“ segir Björn Jörund-
ur Friðbjörnsson, Idol-dómari og
Ný danskur. Hljómsveitin hyggst
dveljast víðs fjarri borgarmörkun-
um þegar kemur að því að semja
og taka upp lög fyrir nýjustu plötu
sveitarinnar. Hljómsveitarmeð-
limir ætla að koma sér notalega
fyrir í Grímsnesi í febrúar og eyða
tímanum þar í að semja lög.
Í apríl ætla Ný danskir hins
vegar að nýta sér Tankinn, hið
glæsilega hljóðver í Önundarfirði,
og taka þar upp nokkur lög auk
þess sem spilað verður fyrir nær-
sveitarmenn. Björn bætir því hins
vegar við að platan öll verði síður
en svo öll tekin upp þar. Því þeir
ætli einnig að fara norður og til
Vestmannaeyja og nýta hljóðverin
sem þar eru fyrir. „Við höfum alltaf
farið út á land og spilað, eini mun-
urinn er sá að við ætlum bara líka
að taka upp ný lög,“ segir Björn og
þvertekur fyrir að þetta sé einhver
hópeflismeðferð sem Ný danskir
séu í.
Björn hefur annars í nægu að
snúast því hann er dómari í Idol-
stjörnuleit. Ásamt félaga sínum úr
einmitt Ný dönsk, Jóni Ólafssyni.
Björn óttast ekki að setan í dóm-
nefndinni og allar landsbyggðar-
ferðirnar verði banabiti vináttu
þeirra. „Nei, við erum fyrir löngu
búnir að fá nóg af hver öðrum. Við
lærðum bara að nýta reiðina, láta
þá tilfinningu ekki brjóta okkur
niður heldur láta hana vinna með
okkur.“ - fgg
Taka upp nýjan disk á landsbyggðinni:
Ný Dönsk um allt land
Íslandslög Ný danskir ætla að taka upp nýja plötu á flakki sínu um landið en hún
verður tekin upp í Önundarfirði, á Akureyri og í Vestmannaeyjum.
60% AFSLÁTTUR
VIÐ HÆKKUM AFSLÁTTINN Í DAG FÖSTUDAG.
GK REYKJAVÍK JAKKAFÖT & DRAGTIR 50%
NÝIR SKÓR 20%.
Velkomin í nýja verslun okkar í Smáralind.
KONUR OG MENN I LAUGAVEGUR 66 OG SMÁRALIND
Filippa K I Patrizia Peppe I SportMax I Burberry I GK Reykjavík I Lee I Wrangler
SYSTUR Ástrós Gunnarsdóttir og Lára Stefánsdóttir
túlka ýmis minni kvenna í danssýningunni Systur við magn-
aðan texta Hrafnhildar Hagalín og fjölbreytta tónlist. Sýn-
ingin fékk frábærar viðtökur í Iðnó í maí 2008 og fer hún
aftur á svið á nýju ári, á Akureyri í kvöld og annað kvöld, en
í Iðnó frá 31. janúar.
EGÓ Á NASA EGÓ er mætt til starfa og treður upp á
Nasa annað kvöld, en bandið tók flugið milli jóla og nýárs
við góðar undirtektir. Á prógramminu eru öll vinsælustu lög
Bubba um árin, ekki bara lög EGÓsins, heldur einnig allra
hinna bandanna hans, auk laga af sólóferlinum. Ekki missa
af frábæru balli.