Tíminn - 26.08.1986, Blaðsíða 6

Títninn
MÁLSVARIFRJÁLSLYNDIS, SAMVINNU OG FÉLAGSHYGGJU
Útgefandi: Framsóknarflokkurinn og
Framsóknarfélögin í Reykjavik
Framkvæmdastjóri
Ritstjóri:
Aöstoðarritstjóri:
Fréttastjóri:
Aöstoðarf réttastjóri:
Auglýsingastjóri:
Kristinn Finnbogason
NíelsÁrni Lund
OddurÓlafsson
Guömundur Hermannsson
EggertSkúlason
SteingrímurGíslason
Skrifstofur: Síöumúli 15, Reykjavik. Sími: 686300. Auglýsingasími:
18300. Kvöldslmar: Áskrift og dreifing 686300, ritstjórn 686392 og
686495, tæknideild 686538. Setning og umbrot: Tæknideild Tímans.
Prentun: Blaöaprent h.f. Kvöldsímar: 686387 og 686306
Verð í lausasölu 45.- kr. og 50.- kr. um helgar. Áskrift 450.-
Atvinnuöryggi
Eitt versta böl sem yfir hverja þjóð getur dunið er
atvinnuleysi.
Atvinnuleysi fylgja margs konar hliðarverkanir sem
skaða hvert þjóðfélag. Rótleysi gerir vart við sig, því
fylgja ofbeldisverk og fólk missir trúna á lífið og sjálft
sig.
íslendingar hafa næga og góða atvinnu og hefur eftir
því verið tekið af grannþjóðum okkar hve atvinnuástand
hér er gott. Vonandi verður svo um alla framtíð.
í júlí voru aðeins 0.5% af áætluðum mannafla á
atvinnuleysisskrá sem verður að teljast gott. Til saman-
burðar er fróðlegt að líta á atvinnuleysistölur frá okkar
næstu nágrannalöndum enda okkur tamt að miða við
þær þjóðir.
í Noregi og Svíþjóð er nú 3-4% atvinnuleysi. Þess ber
þó að gæta að í Svíþjóð eru tugir þúsunda manna á
sérstökum námskeiðum sem stjórnvöld vinnumarkaðs-
mála standa fyrir og það fólk telst ekki vera atvinnulaust
enda á launum. Áætla má að falið atvinnuleysi sé þar
um 3-4%. í Finnlandi er atvinnuleysi um 6% og í
Danmörku um 8-9%. Þar fer ástandið batnandi en
atvinnuleysi þar fór upp í 15% þegar verst var.
í Bretlandi er það um 13% og hefur verið það lengi
eða allt frá því að Thatcher stjórnin tók við völdum. Á
írlandi var atvinnuleysi í apríl sl. um 18% og í Belgíu á
bilinu 11 til 13%.
Á þessum tölum má sjá hve ástand atvinnumála hér
á landi er gott. F»ó má aldrei sofna á verðinum og það
er stjórnvalda og aðila vinnumarkaðarins að sjá til þess
að næg atvinna sé fyrir landsmenn.
Þegar núverandi ríkisstjórn greip til harðra efnahags-
aðgerða vorið 1983 var því spáð af andstæðingum
hennar að afleiðingarnar yrðu fjöldaatvinnuleysi. Full-
yrða má að sú neikvæða umræða um atvinnumál og
úrtölutal andstæðinganna var til skaða fyrir mörg
sveitarfélög ekki síst á landsbyggðinni.
Ástæðulaus ótti greip marga og afleiðingin var oft sú
að menn kusu að flytjast búferlum. M.a af þessum sökum
flutti margt fólk af landsbyggðinni til höfuðborgar-
svæðisins. Pessi ótti hefur reynst ástæðulaus enda hefur
verulega dregið úr þeirri byggðaröskun sem var farið að
bera á.
Markmið aðgerða ríkisstjórnarinnar 1983 var að
tryggja að hjól atvinnulífsins snérust áfram og það hefur
tekist.
Það er ekki nóg að fiskur sé í sjónum og að spretta
sé góð heldur verða atvinnufyrirtækin að vera fær um
að halda uppi starfsemi.
