Tíminn - 13.07.1986, Side 8

8 Tíminn
Sunnudagur 13. júlí 1986
I kappi við tímann
í síðasta Helgar-Tíma birtist
íhugun um nýja starfshætti
fréttastofu sjónvarpsins, þar
sem hraði og ferskleiki sitja í
fyrirrúmi og þar af leiðandi eru
fréttamenn miðilsins á sífelldum
þönum í kappi við tímann.
Ómar Ragnarsson var svo
sannarlega í kappi við tímann
og Tímann við komu nýbakaðs
stórmeistara í manntafli, Jóns
L. Árnasonar, á Keflavíkurflug-
velli. Hertar reglur á vcllinum
Ómar Ragnarsson á bak við
víraflækju í hita og þunga
dagsins. (límamvnd: Pétur)
meina fréttamönnum að taka á
móti þjóðhetjum úti við vélarnar
og mega þeir bíða þeirra við
tollskoðun, en Ómar tók á sprett
yfir bögglafæribandið, smellti
fingrum og fékk umsvifalaust
leyfi til að arka út á flugbraut við
þriðja mann. Blaðamenn fylgdu
að sjálfsögðu eftir sjónvarps-
mönnunum, sem tengdir voru
saman á köplum, hljóðmeistari,
kvikmyndatökumaður og frétta-
maður með hljóðnemann.
Til þess að missa nú örugglega
ekki af fyrsta skrefi stórmeistar-
ans á íslenska jörð varð svo
halarófan að hiaupa með Ómar
MF
Massey Ferguson
DRÁTTARVELAR
LkLJLid Massey Ferguson
ORYGGI
FRAMAR ÖLLU
ER STYRIBUNAÐURINN í LAGI ?
Notið „original“ MF varahluti:
* sterkari
* öruggari
* ódýrari
BUNADARDEILD
SAMBANDSINS
'ÁRMULA3 REVKJAVlK SlMI 38900
í fararbroddi á milli landgöngu-
brúa enda á milli flugvélarinnar
allt þar til Jón L. gekk út
síðastur manna. Það var kyndug
sjón, en hvað leggur maður ekki
á sig fyrir fréttina?
Er Jón L. Árnason steig á
land hljóp upp um hann blaða-
maður Dagblaðsins Vísis og rak
honum rembingskoss, en því
næst hafði Ómar Ragnarsson
við skákmeistarann viðtal.
Á myndinni má sjá Ómar
Ragnarsson, er viðtalinu var
nýlokið, með hljóðnemann enn
í hendinni og í hinni bar hann
farsíma, svo hann gæti bjallað í
samstarfsmenn sína, svo þeir
yrðu nú reiðubúnir er hann flygi
með filmuna í höfn á Frúnni.
Skáldakvöld:
Besti
vinur
ljóðsins
í Norræna
húsinu
Á miðvikudagskvöld í næstu
viku verður haldið skáldakvöld
í Norræna húsinu á vegum Besta
vinar ljóðsins.
Þar lesa úr verkum sínum 10
skáld auk þess sem tvö látin
skáld verða kynnt lítillega og
lesið úr verkum þeirra.
Megináhe^sla er samt sem
áður lögð á að kynna yngri
skáldakynslóðina, þá sem nú er
að hasla sér völl. Þá verða og
fulltrúar tvggja eldri kynslóða.
Eftirtaldir lesa úr verkum
sínum: Jón úr Vör, Vigdís
Grímsdóttir, Gyrðir Elíasson,
Nína Björk Árnadóttir, Kristján
Kristjánsson, Wilhelm Emils-
son, Sjón, Atli Ingólfsson,
Hrafn Jökulsson og Margrét Lóa
Jónsdóttir.
Þau skáld sem Besti vinur
Ljóðsins kynnir að þessu sinni
eru Jóhann Jónsson (1897-1932)
og Sveinn Jónsson, Framtíðar-
skáld (1892-1942).
Jóhann er flestum ljóðaunn-
endum vel kunur fyrir „Söknuð'1
sem talið er eitt magnaðasta
kvæði sem ort hefur verið á
íslensku. Skáldskapur Jóhanns
er að öðru leyti ekki á allra
vörum og verður ráðin dálítil
bót á því.
Færri þekkja nú orðið nokk-
uð til Sveins Jónssonar, er kall-
aður var Framtíðarskáld. Hann
þótti eitt sinn efnilegasta skáld
þjóðarinnar og var mjög upp til
hans litið á skólaárunum fyrir
skáldskapinn - og að auki fyllerí
og kvennafar, Sveinn söðlaði
algerlega um rétt upp úr tvítugs-
aldri og gerðist kaupsýslumaður
í Danmörku og orti lítið eftir
það. Það er Hrafn Jökulsson
sem annast þessar kynningar en
ljóð skáldanna tveggja les Viðar
Eggertsson, leikari.
Kynnir verður Kristján Þórð-
ur Hrafnsson og tónlist annast
Guðjón G. Guðmundsson.
Kaffistofa Norræna hússins
verður opin í tilefni af skálda-
kvöldinu. Samkoman hefst
klukkan níu á miðvikudags-
kvöldið og miðaverð er aðeins
250 krónur.