Tíminn - 22.05.1983, Page 26

SUNNUDAGUR 22. MAÍ1983
26
■ Foringi undirheimanna - Jabba - ráðfærir sig við einn af ráðgjöfum sínum.
Þriðja Stjörnustríðsmyndin
frumsýnd í Bandaríkjunum á
miðvikudaginn:
Ofreskjan ógurlega sem Jabba geymir í kjallaranum og fæðir á óvinum sínum.
Eitt af heimilisdýrum Jabba, ófrýnilegt eins og hann sjálfur.
JEDINN SNYR AFTUR!
■ Þau eru aftur að koma Luke, Leia, Han Solo,
Chewbacca, See-Threepio (C-3PO) og Artoo-De-
too (R2-D2) ásamt fjölda nýrra sköpunarverka
George Lucasar. Þriðja Stjörnustríðsmyndin, „Ret-
urn of the Jedi“ - eða „Jedinn snýr aftur“ - verður
frumsýnd í Bandaríkjunum á miðvikudaginn, og
því er spáð, að hún verði ein af vinsælustu
kvikmyndum Bandaríkjanna eins og tvær fyrri
stjömustríðsmyndirnar.
Fyrsta myndin - Stjörnustríð - sem
var frumsýnd árið 1977, hefur ekki
aðeins náð inn 524 milljónum banda-
rískra dala í aðgangseyri, heldur kallaði
á flóð kvikmynda um skyld efni.
Stjörnustríðsmynd númer tvö - „The
Empire Strikes Back“ - kom árið 1980
,og hefur halað inn 365 milljónir dala. Og
núna kemur þriðja myndin, sem um leið
setur endapunktinn á þennan kafla í
stjörnustríðssögu Lucasar. Steven Spiel-
berg, sem er náinn samverkamaður
Lucasar, segir að þessi þriðja mynd sé
þeirra best og muni án efa verða enn
vinsælli en fyrirrennararnir - þótt það sé
vissulega erfitt, þar sem „Stjörnustríð"
var sú mynd, sem gaf mest af sér í sögu
bandarískra kvikmynda þar til „E.T.“
Spielbergs sló það met. „Stjörnustríð"
er nú í öðru sæti og „The Empire Strikes
Back“ í þriðja.
Fjöldi nýrra vera
í nýju kvikmyndinni, sem frumsýnd
verður eins og áður segir í Bandaríkjun-
um á miðvikudag, birtast allar gömlu
söguhetjurnar, en jafnframt margar nýj-
ar og þá yfirleitt af óhugnanlegra taginu.
Þarna eru auðvitað aðalsöguhetjurnar,
Luke Skywalker, Leia Prinsessa og
ævintýramaðurinn Han Solo, sem reynd-
ar var orðinn. að ísklump í annarri
myndinni. Sá loðni Chewbacca er líka á
sínum stað, vélmennin tvö C-3PO og
R2-D2 einnig, og sömuleiðis höfuðand-
stæðingurinn - Darth Vader eða Svart-
höfði.
En fjölmargar nýjar verur koma til
skjalanna. Þar má nefna risastóra og
óhugnanlega veru, sem Jabba heitir - en
Jabba er höfuðpaur undirheimanna og
hefur safnað í kringum sig ýmsum ferleg-
ustu skrímslum heimsins. Eiga mörg
þeirra vafalaust eftir að örva hjartslátt
bíógesta, þar á meðal ófreskja ein mikil,
sem Jabba geymir í kjallaranum hjá sér
og notar til þess að ganga frá óvinum
sínum.
Söguþráöurinn
Hver er svo söguþráður þessarar
þriðju stjörnustríðsmyndar?
■ Hinn illi keisari í eigin persónu -
yfirmaður Darth Vader.