Tíminn - 26.08.1986, Blaðsíða 3

Þriöjudagur 26. ágúst 1986
Tíminn 3
Landssamband sauðfjárbænda:
Lækkun framleiðslu-
og milliliðakostnaðar
- veröi könnuö til aö halda veröi dilkakjöts niöri til frambúöar
Landssamband sauðfjárbænda
hclt aðalfund sinn um sl. helgi og
voru markaðs- og sölumál aðalmál
fundarins. Fundurinn lagði til að of
feitt kjöt yrði verðfellt þannig að
enginn sæi sér hag í því að haustfita
lamb né framleiða kjöt sem fer í
flokk Il-O. Þessum tilmælum var
beint til sexmannanefndar í fram-
haldi af nýrri reglugerð um kjötmat
sem kveður á um magrara kjöt en
gamla kjötmatsreglugerðin gerði.
Ályktunin um nýjar leiðir til
sölu á lambakjöti sem stjórn L.S.
lagði fyrir stéttarsambandsfund
bænda á Hvanneyri í júlí, var rædd
og breytt örlítið en í jteirri ályktun
felst að kannaðar verði allar hugs-
anlegar leiðir til að lækka fram-
leiðslukostnað bænda og allur
milliliðakostnaður lækki til sam-
ræmis við framleiðslukostnað.
Einnig að kanna hvort ekki sé
grundvöllur fyrir endurgreiðslu
uppsafnaðs söluskatts og að tollar
og vörugjald af tækjum og rekstrar-
vörum verði lækkað.
Fundurinn leggur til að sölu-
jróknun fyrir útflutt kindakjöt mið-
ist framvegis við útflutningsverð
en ekki skráð heildsöluverð innan-
lands eins og nú er. Lögð var
áhersla á að stjórn Landssambands
sauðfjárbænda leitaði allra leiða til
að selja það kjöt sem árlega safnað-
ist upp og liggur í birgðum á
haustin þegar nýtt kjöt er að koma
á markaðinn. Ef lausn á því kjöt-
fjalli fyndist í eitt skipti væri líklegt
að hægt yrði að koma í veg fyrir
kjötbirgðir á haustin framvegis.
Ákvörðun var tekin um að lcngja
sláturtímann á haustin þannig að á
hverju ári væri lengri tími þar sem
hægt væri fyrir neytendur að fá
ófryst kjöt. Samþykkt var ályktun
um að niðurgreiðslur á kjöti verði
fast hlutfall, en ekki eins og verið
hefur að undanförnu að þær séu
mismunandi háar frá einu tímabili
til annars.
Að sögn Jóhannesar Kristjáns-
sonar formanns félags sauðfjár-
bænda var það greinilegur vilji
fundarmanna að kindakjöt fáist á
viðráðanlegu verði og að gæði þess
séu sem allra mest.
Um 50 fulltrúar sauðfjárbænda
sátu fundinn auk fulltrúa frá Kaup-
mannasamtökunum, Sláturfélagi
Suðurlands, matreiðslumenn og
fleiri. Alls sátu fundinn um 70
manns. Matreiðslumenn fluttu er-
indi og sýndu hvernig þeir vinna
kjötið með tilliti til nýtingar.
Starfsmaður markaðsnefndar sagði
frá söluátaki sem verið hefur í
gangi að undanförnu á dilkakjöti
óg hugmyndir um áframhaldandi
söluaðferðir. Fulltrúi Sláturfélags
Suðurlands flutti erindi um slátur-
kostnað og taldi að hægt væri að
lækka hann um 30% með betri
skipulagningu. Landbúnaðarráð-
herra lýsti því ennfremur yfir á
fundinum að nefnd sem hefurstarf-
að að því að undanförnu að kanna
rekstursláturhúsanna myndi leggja
til töluvert miklar breytingar varð-
andi rekstur þeirra að könnun
lokinni.
