Tíminn - 24.05.1986, Blaðsíða 8

8 Tíminn
Laugardagur 24. maí 1986
FJÓRÐUNGSSJÚKR AHÚSIÐ
Á AKUREYRI
Lausar stöður:
Deildarstjóri á fæðingadeild. Ljósmóður- og
hjúkrunarmenntun er áskilin. Staðan er laus frá 1.
ágúst 1986.
Umsóknarfrestur er til 15. júní n.k.
Fræðslustjóri. Staðan er laus frá 1. september
1986.
Usmóknarfrestur er til 1. júlí n.k.
Hjúkrunarfræðingar. Lausar stöður nú þegar til
lengri eða skemmri tíma á flestar deildir sjúkra-
hússins.
Upplýsingar veitir hjúkrunarforstjóri í síma 96-
22100.
Sjúkraþjálfari. Staðan er laus nú þegar. Umsókn-
arfrestur er til 1. júní. Upplýsingar veitir yfir-
sjúkraþjálfari í síma 96-22100.
Fjórðungssjúkrahúsið á Akureyri.
Ba Gagnfræðaskólinn
í Mosfellssveit
Kennarar óskast næsta skólaár: Kennslugreinar
íslenska, stærðfræði, danska, raungreinar, enn-
fremur til hjálparkennslu og bókasafnsstarfa.
Möguleikar eru á leikskóla/dagheimilisvist á barna-
heimilum sveitarinnar. Leiguíbúðir verða útvegað-
ar á viðráðanlegum kjörum. Greiddur verður
flutningsstyrkur kr. 15.000 fyrir kennara sem flytjast
að um lengri veg. Forsenda fyrir ofangreindu er að
viðkomandi hafi full kennararéttindi og skrái
lögheimili sitt í Mosfellshreppi. Upplýsingar gefa:
Gylfi Pálsson skólastjóri - sími 666586 - 666153.
Einar Georg Einarsson yfirkennari - sími 666186
Helga A. Richter formaður skólanefndar - sími
666718.
Garðprófastur
Félagsstofnun stúdenta auglýsir lausa stöðu Garð-
prófasts á Nýja Garði frá 1. júní nk. Um er að ræða
ólaunað starf, en því fylgir frítt húsnæði og sími.
Nánari upplýsingar fást á skrifstofu F.S. við
Hringbraut, s. 16482.
Umsóknum sé skilað til F.S. fyrir kl. 17 þriðjud.
27. maí nk.
Félagsstofnun stúdenta
Kennarar - kennarar
Kennara vantar að Grunnskóla Fáskrúðsfjarðar
næsta skólaár, meðal kennslugreina:
Kennsla yngri bekkjadeilda - eðlisfræði - líffræði
- myndmennt - handmennt pilta og stúlkna og
margt fleira.
Nýlegt rúmgott skólahúsnæði, nýlegar íbúðir á
mjög lágu verði rétt hjá skólanum, flutningsdiskur.
Upplýsingar gefur skólastjóri í síma 97-5159.
Skólanefnd - skólastjóri.
i Þjónustuíbúðir aldraðra
Dalbraut 27
Sýning á munum sem unnir eru í félags- og
tómstundastarfi heimilisins og dagvistunarinnar-
innar kl. 13.30 til 17.00 laugardaginn 24. og
sunnudaginn 25. maí.
BENEDIKT ÁRNASON: „Ég er Framari og hef
fylgst með öllum þeirra leikjum" (Tímamynd-Péiur)
AUÐUR FREYJA: Hún stefnir nú aö námi í annað
hvort stærðfræði eða verkfræði. (Tímamynd-Pétur)
Þau „dúxudu“
Þegar Mcnntaskólanum við Sund var slitið sl. fimmtudag í Háskólabíói kom það i Ijós að ung kona, Auður Freyja
Kjartansdóttir af eðlisfræðibraut og samstúdent hennar Benedikt Árnason af hagfræðibraut höfðu hlotið hæstar
einkunnir yfir skólann, eða einkunnina 9,4, sem er frábær námsárangur. Alls útskrifaðist 161 stúdent frá skólanum
nú. Við tókum þau Auði Freyju og Benedikt tali rétt eftir að athöfninni var lokið.
„Sagan og
íslenskan mín
uppáhaldsfög“
- segir Benedikt Árnason, sem stefnir
að hagfræðinámi
Benedikt Árnason er Reykvíkingur, sonur þeirra
hjóna Árna Benediktssonar framkvæmdastjóra og
Bjargar Bogadóttur. Hann lauk stúdentsprófinu með
sama glæsilega námsárangrinum og Auðui Freyja frá
M. S,. Hann segir okkur brosandi að hann hafi alltaf
verið í sama skólanum, því gamli Vogaskólinn, þar
sem hann var í barna og unglingaskóla er áfastur
Menntaskólanum við Sund.
