Tíminn - 29.08.1986, Blaðsíða 5

Föstudagur 29. ágúst 1986
Tíminn 5
UTLÖND
lllllillllllllllllll!
lllllllllllll

llllllllllllllllllllll
Líbýa - Bandaríkin:
„Svörum hryðjuverkum
á viðeigandi hátt“
Bandarískir embættismenn hafa
borið á móti því að Bandaríkjastjórn
hafi gert of mikið úr því að Gaddafí
Líhýuleiðtogi hyggist standa fyrir
hryðjuverkaárásum á staði þar sem
Bandaríkin eiga hagsmuna að gæta.
Þeir hafa jafnframt borið á móti því
að hafa nteð orðum eða gerðum,
gert neitt til að ögra Gaddafi. Þeir
hafi einungis reynt að koma í veg
fyrir að hann hæfist handa, enda
hcfðu þeir undir hönduni óvefengj-
anlegar sannanir fyrir ásökunum
sínum.
Larry Speaks, talsmaður Hvíta
hússins sagði: „Við viljum einungis
koma í veg fyrir að Gaddafí geri
nokkuð, en ekki ögra honum." Spe-
aks lét þessi orð falla á fréttamanna-
fundi á miðvikudaginn og sagði hann
að á mánudag hefðu bandarísk
stjórnvöld fengið upplýsingar um
það að Gaddafí væri að undirbúa
hryðjuverkaárásir á bandarísk skot-
mörk í Evrópu. Þá strax gaf hann út
yfirlýsingu að árásum af þessu
tagi yrði svarað á „viðeigandi hátt”.
Nokkur ruglingur komst á frétta-
flutning af þessu máli um miðbik
vikunnar, vegna þess að yfirlýsingar
bandarískra embættismanna stöng-
uðust á. Stórblöðin New York Times
og Washington Post sögðu þannig
l'rá því að ekki væru fyrir hendi
öruggar sannanir um fyrirætlanir
Gaddafís um hryðjuverk og að yfir-
lýsingar Bandaríkjastjórnar væru til
þess ætlaðar að hræða hann til að
gera einhverja vitleysu.
A fréttamannafundinum á mið-
vikudag neitaði Speaks að þcssar
fregnir blaðanna ættu við rök að
styðjast og sagði að Bandaríkja-
stjórn byggði sínar ákvarðanir og
yfirlýsingar á raunverulegum upplýs-
ingurn um stöðuna í þcssurn málum.
„Við höfum gert raunsætt mat á
þessu og það er vilji okkar að
Líbýustjórn sé sér fullkomlega með-
vituð um að stefna okkar (varðandi
viðbrögð við hryðjuverkum) er
óbrcytt,” sagði Speaks.
Eins og kunnugt er gerðu Banda-
ríkjamenn loftárás á Líbýu þann
15. apríl sl. og sögðu þá að það væri
vegna tengsla Gaddafís við hryju-
verkastarfsemi í Evrópu, en Gaddafí
neitaði staðfastlega þeim ásökunum.
Undanfarna daga hefur verið í
gangi sameiginleg flotaæfing Egypta
og Bandaríkjamanna á Miðjarðar-
hafinu og undanfarna tvo daga hefur
flugmóðurskipið Forrestal vcrið á
sveinti norður undan ströndum Eg-
yptalands. Að sögn Larry Speaks er
skipið ekki þarna til að ögra Líbýu-
stjórn, heldur „til þess að láta hana
vita af okkur", eins og hann orðaði
það.
Bandaríkin:
Vilja frjálslegri
landbúnaðarstefnu
Daníel Amstutz aðstoðarland-
búnaðarráðherra í Bandaríkjunum
segir að Bandaríkin muni leita eftir
víðtæku alþjóðlegu samkomulagi á
niðurfellingu niðurgreiðslna og
verndarstefnu í landbúnaði, í GATT
viðræðunum sem fara eiga fram í
Uruguay í næsta mánuði.
Amstutz sagði fréttamanni Reut-
ers að Bandaríkin vildu að í við-
ræðunum um slíkt fjölþjóðlegt sam-
komulag yrði fjallað um útflutnings-
bætur, hömlur á innflutningi land-
búnaðarvara eins og t.d. ákveðna
innflutningskvóta, hollustueftirlit
með kjöti og grænmeti, og með
hvaða hætti unnt væri að tryggja
slíkt samkomulag á vettvangi G ATT
viðræðnanna. Hann sagðist telja að
unnt væri að ná slíku heildarsam-
komulagi, þó það væri erfitt fyrir
ýmsa, því ef ekkert væri að gert
stæðu menn frammi fyriróleysanleg-
um vandamálum í landbúnaðar-
framleiðslu.
Hörð gagnrýni kom fram á vernd-
arstefnu Bandaríkjanna og Evrópu-
bandalagsins á ráðstefnu 14 land-
búnaðarríkja sem haldin var í
Ástralíu í vikunni, og töldu fulltrúar
þar að verndarstefna í landbúnaðar-
framleiðslu í heiminum ógnaði
velferð, afkomuöryggi og jafnvel
lýðræði fjölmargra þriðjaheims
þjóða.
Beina
spjótum
sínum
að flug-
móðurskipi
Norskir hvalveiðimenn til-
kynntu í gær um þá fyrirætlan
sfna, að mótmæla komu banda-
ríska flugmóðurskipsins Nimitz
með því að sigla skipum sínum til
móts við það og beina skutulbyss-
um sínum að hinu risavaxna her-
skipi.
Nimitz á að taka þátt í her-
æfingum í Norður-Noregi í dag.