Að sögn Jóhannesar er þetta í
fyrsta sinn sem gestafyrirlesarar
hafa tekið þátt í fundum Lands-
sambands sauðfjárbænda og taldi
hann það vera nauðsynlegt að allir
þeir sem hagsmuna eiga að gæta,
kæmu skoöunum sínum á framfæri
á fundum með bændum. Með því
móti yrði umræðan frjórri fyrir alla
aðila.
ABS
Hundar þurfa líka stundum að fá sprautu efþá hrjáireinhveróáran. Hér erverið að gefa pcnsilín við tannrótarbólgu.
Þessir hundar voru í pössun er blaðamann bar að garði. Voru þeir orðnir
ærið heimaríkir, geltu að gestkomandi en viðruðu sig upp við umsjónarmann
sinn, Þorvald Þórðarson dýralækni. (límamynd Svemr)
Dýraspítalinn í Víðidal:
Hundar og kettir
teknir í pössun
Dýraspítalinn í Víðidal er eini
staðurinn í Reykjavík og nágrenni
þess sem tekur hunda í gæslu á
meðan eigendur þeirra geta ekki
sinnt þeim af einhverjum orsökum.
Á dýraspítalann koma einnig hundar
sem eru í óskilum og m.a. hefur
lögreglan lykil að hundagirðingu
sem er við spítalann. Þar getur hún
skilað af sér hundum sem finnast á
víðavangi, jafnvel þótt vakt sé ekki
á spítalanum. Síðan er reynt að hafa
upp á eigendum hundanna.
Þorvaldur Þórðarson, einn af
þremur dýralæknum við dýraspítal-
ann sagði að hundagæslan og reynd-
ar kattapössunin líka, væri liður í
því að geta haldið spítalanum opn-
um daglega og að halda heimsóknar-
gjöldum í skefjum. Spítalinn er í
einkaeigu og algjörlega rekinn á
kostnaðargrundvelli. Það eru 9 félög
sem eiga spítalann en þrír dýralækn-
ar sem leigja hann, þótt ekki þeir
sem þar starfa, nema einn.
Starfsemi spítalans er aðallega
tvíþætt, annars vegar er komið með
dýr og þau lögð inn, ef um aðgerð
eða meiriháttar meðferð er að ræða,
hins vegar starfsemi sem fer frani á
stofutíma sem er frá kl. 9.00 til
18.00. Þar er gert við beinbrot,
skurðir saumaðir saman og lyf gefin
við sjúkdómum, svo og ófrjósemis-
aðgerðir og er þá fátt eitt talið.
Bólusetningar, einkum á köttum er
stór liður í starfseminni. T.d. hefur
kattafár sem er veirusjúkdómur ver-
ið skæður af og til, en hægt er að
koma í veg fyrir hann með bólusetn-
ingurn. Þá er bólusett á hverju ári
eftir að tvær bólusetningar hafa farið
fram með ca. 2ja mánaða millibili.
Þorvaldur sagði að í fyrrasumar
hefði geysað kattafár á höfuðborgar-
svæðinu, en minna væri um það í ár.
-ABS
Kettir fá líka inni á dýraspítaianum, enda eiga þeir ekki í mörg hús aö venda
sem stendur frekar en hundar ef eigendur eru aö heiman um tíma.
BOÐI HF. AUGLÝSIR
Vegna fenginnar reynslu í sölu á rafmagnsgirðingum
á íslandi, höfum við hjá Boða hf. ákveðið að versla
beint við framleiðendur á rafmagnsgirðingaefni. Við
munum því hætta að versla í gegnum umboðsaðila í
Danmörku. Með þessu vonumst við til að geta veitt
betri þjónustu á sölu á rafmagnsgirðingum og vænt-
anlega lækkar verð á komandi mánuðum.
Við munum selja girðingar þessar undir vörumerk-
inu
B0DA GIRDINGAR LEIDANDIÁ ÍSLANDI
BOÐI hf
KAPLAHRAUNI 18
220 HAFNARFIRÐI:
S-91.651800
Leitiö frekari upplýsinga hjá sölumönnum í síma 91-651800.