„Það verður mikil breyting að yfirgefa svæðið og
fara í háskólann," segir hann. Hann útskrifaðist af
hagfræðibraut og það kemur okkur nokkuð á óvart að
uppáhaldsnámsgreinar hans eru ekki stærðfræðileg
fög, heldur íslenska og saga.
„Þessi fög eru kennd jafn marga tíma í öllum
námsbrautunum og af þeim hef ég haft mest gaman.
Ég er enginn sérstakur raungreinamaður og ekki neinn
sérstakur málamaður. Þessi svonefndu „kjaftafög,"
eins og við köllum þau hafa átt best við mig.
„En ég er alveg ákveðinn í að leggja fyrir mig nám
í hagfræði, það er pottþétt," segir hann. „Ég veit ekki
með vissu hvort ég fer í viðskiptafræðideildina hér, því
hún er orðin svo fjölmenn. En aftur á móti er mér sagt
að kennslan þar hafi batnað mikið á undanförnum
árum, svo vel kann að vera að leiðin liggi þangað í
haust. En líka er ég að hugsa um nám í hagfræði í
Þýskalandi."
En hvað um áhugamálin?
„Ég hef alltaf haft gaman af íþróttum, öllum
íþróttum, en samt helst fótbolta og leikið talsvert. Ég
er Frammari og hef fylgst með öllum þeirra leikjum,
þótt ég sé hættur að æfa núna.
Eins hef ég haft gaman af gítarleik og lærði í fjögur
ár á gítar, cn það er eins með það og fótboltann að ég
hef lagt reglubundið gítarnám á hilluna aá sinni.
Auk þessa held ég að ég nefni svo félagslífið í
skólanunr sem er mikið og ég hef talsvert stundað,
m.a. stjórnað bóksölunni. Og loks er það allt þetta
sem er að gerast í kring um mann úti í þjóðfélaginu.
Það býður upp á ekki svo fá viðfangsefni fyrir athygli
manns og áhuga."
Við þökkum Benedikt fyrir spjallið og óskum
honum og stöllu hans Auði gifturíkrar framtíðar.
Margfaldur dúx
og kennir dans
í tómstundum
Spjallaö við Auöi Freyju Kjartansdóttur
Auður Freyja Kjartansdóttir er dóttir þeirra Kjart-
ans P. Kjartanssonar, framkvæmdastjóra, og Sigríðar
Nikulásdóttur og við biðjum hana í byrjun að segja
okkur dálítið af námsferli sínum.
„Ég fór þriggja ára gömul til Englands," segir hún,
og var í skóla þar, en kom heim á ný ellefu ára og
settist þá í Langholtsskólann.
Ég hef alltaf haft ákaflega gaman af stærðfræði og
þegar að því kom að velja sér braut í menntaskólanum
varð eðlisfræðibrautin fyrir valinu því þar er stærð-
fræðikennslan mest. Já, það er rétt ég hef alltaf verið
með háar einkunnir í stærðfræði, þetta 9-10. í vetur
hef ég einkum fengist við algebru, en líka kynnst
rökfræði nokkuð, en þetta eru skyldar greinar, þótt
erfitt sé að segja hvor sé meiri grundvallargrein.
Já, ég held að ég verði að segja að ég hef talsvert
haft fyrir náminu, þótt það sé misjafnt hve langur tími
fer í heimanámið daglega, en það getur orðið allt að
fjórir tímar. Þar með er ekki sagt að maður hugsi ekki
um neitt annað.
Aðaltómstundastarfið. Það er örugglega dans, en ég
hef verið aðstoðarkennari við Nýja dansskólann um
nokkurt skeið, en systir mín, Gerður Harpa er þar
kennari. Ég fékk áhuga á dansi í Englandi, en gerði
svo hlé þegar heim kom því mér fannst ég ekki finna
neitt við mitt hæfi. Ég tók svo þráðinn upp á ný þegar
Harpa fór að kenna. Svo var ég líka nokkuð í blaki,
en er hætt því núna.
Ég er ekki enn alveg ráðin í hvað ég mun leggja
stund á í háskóla, á eftir að skoða kennsluskrána
betur. En áhuginn beinist mest að stærðfræði og
verkfræði."
Við þökkum Auði Freyju fyrir spjallið og viljum
geta þess að þetta er í þriðja sinn sem hún er efst yfir
allan skólann. { fyrra var annar nemandi ögn efri, en
hún varð efst í eðlisfræðibrautinni þá eftir sem áður.
Ein besta vinkona hennar, Anna Sigurðardóttir varð
svo semi-dúx!
LATTU
1 1 u
líniaiin
EKKI FLJÚGA FRÁ PÉR
ÁSKRIFTARSÍMI 686300