Tíminn - 24.05.1986, Blaðsíða 11
Laugardagur 24. maí 1986
Tíminn 11
Holræsaframkvæmdir við Fífuhvammsveg.
íþróttahúsið Digranes.
Sundlaugin á Rútstúni, þar sem nú er einnig unnið að framkvæmdum við nýja
laug.
Gatnakerfið
- Og svo er eitthvað um gatna-
gerðarframkvæmdir hér í bæ að
segja geri ég ráð fyrir?
- Já, Kópavogur hefur þá sér-
stöðu að landræðilega skoðað er
hann langur og mjór og brattlendur,
og þar af leiðandi verður gatnakerfið
hér dýrt. Það eru hérna rúmlega
fimmtíu og tveir kílómetrar í götum.
Það hefur sennilega ekkert sveitar-
félag á íslandi byggst jafn ört upp og
Kópavogur og það gefur auga leið
að ekki var hægt að ganga frá öllum
götum jafnóðum og hús risu hérna.
Staðan í dag er sú að það eru hérna
30 kílómetrar af undirbyggðum göt-
um með slitlagi. Þetta hefur verið að
breytast verulega, og núna um nokk-
uð langan tíma hefur það verið
ríkjandi stefna hér að ganga varan-
lega frá öllum götum í nýjum
hverfum. Þannig erum við búnir
núna á þessu kjörtímabili að ganga
alveg frá öllum götum í hverfunum
fyrir norðan Nýbýlaveg og höfum
lokið þar malbikun, frágangi gang-
stétta, lýsingu og fleiru. Það sem er
óundirbyggt hjá okkur og án slitlags
er núna um það bil fjórir kílómetrar
og síðan erum við með nítján kíló-
metra óundirbyggða en með slitlagi.
Það þurfum við að rífa upp og það
er þrautin þyngri því að þá þurfum
við væntanlega líka að endurnýja
meginhlutann af veitukerfinu, skolp-
lagnir, vatnslagnir og slíkt. Þetta er
náttúrlega feikilega mikið verkefni
og margir sam kalla eftir þessu, og
við höfum verið að reyna að saxa á
þessar gömlu malargötur eftir bestu
getu, en þetta er mjög fjárfrekt
fyrirtæki.
Félagslega hliðin
- Ef við víkjum í lokin að félags-
málunum, hvað er helst um þau að
segja?
- Þar má ég kannski geta þess að
ég var ráðinn hingað árið 1971, að
stofnun, sem þá var ekki enn orðin
að veruleika en var í burðarliðnum
og var Félagsmálastofnunin, svo að
það er þáttur sem ég ætti kannski að
þekkja nokkuð sæmilega. Fyrsta
barnaheimilið í bænum var reist
1964, og síðan fór þetta að vísu hægt
af stað, en á liðnum árum hefur
þetta verið mjög hröð uppbygging,
enda hafa líka orðið geysimiklar
breytingar á högum heimilanna, það
er að segja að konur hafa farið svo
mikið út á vinnumarkaðinn. Og við
vorum að opna tíunda barnaheimilið
núna fyrir rúmri viku, hér niðri við
Marbakka. Á þessu kjörtímabili til
dæmis erum við búnir að taka í
notkun þrjú heimili. Þetta eru
heimili að mestu leyti fyrir börn á
aldrinum tveggja til sex ára, en við
erum líka með tvö skóladagheimili
sem eru fyrir börn allt að níu ára
aldri. Þetta hefur verið mjög gleðileg
uppbygging, og við höfum líka verið
heppnir með það hvað það hefur
valist gott fólk þarna til starfa. Við
erum með hátt hlutfall fóstra til
dæmis, og við höfum haft dálítið
annað fyrirkomulag en tíðkast víðast
annars staðar, við erum með þrjá
starfsmenn á deild og fleira mætti
nefna.
- Þá höfum við reynt að efla mjög
heimilishjálp hérna í bæjarfélaginu,
segir Kristján ennfremur, - einkum
til aldraðra, og það er raunar í takt
við það sem ég sagði áðan að
öldruðum hefur fjölgað hér mjög.
Núna á tíu árum hefur fjöldi þeirra
nánast tvöfaldast og einn þátturinn í
að mæta þessari breytingu og reyna
að stuðla að því að fólk geti búið
heima er að efla heimilishjálpina.
Eitt af því, sem við höfum farið af
stað með á þessu kjörtímabili, er að
byggja sérhannaðar íbúðir fyrir aldr-
að fólk.og fyrstu húsin af því tagi
eru nú að rísa hérna í Vogatungunni.
Á því svæði, sem erum 2,2 hektarar,
ætlum við að reisa 59 íbúðir fyrir
aldrað fólk, sem verða ýmist leigu-
íbúðir eða eignaríbúðir.
- Er ekkert elliheimili í Kópa-
vogi?
