Tíminn - 04.12.1982, Blaðsíða 5

LAUGARDAGUR 4. DESEMBER 1982.
Big
fréttir
Bóksölukönnun Tímans:
■ 1. Æviminningar Kristjáns Sveinsson-
ar, augnlæknis.
■ 2. Dauðafljótið.
■ 3. Jólalögin.
■ 4. Landið þitt.
■ 5. Ó, það er dýrlegt að drottna.
ÆVIMINNINGAR kristjans
AUGNLÆKNIS IANGEFSTAR
■ Þá fer Tíminn á nýjan leik af stað
með bóksölukönnun sína, og verður
hún unnin á sama hátt og gert var fyrir
jólin í fyrra. Haft er samband við 10
bóksala, fimm í Reykjavík og fimm
utan Reykjavikur og þeir beðnir að
upplýsa í viku hverri hvaða 10 bækur
hafa selst best hjá þeim þá vikuna. Eru
þeir beðnir um að gefa upp listann í
þeirri röð að bók sú sem fyrst er nefnd,
sé hin söluhæsta þá vikuna, og svo koll
af kolli. Blaðamaður reiknar síðan
saman hvað hver bók hefur hlotið
mörg stig, - sú bók sem er í fýrsta sæti
fær tíu stig og sú sem er í tíunda sæti
fær eitt stig. Eru síðan öll stigin sem
hver bók hlýtur lögð saman og bókin
sem hlýtur hæstu stigatöluna, telst
því, samkvæmt könnun Tímans vera
söluhæsta bókin þá vikuna.
Þær verslanir sem hafa reynst svo
vinsamlegar að þessu sinni, að upplýsa
Tímann um söluhæstu bækurnar eru:
Bókabúð Jónasar Tómassonar, ísa-
firði, Bókabúð Jónasar Stefánssonar,.
Akureyri, Gríma, Garðabæ, Bókabúð
Grönfeldts, Borgarnesi, Aðalbúðin,
Siglufirði, Bókabúð Braga, Lækjar-
götu, Reykjavík, Penninn, Hafnar-
stræti, Hagkaup, bókadeild Skeifunni,
Reykjavík, Bókhlaðan, Glæsibæ og
Bókabúð Fossvogs.
Það skal skýrt tekið fram, nú þegar
fyrsti listinn er birtur, að bóksalamir
voru allir á einu máli um það, að
bóksalan væri rétt að fara í gang núna,
þannig að línumar væru engan veginn
nógu skýrar, enn sem komið er. Þá má
einnig benda á að margar bókanna
sem Iíklegar em til þess að skipa sér í
einhver efstu sætin, hafa enn ekki
borist á ákveðna staði úti á landi.
Fyrsti listinn er því birtur með fyrirvara.
Æviminningar Kristjáns
Sveinssoanr í fyrsta sæti
Fyrsta sætið á listanum að þessu
sinni skipar bókin Æviminningar
Kristjáns Sveinssonar, sem var skráð
af Gylfa Gröndal, og er gefin út hjá
Setberg. Hlaut bókin í þessari könnun
samtals 74 stig, og þó hafði hún enn
ekki borist í allar verslanirnar úti á
landi, sem haft var samband við.
Listinn lítur annars svona út:
1. Æviminningar Kristjáns Sveinssonar, Gylfi Gröndal
skráöi (Setberg) - 74 stig.
2. Dauðafljótið, eftir Alistair Maclean (Iðunn) - 52 stig.
3. Jólalögin í léttum útsetningum fyrir píanó, eftir Jón
Þórarinsson (AB) • 48 stig.
4. Landið þitt, 3. bindi, eftir Þorstein Jósepsson, Steindór
Steindórsson og Pál Líndal (Örn og Örlygur) - 43 stig.
5. Ó, það er dýrlegt að drottna, eftir Guðmund Sæmunds-
son, en hann er einnig útgefandi bókarinnar • 40 stig.
6. Persónur og leikendur, eftir Pétur Gunnarsson
(Punktar) - 35 stig.
7. Hverju svarar læknirinn?, eftir Claire Rayner, Bertil
Mártensson og Guðstein Þengilsson (Iðunn) - 33 stig.
8. Mömmustrákur, eftir Guðna Kolbeinsson (Vaka) - 14
stig.
