Tíminn - 23.12.1982, Blaðsíða 13

FIMMTUDAGUR 23. DESEMBER 1982
13
fþróttir
Umsjón: Samúel Örn Erlingsson
Teitur í
jólafrf
— er á batavegi eftir uppskurð
■ „Það eru nú þrjár vikur liðnar frá
uppskurðinum, og ég er á góðum
batavegi, farinn að hlaupa svolítið",
sagði Teitur Þórðarson í gær. Teitur
kom frá Frakklandi í gær, og ók sem leið
liggur upp á Skaga þar sem hans nánustu
búa, en þar mun hann dveljast yfir jólin.
Heldur heilsaði gamla ísland honum
illa, hvað veður snerti. Hann var þrjá
tíma að komast fyrir Hvalfjörð og heim
frá Reykjavík. „Eg fór að finna til í
leikjum í vor, kom þá hingað heim í tvo
landsleiki, en var alls ekki nógu góður.
Ég fékk sprautur áður en ég kom heim,
og fannst að ég væri nógu góður til að
taka þátt í landsleikjunum. Það gekk vel
á móti Englandi, en í leiknum á móti
Möltu kom þetta aftur. Eftir það kom
sumarfrí, og læknarnir sögðu mér að það
eina sem gæti læknað þetta væri algjör
hvíld. En þetta tók sig upp aftur í haust,
þrátt fyrir hvíld í allt sumar. Að vísu var
ég sæmilegur á þriggja vikna tímabili,
lék þá tvo leiki og skoraði tvö mörk, en
það fór allt í sama farið. Þá var ekki um
neitt að ræða lengur en að skera mig
upp.
Það eru nú liðnar þrjár vikur, og ég
má aðeins fara að hreyfa mig og hlaupa,
en ég verð að hlífa mér eins og ég get.
Það er ómögulegt að segja hvenær ég
verð kominn á fulla ferð, það fer allt
eftir því hve fljótur ég verð að jafna mig,
það verður að fara varlega. Svo er eftir
að komast í fulla æfingu og komast í
liðið. ” Lið Teits Lens fer strax eftir
áramót í æfingabúðir í Norður Frakk-
landi, en Teitur fer út til æfinga hinn
þriðja janúar.
■ Teitur Þórðarson er allur að hressast.
Mair sigraði
■ Michael Mair frá Ítalíu var
fyrstur Ualskra karla til að vinna
keppni í heimsbikarkeppninni á
skíðum á þessu keppnistímabili. Það
gerði hann í Madonna di Campiglio
í gærkvöld, þegar hann vann síðustu
keppni ársins, Risasvigið. En
frammistaða hins unga Svisslendings,
Pirmi Zurbriggen, sem náði þriðja
sætinu, og þar með 40 stigum í
heimsbikarkeppninni, sem færðu
hann upp um sjö sæti í röðinni í
keppninni, sem færðu hann upp um
heimsbikarinn. Hann er nú í öðru
sæti, aðeins tveimur stigum á eftir
aðalkeppinautnum Pete Mueller
landa sínum. Hans Enn frá Austur-
ríki varð aðeins 0,15 stigum á eftir
Mair, Franz Heinzer frá Sviss varð
fjórði og Austurríkismaðurinn Hu-
bert Strolz varð fimmti.
Navratilova
best
■ Martina Navratilova, tenniskonan
sterka frá Bandaríkjunum er í efsta sæti
í styrkleikaröðun Tennis World Maga-
zine, sem er eins konar alheimstímarit
tennisfólks.Navratilova tryggði sér titil-
inn endanlega þegar hún sigraði löndu
sína Chris Evert Lloyd á Ciquit tennis-
mótinu í New York hinn 19. desember.
Navratilova sem er 26 ára sigraði Lloyd
sl. sunnudag í þriðja sinn á árinu, af
fjórum leikjum sem þær hafa leikið sín
á milli. Hún hefur sigrað í 90 af 93
leikjum sem hún hefur spilað á árinu.
