Tíminn - 23.12.1982, Blaðsíða 5
FIMMTUDAGUR 23. DESEMBER 1982
„Sýnist þetta sami
grauturinn úr
sömu skálinni”
— segir Ragnar Halldórsson,
forstjóri ÍSAL, um
samkomulagsgrundvöll
iðnadarráðherra
■ „Mér sýnist þetta nú vera sami
grautur úr sömu skál,“ sagöi Ragnar
Halldórsson, forstjóri ÍSAL, þegar
blaðamaöur Tímans spurði hann álits á
tillögum iðnaðarráðherra á viðræðu-
grundvelli við Alusuisse.
„Það er ekki þar með sagt að
Alusuisse muni neita að ræða þetta á
þessum grundvelli,“ sagði Ragnar, „en
það er náttúrlega Ijóst mál að ekki getur
orðið af fundi á milli aðila á milli jóla
og nýárs, eins og ráðherra gerir ráð fyrir
í tillögum sínum, því Alusuisse er lokað
frá 24.12. til 3. jan. næstkomandi.
Ragnar var að því spurður hvort hann
teldi að Alusuisse myndi sætta sig við
það að gerðardómurinn til þess að
útkljá gömul ágreiningsefni yrði skipað-
ur þremur íslendingum, en Hjörleifur
gerir ráð fyrir því í sínum tillögum: „Mér
finnst það frekar ólíklegt. Mér finnst
slíkt ekki bera vott um að aðilar séu
réttháir. Þetta er nú einu sinni svo, að
þetta er samningur á milli tveggja aðila,
sem eiga að vera jafnréttháir, en
ráðherrann hefur ekki viljað fallast á
það, heldur talað mikið um sjálfstæð
ríki, sem hafa miklu meiri rétt en aðrir.
Það má kannski orða þetta þannig að
allir eiga að vera jafnir, „en sumir eiga
að vera jafnari en aðrir.““
Ragnar var spurður hvort hann teldi
líklegt að Alusuisse myndi fallast á
tillögur iðnaðarráðherra varðandi breyt-
ingar á orkuverði, þar til samningar hafa
tekist: „í vestrænum heimi er hægt að
framleiða 14 milljónir tonna á ári, af áli
í núverandi verksmiðjum. Það er búið
að loka sem svarar 4 milljónum tonna,
fyrst og fremst þar sem orkuverðið er
hæst. í meðaltali því sem ráðherra er
að taia um, er ekki tekið tillit til þess. í
öðru lagi þá eru 4 milljónir af þessum 10
sem eftir eru, framleiddar í 32 verk-
smiðjum sem fyrst og fremst framleiða
til útflutnings, eins og við, og þar er
meðalorkuverð 7.2 mills. en ef við lítum
á 24 af þessum verksmiðjum, sem fá
vatnsorku, þá fer meðaltalið niður í 6.4
mills, sem er nánast það sama og hjá
okkur. Þetta er sú samkeppnisstaða sem
okkur ber að líta á.“
-AB
Idnaðarráðherra leggur fram „samkomulagsgrundvöll” í álmálinu:
RAFORKUVERÐ HÆKKI í
10 MILLS UM ARAMÖTIN
■ Iðnaðarráðherra hefur sent Alus-
uisse tillögu að samningsgrundvelli í
deilu fyrirtækisins og iðnaðarráðuneytis-
ins um álverið í Straumsvík. Tillagan
var send forráðamönnum Alusuisse eftir
að hún var kynnt í ríkisstjórninni í
fyrradag.
Á blaðamannafundi sem Hjörleifur
Guttormsson efndi til í - iðnaðarráðu-
neytinu í gær kom fram, að í tillögunni
er gert ráð fyrir því að ísland fallist í
meginatriðum á óskir Alusuisse um að
ágreiningsefni um skattamál liðinna ára
verði sett í úrskurð þriggja ntanna
gerðardóms og verði niðurstöður bind-
andi fyrir báða aðila og í samræmi við
það verði Coopers og Lybrand falið að
endurákveða skattgreiðslur ísal.
Jafnhliða slíkri meðferð skattamál-
anna samþykki Alusuisse byrjunar-
hækkun á raforkuverði úr 6,45 mills í 10
mills á kílóvattstund frá og með 1. janúar
1983. Ennfremur er lagt til að rasforku-
verðið hækki í 12,5 mills þann 1. apríl
1983, nema um annað hafi verið samið
áður.
Þegar í stað verði teknir upp samning-
ar um endurskoðun og leiðréttingu á
rafmagnsreikningi aðila með það að
markmiði að ákvarða raforkuverðið
með hliðsjón af: 1. Raforkuverði til
áliðnaðar í viðskiptum óháðra aðila í
Vestur-Evrópu og Norður Ameríku. 2.
Framleiðslukostnaði raforku hérlendis.
3. Raforkuverði sem Alusuisse greiðir í
álbræðslum sínum utan íslands. 4.
Samkeppnisaðstöðu álbræðslunnar í
Straumsvík.
í þessu samhegni vísar iðnaðarráð-
herra í niðurstöður starfshóps ráðuneyt-
isins um raforkuverð, dagsett 4. ágúst
s.l., þess efnis að eðlilegt sé, að raforka
til ísal hækki í 15-20 mills á kílóvattstund
við verðlag á miðju ári 1982.