9. 555 gátur, Sigurveig Jónsdóttir þýddi og staðfærði
(Vaka) -13 stig.
10. í kvosinni, eftir Flosa Ólafsson (Iðunn) 11 stig.
Reykjavík í fyrradag, og sama má
segja um fleiri bækur. Það er því
óhætt að fullyrða að eftir eina viku
verða línur orðnar skýrari, og
listinn marktækari, en hann er í
dag. Þó er fróðlegt að bera þennan
lista saman við lista bókaútgef-
enda, sem birtist í blaðinu í gær.
Sömu titlar skipa efstu sætin hjá
bókaútgefendum og Tímanum -
Kristján er númer eitt hjá báðum,
Jólalögin eru í 3. sæti hjáTíman-
um, en 2. sæti hjá útgefendum,
Dauðafljótið er í 2. sæti hjá
Tímanum, en í því 5. hjá útgefend-
um og Ó, það er dýrlegt að drottna
er í 5. sæti hjá Tímanum, en því
4. hjá útgefendum. En nóg um
bækur að sinni og sölu þeirra -
meira að viku liðinni.
- AB.
Eins og sést af stigafjöldanum
hér að ofan, þá er um mjög mikla
dreifingu að ræða enn, og ýmsar
þeirra bóka sem eiga eftir að verða
á meðal söluhæstu bóka eru rétt að
koma á markaðinn, og sumar enn
ókomnar. Það var til að mynda
aðeins í einni verslun þar sem bók
Alberts Guðmundssonar var.nefnd
á nafn, en hún kom í verslanir í
Hugmyndin um kjarnorkuvopnalaus Norðurlönd:
„ísland verður sjálft
að móta kröfur sínar”
segir Lennart Bodström, utanrfkisráðherra Svíþjódar, á fundi með
íslenskum fréttariturum, en hann kemur hingað til lands í dag
Frá Gylfa Kristinssyni, fréttaritara
Tímans í Svíþjöð:
■ „Það er hefð hjá okkur að nýr utan-
ríkisráðherra heilsar fyrst upp á frænd-
þjóðirnar áður en hann heldur til
fjarlægari landa. Ég hef áður heimsótt
■ Noreg og Finnland og nú er röðin komin
að íslandi.“
Þetta sagði Lennart Bodström við
fréttaritara í Svíþjóð á sérstökum fundi
í gærmorgun í Stokkhólmi. Til fundarins
var boðað vegna heimsóknar Bodström
til íslands. Gert er ráð fyrir að sænski
utanríkisráðherra komi til íslands í dag.
í stuttu máli er dagskrá heimsóknarinnar
þannig, að á mánudagsmorgun klukkan
10 þann 6. desember hittir hann Ólaf
Jóhannesson, utanríkisráðherra. Utan-
ríkisráðuneytið býður Bodström og fylgd-
arliði til hádegisverðar í Ráðherrabú-
istaðnum. Að honum loknum verður
heilsað upp á Vigdísi Finnbogadóttur,
forseta íslands. Klukkan 17.30 sídðegis
á mánudag á Lennart Bodström fund
með Gunnari Thoroddsen, forsætisráð-
herra. Heimsókninni lýkur á þriðjudags-
morgun.
Á áðurnefndum fundi með íslenskum
fréttariturunum ræddi Bodström um
þau málefni sem hann hyggst ræða við
íslensk stjórnvöld.
Kjarnorkuvopnalaus
Norðurlönd
„Eitt þeirra mála sem sænska þingið
hefur falið ríkisstjórninni að ræða við
stjórnir hinna Norðurlandanna er hug-
mynd um kjarnorkuvopnalaus Norður-
lönd. f þessu máli er okkar stefna skýr.
Ef einhverjir möguleikar eru fyrir hendi
að minnka hættuna á notkun kjarnorku-
vopna á Norðurlöndum þá viljum við
ræða slíka möguleika, vegna þess að í
þessu máli er allt að vinna,“ sagði
Bodström. Spurningunni um það hvort
N-Atlantshafið tilheyrði kjarnorku-
vopnalausa svæðinu svaraði sænski
utanríkisráðherrann á þá leið að í
Svíþjóð hefði í þessu sambandi mest
verið rætt um sænskt land og nálæg
hafsvæði. Hann benti á að Eystrasaltið
væri frjálst hafsvæði. Það eina sem Svíar
gætu gert þar væri að reyna að fá þau
lönd sem liggja að Eystrasaltinu til að
lýsa því yfir að þau myndu hvorki koma
fyrir kjarnorkuvopnum á botni Eystra-
■saltsins né flytja slík vopn um það
hafsvæði. Hvorki í skipum né kafbátum.