Forsætisráðherra hefur hvað eftir annað bent á þessa
staðreynd, hvatt menn til dáða og beitt sér fyrir
nýsköpun í atvinnulífinu. Fessi hvatning og forysta
hefur skilað árangri.
Þá hefur félagsmálaráðherra beitt sér fyrir ýmsum
úrbótum á vinnumarkaðssviðinu. M.a. hefur verið lögð
áhersla á að efla vinnumálaskrifstofu félagsmálaráðu-
neytisins og sett hafa verið ný lög um vinnumiðlun, sem
skapa grundvöll fyrir greiðari tilfærslu á vinnuafli milli
atvinnugreina. Markmið laganna er að styrkja vinnu-
miðlun í landinu sem sífellt verður nauðsynlegri eftir
því sem þjóðfélagið verður fjölbreyttara og þörfin fyrir
menntað starfsfólk á hinurn ýmsu sviðum eykst.
Ríkisstjórninni hefur tekist að ná því markmiði sínu
sem hún setti sér í upphafi og lagði mesta áherslu á að
ná, - atvinnuöryggi í landinu.
6 Tíminn
Þriðjudagur 26. ágúst 1986
Afmæli
Eskifjarðarkaupstaðar
Ibúar Eskifjarðar héldu upp á
200 ára afmæli kaupstaðarréttinda
í síðustu viku. Sannkallaður hátíð-
arblær var á staðnum og lögðust
allir íbúarnir á eitt að gera þessa
hátíðarviku sem eftirminnnileg-
asta.
Hátíðarhöldin náðu hámarki á
afmælisdeginum þann 18. ágúst og
fimmtudaginn 21. ágúst þegar for-
seti Islands kom í heimsókn
Þann 21. ágúst var haldin kvöld-
vaka í félagsheimilinu Valhöll, þar
sem forseti íslands var gestur Esk-
firðinga í opinberri heimsókn til
staðarins, en fyrr um daginn hafði
forsetinn m.a. heimsótt hinar stór-
myndarlegu sýningar sem settar
voru upp í tilefni afmælisins, og
snætt kvöldverð með heimamönn-
um.
Ég brá mér í heimsókn til Eski-
fjarðar þennan dag og hlýddi á
kvöldvökuna í Valhöll.
Öflugur
sjávarútvegsbær
í dag er Eskifjörður um þúsund
manna bæjarfélag hluti af hinu svo
kallaða miðsvæði Austurlands þar
sem þéttbýliskjarnarnir liggja í röð
og eru að tengjast saman með
góðum vegi. Vegurinn um Fagra-
dal sem nú er að verða fullendur-
byggður og áfram yfir Hólmaháls
til Eskifjarðar mun auðvelda
mjög samskipti þessara byggðar-
laga. Brýnt er að bæta vegasam-
bandið við nágrannana á Norð-
firði, en stutt er í þann fjölmenn-
asta þéttbýliskjarna á Austurlandi,
frá Eskifirði. Bættar samgöngur á
þessu svæði eru grundvallaratriði,
þær auðvelda samskiptin og þjappa
íbúunum saman um sín mál.
Utgerð og fiskvinnsla er undir-
staða atvinnulífsins á Eskifirði.
Hann er dæmigerður útgerðarbær
þar sem fram fer verðmætasköpun
fyrir þjóðarbúið. Bæjarfélagið
stendur nú og fellur með því sem
sjórinn gefur af sér.
Nú líður að því að teknar verða
veigamiklar ákvarðanir hvað varð-
ar framtíð byggðarlaganna við
Reyðarfjörð. Verði af byggingu
Kísilmálmverksmiðju, geta orðið
miklar breytingar á næstu árum f
nágrannabyggðarlögunum, Reyö-
arfirði og Eskifirði. Vonandi verð-
ur af þessum framkvæmdum því
það er sannfæring mín að þær
myndu efla atvinnulífið á þessum
stöðum, gera það fjölbreyttara.