Þá er lagt til að samtímis hefjist
viðræður um endurskoðun á aðalsamn-
ingi um álverið í Straumsvík með tilliti
til atriða, sem fram hafa verið borin af
aðilurn. Þar á meðal má nefna skatt-
greiðslureglur, endurskoðunarákvæði,
ákvæði um íslenska lögsögu og aðgang
íslenskra stjórnvalda að bókum og
gögnum er varða ísal. Ennfremur rétt
íslands til að eignast meirihluta í ísal og
byggingu rafskautaverksmiðju í
Straumsvík. Einnig er gert ráð fyrir því
að aðilar ræði óskir Alusuisse um
stækkun álversins í framtíðinni og rétt
þeirra til að selja 50% af hlutafé sínu í
ísal.
Gert er ráð fyrir að aðilar leggi sig
fram um að ljúka samningnum fyrir 31.
mars 1983 og taki nýr raforkuverðssamn-
ingur gildi 1. apríl 1983. Með tilvísun til
yfirlýsinga aðila við lok fundar 7.
desember s.l. um að þeir séu báðir
reiðubúnir að mæta til fundar með
stuttum fyrirvara fyrir lok þessa ntánað-
ar, leggur iðnaðarráðherra til, að hald-
inn verði fundur fulltrúa hans og fulltrúa
Alusuisse í Reykjavík 28. og 29. des.
n.k. til aðgangaendanlegafrásamnings-
grundveili.
-Sjó.
Blaðamannafundur Hjör-
leifs kemur mér á óvart”
— segir Steingrímur Hermannsson, en hann var Mhaldinn
áður en Alusuisse og íslensk stjórnvöld hafa kynnt sér
tillögurnar gaumgæfilega”
■ „Ég hélt nú satt að segja að við í
ríkisstjórn fengjum að hafa þessar
tiilögur Hjörleifs til næsta fundar ríkis-
stjórnarinnar til skoðunar, og að gera
athugasemdir á næsta fundi,“ sagði
Steingrímur Hermannson, sjávarútvegs-
ráðherra í samtali við Tímann í gær,
þegar hann var inntur álits á tillögum
iðnaðarráðhera um áframhaldandi álvið-
ræður við Alusuisse, en Hjörleifur
greindi frá því á fundi með frétta-
mönnum í gær, að hann hefði kynnt
tillögur sínar í ríkisstjórn og þar hefðu
engin andmæli komið fram.
„Ég greindi frá því að ég væri ekki
reiðubúinn að gera athugasemdir við
tillögurnar á þeim fundi þar sem til-
lögurnar voru kynntar," sagði Stein-
grímur, „en hinsvegar þá komu fram
ákveðnar athugasemdir við þessar til-
lögur iðnaðarráðherra."
Steingrímur sagði jafnframt: „Málið
er alveg í hendi iðnaðarráðherra, enda
hefur hann kosið að hafa það þannig.
Hjörleifur hefur alveg rétt til þess, því
ríkisstjórnin er ekki fjölskipað
stjórnvald, eins og Ólafur Jóhannesson
hefur oft bent á, enda ber Hjörleifur þá
alla ábyrgð á þessu máli.
Að mínu mati á að leggja höfuðkapp
á endurskoðun raforkuverðs, og leggja
gömul ágreiningsefni í gerð, eins og ég
hef oft sagt áður. Þá tel ég að vel geti
komið til greina að stækka álverið ef það
getur orðið til þess að fyrirtækið geti
greitt okkur hærra raforkuverð. -
En ég endurtek að iðnaðarráðherra er
alfarið með þetta mál á sinni hendi og
það kemur mér á óvart að það sé búið
að halda blaðamannafund um málið
áður en Alusuisse og íslensk stjórnvöld
hafa kynnt sér tillögurnar gaumgæfi-
lega.“ -AB
,Einkenni-
lega að
samning-
umstaðið’
— segir Gud-
mundur G.
Þórarinsson,
alþíngismaður,
um tillögur
iðnaðarráð-
herra og blaða-
mannafund
B „Mér finnst nú einkennilega að
samningum staðið, að gera Alusuisse
tilboð og halda um það blaðamanna-
fund, áður en rætt hefur verið við
Alusuisse um þetta tilboð, eða Alu-
suisse fengið tækifæri til þess að svara
þessu tilboði," sagði Guðmundur G.
Þórarinsson alþingismaður er hann var
spurður álits á samningsgrundvelli'
þcim sem iðnaðarráðherra lagði fyrir
Alusuisse f gær, og kynnti jafnframt
fréttamönnum, en Guðmundur sagði
sig eins og kunnugt er úr álviðræðu-
nefnd fyrir nokkru, og lýsti allri ábyrgð
á hendur iðnaðarráðherra.
„Hins vegar," sagði Guðntundur,
„þá virðist iðnaðarráðherra hafa tekið
talsvert við sér eftir að deilurnar vegna
úrsagnar minnar komu upp, og hann
virðist vera farinn að vinna f því að
reyna að koma hreyfingu á málið, en
á sinn hátt, rcyndar. Hvernig hann
stendur að þessum tilraunum sínum,
þ.e. að byrja á því að halda blaða-
mannafund, finnst mér bera talsverðan
vott um það hvernig ráðherrann hefur
haldið á þessum máli - hann hefur
rekið þctta mál miklum meira í
fjölmiðlum heldur en við santninga-
borðið, en á þessu stigi tel ég ekki rétt
að tjá mig meira um málið.“
-AB
Skeide
fiskþvotftavélar
SAMBAND ISLENZKRA SAMVINNUFELAGA
@ Sjávarafurðadeild
SAMBANDSHÚSINU RVÍK, SÍMI 28200