Hún varð í fyrsta sæti hjá tímaritinu
síðast árið 1979, en varð þriðja árið eftir
og í fyrra á eftir Lloyd og Tracy Austin-
Efstu tíu konur World Tennis Maga-
zine' eru:
1. Martina Navratilova, Bandaríkj.
2. Chris Evert Lloyd, Bandaríkj-
3. Andrea Jaeger, Bandaríkjunum
4. Hana Mandlikova, Tékkóslóvakíu.
5. Pam Shriver, Bandaríkjunum.
6. Wendy Turnbull, Ástralíu.
7. Barbara Potter, Bandaríkjunum.
8. Bettina Bunge V-Þýskalandi.
9. Tracy Austin, Bandaríkjunum.
10. Sylvia Hanika V-Þýskalandi.
A-Þjóðverjar
unnu
■ Austur Þjóðverjar sigruðu Grikki í
æfingaleik í Aþenu í gær með þremur
mörkum gegn engu. Kuhn skoraði tvö
mörk fyrir Austur Þjóðverja en Schultz
skoraöi eitt.
■ Þorgils Óttar Mathiesen er hér hreinlega, jarðaöur" af frönskum landsliðsmanni.
Verður sama uppi á teningnum hjá íslendingum á móti Dönum, sigur, eða verðum
við jarðaðir?
LEIKIÐ VIÐ DANI 28. 0G 29. DES.
— Leggjum við þá eða skella þeir okkur?
■ Danir munu keppa við Islendinga í
handknattleik 28. og 29. desember.
Þetta verða 35. og 36. leikur þjóðanna,
en fyrst léku þær árið 1950. Danir
sigruðu í fyrsta leiknum með 20 mörkum
gegn 6. Alls hafa Danir sigrað 25
sinnum, jafntefli hefur orðið 2 sinnum,
og íslendingar hafa sigrað 7 sinnum.
íslendingar sigruðu Dani fyrst árið 1968
í Laugardalshöll, með 15 mörkum gegn
10. Fyrsti sigur íslendinga á útivelli varð
síðan ekki fyrr en árið 1979 á Jótlandi.
Leikir þjóðanna sérstaklega hin síðari ár
hafa alltaf verið spennandi, og úrslitin
oft ráðist á síðustu sekúndunum. Það
hefur ætíð verið viss spenningur hjá
íslendingum að keppa við Dani og sigra
þá, hvort sem það er gömul nýlendu-
minnimáttarkennd eða eitthvað annað.
Þá er nokkuð sama í hvaða keppnisgrein
er Állir muna 14-2 tapið í knattspyrn-
unni um árið, og þeir hinir sömu m una
líklega úrslit síðasta landsleiks okkar við
Dani sem var í fyrra á Akranesi, en
hann fór 32-21 íslandi í hag.
Samband íslenskra samvinnufélaga er
helsta hjálparhella Handknattleiks-
sambands íslands varðandi leikina við
Dani. „Samböndin" tvö munu hjálpast
að við að gefa út leiksskrá, auglýsa í
dagblöðum og í Höllinni. Happdrætti
verður við innganginn, og munu áhorf-
endur fá sérstakan happdrættismiða af-
hentan við innganginn, og vinningur
verður mokkakápa, að sjálfsögðu frá
SÍS að verðmæti krónur 6600. Heiðurs-
gestur á leiknum verður Erlendur Ein-
arsson forstjóri SÍS.
Það sem er þó eftirtektarverðast við
landsleikina við Dani er það virðingar-
verða framtak HSÍ og SÍS að bjóða 30
félögunt íþróttafélags fatlaðra á leikinn,
og verða þeir aðstoðaðir af ungum
handknattleiksmönnum við að komast
inn og útog á sinn stað í Höllinni.
