Tíminn - 03.12.1982, Blaðsíða 7

FÖSTUDAGUR 3. DESEMBER 1982.
7
erlent yfirlit
■ Rannsóknamefndin að störfum. Begin ber vitni.
Verði Begin sak-
felldur á hann vís
an kosningaslgur
■ Rannskóknamefndin sem skipuð var
í ísrael til að rannsaka þátt þarlendra
stjórnmálamanna og hershöfðingja í
fjöldamorðunum í flóttamannabúðun-
um í Vestur-Beirút, hélt áfram yfir-
heyrslum í síðustu viku. Meðal þeirra
sem kallaðir hafa verið fyrir nefndina
eru Begin forsætisráðherra og Sharon
landvarnaráðherra. Nefndin hefur varað
þá við að niðurstöðurnar kunni að skaða
mannorð þeirra. Begin hefur hótað að
verði niðurstaða rannsóknamefndarinn-
ar neikvæð í hans garð mundi hann segja
af sér og efna til nýrra kosninga.
Begin og aðrir ráðamenn í ísrael
halda fast við þann framburð, að þeir
hafi ekki vitað um fjöldamorðin fyrr en
þau voru afstaðin. Rannsóknarnefndin
hefur ekki borið brigður á það, en það
liggur í loftinu að ísraelsmenn beri samt
sem áður ábyrgð á morðunum, þar sem
þeir hleyptu líbönsku hryðjuverka-
mönnunum inn í Vestur-Beirút til að
jafna um palestínska skæmliða, sem
haldið var að þar hefðust við. ísraelski
herinn er einnig grunaður um að til þess
að koma í veg fyrir mannfall í eigin liði
hafi Líbönunum verið hleypt inn í
borgarhlutann til að hreinsa til áður en
ísraelsmenn héldu innreið sína. Skot-
hríðin sem heyrðist frá fjöldamorð-
ingjunum héldu menn utan borgarhlut-
ans vera vegna átaka falangistahersins
og skæruliða Palestínuaraba. En hvernig
sem á málið er litið stendur það eftir að
ísraelsher var búinn að hertaka Beirút
þegar morðin vom framin og bar skylda
til að halda þar uppi lögum, þ.e.
herlögum, og vernda óbreytta borgara.
Auk fyrrnefndra ráðherra hefur rann-
sókn nefndarinnar beinst að Shamir
utanríkisráðherra, fjórum háttsettum
hershöfðingjum,yfirmanni leyniþjónust-
unnar Mossad og ritara Sharons land-
varnarráðherra.
Rannsóknamefndin sem um málið
fjallar var sett é laggirnar þrátt fyrir
andstöðu margra háttsettra manna í
ísrael, m.a.Begins.
En þeir urðu að láta undan háværum
kröfum heima fyrir og erlendis frá að
málið yrði rannsakað til hlítar.
Sem fyrr segir segjast allir þeir aðilar
sem yfirheyrðir hafa verið ekki hafa
vitað um fjöldamorðin fyrr en þau voru
afstaðin. Um þetta atriði hefur verið
fjallað vítt og breitt í fjölmiðlum um
allan heim og sýnist sitt hverjum.
Það sem fyrir Begin vakir með því að
hóta afsögn verði framburður hans ekki
tekinn fullgildur og hann hreinsaður af
öllum gmn um að vera meðsekur,
byggist á því að allt bendir til að stjórn
hans muni treystast mjög í sessi verði
efnt til kosninga. Flokkur Begins, Likud-
bandalagið, stjórnar með stuðningi
hægri sinnaðra smáflokka og trú-
málahreyfinga. Hefur stjórnin mjög
knappan meirihluta í þjóðþinginu.