- Hér er hjúkrunarheimili, sem
nefnt er Sunnuhlíð og hefur dálítið
sérstæða sögu að því leyti að það eru
níu klúbbar hérna í bæjarfélaginu
sem byggðu það og eiga það en
annars er það rekið sem sjálfseignar-
stofnun og er hjúkrunarheimili fyrir
aldraða. Svo á Öryrkjabandalag ís-
lands hérna hús sem við erum í
samvinnu við þá með og þar er 41
íbúð, ætluð öldruðum og öryrkjum
og er hérna á miðbæjarsvæðinu. Þá er
það í burðarliðnum hjá okkur að
koma hér upp sambýli fyrir aldraða,
það er að segja að þar er meiningin
að fólk, sem ekki þarf mikillar
hjúkrunar við, en þó meiri heldur en
heimilishjálpin getur boðið, að það
geti búið þar og notið eftirlits ailan
sólarhringinn. Þessu erum við nú að
koma af stað og það er eiginlega það
nýjasta sem verið erum að reyna
fyrir okkur í öldrunarmálunum.
Eins og kunnugir vita byggðist
Kópavogur í fyrstu mest upp af ungu
og dugmiklu fólki, sem kannski
hafði ekki mikið handa á milli, en
harkaði af sér erfiðar aðstæður frum-
býlingsáranna og vann hörðum
höndum við það að skapa sér heimili
í eigin húsnæði. Við slíkar aðstæður
hlaut það að koma af sjálfu sér að
menn hjálpuðust að og rík samhjálp-
arkennd myndaðist f bæjarfélaginu.
í lokin á samtali okkar lagði Kristján
Guðmundsson áherslu á það að sér
virtist að þessi samhjálpartilhneiging
hjá mönnum væri enn þann dag í dag
verulega sterk og ríkjandi í Kópa-
vogi. Hann benti sérstaklega á
hjúkrunarheimilið Sunnuhlíð í því
sambandi og þá víðtæku samstöðu
sem skapaðist í bænum í kringum
byggingu þess.
Tíminn þakkar Kristjáni Guð-
mundssyni bæjarstjóra í Kópavogi
fyrir samtalið.
-esig
SAMVINNU
TRYGGINGAR
ÁRMÚLA 3 108 REYKJAVÍK SÍMI (91)681411
Útboð
Tilboð óskast í eftirtaldar bifreiðir sem skemmst
hafa í umferðaróhöppum.
Lada Lux
Fiat 127
Lada 1600
Dodge Ramcharger
Galant
Ford Cortina
Toyota Carina
Volvo F 616 vörubifreið
Tjaldvagn Combi Camp 200
Motorar í Mazda 323 ’85 og Honda Quintet ’81 o.fl.
Bifreiðirnar verða sýndar að Höfðabakka 9, mánu-
daginn 26. maí 1986 kl. 12.00-16.00.
Á sama tíma:
í Grundarfirði
Lada Lux árgerð 1984
Tilboðum sé skilað til Samvinnutrygginga, Ármúla
3, Reykjavík eða umboðsmanna fyrir kl. 12.00,
þriðjudaginn 27. maí 1986 kl. 12.00.
árgerð 1984
árgerð 1982
árgerð 1981
árgerð 1979
árgerð 1979
árgerð 1976
árgerð 1976
árgerð 1981
tækniskóli
íslands
Umsóknarfrestur um skólavist 1986/87 rennur
út 31. maí 1986. Með fyrirvara um aðstöðu og
fjárveitingar er eftirfarandi starfsemi áætluð:
- FRUMGREINADEILD (undirbúnings- og raun-
greinadeild). Almennt nám þar sem iðnsveinar
ganga fyrir við innritun.
- BYGGINGADEILD
Námsbraut með námsstigunum iðnfræðingur
og tæknifræðingur.
- RAFMAGNSDEILD
Námsbrautir annars vegar til iðnfræðiprófs í
sterkstraumi eða veikstraumi og hins vegar
fyrsta ár af þrem til tæknifræðiprófs.
- VÉLADEILD
Námsbrautir annars vegar til iðnfræðiprófs og
hins vegar fyrsta ár af þrem til tæknifræðiprófs.
- REKSTRARDEILD
Námsbrautir í útvegi og í iðnrekstri.
- HEILBRIGÐISDEILD “
Námsbrautir í meinatækni og röntgentækni.
Upplýsingar um allar námsbrautir eru gefnar
daglega á skrifstofu skólans og í síma
91 84933.
Tækniskóli íslands
Höfðabakka 9
112 Reykjavík.
Rektor.
Útboð
Innkaupastofnun Reykjavíkurborgar fyrir hönd
byggingadeildar óskar eftir tilboðum í gerð lóðar
við dagheimilið Furuborg á lóð Borgarspítalans.
Útboðsgögn eru afhent á skrifstofu vorri Fríkirkju-
vegi 3, Reykjavík, gegn kr. 5.000 skilatryggingu.
Tilboðin verða opnuð á sama stað, fimmtudaginn
29. maí nk kl. 14.00 eftir hádegi.
INNKAUPASTOFNUN REYKJAVlKURBORGAR
Fr(kirkjuv«gi 3 — Simi 2S800