Tíminn - 28.12.1982, Blaðsíða 13
ÞRIÐJUDAGUR 28. DESEMBER 1982
13
heimilistíminn
■ Það er hægt að stofna heila hljóm-
sveit án þess að kosta miklu fé til
hljóðfærakaupa. Efniviðurinn í þessi
hljóðfæri er nefnilega til á flestum
heimilum og aðeins þarf lipra fingur og
smáþolinmæði til að fullgera hljóðfærin.
Um hljómgæðin segjum við fátt, enda
hljóta þau að einhverju leyti að fara eftir
færni hljóðfæraleikaranna.
Slagverkið
Þetta virðulega slagverk er búið til úr
vírherðatré. Á slána eru hengdir mis-
munandi langir og stórir naglar, skrúfur,
boltar og rær, því stærri sem hlutirnir
eru, því betra. Veljið sterkan þráð, en
hafið spottana ekki það langa, að allt
fari í flækju, þegar þið hefjið hljóðfæra-
■ Slagverkið
■ Sítarinn
Trompetinn
Trommumar
Heimagerd hljómsveit
leikinn. Með því að prófa sig áfram með
stærðina á upphengjunum, er hægt að
koma sér upp réttum tónstiga. Síðan
leikið þið á hljóðfærið með því að slá í
hin mismunandi upphengi með t.d.
einum stórum nagla í viðbót.
Sítarinn
Efnið í sítarinn er pappakassi. Fyllið
hann með kryppluðum dagblöðum, það
styrkir hann, og límið hann síðan saman
með límpappír. Setjið nú teygjubönd
utan um kassann langsum. Fjöldi teygju-
bandanna fer eftir stærð kassans, en á
milli þeirra þurfa að vera 1,5-2 cm.
Brjótið stífan pappa í þríhyrnt rör, hver
hlið á að vera u.þ.b. 3.5 cm. Rörið þarf
að vera lítið eitt lengra en breidd
kassans. Stingið nú rörinu undir teygj-
urnar og rispið með nöglinni lítið
„stýringarhak" á hverja teygju. Þegar
rörið er stillt skáhallt, fá strengirnir
misjafna lengd og þar með meiri
fjölbreytni í tónavali. Því styttri og
strekktari sem strengurinn er, því hærri
verður tónninn. Nú getið þið hafið
hljóðfæraleikinn. Spilið á strengina ým-
ist fyrir ofan eða neðan papparörið,
annað hvort með fingrunum, eða smá
plastflögu, t.d. úr gamalli reglustiku.
Trompetinn
■ Þetta frumstæða blásturshljóðfæri er
gert úr 30-40 cm löngum pappahólk.
Bestir eru þeir, sem notaðir eru til að
pakka plakötum inn í. Gerið nú nokkur
göt á hlið hólksins með jöfnu millibili,
en ekki er hægt að byrgja fleiri en átta
göt í einu með fingrunum. Þetta er
einfaldast að gera með því að stinga
sívalri spítu inn í hólkinn og höggva
síöan götin með beittum, holum hníf,
en það má líka notast við beittan hníf.
Munið að gæta fyllstu varkárni. Skreytið
nú hljóðfærið með mislitum límpappír
og litum. Á hljóðfærið leikið þið svo
■ Hljómsveitin á æfingu
með því að blása kröftuglega í annan
enda þess og byrgið götin með fingur-
gómunum jafnframt, eftir því sem við á.
Tónarnir breytast eftir því, hversu mörg
af götunum eru byrgð. Einnig breytist
hljóðið ef haldið er fyrir opna endann.
Trommurnar
■ Litlar trommur má búa til úr tómum
niðursuðudósum (gætið þess vel, að
ekki. séu á þeim beittar brúnir) eða úr
plastfötum, skyrdollum o.s.frv. Þenjið
riú sterkan plastdúk yfir opið og festið
fast með stífri teygju eða límbandi.
Plastið getið þið t.d. klippt út úrsterkum
innkaupapoka. Einnig má notast við
þunnan en sterkan pappír. Þar sem þarf
að strekkja vel á „húðinni", er best að
tveir vinni verkið santan. Hafi verið
notaður pappír, er spilað á hann með
fingrunum, en ef „húðin“ er úr plasti, er
óhætt að notast við eilítið öflugri
ásláttartæki, svo sem t.d. bandprjóna,
en munið þá að beita þeim endanum,
sem hnúðurinn er á!
„Frostrósir”
á rúdunni
■ Það er gaman að sjá lifandi kertaljós-
in spegla sig í nýpússuðum rúðunum. En
sumum finnst glugginn enn fallcgri, ef
einhver skreyting er á rúðunum sjálfum,
enda eru gluggar í nútíma húsum hér á
landi oftast nær stórir og óskiptir, og
verka stundum hálfeyðilegir. „Frost-
rósirnar“hér á myndinni er einfalt að
gera, en þær lífga óneitanlega upp í
skammdeginu.
Takið pappírsörk og teiknið á hana
hringi, t.d. eftir glasabrún. Klippið þá
út og brjótið síðan saman þrisvar
sinnum. Nú getið þið klippt munstur
eftir hjartans lyst. Árangurinn kemur
svo í ljós, þegar þið flettið munstrinu
sundur. Síðan getið þið límt „frostrósirn-
ar" á rúðuna.
Veislukringlur
Blandið saman öllu efni í
deig I og látið það svo á
kaldan stað, þar sem það bíður
um stund.
I deig II er smjörið og
hveitið saxað sama'n með hníf,
út í er svo settur rjóminn og
vatnið og blandað fljótt saman.
Deigic er fiatt út og skipt í þrjá
hluta. Flatt út og hnoðað alls
þrisvar, og deigið látið bíða á
köldum stað á milli.
Nú er deigið (sitt í hvoru
lagijenn flatt út í langa köku,
18-20sm breiða og 2-3 mm
þykka. Leggið svo deigkökurnar
saman og þrýstið þeim saman
með kökukefli. Skerið nú deigið
í ca 1 sm breiða ræmur (þvert
yfir] snúið ræmurnar upp í
kringlur og penslið með eggi, og
dýfið þeim í möndlu og perlusyk-
ursblöndu. Bakið í 225 g C
heitum bakarofni. Kringlurnar
verða um það bil 35 úr þessum
skammti.
■ Þessar veislukringlur eru
gerðar úr 2 tegundum af
deigi. Þær eru ekki sætar kökur,
heldur stökkar og bragðgóðar.
Deig I. 100 g smjör eða
smjörlíki, 150 g. hveiti, 1/2 dl
sykur, 1/2 egg, hjartasalt á
hnífsoddi.
Deig II. 150 g. smjög eða
smjörlíki, 150 g hveiti, 1 1/2
matsk. rjómi, 1 l/2matsk. vatn.
Penslað og skreytt með:eggi,
hökkuðum möndlum og perlu-
sykri.
■ Ljúffengar veisiukringlur.