Tíminn - 05.07.1986, Blaðsíða 1

FLAUTA Almannavarna ríkisins í
Sólheimum 25 fór í gang um hádegisbilið
í gær. Flautan fór í gang vegna bilunar
sem trúlega má rekia til jarðstrengs en
ekki var búið að staðfesta orsök bilunar-
innar seinnipartinn í gær. Hljóðmerkið
sem flautan gaf frá sér táknar stafinn O,
og því var ekki um nein þau viðvörunar-
merki að ræða sem notuð eru á hættutím-
um.
ALBERT Guðmundsson iðnaðar-
ráðherra ræsti í gær eima Sjóefnavinnsl-
unnar hf.á Reykjanesi. í frétt frá Sjóefna-
vinnslunni segir að ræsing eimanna sé
táknræn fyrir þær breytingar sem fyrirtæk-
ið hefur að undanförnu gengið í gegnum,
en þær eru að undirbúa framleiðslu á
kolsýru og kísl, ásamt núverandi saltfram-
leiðslu.
FRISKLEG bók um Reykjavík, „A
fresh portrait of lceland’s capital" er
komin út á vegum lceland Review. Bókin
er eftir Pál Stefánsson og prýða hana
fjöldinn allur af litmyndum sem teknar eru
í Reykjavík.
TIVOLI í Kaupmannahöfn fær ís-
lenska gesti í heimsókn þann 16. júlí. Það
er Lúðrasveit verkalýðsins sem verður
þar kl. 17.00. Lúðrasveitin mun koma
þangað eftir hljómleikaferð til Austur-
Þýskalands sem hefst á morgun og
stendur í 9 daga í Rostock-héraði. Lúðra-
sveitin mun halda þar 10 tónleika.
NEYTENDASAMTÖKIN
hafa sent landbúnaðarráðherra áskorun
um að leggja niður án tafar 50% jöfnunar-
gjald á innfluttar kartöflur, vegna þess að
gjaldi^ komi til með að hækka vöruverð til
neytenda, og hækkun lánskjaravísitölu-
þrátt fyrir yfirlýsingar ráðuneytisins um
annað. Neytendasamtökin segja það jafn-
framt skoðun sína að vafamál sé að svo
víðtækt framsal og hér um ræði á skatt-
heimtu til framkvæmdarvaldsins, standist
gagnvart stjórnarskránni.
GRILLVEISLA var haldin í Vest-
mannaeyjum í gær. Það voru 30 börn af
barnaheimilunum Kirkjugerði og Sóla
sem komu saman í sól og steikjandi hita
og héldu veislu mikla undir berum himni.
UMFERÐ í nágrenni hestamanna-
mótsins á Hellu hefur gengið mjög vel það
sem af er að sögn lögreglu. Einn árekstur
varð þó í gær þegar bíll stoppaði mjög
snögglega hjá hestamönnum nálægt
Landveqamótum. Annar bíll sem á eftir
kom náoi ekki að bremsa og skall aftan á
þeim sem stoppaði og skemmdir á bílum
urðu mjög miklar en engin slys á fólki.
SKÁLHOLTSTÓNLEIKAR
verða haldnir í dag og á morgun. í dag kl.
15.00 verða flutt verk fyrir flautu og fiðlu
eftir Sebastian Bach. Manuela Wieslerog
Einar Grétar Sveinbjörnsson leika. Tón-
leikarnir verða síðan endurteknir kl. 17.00
oq einnig á morqun kl. 15.00. Kl. 17.00 er
messa i Skálhóltskirkju. Ferðir verða frá
Umferðarmiðstöðinni í Reykjavík báöa
dagana kl. 13.00 og til baka frá Skálholti
kl. 18.15.
Utsýn hefur til sölu aðgöngumiða að
heimsmeistaraeinvíginu í skák milli Kasp-
arovs og Karpovs í Park Lane hótelinu í
London dagana 28. júlí til 31. ágúst.
Ferðaskrifstofan býður upp á ódýrar helg-
ar - og viku ferðir til að fylgjast með
einvíginu, og er innifalið í pakkanum hótel
með morgunverði, flug, hálfs dags kynnis-
ferð um London og frátekið sæti þá daga
sem teflt verður.
KRUMMI
„Ég býst ekki við
að Hafskip hafi
unnið í BJ happ-
drættinu!"
Þórshöfn:
Tvífrystar afurðir í
neytendakönnun vestra
„í febrúar voru heilfryst um
borð í togaranum um tvö tonn af
þorski og svo þíddum við þetta upp
nú í júní og unnum það. Afurðirn-
ar hafa síðan verið sendar til
Bandaríkjanna þar sem þær verða
neysluprófaðar og við bíðum eftir
því að sjá hvernig það fer,“ sagði
Jóhann Á. Jónsson framkvæmda-
stjóri frystihúss Þórshafnar í sam-
tali við Tímann í gær.
Á Þórshöfn hefur farið fram
tilraun með tvífrystingu á þorski,
en sú vinnsluaðferð hefur verið
nokkuð stunduð í nágrannalönd-
um okkar þó hún hafi ekki rutt sér
til rúms hér á íslandi í bolfisk-
vinnslu. Helsti kostur tvífrystingar
er að hún gefur möguleika á að
stjórna vinnslunni mun betur en
áður með því að draga úr sveiflu-
kenndu hráefnisframboði. Þegar
lítið berst af hráefni má grípa til
frosinna birgða og þegar of mikið
berst má setja það í frost.