Höfuðandstæðingur stjórnarinnar,
verkamannaflokkurinn.er stærsti stjórn-
málaflokkur landsins og hefur haldið um
stjórnartaumana mestan hluta tímans
síðan Ísraelsríki var stofnað. Verka-
mannaflokkurinn var andvígur innrás-
inni í Líbanon og gagnrýndi harðlega
herskáa stefnu Begins í því máli og eins
útþenslu ríkisins á kostnað araba. En
sigurganga hersins í Líbanon og að
honum skyldi takast að hrekja Palestínu-
menn úr stórum hluta landsins hefur
styrkt stjórnina í sessi. Það er því
nokkurn veginn öruggt að verði gengið
til kosninga nú mundi það styrkja Begin
mjög í sessi þar sem flokkur hans og
jafnvel einhverjir af smáflokkunum sem
með honum starfa muni hljóta góðan
meirihluta á þingi.Leiðtogum Verka-
mannaflokksins er því nokkur vandi á
höndum er rannsóknarnefndin gerir
ráðamenn hers og þjóðar ábyrga fyrir
fjöldamorðunum. Það mundi efla Begin
og liðsmenn hans heima fyrir og á
kostnað Verkamannaflokksins.
En út á við mundi ísrael sjálfsagt bíða
nokkurn hnekki ef svo fer.
Það kann að virðast öfugsnúið, að
ásökun um ábyrgð á fjöldamorðum geti
komið stjórnvöldum til góða. En þótt
margir ísraelar séu harmi slegnir vegna
þessara atburða og þeirrar hernaðar-
stefnu yfirleitt sem fylgt er, hefur
sigurgangan í Líbanon, flótti Pales-
tínumanna og sú staðreynd að ekkert
Arabaríkjanna hreyfði hönd eða fót
þeim til hjálpar, eflt traust ísraela á
sjálfum sér. Þess ber einnig að geta að
margir Líbanir tóku ísraelska hernum
sem frelsara landsins og börðust við hlið
hans meðan á innrásinni stóð. Palestínu-
menn hafa um áratugaskeið stundað
skæruhernað gegn ísrael og hermdar-
verkamenn leikið margan Gyðinginn
grátt. Því finnst ísraelum nokkuð hart,
að þegar hermdarverk eru unnin á
Palestínumönnum skuli samviska alls
heimsins allt í einu vakna og ásaka þá
um glæpaverk af sama tagi og þeir hafa
sjálfir mátt búa við árum og áratugum
saman er palestínskir hermdarverka-
menn hafa drepið allt kvikt í byggðum
þeirra.
Enn eru ísraelar sárir vegna þess að
þeim er velt upp úr glæp, sem þeir
frömdu ekki sjálfir. Það voru líbanskir
hermenn sem þrátt fyrir allt frömdu
fjöldamorðin í Chatila og Sabra flótta-
mannabúðunum.
í Bandaríkjunum og Vestur-Evrópu
hafa ísraelar verðið gagnrýndir harðlega
fyrir innrásina í Líbanon og sérstaklega
morðin á flóttamönnum. Begin hefur
verið kuldalega tekið í Washington og
leiðtogar Vestur-Evrópuríkja látið
margt hnjóðsyrðið falla. Aftur á móti
var Amin Gemayal forseta Líbanon og
leiðtoga falangistaflokksins tekið með
kostum og kynjum í Washington er hann
fór þangað skömmu eftir að hann tók
við embætti. En það voru einmitt hans
menn sem morðin frömdu. En engum
hefur dottið í hug að ársaka hann fyrir
að bera ábyrgð á hryllingnum. Morðin
voru framin í kjölfar morðsins á bróður
Amins og forvera í forsetastóli. { því
tilræði voru einnig drepnir nokkrir af
forystumönnum falangista.
í Líbanon eiga margir um sárt að
binda vegna yfirgangs og drápsæðis
Palestínumanna, sem settust að í landinu
og fóru með hernað á hendur íbúum
þess. Þar ríkir því hefndarhugur sem
brýst út í óhæfuverkum. En Israelum
einum er kennt um.
Af þessum ástæðum hefur Begin og
samherjar hans notið samúðar heima
fyrir og fylgi hans aukist. ísraelum finnst
óréttlátt að þeir einir verði fyrir aðkasti
og ásökunum um glæpi.
