Tíminn - 14.07.1983, Blaðsíða 13
FIMMTUDAGUR 14. JÚLÍ1983
21
árnad heilla
Gullbrúðkaup
Ragnheiður Þorgeirsdóttir
og Hinrik Jóhannsson
Helgafelli
■ Hjónin á Helgafelli Ragnheiöur
Þorgeirsdóttir og Hinrik Jóhannsson
eiga 50 ára hjúskaparafmæli í dag 14.
júlí. Ragnheiður er fædd aö Helgafelli 5.
maí 1909, ein af sex systkinum, en
Hinrik að Innri-Drápuhlíð 16. febrúar
1905 og er hann yngstur ellefu systkina.
Foreldrar Ragnheiðar voru Ingibjörg
Björnsdóttir og Þorgeir Jónasson búend-
ur á Helgafelli. Á undan þeim bjuggu
þar foreldrar Þorgeirs, Jónas Sigurðsson
og Ástríður Þorsteinsdóttir.
Foreldrar Hinriks voru Jóhann
Magnússon og Ingibjörg Þorsteinsdóttir
Bergmann, sem voru búendur á Innri-
Drápuhlíð og Hofsstöðum. Ragnheiður
og Hinrik eru því bæði Helgfellingar.
Þau bundust tryggðarböndum á yngri
árum, sem dugað hafa vel. Ragnheiður
og Hinrik hófu búskap árið 1936 að
Helgafelli, fyrst í sambýli með foreldrum
Ragnheiðar, en síðan á allri jörðinni þar
til Hjörtur sonur þeirra og Kristrún kona
hans hófu þar búskap með stofnun
nýbýlis er þau nefndu Litla-Fell. Nú hafa
þau hjón látið af búskap fyrir fáum árum
og látið jörðina í hendur syni sínum og
tengdadóttur en hafa þó sína notalegu
íbúð heima á Helgafelli og hyggjast eyða
þar elliárunum. Með þessu hafa þau og
börn þeirra stuðlað að því að jörðin
héldist áfram í sömu ættinni og um leið
tryggt búsetu á henni. Sjálf njóta þau
þess að dvelja á þeim stað sem þeim er
kærastur.
Býlið Helgafell stendur í Þórsnesi
undir samnefndu felli og er staðarlegt
heim að líta. Helgafell er sögufrægt
höfuðból og þar var klaustur um aldir.
Margir merkir menn hafa setið á Helga-
felli svo sem sagan greinir. Ákveðin
helgi fylgir fellinu og m.a. þess vegna
koma margir þangað. Það er því alltaf
nokkur vandi og að vissu leyti kvöð að
sitja slíkan stað svo sómi sé að. Það hafa
þau hjón gert með prýði. Þau hafa hýst
og ræktað jörðina vel og gert hana að
glæsilegu býli, eins og þeir sjá sem þar
koma. Sama ættin, ætt Ragnheiðar hefur
búið á Helgafelli frá 1888 eða í 95 ár.
Þau hjón nutu ekki mikillar skóla-
göngu á yngri árum, en þó var Hinrik við
nám á Hvítárbakka í einn vetur og hafa
þau alltaf tekið mikinn þátt í félagslífi
sveitar sinnar, enda félagslynd. Störfuðu
þau bæði í ungmennafélaginu Helgafell
og áttu sinn þátt í góðu félagslífi, sem
nauðsynlegt er hverri sveit. Ragnheiður
mun t.d. hafa spilað á harmonikku á
þeim árum. Þá var hún lengi formaður
kvenféiags sveitarinnar. Hinrik hefur
gengt ýmsum trúnaðarstörfum m.a. setið
í hreppsnefnd um árabil. Hann hóf
fyrstur Helgfellinga að selja og flytja
mjólk að staðaldri til Stykkishólms og
flutti hana á hestum um 6 km leið. Síðar
fetuðu fleiri bændur í fótspor hans og
hófu mjólkursölu. Hinrik sá að þetta var
nauðsyn til þess að geta haft sæmilega
afkomu.
Ævistarf Ragnheiðar og Hinriks er
mikið og ekki alltaf verið „dans á
rósum“, stundum þurfti að vinna utan
heimilis og mikið var lagt að sér við
uppbyggingu á jörðinni, en fjölskyldan
var samhent. Fátækt frumbýlingsáranna
að baki, þau eignuðust höfuðbólið
Helgafell, byggðu það myndarlega upp
og létu það í hendur syni og tengdadótt-
ur.
Ragnheiður og Hinrik eiga sjö börn
og eru þau þessi: Auður gift Axel
Andréssyni, búsett í Stykkishólmi, Ingi-
björg Þorgerður gift Guðmundi Friðriks-
syni, búsett í Kópavogi, Birgir kvæntur
Fjólu Gísladóttur, búsett í Vík í Mýrdal,
Hjörtur Jóhann kvæntur Kristrúnu
Guðmundsdóttur, búendur á Helgafelli,
Gunnar á heimili að Helgafelli, Sjöfn
gift Jónatan Sigtryggssyni, búsett í
Stykkishólmi, Haraldur kvæntur Bryn-
dísi Sigurðardóttur, búsett í Reykjavík.
Auk barna sinna ólu þau upp dótturson
sinn Brynjar, sem búsettur er á Tálkna-
firði. Alls eru afkomendur þeirra hjóna
40 talsins. Allt er þetta manndómsfólk.
Helgafell er og hefur verið kirkjustað-
ur um langan tíma. Helgafellshjónin
hafa látið sér annt um kirkjuna og kom
í hlut þeirra að hafa umsjón með henni.