Hvað áhrærði N-Atlantshafið þá væri
erfitt að setja fram kröfur um að
Norðurlöndin hefðu lögsögu eða áhrif á
stjórnun þess stóra hafsvæðis. Og síðan
sagði hann:
„Það er fyrst og fremst íslenska þjóðin
og íslenska ríkisstjórnin sem ákveða þær
kröfur sem settar eru fram og hvaða
tillögur rétt er að styðja.“
Spurningunni um það hvort sænska
ríkisstjórnin væri reiðubúin til að styðja
kröfu um kjarnorkuvopnalaust N-Atl-
antshaf ef ósk um slíkt kæmi fram,
svaraði Bodström á eftirfarandi hátt:
„Það er ljóst að við höfum áhuga á að
styðja annað norrænt land sem telur
slíkt mikilvægt fyrir öryggi sitt. En það
er fyrst og fremst ísland sjálft sem
verður að taka afstöðu."
Innflutningur
á íslensku kjöti
Á fundinum bar ýmis önnur mál á
góma sem einkum varða samskipti
íslands og Svíþjóðar. T.d. innflutning á
íslensku kjöti til Svíþjóðar. Ekki fékkst
utanríkisráðherrann til að gefa neinar
yfirlýsingar hvort innflutningsheimildir
yrðu eitthvað rýmkaðar frá því sem nú
er með tilliti til hallans á vöruskipta-
jöfnuði Svíþjóðar og íslands. (Við
kaupum meira af Svíum en þeir kaupa
af okkur.)
Á máli ráðherrans mátti ráða að
ríkisstjórn jafnaðarmanna er ekki eins
hrifin af hugmyndinni um norræna
gervihnöttinn Nordsat og fyrrverandi
ríkisstjórn. Taldi Lennart Bodström að
það mál þyrfti að athuga betur. Þess má
geta að aukið norrænt útvarps- og
sjónvarpssamstarf hefur verið í einni
eða annarri mynd ádagskrá Norðurland-
aráðs sl. 30 ár.
Bodström var hins vegar jákvæður
gagnvart þeirri hugmynd að stofnaður
yrði sænsk íslenskur sjóður sem hefði
það hlutverk að stuðla að auknum
samskiptum íslands og Svíþjóðar.
Að síðustu var rætt um möguleika
þeirra íslendinga sem búsettir eru í
Svíþjóð til að ná sendingum íslenska
ríkisútvarpsins. Lýsti ráðherrann áhuga
sínum á málinu og kvaðst reiðubúinn að
athuga það nánar ef óskir um slíkt kæmu
fram.
- ESE/GK, Svíþjóð.
„Kristján á
þetta alveg
sérstaklega
skilid,”
— segir Gylfl
■ „Mér þykir sérstaklega vænt um það
að vel gangi að selja bókina því Kristján
Sveinsson er einn mesti heiðursmaður sem
ég hef kynnst og hef ég þó kynnst þeim
mórgum," sagði Gylfi Gröndal, skrásetjari
bókarinnar, xviminningar Kristjáns Sveins-
sonar, augnlæknis", en hún reyndist mest
selda bókin í bóksölukönnun Tímans.
„Kristján hefur alla ævi verið hógvær
maður og lítið fyrir að láta á sér bera, svo
mér finnst aö hann eigi þctta alvcg
sérstaklega skilið. Auk þcss er yelgengnin
mér uppörvun, því Kristján hafði frá
mörgu að segja og ég lagði mig allan fram
um að skrifa þessa bók og hafði af því mikla
ánægju. En í það hef ég varið tómstundum
í tæp tvö ár,“ sagði Gylfi.
Bókaforlagið Setberg gcfur „Ævi-
minningar Kristjáns Sveinssonar augri-
læknis“ út.
-Sjó.