Innan tíðar mun rannsóknarnefndin
hefja vitnaleiðslur á ný og hefur Begin
og mönnum hans verið gert að bera vitni
eða senda lögfræðinga í sinn stað ef þeir
óska.
Oddur Ólafsson,
skrifar
245 0 035 W). ^ -,a óÞðrL
vemy3 g ._. „ara kae'>9e'Irnr! ®lað 09 >
ð,’um þurruim opnUð
landsins
besta
UiftatkiEfa
rNett6ÞVna“' \ ,
ig Bygginga-
W lánasjóður
Kóþavogs.
Hér með er auglýst eftir umsóknum um lán úr
Byggingalánasjóði Kópavogs.
Skilyrði fyrir því að lánbeiðanda verði veitt lán úr
sjóðnum eru þessi:
A. Að hann hafi verið búsettur í Kópavogi að
minnsta kosti 5 ár.
B. Að íbúðin fullnægi skilyrðum húsnæðismála-
stjórnar um lánshæfni úr Byggingarsjóði
ríkisins.
C. Að umsækjandi hafi að dómi sjóðsstjórnar
brýna þörf fyrir lánsfé, til að fullagera íbúð
sína.
Við úthlutun lána úr sjóðnum skulu þeir umsækj-
endur sem flesta hafa á framfæri sínu ganga fyrir
að öðru jöfnu.
Lánsumsóknum skal skilað til undirritaðs fyrir 15.
desember n.k..
Kópavogi 2. desember 1982.
Bæjarritarinn í Kópavogi.
Tilkynning
frá Fiskveiðasjóði íslands
Umsóknir um lán á árinu 1983 og
endurnýjun eldri umsókna.
Um lánveitingar úr Fiskveiðasjóði íslands á árinu 1983 hefur
eftirfarandi verið ákveðið.
1. Vegna framkvæmda í fiskiðnaði.
Engin lán verða veitt til byggingarframkvæmda nema hugsanlega
viðbótarlán vegna bygginga, sem áður hafa verið veitt lánsloforð til.
Eftir því sem fjármagn sjóðsins, þar með talið hagræðingarfé
hrekkur til verður lánað til véla, tækja og breytinga, sem hafa í
för með sér bætt gæði og aukna framleiðni. Lánsloforð
Fiskveiðasjóðs skal liggjafyrir, áðuren framkvæmdireru hafnar.
2. Vegna fiskiskipa.
Eftir því sem fjármagn sjóðsins hrekkur til verður lánað til skipta
á aflvél og til tækjakaupa og endurbóta, ef talið er nauðsynlegt
og hagkvæmt.
Engin lán verða veitt til skipakaupa erlendis frá.
Umsóknir um lán vegna nýsmíði innanlands skulu berast fyrir
tilskilinn tíma, en óvíst er um lánveitingar.
Lánsloforð Fiskveiðasjóðs skal liggja fyrir, áður en framkvæmdir
eru hafnar.
3. Endurnýjun umsókna.
Allar umsóknir vegna óafgreiddra lána þarf að endurnýja.
Gera þarf nákvæma grein fyrir hvernig þær framkvæmdir standa
sem lánsloforð hefur verið veitt til.
4. Umsóknarfrestur.
Umsóknarfrestur er til 15. janúar 1983.
5. Almennt.
Umsóknum um lán skal skila á þar til gerðum eyðublöðum, ásamt
þeim gögnum og upplýsingum, sem þar er getið, að öðrum kosti
verður umsókn ekki tekin til greina. (Eyðublöðin fást á skrifstofu
Fiskveiðasjóðs íslands, Austurstræti 19, Reykjavík, svo og í
ýmsum bönkum og sparisjóðum utan Reykjavíkur). Umsóknir er
berast eftir tilskilinn umsóknarfrest verða ekki teknar til greina við
lánveitingar á árinu 1983, nema um sé að ræða ófyrirséð óhöpp.
Reykjavík, 30. nóvember 1982
Fiskveiðasjóður íslands.