Jóhann A. Jónsson sagði að í
febrúar, þegar fiskurinn sem nú
hefur verið þíddur upp og unninn
var heilfrystur, hafi til samanburð-
ar verið könnuð nýting, gæði, o.fl.
fisks úr sama túr sem unninn var
með venjulegum hætti.
Vegna þessarar tilraunar á Þórs-
höfn hefur verið komið upp í
frystihúsinu sérstökum afþíði-
klefa, sem eftir því sem næst verður
komist er sá eini sinnar tegundar á
landinu og byggir á því að rakamettað
hlýtt loft streymir um klefann.
Tvffrystingartilraunir þessar eru
gerðar í samvinnu við Sjávarafurða-
deild Sambandsins og eru hluti af
víðtækara verkefni sem bæði Sam-
bandið og Sölumiðstöðin eiga aðild
að, en umtalsverð rannsóknar- og
undirbúningsvinna á tvífrystingu á
íslandi hefur verið unnin á Rann-
sóknarstofnun fiskiðnaðarins.
Jóhann sagði að í fyrrasumar
hafi þeir gert tilraun með heilfryst-
ingu á kola þar sem mikið hafi
verið að gera þá, og síðan þítt hann
upp í vatni í vetur og unnið. „Það
gekk mjög vel og gott að grípa í
hann þegar það komu tímar, hvort
sem það var dagur eða vika, sem
lítið var að gera.“ -BG
Margrét Danadrottning og Henrik prins komu í óopinbera heimsókn til Islands í gær og munu þau
dveljast hér fram á mánudag. I dag fara þau til Vestmannaeyja, í Skaftafell og til Egilsstaða, en á morgun
sunnudag til Borgarfjarðar eystri og þaðan til Reykjavíkur. Á myndinni má sjá þegar Vigdís
Finnbogadóttir forseti tók á móti hinum tignu gestum á Reykjavíkurflugvelli í gær.
Pólskt hafrannsóknarskip:
Tveir menn
mættu ekki
við brottför
„Viökvæmt mál“
segir lögreglan
Lögreglan í Reykjavík hefur nú
til meðferðar mál tveggja Pólverja,
sem struku af pólsku hafrannsókn-
arskipi á meðan það dvaldist í
Reykjavíkurhöfn.
Vélstjóri og háseti, sem fóru frá
borði skipsins, á mánudag, skiluðu
sér ekki á réttum tíma síðastliðinn
mánudag og sigldi skipið án þeirra.
Skipið heitir Professor Siedlecki.
Útlendingaeftirlitið í Reykjavík
varðist í gær allra frétta af málinu
og sagði það vera á mjög viðkvæmu
stigi. Öllum spurningum var vísað
á bug vegna þess hversu viðkvæmt
málið er. Þó fékkst vitneskja um það
að vitað er um íverustað mannanna
tveggja. Þegar Tíminn fór í prent-
un í gær var ekki búið að leysa
málið, en vonuðust menn til að jíað
gæti gerst fljótlega.
- ES
BJ fékk 20.000 kr. í happdrættismiðum:
„Ekki sambærilegt við
stórgjafir ráðherrans“
- segir Guðmundur Einarsson
„Eg setti í gang bókhaldsathug-
un hjá okkur sem náði aftur í
tímann, vegna þess að engar frek-
ari skýringar fengust á hálfkveðn-
um vísum Magnúsar Bjarnfreðs-
sonar, og þá kom í ljós að í
ársbyrjun 1983 keypti Hafskip
happdrættismiða af Bandalagi
jafnaðarmanna fyrir 20.000 kr.,“
sagði Guðmundur Einarsson í gær,
þegar hann var spurður út í fullyrð-
ingu Magnúsar Bjarnfreðssonar
fyrr í vikunm að Alþýðubandalagið
og Bandalag jafnaðarmanna hafi
fengið fjárstuðning úr sjóðum
Hafskips. Guðmundur sagði að BJ
hafi notað sömu fjáröflunaraðferð-
ir og aðrar stjórnmálahreyfingar í
landinu og meðal annars reitt sig á
happdrætti og leitað eftir fjárstuðn-
ingi til fyrirtækja með auglýsingar
og þess háttar. „Það er náttúrlega
ruddaskapur og siðleysi svo út yfir
allt gengur, að jafna þessum fjár-
öflunarleiðum saman við stórgjafir
fjármálaráðherra lýðveldisins til
Guðmundar J. Guðmundssonar
verkalýðsforingja eða þá tengslum
Alberts Guðmundssonar við Haf-
skipsmálið,“ sagði Guðmundur
Einarsson.
Guðmundur sagði að ófræg-
ingarherferð hafi verið í gangi að
undanförnu gegn þeim frétta-
mönnum og stjórnmálamönnum
sem hafi beitt sér í þessu máli og
nefndi hann í því sambandi sam-
þykktir útvarpsráðs og dylgjur um
að annarlegar hvatir liggi að baki
gagnrýni Ólafs Ragnars Grímsson-
ar. „Mín niðurstaða er sú að stór-
tíðinda sé að vænta í Hafskipsmál-
inu, og þessi herferð sé liður í því
að undirbúa jarðveginn," sagði
Guðmundur ennfrémur.
Ekki tókst að ná sambandi við
Magnús Bjarnfreðsson í gær til
þess að fá upplýsingar um hvort
þessar 20.000 kr. í happdrættismið-
um væru þær greiðslur sem hann
átti við að BJ hafi fengið frá
Hafskip. - BG