Það er til góðs ekki aðeins fyrir
Reyðarfjörð og Eskifjörð, heldur
fyrir Austurland allt. Ég er sann-
færður unt að sjávarútvegurinn
mun halda sínu þegar á heildina er
litið, þótt sviptingar geti orðið
þegar þessar stórframkvæmdir eru
í algleymingi, ef verður.
Hátíðablær
Ég ók sem leið liggur frá Egiis-
stöðum til Eskifjarðar. Mér fannst
hátíðarblær yfir þegar ég ók út
með Reyðarfirði yfir Hólmahálsinn
með Hólmanesið á hægri hönd.
Fjarðarlognið var í algleymingi,
kyrrðin algjör á mildu síðsumar-
kveldi. Þegar upp á Hólmahálsinn
kom, blasti byggðin á Eskifirði við
handan við spegilsléttan fjörðinn
undir Hólmatindi.
Það leyndi sér ekki þegar ekið
var í bæinn að hendur höfðu verið
látnar standa fram úr ermum í
tilefni afmælisins.
Rusl hafði verið fjarlægt, gömul
hús rifin og þau nýrri máluð.
Allir hafa lagst á eitt að snyrta
og prýða og hefur þó Eskifjörður
aldrei verið neitt ójrrifalegur bær.
Árangurinn blasti við augum hinna
fjölmörgu gesta sem heimsóttu
byggðarlagið þessa sumardaga.
Ef til vill hafa hátíðarhöld þau
sem nú eru um garð gengin mest
gildi í því hátíðarskapi og þeirri
samstöðu íbúanna sem skapast ef
vel tekst til. Tengslin við heima-
byggðina verða sterkari með þeirri
samstöðu, sem skapast þegar fólk
tekur sig saman um að prýða byggð
sína með nærfærnum höndum.
Þessi áhrif hátíðarhaldanna eru
sérlega áberandi á Eskifirði.
Söngur, Ijóð og
hljóðfæraleikur
Kvöldvakan í Valhöll var eftir-
minnileg ekki síst fyrir það að
burtfluttir Eskfirðingar höfðu fjöl-
mennt þangað til þess að fagna með
heimamönnum.
Þeir endurfundir voru innilegir,
það fór ekki framhjá neinum.
Kvöldvakan var borin upp af
listamönnum sem höfðu slitið
barnsskónum á Eskifirði og heima-
mönnum sem lögðu nótt við dag í
undirbúningnum.
Það voru engir aukvisar í listum
sem tróðu þarna upp. Má þar
nefna Rögnvald Sigurjónsson,
píanóleikara, Róbert Arnfinnsson
og Ásdísi Skúladóttur leikara og
Einar Braga skáld og rithöfund.
Foreseti íslands hélt ávarp og
færði Eskifjarðarbæ táknæna gjöf,
tvo fjögurra laufa smára, en slík
grös eru gæfumerki sem forsetinn
hafði tínt með eigin hendi á sögu-
slóðum á Vesturlandi, og flutt sem
kveðju austur. Fór henni þar sem
oft áður að hún lagði þar áherslu á
samspil sögunnar og landsins og
lagði áherslu á tengsl milli lands-
hluta með þessum hætti.
Hátíðarhöldin á Eskifirði eru nú
liðin. Þátttakendur þeirra eiga góð-
ar minningar um þessa ágústdaga.
Það sem mest var um vert var að allir
gáfu hluta af sjálfum sér til þess að
þau mættu fara sem best fram og
verða sem eftirminnilegust.
Slíkt er hverjum manni hollt á
tíð sem hellir yfir okkur niður-
soðnu skemmtiefni á myndbönd-
um eða öðru slíku.
Það er ólýsanleg hvíld og reynsla
að setjast í troðfullan sal af fólki og
heyra skáld fara með stutt ljóð,
lesnar sögur eftir okkar bestu höf-
unda, heyra lifandi tóna flygilsins
og fólkið af götunni troða upp og
flytja söng og leik sem það hefur
fórnað frístundum sínum í að æfa.
Bestu þakkir fyrir skemmtunina.
Jón Kristjánsson.