Lidin
■ Lið Dana í leikjununt gegn íslandi
verður skipað þessum leikmönnum:
MARKVERÐIR: landsleikir
Poul Sörensen, Röðövre HK 33
Karsten Holm NNFH 9
AÐRIR LEIKMENN:
Jens Erik Röepsdorff, Helsingör 35
Erik Veje Rasmussen, Helsingör 46
Keld Nielsen, Saga 16
Niels Möller, Helsingör 35
Morten Stig Christensen, Gladsax 99
Carsten Haurum, Dankersen 99
Hans Henrik Hattesen,
Virunt Sorgenfri 64
Jörgen Cluver Rödovre 17
Nils Erik Winther, Gladsaxe 15
MichaelKisbyeStröm,TesdeMayo 23
Palle Juul Jensen, Helsingör 11
Per Skaarup Gladsaxe, 78
íslenska liðið verður valið úr þessum
hópi; markverðir Kristján Sigmundsson,
Einar Þorvarðarson, Brynjar Kvaran.
Aðrir leikmenn: Bjarni Guðmundsson,
Steindór Gunnarsson, Ólafur Jónsson
(Víkingi), Sigurður Sveinsson, Alfreð
Gíslason, Páll Ólafsson, Kristján Ara-
son, Guðmundur Guðmundsson, Sig-
urður Gunnarsson, Þorgils Óttar
Mathiesen, Jóhannes Stefánsson, Gunn-
ar Gíslason, Haukur Geirmundsson,
Hans Guðmundsson, Andrés Kristjáns-
son.
Dómarar frá
V.-Þýskalandi
Dómarar í leik íslands og Danmerkur
28. og 29. desember næstkomandi verða
frá Vestur Þýskalandi, þeir heita Ernst
Dieter Haeger og Harald Buhrmeister.
„MIKKELSEN
MED HÖTANIR
— segir Hilmar Björnsson
■ „Leif Mikkelsen landsliðsþjálfari var
með hótanir í dönskum blöðum í gær“,
sagði Hilmar Bjömsson, er hann ilaug
frá Danmörku í gær tU íslands ásamt
íslensku landsliðsmönnunum á leið
þeirra frá Austur Þýskalandi. „Hann
sagði að þeir leikmenn sem ekki stæðu
sig í Islandsferðinni yrðu umsvifalaust
settir út úr liðnu. Hann hefur valið
ákveðinn hóp manna tU að leika við
Islendinga og síðan Pólverja eftir ára-
mót, og þeir sem ekki standa sig hér fá
ekki að leika gegn Póllandi. Vegna
þessa held ég að Danirnir komi alveg
„brjálaðir“ tU leiks“.
Vörnin og markvarslan brugðust í
Austur Þýskalandi, en það kom þó í ljós
að þessi atriði geta verið í lagi þegar vel
tekst til. Við vinnum markvisst að því
að bæta þessi atriði, en það er ekki til
nein skyndilausn á þessum vanda“, sagði
Hilmar. Hilmar sagði að það hefði
komið í ljós í Austur Þýskalandi að það
væri ekki bara það að margir léku ekki
vörnina rétt sem fór úrskeiðis fyrir
austan tjald. „Þessir austur þýsku jaxlar
eru hreint og beint svo sterkir að þeir
komast í gegn þess vegna, þegar þeir
leika einn gegn einum. Okkar strákar
eru flestir ungir og margir þeirra hafa
ekkert í svona tröll að gera“, sagði
Hilmar. „En það verður margt að bæta
í varnarleiknum engu að síður, og eins
verða menn að vera óhræddir við
andstæðingana og láta vaða.“
Andrés með?
Hilmar Björnsson var spurður hvort
Andrés Kristjánsson línumaðurinn
sterki sem leikur með GUIF í Svíþjóð
fengi tækifæri til að vera með gegn
Dönum. „Ég hef ekki haft samband við
hann ennþá en hann er inni í myndinni“,
sagði Hilmar.