Talsmaður norsku hvalveiði-
mannanna sagði að líklega
myndu 20-30 hvalveiðibátar sigla
á móti herskipinu, en ástæðuna
sagði hann vera að bandarísk
stjórnvöld hefðu þröngvað hval-
veiðibanni upp á Norðmenn.
Hagsveifluvog
hækkar um 1,1%
Hagsveifluvog bandaríska við-
skiptaráðuneytisins sem er talin
mikilvægur mælikvarði á stefnuna í
þróun efnahagsmála, sveiflaðist upp
um 1,1% í júlí.
Þessi uppsveifla var tilkynnt í gær
og kom hún flestum efnahagssér-
fræðingum nokkuð á óvart, ekki síst
vegna þess að í júní varð sveiflan
niður á við um 0,4%, og á síðustu
dögum og vikum hafa borist fregnir
af slælegri stöðu bandarísks efna-
hagslífs. Þannig hafi hagvöxtur ein-
ungis vaxið um 0,6% á tímabilinu
apríl-júní, og ekkert hafði dregið úr
viðskiptahallanum, sem aldrei hefur
verið meiri í bandarískri efnahags-
sögu.
Seðalbanki Bandaríkjanna brást
við slæmum efnahagshorfum í síð-
ustu viku með því að lækka forvexti
sína úr 6% í 5,5%, og óskaði eftir
því að Þýskaland og Japan fylgdu í
kjölfarið. Nú er hins vegar Ijóst að
ekki verður af vaxtalækkun í Þýska-
landi á næstu dögum, þar sem ekki
var tekin ákvörðun um það á fundi
bankaráðs seðlabankans í gær, en
flestir sérfræðingar búast við sam-
hæfðri vaxtalækkun í Bandaríkjun-
um, Þýskalandi og Japan seinni
partinn í næsta mánuði.
Uppsveiflu hagsveifluvogarinnar
nú, má að stórum hluta rekja til
aukins peningamagns í umferð, sem
aftur má tengja vaxtalækkuninni í
síðustu viku. Margir sérfræðingar
telja að næmi vogarinnar gagnvart
þáttum eins og auknu peningamagni
í umferð, veiki gildi hennar sem
mælikvarða á þróun efnahagslífsins,
en í hagsveifluvogina eru reiknaðir
fjölmargir þættir ss. atvinnuástand,
útlán viðskiptabanka o.fl.
Tuttugu og einn
lést í Soweto
Stjórnvöld í Suður-Afríku hafa
nú viðurkennt að 21 blökkumaður
hafi látið lífið í óeirðum sl. þriðju-
dagskvöld þegar blökkumönnum í
Soweto lenti saman við öryggislög-
reglu stjórnarinnar. Þá hefur upplýs-
ingaskrifstofa stjórnarinnar viður-
kennt að 98 manns hafi særst í
þessum átökum, sem eru þau mcstu
síðan neyðarlögin gengu í gildi fyrir
11 vikum.
Blökkumenn í Soweto hafa ncitað
að greiða húsaleigu sína í mótmæla-
skyni við aðskilnaðarstefnu stjórn-
valda, en átökin brutust út þegar
lögregla og hermenn hugðust bera
fólk, sem hundsað hafði leiguna, út
úr húsum sínum.
Hættulegra
en
Chernobyl!
Sænskir sérfræðingar skýrðu
frá því í gær að sovéskt kjarn-
orkuver í Litháen væri mun
hættulegra en kjarnorkuverið í
Chernobyl. Samkvæmt könnun
sem kjarnorkusérfræðingar hjá
sænsku orkumálastofnuninni
hafa gert, eru öryggisstaðlar í
kjarnorkuverinu Ignalina í Lit-
háen mun lægri, en þeir voru í
Chernobyl. Verið var upphaflega
hannað til þess að geta framleitt
1000 megawött af raforku, en
gerðar hafa verið breytingar á
orkugjafakerfi versins þannig, að
nú framleiðir það um 1500 mega-
wött, eða 500 megawöttum meira
en upphaflega var gert ráð fyrir.
Sérfræðingarnir segja, að eftir
þessar breytingar á kjarnorkuver-
inu, sé ntun erfiðara að tryggja
stöðuga hringrás kælivatns um
kjarná versins. Fari svo að hitinn
í kjarnanum hækki verulega
þannig að starfsmenn missi
stjórnina, megi búast við að ein-
angrun gefi sig og afleiðingin yrði
stórfelldur geislavirkur leki.
Kjarnorkuverið í Ignalina í Lit-
liáen er af sömu gerð og verið í
Chernobyl. og hafa sænskir sér-
fræðingar fylgst grannt með því
síðan í apríl þegar Chernobyl
slysið átti sér stað.
Sænsku sérfræðingarnir segjasl
hafa sex sinnum orðið varir við
minniháttar geislavirkni frá Ig-
nalina síðan það var tekið í
notkun árið 1983, sem bcndir til
veikleika í kælirörunum í kring-
um kjarna versins.
Okkur vantar
umboðsmann strax
í Neskaupstað
Vinsamlegast hafið samband við
Kristínu Haraldsd. s. 91-686300 eða
91-686481
Tíminn
CKCaCMC
IJULI
KP8Í Atvinna
Hjúkrunarfræðingar! Hjúkrunarforstjóra vantar
aö dvalar- og sjúkradeild Hornbrekku Ólafsfiröi frá
1. nóvember. Umsóknarfrestur er til 20. septem-
ber. Upplýsingar gefur forstöðumaður í síma
96-62480.
Kennarar
Ensku- og íslenskukennara vantar viö Héraðsskól-
ann Laugum í S-Þing. Frítt húsnæði og rafmagn
og hiti.
Upplýsingar veita skólastjóri og yfirkennari í síma
96-43112, 96-43113 og 96-43117.