Hinrik var lengi í sóknarnefnd og með-
hjálpari svo lengi sem ég man. Fór
honum það starf einkar vel.
Það hefur alltaf verið siður húsráð-
enda á Helgafelli fyrr og síðar að bjóða
í kirkjukaffi að lokinni messugjörð. Þeir
sem þess hafa notið minnast margra
ánægjustunda undir kaffiborðum með
gleði og gestir fundu það svo vel að
húsbændunum var Ijúft að veita þann
beina. Hafi þeir þökk fyrir það.
Eins og fyrr er að vikið er ekki
vandalaust að sitja sögufrægt höfuðból
og auk þess kirkjustað, svo sómi sé að.
Fyrir fáum árum heiðraði Búnaðarsam-
band Snæfellinga húsráðendur á Helga-
felli fyrir prýðilegt staðarhald. Það var
m.a. viðurkenning til þeirra hjóna frá
héraðsbúum fyrir góðri umhyggju fyrir
staðnum. Sú viðurkenning var verðug.
Þessum orðum, sem hér hafa verið
sett á blað er fyrst og fremst ætlað að
vera þakklætisvottur til þeirra hjóna
fyrir verk sín og ánægjulega viðkynningu
á liðnum árum. Þau hafa sett sinn svip á
samtíðina og verið góðir fulltrúar sveitar
sinnar og héraðs.
Við hjónin sendum ykkur Ragnheiður
og Hinrik bestu hamingjuóskir í tilefni
gullbrúðkaups ykkar með ósk um góða
ókomna daga.
Leifur Kr. Jóhannesson.
mirming
Sigurður Guðgeirsson
■ ÞegarégvarblaðamaðurhjáTíman-
um fyrir hálfum fjórða áratug var Sigurð-
ur Guðgeirsson í námi í prentsmiðjunni
Eddu. Tíminn hafði þá skrifstofur sínar
í Edduhúsi svo að samskipti urðu marg-
vísleg milli blaðamanna og prentara
fleiri en þeirra sem beinlínis unnu við
blaðið.
Sigurður Guðgeirsson var geðþekkur
unglingur og með okkur tókst góður
kunningsskapursem þróaðist í vinfengi.
Svo liðu áratugir án þess að fundum
bæri saman. En þegar ég var svo sestur
að hér syðra aftur á síðustu árum lágu:
leiðir okkar Sigurðar saman í félagsskap
templara. Þá var aftur byggt á gömlum
grunni.
Sigurður hafði flest það til að bera sem
gerir fólk að ákjósanlegum félags-
mönnum. Hann hafði ágæta greind og
rólega lund, góðviljaður og hófsamur,
umburðarlyndur í hófi en ákveðinn í
skoðunum og mjög vel fallinn til að vera
mannasættir. Naut þess þar að hann bjó
að þjálfun ærinnar reynslu í félagsmál-
um.
Það var gaman að vera á fundi í
stúkunni Víking þar sem Sigurður
stjómaði, en þar var hann æðsti templar.
Fundarstjórn hans var föst og örugg en
þó svo lipur og frjálsleg að allt virtist
þetta koma af sjálfu sér án allrar fyrir-
hafnar.
Persónulega varð mér það mikil
ánægja þegar Sigurður Guðgeirsson
gerðist ritari Þingstúku Reykjavíkurvor-
ið 1981. Það var góð lausn og enginn
varð fyrir vonbrigðum af því. Miklar
vonir voru bundnar við það að njóta
hans í svo mikilvægu starfi fyrir bindind-
ishreyfinguna. Víst var það gott meðan
þess naut en nú er söknuðurinn og
treginn því meiri.
Sigurður var fæddur 30. maí 1926 og
því aðeins 57 ára er hann lést 6. þ.m.
Hann var fæddur í Reykjavík, sonur
Guðgeirs Jónssonar bókbindara og
Guðrúnar Sigurðardóttur konu hans.
Ekki þarf að eyða orðum að þeim
söknuði sem það vekur innan heimilis og
fjölskyldu þegar menn falla frá með svo
sviplegum og ótímabærum hætti sem nú
hefur orðið. En ég vildi að fram kæmi að
bindindishreyfingin veit um skaða sinn
jafnframt því sem hún þakkar það sem
að baki er. Og þó að sárt sé að missa
góðan félaga ber okkur þó fyrst og
fremst að þakka gengna samfylgd og
gleðjast við það sem við fengum að
njóta. H.Kr.
in Bllaleiga lu Carrental •
Dugguvogi 23. Sími 82770
Opið 10.00-22.00. Sunnud. 10.00-20.00 Sími eftir lokun: 84274 - 53628
Leigjum út ýmsar Þvoið, bónið og
gerðir fólksbíla. gerið við bílana
Sækjum og sendum ykkar í björtu og rúmgóðu húsnæði.
OPIÐ ALLAN SOLARHRINGINN
Athygli söluskattsgreiðenda skal vakin á því, að gjalddagi söluskatts
fyrir júnímánuð er 15. júlí. Ber þá að skila skattinum til innheimtu-
manna ríkissjóðs ásamt söluskattsskýrslu í þríriti.
Fjármálaráðuneytið 8. júlí 1983.
Slmi 44566
RAFLAGNIR
ÖLL ALMENN PRENTUN
LITPRENTUN
TÖLVUEYÐUBLÖÐ
• Hönnun
• Setning
• Filmu- og plötugerð
• Prentun
• Bókband
PRENTSMIÐJAN
Cl HF.
SMIÐJUVEGI 3, 200 KÓPAVOGUR
SÍMI 45000
VERKANNA
VEGNA
ORION
Simi 22123 Postholf 1444 Trvqqv.igotu Reykjavik